കലഞ്ഞൂരിലെ പാറമടകള്‍ സന്ദര്‍ശിക്കരുതെന്ന് വി.എസിനു വിലക്ക്

June 1st, 2013

പത്തനംതിട്ട: പാറപൊട്ടിക്കലിനെതിരെ ജനകീയ പ്രക്ഷോഭം നടക്കുന്ന പത്തനംതിട്ട ജില്ലയിലെ കലഞ്ഞൂരിലെ പാറമടകള്‍ സന്ദര്‍ശിക്കരുതെന്ന് പ്രതിപക്ഷ നേതാവ് വി.എസ് അച്യുതാനന്തനോട് പത്തനം ജില്ലാകമ്മറ്റി. ഇത് സംബന്ധിച്ച് ജില്ലാ നേതൃത്വം വി.എസിനു കത്തു നല്‍കിയതായാണ് സൂചന. കൊല്ലം-പത്തനം തിട്ട അതിര്‍ത്തി പ്രദേശമായ കലഞ്ഞൂരിലെ പാറഘനനത്തിനെതിരെ ജനകീയ സമര സമിതിയുടെ ആഭിമുഖ്യത്തില്‍ പ്രദേശ വാസികള്‍ സമരം നടത്തി വരികയാണ്. എന്നാല്‍ മുഖ്യധാരാ രാഷ്ടീയ പാര്‍ട്ടികള്‍ ഈ സമരത്തൊട് അനുഭാവം കാണിക്കാതെ ഖനനത്തിനു അനുകൂല നിലപാടാണ് സ്വീകരിച്ചു വരുന്നത്. സമീപ ദിവസങ്ങളില്‍ വി.എസ് കലഞ്ഞൂര്‍ സന്ദര്‍ശിക്കുവാന്‍ ഇടയുണ്ടെന്ന സൂചനയെ തുടര്‍ന്നാണ് പാര്‍ട്ടി ജില്ലാ നേതൃത്വം തടസ്സവുമായി രംഗത്തെത്തിയത്. നൂറുകണക്കിനു തൊഴിലാളികള്‍ ഇവിടെ പണിയെടുക്കുന്നു എന്നാണ് പ്രകൃതിക്കും പരിസര വാസികള്‍ക്കും ഭീഷണിയാ‍യി മാറിയ ഖനനത്തെ അനുകൂലിക്കുന്നവരുടെ നിലപാട്. യാതൊരു തത്വദീക്ഷയുമില്ലാതെ നടക്കുന്ന പാറഖനനം ഗുരുതരമായ പ്രത്യാഘാതമാണ് സൃഷ്ടിക്കുന്നതെന്ന് പരിസരവാസികളും പരിസ്ഥിതി പ്രവര്‍ത്തകരും പറയുന്നു. ഈ ഖനനത്തിനെതിരെ വി.എസ്.രംഗത്ത് വരണമെന്ന് അവര്‍ ആവശ്യപ്പെട്ടിരുന്നു.

- എസ്. കുമാര്‍

വായിക്കുക: , , ,

Comments Off on കലഞ്ഞൂരിലെ പാറമടകള്‍ സന്ദര്‍ശിക്കരുതെന്ന് വി.എസിനു വിലക്ക്

പരിസ്ഥിതി സംരക്ഷണം കാലഘട്ട ത്തിന്റെ ആവശ്യം : നജീബ് മുഹമ്മദ് ഇസ്മയില്‍

May 26th, 2013

najeeb-muhammed-ismail-kmcc-meet-ePathram
ദുബായ് : പരിസ്ഥിതി സംരക്ഷണവും പരിപാലനവും കാലഘട്ട ത്തിന്റെ അനിവാര്യത യാണെന്നും ഭാവി തലമുറ കള്‍ക്ക് അവകാശ പ്പെട്ടതാണ് പ്രകൃതി എന്നും പ്രകൃതിയെ അമിതമായി ചൂഷണം ചെയ്യുന്ന താണ് വര്‍ത്തമാന കാല ദുരന്ത ങ്ങള്‍ക്കു കാരണം എന്നും പ്രമുഖ പരിസ്ഥിതി സാമൂഹിക പ്രവര്‍ത്തകന്‍ നജീബ് മുഹമ്മദ് ഇസ്മയില്‍ അഭിപ്രായപ്പെട്ടു.

പരിസ്ഥിതി ദിനമായ ജൂണ്‍ അഞ്ചിനു ലക്ഷ ത്തിലധികം വൃക്ഷ തൈകള്‍ നട്ടു പിടിപ്പിക്കുന്ന മുസ്ലിംലീഗിന്റെ ഹരിത അജണ്ടക്കു ഐക്യ ദാര്‍ഢ്യം പ്രകടിപ്പിച്ച് ദുബായ് കെ എം സി സി കാസര്‍കോട് മണ്ഡലം കമ്മിറ്റി സംഘടിപ്പിച്ച കെ എം സി സി ഓപ്പണ്‍ ഫോറ ത്തില്‍ പങ്കെടുത്തു സംസാരിക്കുക യായിരുന്നു അദ്ദേഹം.

ആക്ടിംഗ് പ്രസിഡണ്ട് സലിം ചേരങ്കൈ അധ്യക്ഷത വഹിച്ചു. പ്രസിഡണ്ട് പി കെ അന്‍വര്‍ നഹ ഉദ്ഘാടനം ചെയ്തു.

കാസര്‍കോട് ജില്ലയ്ക്ക് പാസ്‌പോര്‍ട്ട് സേവാ കേന്ദ്രം എത്രയും പെട്ടെന്നു അനുവദിക്കണം എന്നാവശ്യപ്പെട്ട് ബന്ധപ്പെട്ട വര്‍ക്ക് കെ എം സി സി ആയിരം ഇ – മെയില്‍ സന്ദേശം അയക്കുന്നതിന്റെ ഉദ്ഘാടനം ജനറല്‍ സെക്രട്ടറി ഇബ്രാഹിം മുറി ചാണ്ടി നിര്‍വ്വഹിച്ചു. മുസ്ലിം യൂത്ത് ലീഗ് സംസ്ഥാന ട്രഷറര്‍ പി എം ഹനീഫിന്റെ ദേവ വിയോഗ ത്തില്‍ അനുശോചിച്ചു. കാസര്‍കോട് മണ്ഡലം എം എല്‍ എ, എന്‍ എ നെല്ലിക്കുന്ന് ടെലി ഫോണിലൂടെ ഓപ്പണ്‍ ഫോറത്തെ അഭിസംബോധന ചെയ്തു.

യൂത്ത് ലീഗ് കാസര്‍കോട് ജില്ലാ സെക്രട്ടറി അഷ്‌റഫ് എടനീര്‍, കെ എം സി സി നേതാക്കളായ ഹനീഫ് ചെര്‍ക്കള, അബ്ദുല്ല ആറങ്ങാടി, എരിയാല്‍ മഹ്മൂദ്കുഞ്ഞി, മുനീര്‍ ചെര്‍ക്കള, ഗഫൂര്‍ എരിയാല്‍, ഖലീല്‍ പതിക്കുന്ന്, സി എച്ച് നൂറുദ്ദിന്‍ കാഞ്ഞങ്ങാട്, യൂസഫ് മുക്കൂട്, മുഹമ്മദ് അലി തൃക്കരിപ്പൂര്‍, മുനീര്‍ ബെന്താട്, ഷബീര്‍ കീഴൂര്‍, അയ്യൂബ് ഉറുമി, ഡോ. ഇസ്മയില്‍, ഷരീഫ് പൈക്ക, സുബൈര്‍ മൊഗ്രാല്‍ പുത്തൂര്‍, റഹിം ചെങ്കള, പി ടി നൂറുദ്ദിന്‍ ആറാട്ടുകടവ്, സത്താര്‍ ആലംപാടി തുടങ്ങിയവര്‍ സംസാരിച്ചു.

ജനറല്‍ സെക്രട്ടറി സലാം കന്യാപ്പാടി സ്വാഗതവും ട്രഷറര്‍ ഫൈസല്‍ പട്ടേല്‍ നന്ദിയും പറഞ്ഞു.

- കറസ്പോണ്ടന്‍റ്

വായിക്കുക: , ,

Comments Off on പരിസ്ഥിതി സംരക്ഷണം കാലഘട്ട ത്തിന്റെ ആവശ്യം : നജീബ് മുഹമ്മദ് ഇസ്മയില്‍

പരിസ്ഥിതി ദുർബല പ്രദേശങ്ങൾ അംഗീകരിക്കില്ലെന്ന് ഉമ്മൻ ചാണ്ടി

May 9th, 2013

oommen-chandy-epathram

തിരുവനന്തപുരം. പശ്ചിമ ഘട്ടത്തിലെ ജനവാസമുള്ള പ്രദേശങ്ങളൊന്നും പരിസ്ഥിതി ദുർബല പ്രദേശങ്ങളായി അംഗീകരിക്കാൻ തയ്യാറല്ലെന്ന് കേരള മന്ത്രിസഭ തീരുമാനിച്ചു. ഇത്തരത്തിലുള്ള ഏതു നീക്കവും സർക്കാർ എതിർക്കുമെന്നും മന്ത്രിസഭാ യോഗത്തിൽ തീരുമാനമായി. കെ. കസ്തൂരിരംഗന്റെ നേതൃത്വത്തിലുള്ള സമിതി 22 പ്രദേശങ്ങളെ പരിസ്ഥിതി ദുർബലമാണെന്ന് കണ്ടെത്തിയിരുന്നു.

