നിള ചരിത്രം കുറിച്ചു

March 27th, 2025

hex-20-nila-satellite-epathram

തിരുവനന്തപുരം: ഇന്ത്യൻ ബഹിരാകാശ രംഗത്ത് ചരിത്രം കുറിച്ച് കൊണ്ട് തിരുവനന്തപുരം ആസ്ഥാനമായ ഹെക്സ്20 എന്ന സ്ഥാപനം ആദ്യമായി ഒരു സ്വകാര്യ ഉപഗ്രഹം വിജയകരമായി ഭ്രമണപഥത്തിൽ എത്തിച്ചു. മലയാളി സംരംഭകരായ എം. ബി. അരവിന്ദ്, ലോയ്ഡ് ജേക്കബ്, അമൽ ചന്ദ്രൻ, അനുരാഗ് രഘു എന്നിവരുടെ സ്ഥാപനമായ ഹെക്സ്20 സ്വന്തമായി വികസിപ്പിച്ചെടുത്ത ഉപഗ്രഹം മാർച്ച് 15ന് സ്പേസ് ഏക്സ് ൻ്റെ ട്രാൻസ്പോർട്ടർ-13 ആണ് വിക്ഷേപിച്ചത്. ആദ്യമായാണ് ഒരു ഇന്ത്യൻ സ്വകാര്യ ഉപഗ്രഹം ഇത്തരത്തിൽ വിക്ഷേപിക്കപ്പെടുന്നത്. ഭാരതപ്പുഴയുടെ പേരിലും തിരുവനന്തപുരം ടെക്നോപാർക്കിൽ ഹെക്സ്20 ആസ്ഥാനം സ്ഥിതി ചെയ്യുന്ന കെടിടത്തിൻ്റെ പേര് നിള എന്നായതുമാണ് ഉപഗ്രഹത്തിന് നിള എന്ന് നാമകരണം ചെയ്യാൻ കാരണമായത്.

hex20-founders-epathram

 
ഉപഗ്രഹത്തിൽ നിന്ന് വിക്ഷേപിച്ചതിൻ്റെ അടുത്ത ദിവസം ആദ്യ സിഗ്നൽ ഭൂമിയിൽ എത്തിയതായി സാങ്കേതിക വിദഗ്ദ്ധർ അറിയിച്ചു.

തിരുവനന്തപുരത്തെ മരിയൻ കോളജ് ഓഫ് എഞ്ചിനിയറിംഗിൽ വിദ്യാർത്ഥികളുടേയും അദ്ധ്യാപകരുടേയും സജീവ പങ്കാളിത്തത്തോടെ ഉപഗ്രഹത്തിൻ്റെ പ്രവർത്തനങ്ങൾ നിരീക്ഷിക്കുന്ന ഒരു ഗ്രൗണ്ട് സ്റ്റേഷൻ സജ്ജമാക്കിയിട്ടുണ്ട്.

5 കിലോയിൽ കുറവ് ഭാരം വരുന്ന ഉപഗ്രഹമാണ് ഇപ്പോൾ വിക്ഷേപിച്ചത്. അടുത്ത പടിയായി 50 കിലോ ഭാരമുള്ള ഒരു ഉപഗ്രഹം ഇന്ത്യയുടെ ഐ. എസ്. ആർ. ഓ.യുടെ പി. എസ്. അൽ. വി. ദൗത്യത്തിൻ്റെ ഭാഗമായി ഈ വർഷം അവസാനം വിക്ഷേപിക്കാൻ പദ്ധതിയുണ്ട് എന്ന് കമ്പനിയുടെ സ്ഥാപകരിൽ ഒരാളായ അനുരാഗ് രഘു അറിയിച്ചു.

ഇത്തരമൊരു സംരംഭം ടെക്നോപർക്കിൻ്റെ ഭാഗമായി സ്പേസ് എക്സുമായി ചേന്ന് വിജയകരമായി പൂർത്തിയാക്കിയതിൽ ഏറെ അഭിമാനമുണ്ടെന്ന് ടെക്നോപാർക്ക് സി. ഇ. ഓ. സംജീവ് നായർ അറിയിച്ചു.

- ജെ.എസ്.

വായിക്കുക: , ,

Comments Off on നിള ചരിത്രം കുറിച്ചു

ഇരുപതാം വാർഷിക സമ്മേളനം ഫെബ്രുവരി 23 നു അജ്മാനിൽ

February 21st, 2025

friends-of-kssp-uae-committee-20-th-annual-meeting-on-2025-feb-23-ePathram
അജ്‌മാൻ : ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്ത് യു. എ. ഇ. വാർഷിക സമ്മേളനം 2025 ഫെബ്രുവരി 23 ഞായറാഴ്ച അജ്മാനിലെ അൽ അമീർ ഇംഗ്ലീഷ് സ്‌കൂളിൽ വെച്ച് നടക്കും എന്ന് ഭാരവാഹികൾ വാർത്ത കുറിപ്പിൽ അറിയിച്ചു.

രാവിലെ പത്ത് മണിക്ക് തുടക്കമാവുന്ന സമ്മേളനം, പരിഷത്ത് സംസ്ഥാന പ്രസിഡണ്ട് ടി. കെ. മീരാ ഭായ് ടീച്ചർ ഉദ്ഘാടനം ചെയ്യും. ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്ത് സംഘടനാ പ്രസിഡണ്ട് അജയ് ഫിലിപ്പ് അദ്ധ്യക്ഷത വഹിക്കും.

പ്രവാസികൾക്കിടയിൽ വിശേഷിച്ചും കുട്ടികളിൽ ശാസ്ത്ര ബോധവും യുക്തി ചിന്തയും മാനവികതയും ഊട്ടി യുറപ്പിക്കുവാൻ ഉതകുന്ന നിരവധി പരിപാടികൾ ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്ത് സംഘടിപ്പിച്ചു വരുന്നു.

വിവരങ്ങൾക്ക് : 052 977 1585, 050 309 7209

- pma

വായിക്കുക: , , , ,

Comments Off on ഇരുപതാം വാർഷിക സമ്മേളനം ഫെബ്രുവരി 23 നു അജ്മാനിൽ

മാധവ് ഗാഡ്ഗില്ലിന് യു. എന്‍. ഇ. പി. ‘ചാംപ്യന്‍സ് ഓഫ് ദി എര്‍ത്ത്’ പുരസ്‌കാരം സമ്മാനിക്കും.

December 11th, 2024

ecologist-madhav-gadgil-ePathram
യുണൈറ്റഡ് നേഷന്‍സ് എന്‍വയോണ്‍മെന്റ് പ്രോഗ്രാമിൻ്റെ (യു. എന്‍. ഇ. പി.) 2024 ലെ ചാംപ്യന്‍സ് ഓഫ് ദി എര്‍ത്ത് എന്ന ലൈഫ് ടൈം അച്ചീവ്മെന്റ് പുരസ്‌കാരം മാധവ് ഗാഡ്ഗില്ലിന് സമ്മാനിക്കും.

പരിസ്ഥിതി മേഖലയില്‍ യു. എന്‍. നല്‍കുന്ന ഏറ്റവും ഉന്നത ബഹുമതിയാണ് ചാംപ്യന്‍സ് ഓഫ് ദി എര്‍ത്ത്. പശ്ചിമ ഘട്ടവുമായി ബന്ധപ്പെട്ട് ഗാഡ്ഗിൽ നടത്തിയ ഇടപെടലുകളും പ്രവര്‍ത്തനങ്ങളും വളരെയധികം ശ്രദ്ധിക്കപ്പെട്ടിട്ടുണ്ട്.

- pma

വായിക്കുക: , , , , ,

Comments Off on മാധവ് ഗാഡ്ഗില്ലിന് യു. എന്‍. ഇ. പി. ‘ചാംപ്യന്‍സ് ഓഫ് ദി എര്‍ത്ത്’ പുരസ്‌കാരം സമ്മാനിക്കും.

വ്യാജ വാർത്തകൾ കണ്ടെത്തൽ : പാഠ്യ പദ്ധതിയിൽ ഉൾപ്പെടുത്തി ബ്രിട്ടൻ

August 12th, 2024

indian-students-britain-epathram
ഓൺ ലൈൻ വഴി പ്രചരിക്കുന്ന വ്യാജ വാർത്തകളും ആളുകളെ തെറ്റിദ്ധരിപ്പിക്കുന്നതും ദുരുദ്ദേശ്യത്തോടെ ഉള്ള ഹെഡ്‌ ലൈനുകളും തിരിച്ചറിയാൻ ബ്രിട്ടണിലെ വിദ്യാർത്ഥികളെ പ്രാപ്തരാക്കും. ഇതിനായി പുതിയ പാഠ്യപദ്ധതി നിലവിൽ വരും എന്ന്  വിദ്യാഭ്യാസ വകുപ്പ്.

വിമർശനാത്മക ചിന്ത വളർത്തുന്ന തരത്തിലുള്ള പാഠ്യ പദ്ധതി പരിഷ്കാരങ്ങളിലൂടെ സാമൂഹിക മാധ്യമ ങ്ങളിൽ പ്രചരിക്കുന്ന തെറ്റായ വാർത്തകൾ, തീവ്ര ചിന്താ ഗതികൾ, ഗൂഢാലോചനാ സിദ്ധാന്തങ്ങൾ, മറ്റു വിദ്വേഷ പ്രചരണങ്ങൾ എന്നിവ തിരിച്ചറിയാൻ കുട്ടികളെ പ്രാപ്തരാക്കുകയാണ് പുതിയ പാഠ്യ പദ്ധതി യുടെ ലക്ഷ്യം.

ഇംഗ്ലീഷ്, കംപ്യൂട്ടർ എന്നീ വിഷയങ്ങളുടെ ഭാഗമായി പ്രൈമറി, സെക്കൻഡറി ക്ലാസ്സുകളിലെ വിദ്യാർത്ഥി കൾക്കാണ് പരിശീലനം നൽകുക. അടുത്ത അധ്യയന വർഷം മുതൽ പുതിയ പരിഷ്കരണങ്ങൾ പ്രാബല്യ ത്തിൽ വരും എന്ന് ടെലഗ്രാഫ് റിപ്പോർട്ട് ചെയ്തു. ഇംഗ്ലണ്ടിലെ സൗത്ത്‌ പോർട്ട് ആക്രമണത്തെ തുടർന്ന് രാജ്യത്ത് ക്രമ സമാധാന പ്രശ്നങ്ങൾ ഉടലെടുത്ത സാഹചര്യത്തിലാണ് ഈ തീരുമാനം.

സൗത്ത്‌ പോർട്ടിൽ ജൂലായ് 29 നു നൃത്ത പരിപാടികൾ നടന്നപ്പോൾ മൂന്നു കുട്ടികൾ കുത്തേറ്റു മരിച്ചിരുന്നു. പിടിയിലായ അക്രമി മുസ്ലിമായ കുടിയേറ്റക്കാരൻ എന്നൊരു വ്യാജ വാർത്ത സാമൂഹിക മാധ്യമങ്ങളിൽ പ്രചരിച്ചതോടെ രാജ്യത്തുടനീളം കുടിയേറ്റക്കാർക്കു നേരേ ആക്രമണങ്ങൾ തുടങ്ങി.

ഇതേ തുടർന്നാണ് വ്യാജ വാർത്തകളെ കുറിച്ച് തിരിച്ചറിയാൻ പുതിയ പാഠ്യ പദ്ധതി നിലവിൽ വരുന്നത്

- pma

വായിക്കുക: , , , , , ,

Comments Off on വ്യാജ വാർത്തകൾ കണ്ടെത്തൽ : പാഠ്യ പദ്ധതിയിൽ ഉൾപ്പെടുത്തി ബ്രിട്ടൻ

1300 കോടി വർഷം പഴക്കമുള്ള തമോദ്വാരം കണ്ടെത്തി

January 19th, 2024

blackhole-epathram

കാംബ്രിഡ്ജ്: നാസയുടെ ജെയിംസ് വെബ് ബഹിരാകാശ ദൂരദർശിനിയുടെയും ചന്ദ്ര എക്സ് റേ നിരീക്ഷണകേന്ദ്രത്തിൻ്റേയും സഹായത്തോടെ ഇന്നേവരെ കണ്ടെത്തിയതിൽ വെച്ച് ഏറ്റവും പഴക്കമേറിയ തമോദ്വാരം (ബ്ളാക്ക് ഹോൾ) കാംബ്രിഡ്ജ് സർവകലാശാലയിലെ ശാസ്ത്രജ്ഞർ കണ്ടെത്തി. 1300 കോടി വർഷം പഴക്കമുള്ള തമോദ്വാരമാണ് കണ്ടെത്തിയത്.

പ്രപഞ്ചോൽപ്പത്തിക്ക് നിദാനമായ ബിഗ് ബാങ്ങിന് ശേഷം നാൽപ്പത് കോടി വർഷങ്ങൾ കഴിഞ്ഞാണ് ഈ തമോദ്വാരം രൂപപ്പെട്ടത് എന്നാണ് നിഗമനം.

നേച്ചർ ജേർണലിൽ ശാസ്ത്രജ്ഞർ പ്രസിദ്ധീകരിച്ച കണ്ടെത്തലിൽ ഈ തമോദ്വാരത്തിന് സൂര്യനേക്കാൾ ദശലക്ഷം മടങ്ങ് ഭാരമുണ്ട് എന്ന് വെളിപ്പെടുത്തുന്നു.

- ജെ.എസ്.

വായിക്കുക: ,

Comments Off on 1300 കോടി വർഷം പഴക്കമുള്ള തമോദ്വാരം കണ്ടെത്തി

Page 1 of 1612345...10...Last »

« Previous « കെ. എസ്. സി. യുവജനോത്സവം : ജനുവരി 21 മുതൽ
Next Page » കൂടത്തായി കേസിലെ രണ്ടാം പ്രതി നെറ്റ്ഫ്ലിക്സിന് എതിരെ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha