 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : ദുരന്ത നിവാരണ ആക്ട് അനുസരിച്ച് കേരളത്തിൽ ഏർപ്പെടുത്തിയിരുന്ന കൊവിഡ് നിയന്ത്രണങ്ങൾ പിൻവലിച്ചു. എന്നാല്‍ മാസ്ക് ധരിക്കുക, കൈകള്‍ ശുചിയാക്കുക തുടങ്ങി കേന്ദ്ര ആരോഗ്യ മന്ത്രാലയം നിര്‍ദ്ദേശിച്ച കൊവിഡ് മാനദണ്ഡങ്ങള്‍ തുടരണം.
ദുരന്ത നിവാരണ നിയമ (പകര്‍ച്ച വ്യാധി തടയല്‍ നിയമം) പ്രകാരം ഉള്ള നിയന്ത്രണങ്ങള്‍ പാലിച്ചില്ല എങ്കില്‍ ഇനി നിയമ നടപടികളും കേസും ഇതുമായി ബന്ധപ്പെട്ട പിഴയും ഉണ്ടാവില്ല.
- pma
വായിക്കുക: covid-19, kerala-government-, നിയമം, വൈദ്യശാസ്ത്രം, സാമൂഹികം
ദുബായ് : യു. എ. ഇ. യില്‍ നിന്നും ഇന്ത്യയിലേക്ക് പോകുന്ന, കൊവിഡ് വാക്സിന് എടുത്ത യാത്രക്കാര്‍ക്ക് ഇനി മുതല്‍ പി. സി. ആർ. പരിശോധന ആവശ്യമില്ല എന്ന് എയര്‍ ഇന്ത്യ. യാത്രക്കു മുന്‍പായി കൊവിഡ് വാക്സിനേഷൻ സർട്ടിഫിക്കറ്റ് എയർ സുവിധയിൽ അപ്ലോഡ് ചെയ്യണം.
വാക്സിന് സ്വീകരിക്കാത്ത യാത്രക്കാര്‍ 72 മണിക്കൂറിന് ഉള്ളില്‍ എടുത്ത പി. സി. ആർ. നെഗറ്റീവ് റിസള്‍ട്ട്, മറ്റു വിവരങ്ങളോടൊപ്പം എയർ സുവിധ യിൽ അപ്ലോഡ് ചെയ്യണം.5 വയസ്സിനു താഴെയുള്ളവര്‍ക്ക് ഇതിന്‍റെ ആവശ്യം ഇല്ല.
പി. സി. ആർ. പരിശോധന ആവശ്യമില്ലാത്ത രാജ്യങ്ങളുടെ പട്ടികയിൽ യു. എ. ഇ. യെയും ഉൾപ്പെടുത്തി കേന്ദ്ര ആരോഗ്യ മന്ത്രാലയ ത്തിന്‍റെ പ്രഖ്യാപനം വന്നതിനു ശേഷമാണ് ഈ തീരുമാനം.
- pma
വായിക്കുക: covid-19, പൂര്‍വ വിദ്യാര്‍ത്ഥി, പ്രവാസി, യു.എ.ഇ.
റിയാദ് : വിദേശ രാജ്യങ്ങളില്‍ നിന്നും സൗദി അറേബ്യ യിലേക്ക് വരാന്‍ ഇനി മുതല്‍ കൊവിഡ് വാക്സിന് സര്‍ട്ടിഫിക്കറ്റ് ആവശ്യമില്ല എന്ന് അധികൃതര്‍. രാജ്യത്തെ വാക്‌സിനേഷന്‍ നിരക്ക് 99 ശതമാനവും പോസിറ്റീവ് നിരക്ക് നാല് ശതമാനത്തിനു താഴെയും ആയതിനാലാണ് നിയന്ത്രണത്തില്‍ ഇളവുകള്‍ അനുവദിച്ചത്.
രാജ്യത്തേക്ക് വരുന്നവര്‍ കൊവിഡ് പരിശോധനയും യാത്രികര്‍ക്കുള്ള ക്വാറന്‍റൈനും ആവശ്യമില്ല. എന്നാല്‍ ‘മുഖീം’ അറൈവല്‍ രജിസ്‌ട്രേഷന്‍ (Muqeem Arrival Registration) നിര്‍ബ്ബന്ധമാണ് എന്നും സൗദി ആരോഗ്യ മന്ത്രാലയം പുറത്തിറക്കിയ വാര്‍ത്താ കുറിപ്പില്‍ വ്യക്തമാക്കി.
- pma
ന്യൂഡല്‍ഹി : കൊവിഡ് നിയന്ത്രണങ്ങളില്‍ ഇളവു വരുത്തിയതായി കേന്ദ്ര സര്‍ക്കാര്‍. ഇന്ത്യയില്‍ ഇനി മാസ്ക് ധരിച്ചില്ലാ എങ്കിലും കേസ് ഉണ്ടാവില്ല. സാമൂഹിക അകലം പാലിക്കല്‍ നിര്‍ബ്ബന്ധം ഇല്ല. മാത്രമല്ല ആളുകള്‍ കൂടിച്ചേരല്‍, മറ്റു കൊവിഡ് നിയന്ത്രണ ലംഘനം എന്നിവക്ക് കേസുകള്‍ ഒഴിവാക്കാം എന്നും സംസ്ഥാന സര്‍ക്കാറുകള്‍ക്ക് കേന്ദ്ര സര്‍ക്കാര്‍ നിര്‍ദ്ദേശം നല്‍കി. പോസിറ്റീവ് കേസുകളിൽ കുറവ് വന്ന സാഹചര്യത്തിലാണ് ഈ തീരുമാനം.
രാജ്യത്ത് കൊവിഡ് വ്യാപനം നിയന്ത്രിക്കുന്നതിനു വേണ്ടി പകര്‍ച്ച വ്യാധി തടയല്‍ നിയമം വഴി 2020 മാര്‍ച്ച് മാസം മുതൽ നടപ്പിലാക്കിയിരുന്ന മാസ്ക്, കൈകഴുകല്‍ – സാനിറ്റൈസര്‍ ഉപയോഗം തുടങ്ങി ആരോഗ്യ മന്ത്രാലയം നല്‍കിയ നിര്‍ദ്ദേശങ്ങള്‍ തുടരണം എന്നും ഇത് മുന്‍കരുതലിന്‍റെ ഭാഗമാണ് എന്നും കേന്ദ്ര അറിയിപ്പില്‍ പറയുന്നു.
ഭാവിയില്‍ കൊവിഡ് കേസുകള്‍ വര്‍ദ്ധിക്കുന്ന സാഹചര്യം ഉണ്ടായാല്‍ ഉചിതമായ നടപടികള്‍ സംസ്ഥാനങ്ങള്‍ക്ക് സ്വീകരിക്കാം എന്നും ചീഫ് സെക്രട്ടറിമാര്‍ക്ക് അയച്ച കത്തില്‍ ആഭ്യന്തര സെക്രട്ടറി അജയ് ഭല്ല വ്യക്തമാക്കി. കൊവിഡ് വ്യാപനം തടയുവാന്‍ വേണ്ടി ഫേയ്സ് മാസ്ക്, ആള്‍ക്കൂട്ടം ഒത്തു ചേരല്‍ അടക്കം ഉള്ള നിയന്ത്രണങ്ങള്‍ നിയമം വഴി നടപ്പിലാക്കിയതിന്‍റെ കാലാവധി 2022 മാർച്ച് 25 ന് അവസാനിക്കും. ഇതിനു ശേഷം ഈ നിയന്ത്രണങ്ങൾ തുടരേണ്ട എന്നാണ് നിർദ്ദേശം. * Twitter
- pma
വായിക്കുക: corona-virus, covid-19, ആരോഗ്യം, കുറ്റകൃത്യം, നിയമം
ന്യൂഡല്‍ഹി : കൊവിഷീല്‍ഡ് വാക്സിന് കുത്തി വെക്കുന്നതിലെ ഇടവേളയില്‍ മാറ്റം വരുത്തിയതായി കേന്ദ്ര ആരോഗ്യ വകുപ്പ്. കുത്തിവെപ്പ് ആദ്യ ഡോഡ് സ്വീകരിച്ച് 12 ആഴ്ച മുതല്‍ 16 വരെ ആഴ്ചകള്‍ക്കു ശേഷം ആയിരുന്നു രണ്ടാം ഡോസ് നല്‍കിയിരുന്നത്. ഈ ഇട വേള 8 ആഴ്ച മുതല്‍ 16 വരെ ആഴ്ചകള്‍ ആയിട്ടാണ് മാറ്റിയത്.
പഠനങ്ങളുടെ അടിസ്ഥാനത്തില്‍ ആഗോള തല ത്തില്‍ വന്ന മാറ്റങ്ങളെ അടിസ്ഥാന പ്പെടുത്തിയാണ് ഇന്ത്യ യിലും രണ്ടു ഡോസുകള്‍ തമ്മിലുള്ള ഇടവേള യില്‍ മാറ്റം വരുത്തിയത് എന്നാണ് അധികൃതരുടെ വിശദീകരണം.
എന്നാല്‍, കൊവാക്‌സിന്‍ കുത്തി വെപ്പിന്‍റെ ഇടവേള യില്‍ മാറ്റം വരുത്തിയിട്ടില്ല. ആദ്യ ഡോസ് എടുത്ത് 28 ദിവസത്തിനു ശേഷമാണ് കൊവാക്‌സിന്‍ രണ്ടാം ഡോസ് നല്‍കുന്നത്.
- pma
വായിക്കുക: corona-virus, covid-19, ആരോഗ്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