ഏലത്തോട്ടങ്ങളിൽ വൻ തോതിൽ വന നശീകരണം നടക്കുന്നുണ്ടെന്ന കണ്ടെത്തൽ എതിർത്ത മുഖ്യമന്ത്രി ഉമ്മൻ ചാണ്ടി ഏലത്തോട്ടങ്ങൾ പരിസ്ഥിതി ദുർബലമാണെന്ന വാദം അംഗീകരിക്കാൻ ആവില്ല എന്ന് മാദ്ധ്യമങ്ങളോട് പറഞ്ഞു. മറ്റു സംസ്ഥാങ്ങങ്ങളെ അപേക്ഷിച്ച് പരിസ്ഥിതി സമ്രക്ഷിക്കുന്ന കാര്യത്തിൽ കേരളം ബഹുദൂരം മുന്നിലാണ് എന്ന് അവകാശപ്പെട്ടു.

- ജെ.എസ്.

വായിക്കുക: ,

Comments Off on പരിസ്ഥിതി ദുർബല പ്രദേശങ്ങൾ അംഗീകരിക്കില്ലെന്ന് ഉമ്മൻ ചാണ്ടി

ലുലുവിൽ ജൈവ പച്ചക്കറികൾ ലഭ്യമാക്കും : യൂസഫലി

April 25th, 2013

ma-yousufali-epathram

അബുദാബി : പ്രാദേശികമായി ഉത്പാദിപ്പിക്കുന്ന ജൈവ പച്ചക്കറികള്‍ വിപണനം ചെയ്യാന്‍ ലുലു ഗ്രൂപ്പ് ഇന്റര്‍നാഷണല്‍ അബുദാബി യിലെ സായ്ദ് ഹയര്‍ ഓര്‍ഗനൈ സേഷനുമായി ധാരണ യില്‍ എത്തി. ഇത്‌ സംബന്ധിച്ച ധാരണാ പത്ര ത്തില്‍ സായിദ് ഹയര്‍ ഓര്‍ഗനൈ സേഷന്‍ ഡെപ്യൂട്ടി ചെയര്‍മാന്‍ മുഹമ്മദ് ഫദല്‍ അല്‍ഹമേലി യും ലുലു ഗ്രൂപ്പ് എം. ഡി. എം.എ. യൂസഫലിയും ഒപ്പുവെച്ചു.

യു. എ. ഇ. രാഷ്ട്ര പിതാവ് ശൈഖ് സായിദ് അല്‍ നഹ്യാന്‍ രൂപം നല്കിയ ‘സായ്ദ് ഹയര്‍ ഓര്‍ഗനൈസേഷ’ന്റെ കീഴിലുള്ള കൃഷിപ്പാട ങ്ങളിലാണ് ജൈവ പച്ചക്കറികള്‍ ഉത്പാദി പ്പിക്കുന്നത്. ശാരീരികവും മാനസിക വുമായി ദൗര്‍ബല്യ മുള്ള യു. എ. ഇ. പൗരന്മാരും ഇവിടെ ജോലി ചെയ്യുന്നുണ്ട്.

ഇവരെ സമൂഹ ത്തിന്റെ മുഖ്യ ധാര യിലേക്ക് കൊണ്ടു വരാനുള്ള പരിശ്രമ മാണ് സായ്ദ് ഹയര്‍ ഓര്‍ഗനൈസേഷന്‍ നടത്തുന്നത്. രാസ വളങ്ങള്‍ ഒഴിവാക്കി യാണ് പച്ചക്കറി കൃഷി നടത്തുന്നത്. പ്രതിമാസം 30,000 കിലോഗ്രാം പച്ചക്കറി യാണ് ഇവിടെ നിന്ന് ലുലു ഗ്രൂപ്പ് സ്വീകരിക്കുക. ക്രമേണ ഇവര്‍ ഉത്പാദിപ്പിക്കുന്ന പച്ച ക്കറി മറ്റ് രാജ്യ ങ്ങളി ലേക്ക് കയറ്റുമതി ചെയ്യാനും ലുലു ഗ്രൂപ്പ് തയ്യാറാണെന്ന് എം. ഡി. എം. എ. യൂസഫലി പറഞ്ഞു.

അബുദാബി സോഫിടെല്‍ ഹോട്ട ലില്‍ നടന്ന ചടങ്ങില്‍ ലുലു ഗ്രൂപ്പ് ഇന്റര്‍നാഷണല്‍ ഡയറക്ടര്‍മാരായ അഷറഫലി, സലിം അലി, സായ്ദ് ഹയര്‍ ഓര്‍ഗനൈസേഷന്‍ ഭാരവാഹികള്‍, കൃഷിക്കാര്‍ എന്നിവരും പങ്കെടുത്തു.

- കറസ്പോണ്ടന്‍റ്

വായിക്കുക: , ,

Comments Off on ലുലുവിൽ ജൈവ പച്ചക്കറികൾ ലഭ്യമാക്കും : യൂസഫലി

യു. എ. ഇ. അടക്കം വിവിധ ഗള്‍ഫ്‌ രാജ്യ ങ്ങളില്‍ ഭൂചലനം

April 16th, 2013

abudhabi-mushrif-mall-earth-quake-16-4-2013-ePathram
അബുദാബി : തലസ്ഥാന നഗരിയായ അബുദാബി, ദുബായ്‌, ഷാര്‍ജ എന്നിവയ്ക്ക് പുറമേ മറ്റു ഗള്‍ഫ്‌ രാജ്യ ങ്ങളിലും ശക്തമായ ഭൂചലനം അനുഭവപ്പെട്ടു. മുശ്രിഫ്‌ മാള്‍, പഴയ പാസ്പ്പോര്‍ട്ട് റോഡ്‌, നജ്ട, അബുദാബി മാള്‍,സലാം സ്ട്രീറ്റ്‌, ടൂറിസ്റ്റ്‌ ക്ലബ്‌ ഏരിയ, ഖാലിദിയ എന്നിവിട ങ്ങളിലെ ഒട്ടുമിക്ക കെട്ടിട ങ്ങളിലും താമസക്കാരും ഓഫീസ് സ്റ്റാഫുകളും ഭൂചലനം അനുഭവപ്പെട്ട ഉടനെ താഴേക്ക്‌ കുതിക്കുക യായിരുന്നു.

ഉച്ചക്ക് 2:40 നു ആയിരുന്നു ഭൂചലനം. അബുദാബി മാളിന് മുന്നില്‍ വന്‍ ജന പ്രവാഹ മായിരുന്നു. അകത്ത് നിന്നും താഴേക്കു വരുന്നവരെ സെക്യൂരിറ്റിക്കാര്‍ ശാന്തരാക്കി റോഡിനു വശത്തേക്ക്‌ മാറ്റുക യായിരുന്നു.

ഏപ്രില്‍ ഒന്‍പതാം തിയതി ചൊവ്വാഴ്ച ഇറാനിലുണ്ടായ ഭൂചലന ത്തിന്റെ ഭാഗമായി യു. എ. ഇ. യുടെ വിവിധ ഭാഗങ്ങളില്‍ ചെറിയ തോതില്‍ ഭൂചലനം അനുഭവപ്പെട്ടെങ്കിലും അബുദാബി യിലെ ചിലയിടങ്ങളില്‍ അതിന്റെ തീവ്രത ഉണ്ടായിരുന്നില്ല.

അതിലും എത്രയോ ഭയാനക മായ ഒരു അവസ്ഥ യാണ് ഇന്ന് കണ്ടത്. പലരും അവരുടെ അനുഭവങ്ങള്‍ മറ്റുള്ളവരുമായി പങ്കു വെക്കുന്ന കാഴ്ചകളാണ് പല കെട്ടിട ങ്ങള്‍ക്ക് താഴെയും ആളുകള്‍ കൂടി നിന്ന സ്ഥല ങ്ങളില്‍ കാണാന്‍ കഴിഞ്ഞത്.

സോഷ്യല്‍നെറ്റ്വര്‍ക്ക് മാര്‍ഗം വാര്‍ത്ത അറിഞ്ഞ പലരും കെട്ടിട ങ്ങളില്‍ നീന്നും ഇറങ്ങുകയും ചെയ്തു. കേരള ത്തില്‍ഭൂമികുലുക്കം ഉണ്ടായില്ലെങ്കിലും ഗള്‍ഫ്‌ രാജ്യ ങ്ങളിലെ വാര്‍ത്ത അറിഞ്ഞു നാട്ടില്‍ നിന്നും പരിഭ്രാന്തരായി പലരെയും വിളിക്കുന്നുമുണ്ടായിരുന്നു.

– തയ്യാറാക്കിയത് : അബൂബക്കര്‍ പുറത്തീല്‍, അബുദാബി

- കറസ്പോണ്ടന്‍റ്

വായിക്കുക: ,

Comments Off on യു. എ. ഇ. അടക്കം വിവിധ ഗള്‍ഫ്‌ രാജ്യ ങ്ങളില്‍ ഭൂചലനം

Page 20 of 28« First...10...1819202122...Last »

« Previous Page« Previous « ഗുരുപ്രണാമം : കലാകാരന്മാരെ ആദരിച്ചു
Next »Next Page » ഡസർട്ട് ഫാന്റസി 2013 : ഏപ്രിൽ 18 ന് ദോഹ യില്‍ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha