ഫൈസർ വാക്സിൻ ഇനി അബുദാബി എമിറേറ്റിലും

April 22nd, 2021

pfizer-covid-vaccine- ePathram
അബുദാബി : ഫൈസർ വാക്സിൻ ഇനി അബുദാബി യിൽ ലഭിക്കും എന്ന് ആരോഗ്യ വകുപ്പ്. സേഹയുടെ മേൽ നോട്ടത്തിലാണ് വാക്സിനേഷൻ നടക്കുക. മുന്‍ കൂട്ടി ബുക്ക് ചെയ്യുന്നവര്‍ക്ക് തെരഞ്ഞെടുത്ത സെന്ററു കളിലാണ് ഇപ്പോള്‍ ഫൈസർ വാക്സിൻ വിതരണം ചെയ്യുന്നത്.

മൂന്നാംഘട്ട ക്ലിനിക്കൽ പരീക്ഷണത്തിന് വിധേയര്‍ ആയവർ, മറ്റു വാക്സിൻ കുത്തിവെപ്പ് എടുത്തവര്‍, ഗർഭിണികൾ, 16 വയസ്സിനു താഴെ പ്രായം ഉള്ളവർ എന്നിവര്‍ക്ക് ഒഴികെ ബാക്കി എല്ലാവർക്കും വാക്സിൻ ലഭ്യമാക്കും.

ഡോക്ടര്‍മാര്‍ നല്‍കുന്ന സാക്ഷ്യപത്ര ത്തിന്റെ അടിസ്ഥാന ത്തിൽ ചില പ്രത്യേക രോഗങ്ങള്‍ ഉള്ള ആളു കള്‍ക്ക് വാക്സിൻ ഒഴിവാക്കാം.

സേഹയുടെ 80050, 800 49 59 എന്നീ നമ്പറു കളിൽ വിളിക്കാം. അല്ലെങ്കില്‍ വിശദാംശങ്ങള്‍ mcv @ telemed. ae എന്ന ഇ – മെയിലില്‍ അയച്ച് ബുക്കു ചെയ്യാം.

ഫൈസര്‍ വാക്സിന്‍ ഇപ്പോള്‍ ലഭ്യമായ സെന്ററുകള്‍ :

അൽ സഫറാന ഡയഗ്നോ സ്റ്റിക് ആൻഡ് സ്ക്രീനിംഗ് സെന്റർ, മുഹമ്മദ് ബിൻ സായിദ് ഹെൽത്ത് കെയർ സെന്റർ, അൽ ബഹിയ ഹെൽത്ത് കെയർ സെന്റർ, അൽ ഐന്‍ ഊദ് അൽ തൗബ ഡയഗ്നോസ്റ്റിക് ആൻഡ് സ്ക്രീനിംഗ് സെന്റർ, നെയിമ ഹെൽത്ത് കെയർ സെന്റർ എന്നിവിടങ്ങളിലും അൽ ദഫ്‌റ ഫാമിലി മെഡിക്കൽ സെന്റർ എന്നിവയാണ്.

- pma

വായിക്കുക: , , , , ,

Comments Off on ഫൈസർ വാക്സിൻ ഇനി അബുദാബി എമിറേറ്റിലും

അബുദാബി അവാര്‍ഡ് യൂസഫലി ഏറ്റു വാങ്ങി

April 11th, 2021

sheikh-muhammed-present-abudhabi-award-yusuffali-ePathram
അബുദാബി : രാജ്യത്തിന്റെ ഉന്നത സിവിലിയൻ ബഹുമതിയായ ‘അബുദാബി അവാര്‍ഡ്’ പ്രമുഖ വ്യവസായിയും ലുലു ഗ്രൂപ്പ് ചെയർമാനുമായ എം. എ. യൂസഫലി ഏറ്റു വാങ്ങി. അബുദാബി യുടെ പൈതൃക കോട്ട ഖസ്ര്‍ അല്‍ ഹുസ്ന്‍ അങ്കണ ത്തില്‍ നടന്ന ചടങ്ങിൽ അബുദാബി കിരീട അവകാശിയും യു. എ. ഇ. സായുധ സേനാ ഉപ സർവ്വ സൈന്യാധി പനുമായ ശൈഖ് മുഹമ്മദ് ബിൻ സായിദ് അൽ നഹ്യാൻ അബുദാബി അവാര്‍ഡ് എം. എ. യൂസഫലിക്കു സമ്മാനിച്ചു.

യു. എ. ഇ. ഉപപ്രധാന മന്ത്രിയും ആഭ്യന്തര മന്ത്രിയുമായ ശൈഖ് സൈഫ് ബിൻ സായിദ് അൽ നഹ്യാൻ, ഉപപ്രധാന മന്ത്രിയും പ്രസിഡൻഷ്യൽ കാര്യവകുപ്പു മന്ത്രിയുമായ ശൈഖ് മൻസൂർ ബിൻ സായിദ് അൽ നഹ്യാൻ, അബു ദാബി എക്സിക്യുട്ടീവ് ഓഫീസ് ചെയർമാൻ ശൈഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ തുടങ്ങിയവർ പുരസ്കാര ദാന ചടങ്ങിൽ സംബന്ധിച്ചു.

രാജ്യത്തിന്റെ വാണിജ്യ-വ്യവസായ മേഖല കളിൽ എം. എ. യൂസഫലി നൽകിയ മികച്ച സംഭാവനകൾക്കും ജീവകാരുണ്യ രംഗത്ത് നൽകുന്ന പിന്തുണക്കും ഉള്ള അംഗീകാരം കൂടി യാണ് ഈ  നേട്ടം.

ഏറെ വിനയത്തോടെയും അഭിമാനത്തോടെയും കൂടി യാണ് അബുദാബി ഗവണ്മെന്റിന്റെ ഈ ബഹുമതി യെ കാണുന്നത്. തനിക്ക് ലഭിച്ച ഈ പുരസ്കാരം പ്രവാസി സമൂഹ ത്തിന് സമർപ്പിക്കുന്നു എന്നും യൂസഫലി പറഞ്ഞു.

- pma

വായിക്കുക: , , , ,

Comments Off on അബുദാബി അവാര്‍ഡ് യൂസഫലി ഏറ്റു വാങ്ങി

സുവർണ്ണ ജൂബിലി : യു. എ. ഇ. യുടെ പുതിയ കറൻസി

April 9th, 2021

uae-golden-jubilee-year-logo-ePathram
അബുദാബി : ഐക്യ അറബ് എമിറേറ്റ്സ് (യു. എ. ഇ.) സുവർണ്ണ ജൂബിലി ആഘോഷ ങ്ങളുടെ ഭാഗമായി പുതിയ കറൻസി പുറത്തിറക്കും. രാജ്യത്തിന്റെ 50 വര്‍ഷത്തെ വളര്‍ച്ചയുടേ രേഖാ ചിത്രം ആയിരിക്കും അത്യാധുനിക സാങ്കേതിക സുരക്ഷാ സംവിധാനങ്ങളും ഉള്ള കറന്‍സി നോട്ട്.

2021 യു. എ. ഇ. യുടെ 50ാം വർഷമായി പ്രസിഡണ്ട് ശൈഖ് ഖലീഫാ ബിന്‍ സായിദ് അല്‍ നഹ്യാന്‍ പ്രഖ്യാപി ച്ചതിനു പിന്നാലെ വൈവിധ്യമാര്‍ന്ന പരിപാടികളോടെ 2022 മാർച്ച് 31 വരെ നീണ്ടു നില്‍ക്കുന്ന വാര്‍ഷിക ആഘോഷ ങ്ങള്‍ക്ക് തുടക്കം കുറിച്ചിട്ടുണ്ട്.

- pma

വായിക്കുക: , ,

Comments Off on സുവർണ്ണ ജൂബിലി : യു. എ. ഇ. യുടെ പുതിയ കറൻസി

കൈക്കൂലി ശിക്ഷാര്‍ഹം : ബോധ വല്‍ക്കരണ വീഡിയോ

April 8th, 2021

logo-uae-public-prosecution-ePathram
അബുദാബി : കൈക്കൂലി കൊടുക്കുന്നതും വാങ്ങുന്നതും അഞ്ചു വര്‍ഷം വരെ തടവു ശിക്ഷ ലഭിക്കാവുന്ന കുറ്റ കൃത്യം എന്നു ഓര്‍മ്മിപ്പിച്ചു കൊണ്ട് യു. എ. ഇ. പബ്ലിക് പ്രോസിക്യൂഷന്‍.

ഒരു സര്‍ക്കാര്‍ ജീവനക്കാരന് അല്ലെങ്കില്‍ ഒരു വ്യക്തിക്ക് നേരിട്ടോ അല്ലാതെയോ കൈക്കൂലി വാഗ്ദാനം ചെയ്യുക യോ മറ്റ് ഏതെങ്കിലും തരത്തില്‍ ഉള്ള സമ്മാനം നല്‍കുക യോ ചെയ്യുന്ന വ്യക്തി യുടെ ശിക്ഷ പരമാവധി അഞ്ച് വര്‍ഷം തടവ് എന്ന് വിശദീകരിച്ചു കൊണ്ട് സമൂഹ ത്തില്‍ നിയമ അവബോധം വളര്‍ത്തുവാന്‍ വേണ്ടി യു. എ. ഇ. പബ്ലിക് പ്രോസിക്യൂഷന്‍ സോഷ്യല്‍ മീഡിയകളി ലൂടെ ഹ്രസ്വ ചിത്രം പുറത്തിറക്കി. ഫെഡറല്‍ പീനല്‍ കോഡ്, ആര്‍ട്ടിക്കിള്‍ നമ്പര്‍ 237 അനുശാസിക്കുന്ന വിഷയ ങ്ങളാണ് ഈ ബോധവല്‍ ക്കരണ വീഡിയോവില്‍ ചിത്രീകരിച്ചിരിക്കുന്നത്.

- pma

വായിക്കുക: , , , , , , ,

Comments Off on കൈക്കൂലി ശിക്ഷാര്‍ഹം : ബോധ വല്‍ക്കരണ വീഡിയോ

കൊവിഡ് വാക്സിന്‍ വീടുകളില്‍ എത്തിച്ച് സേഹ

March 28th, 2021

logo-uae-ministry-of-health-ePathram.jpg
അബുദാബി : അമ്പതു വയസ്സ് കഴിഞ്ഞ രാജ്യത്തെ മുഴുവൻ ആളുകള്‍ക്കും കൊവിഡ് വാക്സിൻ കുത്തി വെപ്പ് താമസ സ്ഥലങ്ങളില്‍ എത്തിക്കുന്ന  നവീന ആശയം പ്രാബല്ല്യ ത്തില്‍ വരുത്തി അബുദാബി ആരോഗ്യ സേവന വിഭാഗം സേഹ. We Reach You Wherever You Are എന്ന പദ്ധതി വഴി വാക്സിന്‍ കുത്തി വെപ്പ് സൗകര്യം ലഭിക്കുവാന്‍ SEHA യുടെ 800 50 എന്ന ടോൾ ഫ്രീ നമ്പറിൽ വിളിച്ച് ബുക്ക് ചെയ്യാം.

- pma

വായിക്കുക: , , ,

Comments Off on കൊവിഡ് വാക്സിന്‍ വീടുകളില്‍ എത്തിച്ച് സേഹ

Page 1 of 12712345...102030...Last »

« Previous « ശൈഖ് ഹംദാൻ ബിൻ റാഷിദ് അൽ മഖ്തൂം അന്തരിച്ചു
Next Page » ഒരു വോട്ട് മാത്രം എന്ന് ഉറപ്പു വരുത്തണം : ഹൈക്കോടതി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha