 |
 |
 |
 |
 |
 |
 |
 |
 |
 |
 |
 |
 |
 |
മസ്കറ്റ്‌ : ഒമാനിലെ അല് മുധൈബില്‍ ഉണ്ടായ വാഹന അപകടത്തില്‍ മൂന്നു പേര്‍ മരണപ്പെട്ടു. ട്രക്കും കാറും കുട്ടിയിടിച്ചാണ് അപകടം സംഭവിച്ചത്.
ഈ സമയം തന്നെ ഇടിച്ച കാറിന്റെ പിന്നില്‍ മറ്റൊരു കാര്‍ ഇടിച്ചു കത്തി പോവുക യായിരുന്നു. മരിച്ചവര്‍ ഏതു നാട്ടുകാര്‍ ആണെന്ന് പോലീസ് പുറത്തു വിട്ടിട്ടില്ല.
-അയച്ചു തന്നത് ബിജു, കരുനാഗപ്പള്ളി
- pma
അബുദാബി : വിവാഹം നിശ്ചയം കഴിഞ്ഞ മലയാളി യുവാവ് അബുദാബി യില്‍ വാഹനാപകട ത്തില്‍ മരിച്ചു. മാവേലിക്കര ചുനക്കര വെട്ടിയാര്‍ തെക്ക് ശ്രീഭവന ത്തില്‍ പരേതനായ എന്‍ വാസുദേവന്റെയും പൊന്നമ്മ യുടെയും മകന്‍ വി. ശ്രീകുമാറാണ് (29) മരിച്ചത്.
അബുദാബി ആംപ്ലക്‌സ് എമിറേറ്റ്‌സ് എന്ന സ്ഥാപന ത്തില്‍ ഇലക്ട്രിക്കല്‍ സൂപ്പര്‍ വൈസര്‍ ആയിരുന്ന ഇദ്ദേഹം സഞ്ചരിച്ച വാഹനം ഒക്ടോബര്‍ 13-ന് അപകട ത്തില്‍ പെട്ടു. ഗുരുതരമായി പരിക്കേറ്റ ശ്രീകുമാര്‍ ചികിത്സയില്‍ ഇരിക്കെ ബദാ സായ്ദ് ആശുപത്രി യില്‍ വെച്ചാണ് മരിച്ചത്. ശവസംസ്‌കാരം 25 വെള്ളിയാഴ്ച വീട്ടുവളപ്പില്‍ നടക്കും.
നവംബര്‍ 10ന് ആയിരുന്നു വിവാഹം നിശ്ചയിച്ചിരുന്നത്. അതിനായി രണ്ടാം തീയതി വീട്ടിലേക്ക് യാത്രയാവാന്‍ ഇരിക്കെ ആയിരുന്നു അപകടമുണ്ടായത്.
സഹോദരങ്ങള്‍: ശ്രീജി, ബിന്ദു
കൂടുതല്‍ വിവരങ്ങള്‍ക്ക്: 055 75 66 796, 055 744 24 37
-അയച്ചത്: റോജിന്‍ പൈനുംമൂട്- ദുബായ്.
- pma
ദോഹ : വലിയ പെരുന്നാള്‍ ആഘോഷ ത്തിനായി ഈണം ദോഹ അവതരിപ്പിക്കുന്ന ഗുഡ് വില്‍ കാര്‍ഗോ ‘ഈണ നിലാവ് -2012’ ഒക്ടോബര്‍ 27 ശനിയാഴ്ച രാത്രി 7 മണിക്ക് സലത ജദീദിലുള്ള സ്കില്‍ ഡെവലപ്മെന്റ് സെന്ററില്‍ അരങ്ങേറുന്നു.
സൌജന്യ പ്രവേശനത്തോട് കൂടിയുള്ള ഈ സംഗീതസന്ധ്യ യില്‍ ദോഹയിലെ ഗായകരായ കണ്ണൂര്‍ സമീര്‍, ഹംസ പട്ടുവം, ഷക്കീര്‍ പാവറട്ടി, ആഷിക് മാഹി, ഫാസില്‍ കൊല്ലം, അനഘ രാജ ഗോപാല്‍, ഫാത്തിമ സമ എന്നിവര്‍ ഗാനങ്ങള്‍ ആലപിക്കുന്നു.
