ശക്തി തിയറ്റേഴ്സ് പ്രവര്‍ത്തനോദ്ഘാടനം : ടി. എന്‍. സീമ മുഖ്യാതിഥി

April 8th, 2015

tn-seema-ePathram
അബുദാബി : ശക്തി തിയറ്റേഴ്സ് അബുദാബിയുടെ പ്രവര്‍ത്തനോദ്ഘാടനം ഏപ്രിൽ 9 വ്യാഴാഴ്ച രാത്രി 8:30നു കേരളാ സോഷ്യൽ സെന്ററിൽ നടക്കും.

പ്രമുഖ സാമൂഹ്യ പ്രവർത്തകയും രാജ്യ സഭാ മെമ്പറും അഖിലേന്ത്യാ ജനാതിപത്യ മഹിളാ അസോസിയേഷന്‍ അഖിലേന്ത്യാ വൈസ് പ്രസിഡണ്ടു മായ ഡോക്ടർ ടി. എന്‍. സീമ എം. പി. ഉത്ഘാടനം നിര്‍വഹിക്കും. സാമൂഹ്യ സാംസ്കാരിക രംഗത്തെ പ്രമുഖര ചടങ്ങിൽ സംബന്ധികും.

വെള്ളിയാഴ്ച്ച രാത്രി എട്ടു മണിക്കു കെ. എസ. സി. യിൽ ശക്തി തിയറ്റേഴ്സ് കലാ സന്ധ്യയും ഉണ്ടായിരിക്കും.

- കറസ്പോണ്ടന്റ്

വായിക്കുക: , , , ,

Comments Off on ശക്തി തിയറ്റേഴ്സ് പ്രവര്‍ത്തനോദ്ഘാടനം : ടി. എന്‍. സീമ മുഖ്യാതിഥി

കേരള സോഷ്യല്‍ സെന്ററിന് പുതിയ ഭാരവാഹികള്‍

March 28th, 2015

nv-mohan-madhu-paravoor-ksc-managing-committee-2015-ePathram
അബുദാബി : കേരള സോഷ്യല്‍ സെന്ററിന്റെ നാല്‍പത്തി മൂന്നാമത് വാര്‍ഷിക ജനറല്‍ ബോഡി യോഗം എന്‍. വി. മോഹനനെ പ്രസിഡന്റായും മധു പരവൂരിനെ ജനറല്‍ സെക്രട്ടറി യായും ഐക കണ്‍ഠ്യേന തെരഞ്ഞെടുത്തു.

2015 – 2016 ലെ പ്രവര്‍ത്തന വര്‍ഷത്തെ ഭരണ സമിതിയി ലേയ്ക്ക് കെ. വി. പ്രേം ലാല്‍ (വൈസ് പ്രസിഡന്റ്), സി. കെ. ഷരീഫ് (ട്രഷറര്‍) എന്നിവരേയും വാസവന്‍ പുരയില്‍, ജ്യോതി കെ., ധനുഷ്കുമാര്‍ വി. വി., രാജേന്ദ്രന്‍ നായര്‍, സത്താര്‍ കാഞ്ഞങ്ങാട്, സി. കെ. മനോരഞ്ജന്‍, നൗഷാദ് യൂസഫ്, റഷീദ് പാലക്കല്‍, അബ്ദുല്‍ ഗഫൂര്‍ എടപ്പാള്‍, അനസ് കൊടുങ്ങല്ലൂര്‍, നാസര്‍ ചാവക്കാട്, കെ. കെ. അനില്‍കുമാര്‍ എന്നീ എക്സിക്യൂട്ടീവ് അംഗ ങ്ങളേയും തെരഞ്ഞെടുത്തു.

യു. എ. ഇ. സാമൂഹിക ക്ഷേമ മന്ത്രാലയ പ്രതിനിധി സൈദ് അഹമ്മദ് ഹുസൈന്‍ അമീന്റെ സാന്നിധ്യ ത്തില്‍ നടന്ന ജനറല്‍ ബോഡി യില്‍ ജനറല്‍ സെക്രട്ടറി സഫറുള്ള പാലപ്പെട്ടി വാര്‍ഷിക റിപ്പോര്‍ട്ടും ട്രഷറര്‍ അഷറഫ് കൊച്ചി വരവ് ചെലവ് കണക്കു കളും അവതരിപ്പിച്ചു.

ഓഡിറ്റര്‍ സുരേഷ് പാടൂര്‍ പിന്നിട്ട പ്രവര്‍ത്തന വര്‍ഷത്തെ പ്രവര്‍ത്തന ങ്ങളെ വിലയിരുത്തി ക്കൊണ്ട് ഓഡിറ്റ് റിപ്പോര്‍ട്ട് അവതരിപ്പിച്ചു. പ്രസിഡന്റ് എം. യു. വാസു അദ്ധ്യക്ഷത വഹിച്ചു. തുടര്‍ന്നു നടന്ന ചര്‍ച്ച യില്‍ ടി. പി. ഗംഗാധരന്‍, വിനയ ചന്ദ്രന്‍, കബീര്‍ വയനാട് എന്നിവര്‍ പങ്കെടുത്ത് സംസാരിച്ചു. ജനറല്‍ സെക്രട്ടറി സഫറുള്ള പാലപ്പെട്ടി സ്വാഗതവും ജോയിന്റ് സെക്രട്ടറി ഒ. ഷാജി നന്ദിയും പറഞ്ഞു.

- കറസ്പോണ്ടന്റ്

വായിക്കുക: , ,

Comments Off on കേരള സോഷ്യല്‍ സെന്ററിന് പുതിയ ഭാരവാഹികള്‍

കെ. വി. ഉദയ ശങ്കറിന് യാത്രയയപ്പ്‌ നല്കി

March 28th, 2015

kv-udaya-shankar-farewell-from-ksc-ePathram
അബുദാബി : 38 വര്‍ഷത്തെ പ്രവാസ ജീവിത ത്തിന് വിരാമമിട്ട് നാട്ടിലേക്ക് പോകുന്ന കേരളാ സോഷ്യല്‍ സെന്ററിന്റെ മുന്‍ ഭാര വാഹിയും ശക്തി തിയറ്റേഴ്‌സ് അബുദാബി യുടെ പ്രവര്‍ത്ത കനു മായ കെ. വി. ഉദയ ശങ്കറിന് കെ. എസ്. സി. യും ശക്തി തീയറ്റേഴ്‌സും സംയുക്തമായി യാത്രയയപ്പ് നല്‍കി.

memento-to-kv-udaya-shankar-in-farewell-party-ePathram

സെന്റര്‍ പ്രസിഡന്റ് എം. യു. വാസുവിന്റെ അദ്ധ്യക്ഷത യില്‍ ചേര്‍ന്ന യാത്രയയപ്പ് യോഗ ത്തില്‍ ജനറല്‍ സെക്രട്ടറി സഫറുള്ള പാലപ്പെട്ടി, കെ. ബി. മുരളി, എന്‍. വി. മോഹനന്‍, ബി. ജയ കുമാര്‍, കെ. ടി. ഹമീദ്, പി. കെ. ജയരാജന്‍, രമണി രാജന്‍, റഷീദ് പാലയ്ക്കല്‍, വേണു ഗോപാല്‍ തുടങ്ങിയവര്‍ സംസാരിച്ചു.

കെ. എസ്. സി. യുടെയും ശക്തി യുടേയും ഉപഹാരം പ്രസിഡന്റു മാരായ എം. യു. വാസുവും കെ. ടി. ഹമീദും സമ്മാനിച്ചു. എം. ഇ. എസ്. പൊന്നാനി കോളേജ് അലംനിയുടെ യുടെ ഉപഹാരം മെസ്‌പോ പ്രസിഡന്റ് അബൂബക്കര്‍ സമ്മാനിച്ചു. കെ. വി. ഉദയ ശങ്കര്‍ മറുപടി പ്രസംഗം നടത്തി.

ഗോവിന്ദന്‍ നമ്പൂതിരി സ്വാഗതവും ജയപ്രകാശ് വര്‍ക്കല നന്ദിയും പറഞ്ഞു.

- കറസ്പോണ്ടന്റ്

വായിക്കുക: , , , ,

Comments Off on കെ. വി. ഉദയ ശങ്കറിന് യാത്രയയപ്പ്‌ നല്കി

കെ. എസ്. സി. വാര്‍ഷിക യോഗം

March 26th, 2015

ksc-logo-epathram
അബുദാബി : കേരളാ സോഷ്യല്‍ സെന്റര്‍ 44 -ാം വാര്‍ഷിക ജനറല്‍ ബോഡി യോഗം, മാര്‍ച്ച് 26 വ്യാഴാഴ്ച രാത്രി എട്ട് മണിക്ക് അബുദാബി സാമൂഹിക കാര്യ മന്ത്രാലയം പ്രതിനിധി യുടെ സാന്നിദ്ധ്യത്തില്‍ നടക്കും.

ജനറല്‍ ബോഡി യോഗത്തില്‍ 60 ശതമാനം അംഗ ങ്ങളും സംബന്ധിച്ചാല്‍ മാത്രമേ യോഗ നടപടികള്‍ മുന്നോട്ട് കൊണ്ടു പോകാന്‍ കഴിയുക യുള്ളൂ എന്ന മന്ത്രാലയ ത്തിന്റെ കര്‍ശന നിര്‍ദേശം ഉള്ളതിനാല്‍ മുഴുവന്‍ അംഗ ങ്ങളേയും യോഗത്തിന് എത്തിക്കു വാനുള്ള ശ്രമത്തി ലാണ് ഭാരവാഹി കള്‍ എന്ന് ജനറല്‍ സെക്രട്ടറി സഫറുള്ള പാലപ്പെട്ടി പറഞ്ഞു.

വാര്‍ഷിക റിപ്പോര്‍ട്ട്, വരവ് ചെലവ് കണക്കുകള്‍, ഓഡിറ്റ് റിപ്പോര്‍ട്ട് എന്നിവയുടെ അവതരണവും ചര്‍ച്ച യുമാണ് ആദ്യം. തുടര്‍ന്ന് ഭരണ സമിതിയെ തെരഞ്ഞെടുക്കും.

കേരളാ സോഷ്യല്‍ സെന്റര്‍ കേന്ദ്രീകരിച്ച് പ്രവര്‍ത്തിക്കുന്ന അബുദാബി ശക്തി തിയറ്റേഴ്‌സ്, യുവ കലാ സാഹിതി, ഫ്രണ്ട്‌സ് എ. ഡി. എം. എസ്, കല അബുദാബി എന്നീ സംഘടനകള്‍ സമവായ ത്തിലൂടെ കണ്ടെത്തിയ വര്‍ ആയിരിക്കും ഇത്തവണ ഭാരവാഹികളായി ചുമതല യേല്‍ക്കുന്നത്.

- കറസ്പോണ്ടന്റ്

വായിക്കുക: , ,

Comments Off on കെ. എസ്. സി. വാര്‍ഷിക യോഗം

ഹ്രസ്വ ചലച്ചിത്രോത്സവം : ഒബ്‌സഷന്‍ മികച്ച ചിത്രം

March 23rd, 2015

sunil-raj-short-film-obsession-ePathram
അബുദാബി : കേരളാ സോഷ്യല്‍ സെന്റര്‍ സംഘടിപ്പിച്ച ചിന്ത രവി സ്മാരക ഹ്രസ്വ ചലച്ചിത്രോത്സവ ത്തില്‍ മികച്ച ചിത്രമായി യുവ കലാ സാഹിതി ഷാര്‍ജ യുടെ ഒബ്‌സഷനും രണ്ടാമത്തെ ചിത്രമായി മാത്യു കുര്യന്റെ അകലെ നിന്നൊരാളും തെരഞ്ഞെടുക്കപ്പെട്ടു.

ഒബ്‌സഷന്‍ സംവിധാനം ചെയ്ത സലിം റഹ്മാനും ഹര്‍ഷന്‍ ആതിര പ്പള്ളി യുമാണ് മികച്ച സംവിധായകര്‍.

ഒബ്‌സഷനില്‍ രാമേട്ടനായി അഭിനയിച്ച റാം രാജിനെ മികച്ച നടനായും വേക്ക് അപ് കാളില്‍ പ്ലസ് ടു വിദ്യാര്‍ത്ഥിനി യായി വേഷമിട്ട നയീമ ഷിജു വിനെ മികച്ച നടി യായും തെരഞ്ഞെടുത്തു.

മികച്ച തിരക്കഥ : വേക്ക് അപ്പ് കാള്‍ (റാഫി ഹുസൈന്‍), പശ്ചാത്തല സംഗീതം : അകലെ നിന്നൊരാള്‍, എഡിറ്റിംഗ് : ഒബ്‌സഷന്‍ (ആഷിഖ് സലിം, സുനില്‍ രാജ്), ഛായാഗ്രഹണം : അകലെ നിന്നൊരാള്‍ (ജിതിന്‍ പാര്‍ത്ഥന്‍, മാത്യു കുര്യന്‍) എന്നിങ്ങനെ യാണ് മറ്റ് പുരസ്‌കാരങ്ങള്‍.

വിവിധ പരിപാടി കളോടെ ഒരാഴ്ച നീണ്ടു നിന്ന ചലച്ചിത്രോത്സവ ത്തില്‍ മധു കൈതപ്ര ത്തിന്റെ ഏകാന്തവും രണ്ടാം ദിവസം ഫാറൂഖ് അബ്ദു റഹ്മാന്റെ കളിയച്ഛനും പ്രദര്‍ശിപ്പിച്ചു.

സമാപന ദിവസം നടന്ന ചലച്ചിത്ര ക്ലാസില്‍ ഹ്രസ്വ ചലച്ചിത്ര ത്തിന്റെ വിവിധ വശങ്ങളെ ക്കുറിച്ച് ഫാറൂഖ് അബ്ദുറഹ്മാന്‍ സംസാരിച്ചു.

- കറസ്പോണ്ടന്റ്

വായിക്കുക: , , , ,

Comments Off on ഹ്രസ്വ ചലച്ചിത്രോത്സവം : ഒബ്‌സഷന്‍ മികച്ച ചിത്രം

Page 38 of 57« First...102030...3637383940...50...Last »

« Previous Page« Previous « അഭിരുചി 2015 പാചക മല്‍സരം ശ്രദ്ധേയമായി
Next »Next Page » പ്രവാസി വോട്ട് : ഭേദഗതി ബില്‍ മന്ത്രിസഭ യുടെ പരിഗണനയ്ക്ക് »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha