 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : ഒരുമ ഒരുമനയൂര്‍ യു. എ. ഇ. സെന്‍ട്രല്‍ കമ്മറ്റി സംഘടിപ്പിക്കുന്ന രക്തദാന ക്യാമ്പ് മെയ് 11 വെള്ളിയാഴ്ച രാവിലെ 9 മണി മുതല്‍ ദുബായ് അല്‍ വാസല്‍ ഹോസ്പിറ്റലില്‍ (ലത്തീഫ ഹോസ്പിറ്റല്‍) വെച്ച് നടത്തുന്നു. ക്യാമ്പുമായി സഹകരിക്കുവാന്‍ താല്പര്യമുള്ളവര്‍ വിളിക്കുക : ജഹാംഗീര്‍ – 055 – 45 80 757, കബീര്‍ – 050 – 65 000 47, ബനീജ് : 050 – 45 60 106.
- pma
വായിക്കുക: സാമൂഹ്യ സേവനം
മസ്കറ്റ്‌ : ഒമാനില്‍ ആദ്യമായി മുനിസിപ്പല്‍ തെരഞ്ഞെടുപ്പിന് കളമൊരുങ്ങുന്നു. ഒക്ടോബറില്‍ നടക്കുന്ന മുനിസിപ്പല്‍ കൗണ്‍സില്‍ തെരഞ്ഞെടുപ്പിലേക്ക് നാമ നിര്‍ദേശ പത്രിക സ്വീകരിക്കുന്ന നടപടികള്‍ ഈ മാസം19ന് ആരംഭിക്കും. ദേശീയ തെരഞ്ഞെടുപ്പ് കമ്മീഷനാണ് മേല്‍നോട്ട ചുമതല.
ആഭ്യന്തര മന്ത്രി സയ്യിദ് ഹമൂദ് ബിന്‍ ഫൈസല്‍ അല്‍ ബുസൈദി യാണ് രാജ്യത്ത് മുനിസിപ്പല്‍ കൗണ്‍സില്‍ തെരഞ്ഞെടുപ്പ് പ്രഖ്യാപിച്ചത്. ഒമാനിലെ ഭരണ പരിഷ്കാര ങ്ങളുടെ ഭാഗമായാണ് മുനിസിപ്പാലിറ്റി ഭരണ സമിതി യിലേക്ക് ജനാധിപത്യ രീതിയില്‍ തെരഞ്ഞെടുപ്പ് നടത്തുന്നത്.
പ്രാദേശിക ഭരണ ത്തില്‍ ജനപങ്കാളിത്തം ഉറപ്പു വരുത്താന്‍ ഇതിലൂടെ കഴിയും എന്നാണ് പ്രതീക്ഷ. നാമനിര്‍ദേശ പത്രിക മെയ് 30 വരെ സമര്‍പ്പിക്കാം.
ഇലക്ഷന്‍ തിയതി കമ്മീഷന്‍ പിന്നീട് പ്രഖ്യാപിക്കും.
വാര്‍ത്ത അയച്ചത് : ബിജു
- pma
വായിക്കുക: ഒമാന്‍, തിരഞ്ഞെടുപ്പ്‌
ദുബായ് : കണ്ണൂര്‍ ജില്ല പ്രവാസ്സി കൂട്ടായ്മ വെയ്ക്ക്, കണ്ണൂര്‍ നോര്‍ത്ത് മലബാര്‍ ചേംബര്‍ ഓഫ് കോമേഴ്സ് എന്നിവര്‍ സംയുക്തമായി ദുബായ് ക്രൌണ്‍ പ്ലാസ ഹോട്ടലില്‍ വെച്ചു ജൂണ്‍ 8, 9 തീയതി കളില്‍ ‘നോര്‍ത്ത് മലബാര്‍ കോളിംഗ്’ എന്ന പേരില്‍ സംഘടിപ്പിക്കുന്ന വ്യാവസായിക പ്രദര്‍ശന ത്തിന്റെയും അനുബന്ധ സെമിനാറിന്റെയും വിജയ ത്തിനായി സംഘാടക സമിതി രൂപീകരിച്ചു.
സംഘാടക സമിതി ചെയര്‍മാന്‍ വെയ്ക്ക് പ്രസിഡന്റ് കൂടിയായ അബ്ദുല്‍ കാദര്‍ പനക്കാട്. വെയ്ക്ക് ജനറല്‍ സെക്രട്ടറി ടി. പി. സുധീഷ്‌, കണ്ണൂര്‍ നോര്‍ത്ത് മലബാര്‍ ചേംബര്‍ ഭാരവാഹികളായ സി. ജയചന്ദ്രന്‍, സി. വി. ദീപക് എന്നിവര്‍ സംഘാടക സമിതി യുടെ വൈസ് ചെയര്‍മാന്മാര്‍ ആണ്. അബ്ദുള്ള സുബൈര്‍, കെ. പി. ശ്രീധരന്‍, പി. എ. ഇബ്രാഹിം ഹാജി, ബാലന്‍ നായര്‍ പറായി, കുഞ്ഞിരാമന്‍ നായര്‍, അജിത്‌ തയ്യില്‍ എന്നിവരാണ് മുഖ്യ രക്ഷാധികാരികള്‍.
അഡ്വക്കെറ്റ് ടി. കെ. ഹാഷിക്ക്, മസൂദ് കെ. പി., നൂറുദ്ദീന്‍ കെ. പി. എന്നിവര്‍ മറ്റു ഉപ സമിതി കണ്‍വീനര്‍മാരാണ്. മാധ്യമ വിഭാഗം : രമേശ്‌ പയ്യന്നൂര്‍, കെ. എം. അബ്ബാസ്, ഇ .ടി. പ്രകാശ്‌, ടി. പി. ഗംഗാധരന്‍ തുടങ്ങി യവരുടെ നേതൃത്വ ത്തിലുള്ള സമിതിയാണ്.
പരിപാടി യുടെ ഭാഗമായി പ്രസിദ്ധീകരിക്കുന്ന, കണ്ണൂരിന്റെ സമഗ്ര വികസന ത്തെയും വ്യാവസായിക മുന്നേറ്റ ത്തെയും പ്രതിപാദിക്കുന്ന പ്രത്യേക പതിപ്പിന്റെ എഡിറ്റോറിയല്‍ ചീഫ് ആയി കെ. എം. അബ്ബാസ് പ്രവര്‍ത്തിക്കും.
പരിപാടി യുടെ മുഖ്യ പ്രായോജകരായ അല്‍ഫ വണ്‍ ഗ്രുപ്പ് ബില്‍ഡറസ് ചെയര്‍മാന്‍പി. കെ. ലുത്ഫുദീന്‍, അഗ്രൂനമി പ്രോജക്റ്റ് & കാദരി ഗ്രുപ്പ് ചെയര്‍മാന്‍ നജീബ് കാദരി എന്നിവര്‍ സ്പോണ്സര്‍ ഷിപ്പിനുള്ള സമ്മത പത്രം സംഘാടക സമിതിക്ക് കൈമാറി.
കേരള ത്തില്‍ നിന്നും മന്ത്രിമാര്‍, മറ്റു വ്യവസായ പ്രമുഖര്‍ എന്നിവര്‍ പങ്കെടുക്കുന്ന പരിപാടി ഒരു വന്‍ വിജയമാക്കാന്‍ സജീവമായി രംഗത്തിറങ്ങി പ്രവര്‍ത്തിക്കാന്‍ യോഗം തീരുമാനിച്ചു.
– വാര്‍ത്ത അയച്ചു തന്നത് പ്രകാശന്‍ കടന്നപ്പള്ളി.
- pma
വായിക്കുക: nri, സംഘടന, സാമൂഹ്യ സേവനം
അബുദാബി : അനിവാര്യമായ ഏതെങ്കിലും ദുരന്തങ്ങള്‍ ഉണ്ടാകുമ്പോഴേ മനുഷ്യന്‍ യാഥാര്‍ത്ഥ്യം തിരിച്ചറിയുന്നുള്ളൂ. ഒരു മുല്ലപ്പെരിയാര്‍ പൊട്ടുമ്പോഴേ ദുരന്ത സംരക്ഷണത്തെ ക്കുറിച്ച് നാം ബോധവാന്മാരാകൂ. ഈ ഒരവസ്ഥയ്ക്കു വേണ്ടി കാത്തു നില്‍ക്കാതെ മനുഷ്യന്‍ സ്വയം പരിവര്‍ത്തന പ്പെടണം എന്ന് കവി പ്രൊഫ. വി. മധുസൂദനന്‍ നായര്‍ അഭിപ്രായപ്പെട്ടു.
നാറാണത്തു ഭ്രാന്തന്റെ ഇരുപത്തി അഞ്ചാം വാര്‍ഷിക ആഘോഷ ങ്ങളുടെ ഭാഗമായി അബുദാബി യില്‍ ശക്തി സംഘടിപ്പിച്ച കാവ്യ പ്രണാമ ത്തില്‍ മുഖ്യപ്രഭാഷണം നിര്‍വ്വഹിക്കുക യായിരുന്നു അദ്ദേഹം.
ഏറെ തപം ചെയ്ത് നിരവധി നല്ല കവിത കള്‍ താന്‍ എഴുതിയിട്ടുണ്ട് എങ്കിലും നാറാണത്തു ഭ്രാന്തന്‍ തന്റെ സ്വപ്ന സൃഷ്ടിയാണ്. ഇത് മറ്റൊന്നിന്റെയും അനുകരണമല്ല. മറ്റൊന്നിനെ അനുകരിക്കുന്ന സ്വഭാവവും തനിക്കില്ല. തന്നെ സംബന്ധിച്ചിട ത്തോളം കവിത ഒരു തൊഴിലോ ഒരു ഉപ ജീവന മാര്‍ഗമോ അല്ല. തന്റേതായ ആത്മാവിഷ്‌കാരമാണ്. അതെനിക്കെന്റെ ആത്മഭാഗവും സ്വകാര്യവും കൂടിയാണ്. സ്ഥല കാലങ്ങളോടുള്ള തന്റെ സംവാദവു മാണ് കവിത. സഹജമായൊരു കര്‍മം സഫലമായി ചെയ്യുന്നു എന്നതാണത്. ഒരുപാടു ജനങ്ങളുടെ ഒച്ചകളും ഒരുപാട് ദേശ ങ്ങളുടെ അടയാള ങ്ങളും ഒരുപാട് കാല ങ്ങളിലൂടെ മനുഷ്യന്‍ നടന്നു വന്ന വഴികളും നാറാണത്തു ഭ്രാന്തന്റെ വരികളില്‍ ഉള്‍പ്പെട്ടിട്ടുണ്ടെന്ന് കവിത എഴുതി ക്കഴിഞ്ഞ പ്പോഴാണ് മനസ്സിലായത് എന്ന് നാറാണത്തു ഭ്രാന്തന്‍ എഴുതിയ സാഹചര്യങ്ങള്‍ വിശദീകരിച്ചു കൊണ്ട് കവി വ്യക്തമാക്കി.
ഇംഗ്ലീഷ് ഭാഷ യിലെ ചില പദങ്ങള്‍ക്ക് പകരം വെക്കാന്‍ മലയാള ത്തില്‍ പദങ്ങളില്ല എന്നു പറയുമ്പോള്‍ മലയാള ത്തിലെ ഒരു പാടു പദങ്ങള്‍ക്ക് ഇംഗ്ലീഷ് ഭാഷയിലും മറ്റിതര ഭാഷകളിലും പദങ്ങളില്ല എന്ന പ്രത്യേകത നാമും തിരിച്ചറിയണം.
ഇംഗ്ലീഷ് ഭാഷയില്‍ 12 താള ത്തില്‍ മാത്രമേ കവിത രചിക്കാന്‍ കഴിയുകയുള്ളൂ എങ്കില്‍ മലയാള ത്തില്‍ 14 കോടി 37 ലക്ഷത്തില്‍ അധികം താള ത്തില്‍ കവിത രചിക്കാന്‍ കഴിയുമെന്നും മലയാള ത്തിന്റെ പദ ശേഷി ഇംഗ്ലീഷിന്റെ പദ ശേഷി യേക്കാള്‍ എത്രയോ മുന്നിലാണ് എന്നും കവി മധുസൂദനന്‍ നായര്‍ പറഞ്ഞു.
കെ. എസ്. സി. പ്രസിഡന്റ് കെ. ബി. മുരളി, ശക്തി പ്രസിഡന്റ് പി. പദ്മനാഭന്‍, സാഹിത്യ വിഭാഗം സെക്രട്ടറി സഫറുള്ള പാലപ്പെട്ടി എന്നിവര്‍ ചടങ്ങില്‍ സംബന്ധിച്ചു.
- pma
വായിക്കുക: ശക്തി തിയേറ്റഴ്സ്, സാഹിത്യം
ദുബായ് : അന്തരിച്ച പ്രശസ്ത സാഹിത്യ കാരന്‍ പാറപ്പുറ ത്തിന്റെ സ്മരണാര്‍ത്ഥം പ്രവര്‍ത്തിക്കുന്ന പാറപ്പുറത്ത് ഫൗണ്ടേഷന്‍ പ്രവാസി എഴുത്തു കാര്‍ക്കായി സംഘടിപ്പിക്കുന്ന മൂന്നാമത് പാറപ്പുറത്ത് സ്മാരക ചെറുകഥാ പുരസ്‌കാര ത്തിന് സൃഷ്ടികള്‍ ക്ഷണിക്കുന്നു.
പതിനായിരും രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്കാരം.
താത്പര്യമുള്ള പ്രവാസി എഴുത്തുകാര്‍ തങ്ങളുടെ പ്രസിദ്ധീകരിക്കാത്ത മൗലിക രചനകള്‍ മെയ് 31 നു മുമ്പ് സുനില്‍ പാറപ്പുറത്ത്, ചെയര്‍മാന്‍, പാറപ്പുറത്ത് ഫൗണ്ടേഷന്‍, പി. ബി. നമ്പര്‍ : 48570, ദുബായ്, യു. എ. ഇ. എന്ന വിലാസ ത്തിലോ, parappurathfoundation at gmail dot com എന്ന ഇ മെയിലിലോ അയക്കണം എന്ന് ഭാരവാഹികള്‍ അറിയിച്ചു.
കേരളാ സാഹിത്യ അക്കാദമി ചെയര്‍മാന്‍ പെരുമ്പടവം ശ്രീധരന്‍ അദ്ധ്യക്ഷനായ സമിതി കണ്ടെത്തുന്ന പുരസ്‌കാര ജേതാവിനെ ജൂണ്‍ അവസാന വാരം ദുബായില്‍ നടക്കുന്ന ചടങ്ങില്‍ ആദരിക്കും. വിശദ വിവരങ്ങള്‍ക്ക് : റോജിന്‍ പൈനുംമൂട് 055 – 39 11 800
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