‘സംഗീത ത്തിലൂടെ സൗഹൃദം ; സൌഹൃദ ത്തിലൂടെ കാരുണ്യം’ എന്ന ആശയ വുമായി വന്ന ഈണം ദോഹ നിരവധി ഗായകരെ ദോഹയിലെ സംഗീതാ സ്വാദകര്‍ക്ക് പരിചയപ്പെടുത്തുകയും 6 വര്‍ഷ ത്തിനിടക്ക് കേരള ത്തിന്റെ പല ഭാഗങ്ങളി ലായി നിരവധി കാരുണ്യ പ്രവര്‍ത്തന ങ്ങളും നടത്തിയിട്ടുണ്ട്.
ഈ സംഗീത സന്ധ്യക്ക്‌ മാറ്റ് കൂട്ടാനായി ആകര്‍ഷകമായ നൃത്തങ്ങളും ഉള്‍പ്പെടുത്തിയിട്ടുണ്ടെന്ന് സംഘാടകര്‍ അറിയിച്ചു.
-കെ. വി.അബ്ദുല്‍ അസീസ്‌ ചാവക്കാട്‌ -ദോഹ, ഖത്തര്
- pma
ദുബായ് : യു. എ. ഇ. എക്സ്ചേഞ്ച് സമര്‍പ്പിക്കുന്ന ദല കേരളോത്സവം ബലി പെരുന്നാള്‍ ഒന്ന് രണ്ട് ദിനങ്ങളില്‍ അരങ്ങേറുന്നു (ഒക്ടോബര്‍ 26, 27) മംസാര്‍ അല് മുല്ല പ്ലാസയ്ക്ക് സമീപമുള്ള ദുബായ് ഫോക് ലോര്‍ തീയേറ്റര്‍ ഗ്രൌണ്ടില്‍ കൊടിയേറുന്ന
കേരളീയ കലാ പൈതൃക ത്തിന്റെ അകം പൊരുളു കളെയും സമ്പന്നമായ സാംസ്കാരിക പാരമ്പര്യത്തെയും വിളിച്ചറിയിക്കുന്ന ഒരു ഗ്രാമോത്സവത്തെ അതിന്റെ ചാരുത ഒട്ടും ചോര്‍ന്ന് പോകാതെ പ്രവാസ മണ്ണിലും പുനരാവിഷ്കരി ക്കുന്നതാണ് ദല കേരളോത്സവം. നാടിന്റെ ഈ സാംസ്കാരിക പൈതൃകം അതിന്റെ നിറപ്പകിട്ടോടെ മനസ്സില്‍ സൂക്ഷിക്കുന്ന മുതിര്‍ന്ന വര്‍ക്കും നാടന്‍ കലകളും നാട്ടുത്സവ ങ്ങളും കാണാത്ത ഇളം തലമുറക്കും ഒരേ പോലെ ഇതൊക്കെ കാണാനും ആസ്വദിക്കാനും ലഭിക്കുന്ന അപൂര്‍‌വ്വ അവസരമാണിത്.
ഒരു നാട്ടുത്സവ ത്തിന്റെ സമസ്ത വൈവിധ്യങ്ങളും പകര്‍ന്നു നല്‍കുന്ന വില്പന സ്റ്റാളുകള്‍, ഭക്ഷണ ശാലകള്‍, സൈക്കിള്‍ യജ്ഞം, ആയോധന കലകള്‍, വിനോദ കേളികള്‍ മുതലായവയ്ക്ക് പുറമേ പഞ്ചവാദ്യം, തായമ്പക, ആന, കാവടിയാട്ടം, തെയ്യം, തിറ, കാളി, കാളകളി, പരിചമുട്ടു കളി തുടങി നിരവധി നാടന്‍ കലാരൂപങ്ങള്‍ അണി നിരത്തി ക്കൊണ്ടൂള്ള അതി വിപുലമായ സാംസ്കാരിക ഘോഷയാത്രയും നാടന്‍ കലകള്‍, പെണ്‍കുട്ടികള്‍ അണീ നിരക്കുന്ന ദലയുടെ ശിങ്കാരി മേളം, ഒപ്പന, മാര്‍ഗ്ഗം കളി, തിരുവാതിര, മാപ്പിളപ്പാട്ട്, നാടന്‍ പാട്ടുകള്‍ ഗ്രൂപ്പ് ഡാന്‍സുകള്‍, കോല്‍ക്കളി, ദഫ് മുട്ട്, ഓട്ടം തുള്ളല്‍, തുടങ്ങി കേരള ത്തിന്റെ കലാ മഹിമ വിളിച്ചറിയിക്കുന്ന നിരവധി കലാ പരിപാടികളും ഉണ്ടായിരിക്കും.
കേരളോത്സവ ത്തിന്റെ മറ്റൊരു പ്രത്യേകത, അവയവ ദാനത്തിനു ആഗ്രഹിക്കുന്നവര്‍ക്ക് അവരുടെ പേര്‍ രജിസ്റ്റര്‍ ചെയ്യുന്നതിന് പ്രത്യേക കൌണ്ടര്‍ ഉത്സവ നഗരി യില്‍ ഉണ്ടായിരിക്കും.
കൂടാതെ കേരള ത്തിന്റെ ചരിത്രവും പോരാട്ട ത്തിന്റെ നാള്‍ വഴികളും പുതു തലമുറയ്ക്കും പകര്‍ന്നു നല്‍കാന്‍ ഉതകുന്ന തരത്തില്‍ ആവിഷ്കരിച്ചിട്ടുള്ള ചിത്ര പ്രദര്‍ശനവും ഈ വര്‍ഷത്തെ സവിശേഷതയാണ്.
യു. എ. ഇ. എക്സ്ചേഞ്ച് – ദല കേരളോത്സവം അരങ്ങേറുന്ന ഉത്സവ പറമ്പിലേക്ക് പ്രവേശനം സൗജന്യമാണ്‌.
-അയച്ചു തന്നത് : നാരായണന്‍ വെളിയംകോട്
- pma
അബുദാബി : പോലീസ് ആണെന്നും പരിശോധനക്ക് വന്നതാണെന്നും പറഞ്ഞു കഴിഞ്ഞ വ്യാഴാഴ്ച ദുബായ് അല്‍ഖൂസില്‍ മലയാളി കുടുംബം താമസിക്കുന്ന ഫ്ലാറ്റില്‍ കയറി വീട്ടുകാരിയെ കത്തി കാണിച്ചു കവര്‍ച്ച നടത്തിയവര്‍ പാകിസ്ഥാന്‍ സ്വദേശികള്‍ ആണെന്ന് ദുബായ് പോലിസ്‌ രഹസ്യാന്വേഷണ വിഭാഗം തലവന്‍ ബ്രിഗേഡിയര്‍ ഖലീല്‍ അല്‍മന്‍സൂരി പറഞ്ഞു.
പോലീസിനു പ്രതികളെ പിടിക്കാന്‍ കഴിയും വിധം വ്യക്തമായ വിവരങ്ങള്‍ കൃത്യ സമയത്ത് നല്‍കിയ കണ്ണൂര്‍ പുറത്തീല്‍ സ്വദേശിനി റഹീന യെയും കുട്ടികളെയും അനുമോദിക്കാന്‍ പൂവും മധുരവുമായി ദുബായ് പോലിസ്‌ വനിതാ വിഭാഗം അല്‍ഖൂസിലെ ഇവരുടെ വീട്ടില്‍ എത്തി. കെട്ടിട ത്തിലെ കാവല്‍ക്കാരനെയും കെട്ടിട ത്തിലെ സൂപ്പര്‍ മാര്‍ക്കറ്റ്‌ ജീവന ക്കാരെയും പോലിസ്‌ ചോദ്യംചെയ്തു.
പുതുതായി ആരെങ്കിലും കെട്ടിട ങ്ങളില്‍ കയറി വരുമ്പോള്‍ സംശയം തോന്നിയാല്‍ അവരെ അന്വേഷണ ത്തിന് ശേഷം മാത്രം കടത്തി വിടേണ്ടതുള്ളു എന്ന് പോലീസ് പറഞ്ഞു. കേസ് പബ്ലിക്‌ പ്രോസിക്യൂഷനു കൈ മാറിയതായി അഹമ്മദ്‌ അല്‍മരിഹ് പറഞ്ഞു.
വ്യാഴാഴ്ച രാവിലെ 11:30 ഓടെ പോലീസ് എന്ന വ്യാജേന യാണ് രണ്ടു പാകിസ്ഥാനികള്‍ അല് ഖൂസിലെ വീട്ടില്‍ എത്തുന്നത്. എ. സി. ശരിയാക്കാന്‍ രണ്ടു ദിവസം കഴിഞ്ഞു വരാം എന്ന് പറഞ്ഞു പോയ ടെക്നീഷ്യന്‍ ആയിരിക്കും എന്ന് കരുതി റഹീന വാതില്‍ തുറന്നപ്പോള്‍ തങ്ങള്‍ പോലീസ് ആണെന്നും ഈ ഫ്ലാറ്റില്‍ മറ്റുള്ളവരെയും ഷെയറിന് വെച്ചിട്ടുണ്ടെന്നും പരിശോധിക്കണമെന്നും പറഞ്ഞ ഇവര്‍ അകത്ത് കയറി ഉടന്‍ വാതില്‍ പൂട്ടുകയായിരുന്നു.
കത്തി കാട്ടി റൂമുകളിലുള്ള അലമാരകള്‍ തുറപ്പിച്ചു ബാഗില്‍ കരുതിയിരുന്ന അയ്യായിരം ദിര്‍ഹംസും ആഭരണങ്ങള്‍ അടക്കം ഉള്ളതെല്ലാം കൈകലാക്കുക യായിരുന്നു എന്ന് ദുബായ് പോലീസിലെ കുറ്റാന്വേഷണ വിഭാഗം മേധാവി ലെഫ്റ്റനന്റ് കേണല്‍ അഹമ്മദ്‌ അല്‍മര്‍ഹി പറഞ്ഞു.
പാസ്പോര്‍ട്ടുകളും റഹീന ഉപയോഗിക്കുന്ന മൊബൈലും കൈക്കലാക്കി. അതിനിടയില്‍ അലമാരയില്‍ അഴിച്ചു വെച്ച വളകള്‍ ഇവര്‍ പരിശോധിക്കുന്ന തിനിടയില്‍ റഹീന കൈ കൊണ്ട് തട്ടി മാറ്റിയതിനാല്‍ അത് ബാക്കിയായി. പുറത്തു നിന്നും പ്രധാന വാതിലും പൂട്ടി അക്രമികള്‍ സ്ഥലം വിടുകയും ചെയ്തു.
ബാല്‍ക്കണി യില്‍ ഉള്ള ജനലിലൂടെ അടുത്തുള്ളവരെ വിവരം അറിയിക്കുകയും ഭര്‍ത്താവ് എത്തിയ പരാതി നല്‍കാന്‍ സ്റ്റേഷനില്‍ എത്തിയ സമയത്താണ് അക്രമി കളില്‍ ഒരാള്‍ റഹീന യുടെ നമ്പറില്‍ നിന്നും ഭര്‍ത്താവ് ഷറഫുദ്ധീന്‍റെ മൊബൈലില്‍ വിളിച്ചത്.
പോലിസ്‌ പറഞ്ഞതു പ്രകാരം നീങ്ങിയ ഷറഫുദ്ധീന്‍ പോലീസിനും രഹസ്യാന്വേഷണ വിഭാഗ ത്തിനും മുന്നില്‍ നാടകീയമായി പ്രതികളെ എത്തിക്കുക യായിരുന്നു. അപ്രതീക്ഷിതമായി നടന്ന ഞെട്ടിക്കുന്ന അനുഭവ ത്തിന്റെ ഷോക്ക് ഇനിയും റഹീനയെ വിട്ടു മാറിയിട്ടില്ല എന്ന് അമ്മാവന്‍ ഗഫൂര്‍ അബുദാബി യില്‍ പറഞ്ഞു.
-അബൂബക്കര്‍ പുറത്തീല്‍ -അബുദാബി
- pma
വായിക്കുക: കുറ്റകൃത്യം, തട്ടിപ്പ്‌, ദുബായ്, പോലീസ്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
