‘എക്സ്പോ – ഇഫിയ 2013 – 14’

November 13th, 2013

efia-expo-2013-emirates-future-academy-ePathram
അബുദാബി : മുസ്സഫ യിലെ എമിറേറ്റ്സ് ഫ്യുച്ചർ ഇന്റർ നാഷണൽ അക്കാദമിയിൽ സംഘടിപ്പിച്ച ‘എക്സ്പോ – ഇഫിയ 2013 – 14‘ എന്ന സയൻസ് എക്സിബിഷൻ വിദ്യാര്‍ത്ഥി കളുടെ പങ്കാളിത്തം കൊണ്ട് ശ്രദ്ധേയമായി.

നഴ്സറി തലം മുതല്‍ പ്ലസ് ടു വരെയുള്ള വിദ്യാര്‍ത്ഥി കളുടെ ശാസ്ത്ര വൈഭവം പ്രകടമായ എക്സ്പോ യില്‍ ശാസ്ത്ര പ്രദര്‍ശന ത്തോടൊപ്പം തന്നെ കലയും സാഹിത്യവും സമൂഹ്യ പാഠ വും സമന്വയിപ്പിച്ചിരുന്നു.

ഒട്ടനവധി മലയാളി വിദ്യാര്‍ത്ഥികള്‍ പഠിക്കുന്ന ഇഫിയാ യില്‍ മലയാ‍ള ഭാഷ യേയും സാഹിത്യ ത്തേയും സംസ്കാര ത്തേയും പുതിയ തലമുറക്കു പരിചയപ്പെടുത്തുന്ന തിനായി പ്രത്യേക പ്രദര്‍ശന സ്റ്റാളുകള്‍ ഉള്‍ക്കൊള്ളി ച്ചിരുന്നു. വിദ്യാര്‍ഥികളും അദ്ധ്യാപകരും ചേര്‍ന്ന ഒരു കൂട്ടായ്മയിലൂടെ യാണ് ഇത്രയും വിപുലമായ ഈ ശാസ്ത്ര പ്രദര്‍ശനം ഒരുക്കിയത്. മനുഷ്യന്റെ നാഡീ വ്യൂഹം, ജല സേചന സംവിധാനം, മഴവെള്ള സംഭരണം, കാറ്റാറ്റി യന്ത്രം, വൈദ്യുതി ഉല്പാദനം, അഗ്നിപര്‍വ്വതം, റോബോട്ടുകള്‍ എന്നിവയെല്ലാം കുട്ടികള്‍ ഒരുക്കി യിരുന്നു.

എന്‍. ടി. എസ്. ഗ്രൂപ്പ് ചെയര്‍മാന്‍ ഡോക്ടര്‍ ഫ്രാന്‍സിസ് ക്ലീറ്റസ് എക്സ്പോ ഇഫിയ ഉല്‍ഘാടനം ചെയ്തു. സ്കൂള്‍ പ്രിന്‍സിപ്പല്‍ ശിബാന്ധി ഭൌമിക്, വൈസ് പ്രിന്‍സിപ്പല്‍ വിനായകി, മറ്റു അദ്ധ്യാപകരും പരിപാടികല്‍ക്കു നേതൃത്വം നല്‍കി. സജി ഉമ്മന്‍, രവി സമ്പത്ത്, സാമുവല്‍ ആലേയ് തുടങ്ങിയവര്‍ സംബന്ധിച്ചു.

- കറസ്പോണ്ടന്റ്

വായിക്കുക: , , ,

Comments Off on ‘എക്സ്പോ – ഇഫിയ 2013 – 14’

കൂടംകുളം ആണവോര്‍ജ്ജ നിലയത്തില്‍ വൈദ്യുതി ഉല്പാദനം തുടങ്ങി

October 22nd, 2013

ചെന്നൈ:പ്രതിഷേധങ്ങള്‍ക്കിടെ കൂടംകുളം ആണവോര്‍ജ്ജ നിലയത്തില്‍ നിന്നും പരീക്ഷണാടിസ്ഥാനത്തില്‍ വൈദ്യുതി ഉല്പാദനം ആരംഭിച്ചു. 1,000 മെഗാവാട്ട് ശേഷിയുള്ള ഒന്നാം റിയാക്ടറില്‍ നിന്നും ഇന്ന് പുലര്‍ച്ചെ 2.45 നു ആണ് ഉല്പാദനം ആരംഭിച്ചത്. രണ്ടു മണിക്കൂറിനു ശേഷം ഉല്പാദനം നിര്‍ത്തിവച്ചു. 160 മെഗാവാട്ട് വൈദ്യുതിയാണ് ഇപ്രകാരം ഉല്പാദിപ്പിച്ചത്. പരീക്ഷണ ഉല്പാനത്തെ കുറിച്ച് വിശദമായി പഠനംനടത്തിയ ശേഷം കൂടുതല്‍ ഉല്പാദനം ആരംഭിക്കും. ആണവോര്‍ജ്ജ നിയന്ത്രണ ബോര്‍ഡിന്റെ കൂടുതല്‍ പരിശോധനകളും നടക്കേണ്ടതുണ്ട്. ഉല്പാദനം ആരംഭിച്ചാല്‍ തമിഴ്‌നാട്, കേരളം, കര്‍ണ്ണാടക, പുതുച്ചേരി എന്നിവിടങ്ങളിലേക്ക് ഈ നിലയത്തില്‍ നിന്നും വൈദ്യുതി ലഭിക്കും. റഷ്യന്‍ സഹകരണത്തോടെ 13,000 കോടി രൂപ ചിലവിട്ടാണ് നിലയം സ്ഥാപിച്ചത്. ആണവോര്‍ജ്ജ നിലയത്തിനെതിരെ ശക്തമായ ജനകീയ പ്രക്ഷോഭമാണ് നിലനില്‍ക്കുന്നത്.

- എസ്. കുമാര്‍

വായിക്കുക: , ,

Comments Off on കൂടംകുളം ആണവോര്‍ജ്ജ നിലയത്തില്‍ വൈദ്യുതി ഉല്പാദനം തുടങ്ങി

പ്രകൃതി യുമായി ഇണങ്ങി ചേര്‍ന്ന് സമ്മര്‍ ക്യാമ്പിലെ കുരുന്നുകള്‍

August 31st, 2013

samajam-tree-in-summer-camp-2013-ePathram
അബുദാബി : പുതിയ തലമുറയെ പ്രകൃതി യുമായി കൂടുതൽ അടുപ്പി ക്കുന്നതിനു വേണ്ടി അബുദാബി മലയാളി സമാജം നടത്തുന്ന ശ്രമം ശ്രദ്ധേയ മാകുന്നു. സമ്മർ അങ്കണ ത്തില്‍ കുട്ടികളുടെ സ്വന്തം പേരിൽ ത്തന്നെ അവരെ കൊണ്ട് വൃക്ഷ തൈകൾ നടീച്ച് വളർത്തുന്ന വ്യത്യസ്ത രീതിയാണ് ഇങ്ങിനെ ശ്രദ്ധേയമായത്.

കഴിഞ്ഞ വര്‍ഷം ക്യാമ്പില്‍ പങ്കെടുത്ത ഓരോ കുട്ടി യുടെയും പേരില്‍ നട്ട മരത്തൈകള്‍ ഒരു വര്‍ഷ ത്തിലധികം നട്ടു നനച്ചതോടെ കുട്ടികളേ ക്കാള്‍ ഉയരം വെച്ചു.

malayalee-samajam-summer-camp-tree-plantation-ePathram

മര ങ്ങള്‍ക്ക് വെള്ളവും വളവും പകര്‍ന്ന് നല്‍കി ഈ കുട്ടികള്‍ വളര്‍ത്തുക യാണ്. നാടിനെയും സംസ്കാരത്തെയും അറിയാനും കുട്ടികള്‍ക്ക് ക്യാമ്പിലൂടെ അവസരം ഒരുക്കിയിട്ടുണ്ട്.

നാടന്‍ പാട്ടുകള്‍, കവിതകള്‍, കഥ പറച്ചില്‍, നാടകം, ചിത്രരചന, ശില്‍പ നിര്‍മാണം തുടങ്ങിയവയില്‍ എല്ലാം പരിശീലനം നല്‍കുന്നുണ്ട്.

വേനലവധി ക്കാലത്ത് നാട്ടിലേക്ക് പോകാതെ ഫ്ലാറ്റു കളിലെ നാല് ചുമരു കള്‍ക്കുള്ളില്‍ കഴിയുന്ന കുഞ്ഞുങ്ങളുടെ വിവിധ കഴിവു കളെ വളര്‍ത്തി എടുക്കാനും കൂടിയാണ് സമ്മര്‍ ക്യാമ്പുകള്‍ സംഘടിപ്പി ക്കുന്നത്.

ഈ വര്‍ഷവും ക്യാമ്പിനു നേതൃത്വം കൊടുക്കുന്നത് നാട്ടില്‍ നിന്നും എത്തിയ ചിത്രകാരനും കാര്‍ട്ടൂണിസ്റ്റുമായ ഇബ്രാഹിം ബാദുഷയും അനിമേറ്റര്‍ ജിനേഷ്‌ കുമാറുമാണ്.

നാടന്‍ കളികളും നാടന്‍ പാട്ടുകളും കഥയും കവിതയുമായി നൂറോളം കുട്ടികള്‍ സെപ്തംബര്‍ 6 വരെ മുസ്സഫ യിലെ സമാജം അങ്കണം സജീവമാക്കും.

- കറസ്പോണ്ടന്റ്

വായിക്കുക: , , ,

Comments Off on പ്രകൃതി യുമായി ഇണങ്ങി ചേര്‍ന്ന് സമ്മര്‍ ക്യാമ്പിലെ കുരുന്നുകള്‍

പുകവലിക്ക് യു. എ. ഇ. യില്‍ കര്‍ശന നിയന്ത്രണം ഏര്‍പ്പെടുത്തും

August 21st, 2013

uae-no-smoking-zone-ePathram
ദുബായ് : യു. എ. ഇ. യില്‍ പുകവലിക്ക് എതിരെ യുള്ള നിയമം കര്‍ശന മാക്കുന്നു. പുകയില പരസ്യങ്ങളും വാഹന ങ്ങളില്‍ അടക്കം പുകവലി നിരോധിക്കുകയും ചെയ്യും. നിയമം ആറു മാസ ത്തിനുള്ളില്‍ പ്രാബല്യത്തില്‍ വരും. യു. എ. ഇ. വൈസ് പ്രസിഡന്റും പ്രധാന മന്ത്രിയും ദുബായ് ഭരണാധി കാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ നിര്‍ദേശ പ്രകാര മാണു രാജ്യത്തു പുകയില വിരുദ്ധ നിയമം നടപ്പാക്കുന്നത്.

വാഹന ങ്ങളില്‍ യാത്ര ചെയ്യുന്നവരില്‍ പന്ത്രണ്ടു വയസ്സില്‍ താഴെയുള്ള കുട്ടികള്‍ ഉണ്ടെങ്കില്‍ പുകവലി നിരോധിക്കാനാണു സര്‍ക്കാര്‍ ആലോചി ക്കുന്നത്. കുട്ടികളില്‍ പുകവലിക്കാനുള്ള പ്രവണത ഇല്ലാതാക്കാനും ഇതു സഹായിക്കും. പുകയില ഉല്‍പന്ന ങ്ങളുടെ എല്ലാ പരസ്യങ്ങളും നിരോധിക്കും.

ആരാധനാലയ ങ്ങള്‍, വിദ്യാലയങ്ങള്‍ എന്നിവിട ങ്ങളില്‍ നിന്നും 100 മീറ്റര്‍ അകലെ മാത്രമേ പുകയില വില്‍ക്കാന്‍ അനുവദിക്കൂ. നിയമ ലംഘകര്‍ക്ക് ഒരുലക്ഷം മുതല്‍ പത്തു ലക്ഷം ദിര്‍ഹം വരെ പിഴ ചുമത്തും.

- കറസ്പോണ്ടന്റ്

വായിക്കുക: , , , ,

Comments Off on പുകവലിക്ക് യു. എ. ഇ. യില്‍ കര്‍ശന നിയന്ത്രണം ഏര്‍പ്പെടുത്തും

മഴക്കെടുതിയില്‍ മരണം 14 ആയി; മുഖ്യമന്ത്രി ഇടുക്കി സന്ദര്‍ശിക്കുന്നു

August 6th, 2013

ഇടുക്കി: കനത്ത മഴയിലും ഉരുള്‍പൊട്ടലിലും പെട്ട് ഇടുക്കി ജില്ലയില്‍ ഇന്നലെ 14 പേര്‍ മരിച്ചു. ചീയപ്പാറ, മലയിഞ്ചി, തടിയമ്പാട്, കുഞ്ചിത്തണ്ണി തുടങ്ങിയ പ്രദേശങ്ങളില്‍ ആണ് കനത്ത നാശനഷ്ടം സംഭവിച്ചിരിക്കുന്നത്. നില്‍ക്കാത്ത മഴ മൂലം ഇനിയും ഉരുള്‍പൊട്ടലിനു സാധ്യത നിലനില്‍ക്കുന്നുണ്ട്. ഇന്നലെ അടിമാലിക്കും നേര്യമംഗലത്തിനും ഇടയില്‍ ചീയമ്പാറ റോഡിലേക്ക് മലവെള്ളപ്പാച്ചിലില്‍ മണ്ണും മരങ്ങളും ഇടിഞ്ഞു വീണിരുന്നു. ഇത് നീക്കം ചെയ്യുന്നതിനിടെ ഉരുള്‍പൊട്ടുകയും ആളുകളും വാഹനങ്ങളും ഒലിച്ചു പോകുകയും ചെയ്തു. ദേശീയ ദുരന്ത നിവാരണ സേനയുടെ നേതൃത്വത്തില്‍ ചീയമ്പാറ മേഘലയില്‍ രക്ഷാപ്രവര്‍ത്തനങ്ങള്‍ പുരോഗമിക്കുകയാണ്. ഉന്നത പോലീസ് ഉദ്യോഗസ്ഥരും റവന്യൂ ഉദ്യോഗസ്ഥരും സംഭവ സ്ഥലത്ത് ക്യാമ്പ് ചെയ്യുന്നുണ്ട്.

മുഖ്യമന്ത്രി ഉമ്മന്‍ ചാണ്ടിയും മന്ത്രിമാരായ തിരുവഞ്ചൂര്‍ രാധാകൃഷ്ണന്‍, അടൂര്‍ പ്രകാശ് തുടങ്ങിയവരും എം.എല്‍.എ മാരും സംഭവസ്ഥലം സന്ദര്‍ശിച്ചു. തിരുവനന്തപുരത്തുനിന്നും ഹെലികോപ്ടറില്‍ നേര്യമംഗലത്തെത്തിയ മുഖ്യമന്ത്രി റോഡ് മാര്‍ഗ്ഗം ചീയമ്പാറയില്‍ എത്തി. കേന്ദ്രസര്‍ക്കാറിനോട് അടിയന്തിരമായി സഹായം എത്തിക്കണമെന്നും പ്രദേശത്തെ ദുരന്തത്തെ പറ്റി പഠിക്കുവാന്‍ സംഘത്തെ അയക്കണമെന്നും ആവശ്യപ്പെട്ടതായി മുഖ്യമന്ത്രി പാരഞ്ഞു. കേരളത്തില്‍ ദുരന്ത നിവാരണ സേനയുടെ യൂണിറ്റ് ആരംഭിക്കണമെന്നും കേന്ദ്രത്തോട് ആവശ്യപ്പെടും. കാലവര്‍ഷക്കെടുതിയെ പറ്റി വിലയിരുത്തുന്നതിനും നടപടികള്‍ എടുക്കുന്നതിനും അടിയന്തിര മന്ത്രിസഭാ യോഗം വിളിക്കുമെന്നും അദ്ദേഹം അറിയിച്ചു.

- എസ്. കുമാര്‍

വായിക്കുക: , ,

Comments Off on മഴക്കെടുതിയില്‍ മരണം 14 ആയി; മുഖ്യമന്ത്രി ഇടുക്കി സന്ദര്‍ശിക്കുന്നു

Page 40 of 41« First...102030...3738394041

« Previous Page« Previous « കാശ്മീരില്‍ പാക്കിസ്ഥാന്‍ ആക്രമണത്തില്‍ അഞ്ച് ഇന്ത്യന്‍ സൈനികര്‍ കൊല്ലപ്പെട്ടു
Next »Next Page » സോളാര്‍ കേസില്‍ മജിസ്ട്രേറ്റിന്റെ നടപടിയെ കുറിച്ച് ഹൈക്കോടതി വിജിലന്‍സ് അന്വേഷിക്കും »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha