ഉപന്യാസ മത്സരം : സൃഷ്ടികൾ ക്ഷണിച്ചു

March 8th, 2025

seethi-sahib-foundation-uae-chapter-committee-2025-ePathram

ഷാര്‍ജ : സീതി സാഹിബ് : നൈതിക രാഷ്ട്രീയ ത്തിൻ്റെ ദാര്‍ശനിക മുഖം എന്ന വിഷയത്തില്‍ യു. എ. ഇ. തല ഉപന്യാസ മത്സരം സംഘടിപ്പിക്കുന്നു. അഞ്ചു പുറത്തില്‍ കവിയാത്ത മൗലിക രചനകള്‍ പി. ഡി. എഫ്. അല്ലെങ്കില്‍ വേര്‍ഡ് ഫോര്‍മാറ്റില്‍ മാര്‍ച്ച് മുപ്പതിനകം seethisahibfoundation @ gmail. com എന്ന ഇ – മെയില്‍ വിലാസത്തില്‍ അയക്കണം.

ഏപ്രില്‍ 19 ന് ഷാര്‍ജ ഇന്ത്യന്‍ അസോസിയേഷന്‍ ഹാളില്‍ സീതി സാഹിബ് ഫൗണ്ടേഷന്‍ യു. എ. ഇ. ചാപ്റ്റര്‍ ഒരുക്കുന്ന സീതി സാഹിബ് അനുസ്മരണ സമ്മേളനത്തിൽ വെച്ച് വിജയികൾക്ക് സമ്മാന ദാനം നടത്തും.

വിവരങ്ങൾക്ക് ബന്ധപ്പെടുക : 055 571 0639. (ഖാദർ കുട്ടി നടുവണ്ണൂർ).

- pma

വായിക്കുക: , , , ,

Comments Off on ഉപന്യാസ മത്സരം : സൃഷ്ടികൾ ക്ഷണിച്ചു

കെ. എസ്‌. സി. ചങ്ങാതിക്കൂട്ടം ശ്രദ്ധേയമായി

March 5th, 2025

ksc-balavedhi-changathikkoottam-ePathram
അബുദാബി : കേരള സോഷ്യല്‍ സെന്റർ ബാല വേദി യും ശക്തി ബാല സംഘവും മലയാളം മിഷനും ഫ്രണ്ട്‌സ് ഓഫ് കേരള ശാസ്ത്ര സാഹിത്യ പരിഷത്ത് യുറീക്ക ബാല വേദിയും സംയുക്തമായി കുട്ടികൾക്ക് വേണ്ടി സംഘടിപ്പിച്ച ചങ്ങാതിക്കൂട്ടം ശ്രദ്ധേയമായി.

കേരള ശാസ്ത്ര സാഹിത്യ പരിഷത്ത് സംസ്ഥാന പ്രസിഡണ്ട് മീരാ ഭായ് ടീച്ചറും ബാല സാഹിത്യകാരന്‍ ഇ. ജിനന്‍ മാസ്റ്ററും ചങ്ങാതിക്കൂട്ടത്തിന് നേതൃത്വം നല്‍കി.

friends-kssp-shakthi-ksc-balavedhi-changathi-koottam-2025-ePathram

നിരവധി കണ്ടു പിടുത്തങ്ങളിലൂടെ ചരിത്രത്തില്‍ തുല്യതയില്ലാത്ത ഇടം നേടിയ തോമസ് എഡിസന്റെ കഥ പറഞ്ഞു കുട്ടികളില്‍ അന്വേഷണ ത്വരയും നിരീക്ഷണ പാടവും പരീക്ഷണ സ്വഭാവവും വളര്‍ത്തി ശാസ്ത്ര ബോധമുള്ള തലമുറയെ വളര്‍ത്തി ക്കൊണ്ടു വരേണ്ടതിൻറെ ആവശ്യം അവര്‍ വ്യക്തമാക്കി.

കെ. എസ്‌. സി. പ്രസിഡണ്ട് എ. കെ. ബീരാൻ കുട്ടി, വൈസ് പ്രസിഡണ്ട് ശങ്കര്‍, മനസ്വിനി, നൗര്‍ബീസ് നൗഷാദ്, സായ് മാധവ്, നവമി കൃഷ്ണ, ബിജിത് കുമാര്‍, പ്രീത നാരായണന്‍, സ്മിത തുടങ്ങിയവർ സംസാരിച്ചു.

- pma

വായിക്കുക: , , , , ,

Comments Off on കെ. എസ്‌. സി. ചങ്ങാതിക്കൂട്ടം ശ്രദ്ധേയമായി

എം. ടി. യുടെ മരണത്തോടെ താര പദവിയുള്ള എഴുത്തുകാരുടെ ഗണം അസ്തമിച്ചു

February 25th, 2025

kmcc-remembering-m-t-vasudevan-nair-ePathram
അബുദാബി : എം. ടി. മലയാളത്തിലെ വെറുമൊരു ചെറു കഥാകൃത്തോ നോവലിസ്റ്റോ അല്ലെന്നും മലയാളത്തിൽ താര പദവിയുള്ള എഴുത്തുകാരുടെ ഗണം എം. ടി. യുടെ മരണത്തോടെ അസ്തമിച്ചു എന്നും പുരോഗമന കലാ സാഹിത്യ സംഘം സംസ്ഥാന വൈസ് പ്രസിഡന്‍റ് എം. എം. നാരായണൻ. കേരള ചരിത്രത്തിലും സാഹിത്യത്തിന്‍റെ ചരിത്രത്തിലും ഒരു സംക്രമണ കാലത്തെയാണ് എം. ടി. പ്രതിനിധീ കരിച്ചത് എന്നും അദ്ദേഹം വ്യക്തമാക്കി.

ksc-shakthi-remembering-m-t-vasudevan-nair-prof-m-m-narayanan-speech-ePathram

അബുദാബിയിൽ കേരള സോഷ്യൽ സെന്‍ററും ശക്തി തീയ്യറ്റേഴ്‌സും മലയാളം മിഷനും സംയുക്തമായി നടത്തിയ എം. ടി. അനുസ്മരണത്തിൽ പ്രഭാഷണം നടത്തുക യായിരുന്നു അദ്ദേഹം. ചരിത്രം എന്ന ഘോഷ യാത്ര യുടെ തെരു വോരത്തു ഒതുങ്ങി നിൽക്കുന്നവരെ എം. ടി. സാഹിത്യത്തിലേക്ക് കൊണ്ടു വന്നു എന്നും അദ്ദേഹം അഭിപ്രായപ്പെട്ടു.

സെന്‍റർ പ്രസിഡന്‍റ് എ. കെ. ബീരാൻ കുട്ടി അദ്ധ്യക്ഷത വഹിച്ചു. എം. ടി. യുടെ ജീവിതത്തെയും സാഹിത്യ – സിനിമാ ലോകത്തെയും ആധാരമാക്കി കേരള സോഷ്യൽ സെന്‍റർ സാഹിത്യ വിഭാഗം സെക്രട്ടറി ഷെരീഫ് മാന്നാർ തയാറാക്കിയ ഡോക്യൂ മെന്‍ററി പ്രദർശിപ്പിച്ചു.

സെന്‍റർ ജനറൽ സെക്രട്ടറി നൗഷാദ് യൂസഫ്, ശക്തി തിയ്യറ്റേഴ്‌സ് ജനറൽ സെക്രട്ടറി എ. എൽ. സിയാദ്, മലയാളം മിഷൻ സെക്രട്ടറി ബിജിത് കുമാർ എന്നിവർ സംസാരിച്ചു.

- pma

വായിക്കുക: , , , , , ,

Comments Off on എം. ടി. യുടെ മരണത്തോടെ താര പദവിയുള്ള എഴുത്തുകാരുടെ ഗണം അസ്തമിച്ചു

മാധ്യമങ്ങളിലെ ലിംഗ സമത്വം : ആഭ്യന്തര പരാതി പരിഹാര സമിതി കളുടെ പ്രവർത്തനം കാര്യക്ഷമമല്ല

February 20th, 2025

gender-equality-in-the-media-posh-act-kerala-womens-commission-ePathram

തിരുവനന്തപുരം : തൊഴിൽ സ്ഥലത്തെ ലൈംഗിക പീഡനങ്ങൾ തടയുവാൻ രൂപം നൽകിയ പോഷ് ആക്ട് പ്രകാരമുള്ള ആഭ്യന്തര പരാതി പരിഹാര സമിതി കളുടെ പ്രവർത്തനം ഭൂരിപക്ഷം മാധ്യമ സ്ഥാപന ങ്ങളിലും പരാജയം ആണെന്ന് ദേശീയ വനിതാ മാധ്യമ പ്രവർത്തക കോൺക്ലേവ്. ‘മാധ്യമങ്ങളിലെ ലിംഗ സമത്വം’ എന്ന വിഷയത്തിൽ ഇൻഫർമേഷൻ പബ്ലിക് റിലേഷൻസ് വകുപ്പ് സംഘടിപ്പിച്ച കോൺ ക്ലേവിലെ സെമിനാറിൽ വനിതാ മാധ്യമ പ്രവർത്തകർ ഒരേ സ്വരത്തിൽ പറഞ്ഞതാണിത്.

സ്ഥാപനത്തിൻ്റെ താൽപര്യങ്ങൾക്ക് വിരുദ്ധമായി നിൽക്കാത്ത തരത്തിലുള്ള അംഗങ്ങളെ ഉൾപ്പെടുത്തി യാണ് പലയിടത്തും ഇത്തരം സമിതികൾ രൂപീകരി ക്കുന്നത് എന്ന് പാനലിസ്റ്റുകൾ ചൂണ്ടിക്കാട്ടി.

ഇത്തരത്തിലുള്ള ആഭ്യന്തര സമിതികൾ ഉണ്ടെന്ന് പല സ്ഥാപനങ്ങളിലേയും വനിതാ മാധ്യമ പ്രവർത്തകർക്ക് അറിയില്ല എന്നും ചർച്ച യിൽ ചൂണ്ടിക്കാട്ടി. വനിതാ മാധ്യമ പ്രവർത്തകർക്ക് കൂടി സഹായകരം ആവുന്ന രീതിയിൽ തൊഴിൽ എടുക്കുന്ന അമ്മമാർക്കായി രാത്രിയിലും പ്രവർത്തിക്കുന്ന ശിശു പരിപാലന കേന്ദ്ര ങ്ങൾ (ക്രഷ്) സ്ഥാപിക്കാൻ സർക്കാർ തലത്തിൽ നടപടികൾ സ്വീകരിക്കണം. അവിവാഹിതരായ വനിതാ മാധ്യമ പ്രവർത്ത കർക്ക് രാത്രിയിൽ ജോലി കഴിഞ്ഞു തങ്ങുന്നതിനുള്ള ഹോസ്റ്റൽ സൗകര്യങ്ങൾ ഓരോ ജില്ല കളിലും സ്ഥാപിക്കണം എന്നും സെമിനാറിൽ ആവശ്യം ഉയർന്നു.

മാധ്യമ സ്ഥാപനങ്ങളിലെ ഉന്നത സ്ഥാനങ്ങളിൽ സ്ത്രീ കളുടെ സാന്നിദ്ധ്യത്തിൻ്റെ വളർച്ചയുടെ വേഗത പോരാ എന്ന് എൻ. ഡി. ടി. വി. യിലെ മുൻ മാധ്യമ പ്രവർത്തക മായാ ശർമ പറഞ്ഞു. നിലവിൽ ജേണലിസം സ്ഥാപന ങ്ങളിൽ പഠിക്കാൻ എത്തുന്ന വരിൽ ഭൂരി പക്ഷവും വനിതകളാണ്.

ഭാവിയിൽ അത് കൂടുതൽ വനിതാ പ്രാതിനിധ്യ ത്തിലേക്ക് നയിക്കും എന്ന് കരുതുന്നു എന്നും മായാ ശർമ പറഞ്ഞു. ലൈംഗിക ന്യൂന പക്ഷങ്ങളുടെ പ്രാതി നിധ്യത്തിൻ്റെ കാര്യത്തിൽ ന്യൂസ് റൂമുകളിൽ കാര്യമായ പുരോഗതി ഉണ്ടായിട്ടില്ല എന്നും അവർ ചൂണ്ടിക്കാട്ടി. P R D   FB PAGE

- pma

വായിക്കുക: , , , , , , , , , ,

Comments Off on മാധ്യമങ്ങളിലെ ലിംഗ സമത്വം : ആഭ്യന്തര പരാതി പരിഹാര സമിതി കളുടെ പ്രവർത്തനം കാര്യക്ഷമമല്ല

ഓർമ – ബോസ്‌ കുഞ്ചേരി സാഹിത്യ പുരസ്കാരം ഹുസ്ന റാഫി, വെള്ളിയോടൻ എന്നിവർക്ക്

February 15th, 2025

husna-raffi-and-velliyodan-bags-orma-dubai-bose-kunchery-literary-award-ePathram
ദുബായ് : രണ്ടാമത് ഓർമ ബോസ്‌ കുഞ്ചേരി സാഹിത്യ പുരസ്‌കാരം പ്രഖ്യാപിച്ചു. കഥ വിഭാഗത്തിൽ ഹുസ്‌ന റാഫി രചിച്ച ‘ഇന്തോള ചരിതം’ ഒന്നാം സ്ഥാനവും വെള്ളിയോടൻ രചിച്ച ‘പിര’ രണ്ടാം സ്ഥാനവും കരസ്ഥമാക്കി

യാത്രാ വിവരണം വിഭാഗത്തിൽ സുധീഷ് കുമാറിന്റെ ഫൈലച്ച എന്ന കുവൈത്ത്‌ നഗരം ഒന്നാം സ്ഥാനം നേടി. എം. ഒ. രഘു നാഥിന്റെ അഗ്നി ഭൂമിയിലൂടെ ഒരു യാത്രയാണ് രണ്ടാം സ്ഥാനം നേടിയത്. ശനി ഞായർ ദിവസങ്ങളിൽ ദുബായ് ഫോക്ലോർ അക്കാദമിയിൽ ഓർമ സംഘടിപ്പിക്കുന്ന സാഹിത്യോത്സവ സമാപന സമ്മേളനത്തിൽ ചലച്ചിത്ര അക്കാദമി ചെയർമാൻ പ്രേംകുമാർ, എഴുത്തുകാരൻ ബെന്യാമിൻ എന്നിവർ ഓർമ ബോസ്‌ കുഞ്ചേരി പുരസ്കാരങ്ങൾ സമ്മാനിക്കും.

- pma

വായിക്കുക: , , , , ,

Comments Off on ഓർമ – ബോസ്‌ കുഞ്ചേരി സാഹിത്യ പുരസ്കാരം ഹുസ്ന റാഫി, വെള്ളിയോടൻ എന്നിവർക്ക്

Page 3 of 5012345...102030...Last »

« Previous Page« Previous « ഒന്നാമത് റെജിൻ ലാൽ മെമ്മോറിയൽ ട്രോഫി ഡി. സി. എ. ടീമിന്
Next »Next Page » ഡ്രൈവിംഗിൽ ഫോൺ ഉപയോഗിച്ചാൽ 800 ദിർഹം പിഴ : ഷാർജ പോലീസ് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha