അബുദാബി ഇന്ത്യന്‍ സ്‌കൂളിന്റെ പുതിയ ശാഖ അല്‍ വത് ഭയില്‍

December 10th, 2013

abudhabi-indian-school-new-building-in-al-watba-ePathram
അബുദാബി : ഇന്ത്യന്‍ സ്‌കൂളിന്റെ പുതിയ ശാഖ അടുത്ത അധ്യയന വര്‍ഷം അല്‍ വത് ഭയില്‍ പ്രവര്‍ത്തനം ആരംഭിക്കുന്നതോടെ 3, 450 വിദ്യാര്‍ ത്ഥി കള്‍ക്ക് പഠന സൗകര്യം ലഭ്യമാകും.

27, 500 ചതുരശ്ര മീറ്ററില്‍ പുതിയ ക്യാമ്പസ് നിര്‍മിക്കുന്നതിനുള്ള ധാരണാ പത്രത്തില്‍ സ്‌കൂള്‍ അധികൃതരും നിര്‍മാണ കമ്പനി യായ എയര്‍ ലിങ്ക് ഇന്‍റര്‍നാഷണലും ഒപ്പു വെച്ചു.

രണ്ടു ഘട്ട മായാണ് സ്‌കൂള്‍ നിര്‍മാണം പൂര്‍ത്തി യാക്കുക. ഇതില്‍ ആദ്യ ഘട്ടം 2014 ഏപ്രിലില്‍ പൂര്‍ത്തിയാകും. ഇതോടെ കിന്‍റര്‍ഗാര്‍ട്ടന്‍ മുതല്‍ ആറു വരെ യുള്ള ക്ലാസു കളില്‍ പ്രവേശനം ലഭിക്കും. തുടര്‍ന്ന് രണ്ടാം ഘട്ട നിര്‍മാണം ഒരു വര്‍ഷം കൊണ്ട് പൂര്‍ത്തിയാക്കും.

അബുദാബി ഇന്ത്യന്‍ സ്‌കൂളില്‍ നടന്ന ചടങ്ങില്‍ സ്‌കൂള്‍ ചെയര്‍മാന്‍ ബി. ആര്‍. ഷെട്ടിയും എയറോലിങ്ക് കമ്പനി സി. ഇ. ഒ. അനില്‍ പിള്ളയും ധാരണാ പത്ര ത്തില്‍ ഒപ്പു വെച്ചു. സ്‌കൂള്‍ ഡയറക്ടര്‍മാരായ പി. ബാവ ഹാജി, സര്‍വോത്തം ഷെട്ടി, സ്‌കൂള്‍ പ്രിന്‍സിപ്പല്‍ എന്‍. സി. വിജയ ചന്ദ്ര എന്നിവര്‍ സംബന്ധിച്ചു.

- കറസ്പോണ്ടന്റ്

വായിക്കുക: , , ,

Comments Off on അബുദാബി ഇന്ത്യന്‍ സ്‌കൂളിന്റെ പുതിയ ശാഖ അല്‍ വത് ഭയില്‍

‘എക്സ്പോ – ഇഫിയ 2013 – 14’

November 13th, 2013

efia-expo-2013-emirates-future-academy-ePathram
അബുദാബി : മുസ്സഫ യിലെ എമിറേറ്റ്സ് ഫ്യുച്ചർ ഇന്റർ നാഷണൽ അക്കാദമിയിൽ സംഘടിപ്പിച്ച ‘എക്സ്പോ – ഇഫിയ 2013 – 14‘ എന്ന സയൻസ് എക്സിബിഷൻ വിദ്യാര്‍ത്ഥി കളുടെ പങ്കാളിത്തം കൊണ്ട് ശ്രദ്ധേയമായി.

നഴ്സറി തലം മുതല്‍ പ്ലസ് ടു വരെയുള്ള വിദ്യാര്‍ത്ഥി കളുടെ ശാസ്ത്ര വൈഭവം പ്രകടമായ എക്സ്പോ യില്‍ ശാസ്ത്ര പ്രദര്‍ശന ത്തോടൊപ്പം തന്നെ കലയും സാഹിത്യവും സമൂഹ്യ പാഠ വും സമന്വയിപ്പിച്ചിരുന്നു.

ഒട്ടനവധി മലയാളി വിദ്യാര്‍ത്ഥികള്‍ പഠിക്കുന്ന ഇഫിയാ യില്‍ മലയാ‍ള ഭാഷ യേയും സാഹിത്യ ത്തേയും സംസ്കാര ത്തേയും പുതിയ തലമുറക്കു പരിചയപ്പെടുത്തുന്ന തിനായി പ്രത്യേക പ്രദര്‍ശന സ്റ്റാളുകള്‍ ഉള്‍ക്കൊള്ളി ച്ചിരുന്നു. വിദ്യാര്‍ഥികളും അദ്ധ്യാപകരും ചേര്‍ന്ന ഒരു കൂട്ടായ്മയിലൂടെ യാണ് ഇത്രയും വിപുലമായ ഈ ശാസ്ത്ര പ്രദര്‍ശനം ഒരുക്കിയത്. മനുഷ്യന്റെ നാഡീ വ്യൂഹം, ജല സേചന സംവിധാനം, മഴവെള്ള സംഭരണം, കാറ്റാറ്റി യന്ത്രം, വൈദ്യുതി ഉല്പാദനം, അഗ്നിപര്‍വ്വതം, റോബോട്ടുകള്‍ എന്നിവയെല്ലാം കുട്ടികള്‍ ഒരുക്കി യിരുന്നു.

എന്‍. ടി. എസ്. ഗ്രൂപ്പ് ചെയര്‍മാന്‍ ഡോക്ടര്‍ ഫ്രാന്‍സിസ് ക്ലീറ്റസ് എക്സ്പോ ഇഫിയ ഉല്‍ഘാടനം ചെയ്തു. സ്കൂള്‍ പ്രിന്‍സിപ്പല്‍ ശിബാന്ധി ഭൌമിക്, വൈസ് പ്രിന്‍സിപ്പല്‍ വിനായകി, മറ്റു അദ്ധ്യാപകരും പരിപാടികല്‍ക്കു നേതൃത്വം നല്‍കി. സജി ഉമ്മന്‍, രവി സമ്പത്ത്, സാമുവല്‍ ആലേയ് തുടങ്ങിയവര്‍ സംബന്ധിച്ചു.

- കറസ്പോണ്ടന്റ്

വായിക്കുക: , , ,

Comments Off on ‘എക്സ്പോ – ഇഫിയ 2013 – 14’

പ്രബന്ധ രചനാ മല്‍സരം : ‘സേട്ട്‌ സാഹിബ് ഇല്ലാത്ത എട്ടു വര്‍ഷം’

November 11th, 2013

അബുദാബി : ഐ. എം. സി. സി. യുടെ ഇരുപതാം വാര്‍ഷികത്തോട് അനുബന്ധിച്ച് അബുദാബി കമ്മിറ്റി യുടെ ആഭിമുഖ്യ ത്തില്‍ “സേട്ട്‌ സാഹിബ് ഇല്ലാത്ത എട്ടു വര്‍ഷം ” എന്ന വിഷയം ആസ്പദ മാക്കി പ്രബന്ധ രചനാ മല്‍സരം സംഘടിപ്പിക്കുന്നു.

ഒന്നാം സ്ഥാനം നേടുന്ന വര്‍ക്ക് സ്വര്‍ണ്ണ മെഡലും,രണ്ടും, മൂന്നും സ്ഥാനം നേടുന്ന വര്‍ക്ക് ആകര്‍ഷക മായ മറ്റു സമ്മാന ങ്ങളും നല്‍കു ന്നതാണ്. മല്‍സര ത്തില്‍ പങ്കെടുക്കാന്‍ ആഗ്രഹി ക്കുന്നവര്‍ പ്രബന്ധ ങ്ങള്‍ ഡിസംബര്‍ 5 നകം ‘ഷമീം ബേക്കല്‍, പോസ്റ്റ് ബോക്സ് “ 71688, അബുദാബി. എന്ന മേല്‍ വിലാസ ത്തിലോ shamimpremier at gmail dot com എന്ന ഇ – മെയില്‍ വിലാസ ത്തിലോ അയക്കുക.

കൂടുതല്‍ വിവര ങ്ങള്‍ക്ക് 050 78 64 665,050 860 63 65, 050 32 32 134 എന്നീ നമ്പറു കളില്‍ ബന്ധപ്പെടുക

- കറസ്പോണ്ടന്റ്

വായിക്കുക: , , ,

Comments Off on പ്രബന്ധ രചനാ മല്‍സരം : ‘സേട്ട്‌ സാഹിബ് ഇല്ലാത്ത എട്ടു വര്‍ഷം’

അറബിക് ഫോർ ‍ ഇംഗ്ലീഷ് സ്കൂള്‍സ് പ്രകാശനം ചെയ്തു

November 1st, 2013

ദോഹ : സി. ബി. എസ്. ഇ. സ്കൂളു കളിലെ ഒന്നു മുതൽ ‍ എട്ട് വരെ ക്ലാസു കളിൽ ‍അറബി രണ്ടാം ഭാഷ യായി പഠിക്കുന്ന വിദ്യാര്‍ത്ഥി കള്‍ക്കായി, ഖത്തറിലെ മാധ്യമ പ്രവര്‍ത്തകനും ഐഡിയൽ ‍ഇന്ത്യൻ ‍സ്കൂളിന്റെ അറബി വകുപ്പ് മുന്‍ മേധാവി യുമായ അമാനുല്ല വടക്കാങ്ങര തയ്യാറാക്കിയ ‘അറബിക് ഫോർ ‍ ഇംഗ്ലീഷ് സ്കൂള്‍സ്’ എന്ന പരമ്പര യുടെ പ്രകാശനം ഖത്തറിലെ ഇന്ത്യൻ ‍ അംബാസിഡർ സജ്ഞീവ് അരോര നിര്‍വഹിച്ചു.

ഡി. പി. എസ് മോഡേണ്‍ ‍ ഇന്ത്യൻ സ്കൂള്‍ ‍ പ്രസിഡണ്ട് ഹസൻ ‍ചൊഗ്‌ളേ, ഭവന്‍സ് പബ്ലിക് സ്കൂള്‍ ഡയറക്ടര്‍ ജെ. കെ. മേനോൻ, സ്‌കോളേര്‍സ് ഇന്റര്‍നാഷണൽ ‍സ്കൂള്‍ ചെയര്‍മാൻ ഡോ. വണ്ടൂര്‍ അബൂബക്കർ, നോബിൾ ഇന്റര്‍നാഷണൽ സ്കൂള്‍ ജനറൽ കണ്‍വീനർ അഡ്വ. അബ്ദുൽ ‍റഹീം കുന്നുമ്മൽ, ഫിനിക്‌സ് പ്രൈവറ്റ് സ്കൂള്‍ ജനറൽ ‍ മാനേജർ ‍ഹാജി കെ. വി. അബ്ദുല്ല ക്കുട്ടി, ശാന്തി നികേതൻ ‍ഇന്ത്യൻ ‍സ്കൂള്‍ വൈസ് പ്രിന്‍സിപ്പൽ ശിഹാബുദ്ധീൻ, ഐഡിയൽ ‍ ഇന്ത്യൻ ‍സ്കൂള്‍ അറബി വകുപ്പ് മേധാവി ഡോ. അബ്ദുൽ ‍ഹയ്യ്, ആന്റി സ്‌മോക്കിംഗ് സൊസൈറ്റി ഗ്‌ളോബൽ ചെയര്‍മാൻ ‍മുഹമ്മദുണ്ണി ഒളകര എന്നിവർ ‍പുസ്തക ത്തിന്റെ ഓരോ ഭാഗങ്ങൾ ‍അംബാസഡറിൽ നിന്നും സ്വീകരിച്ചു.

ഇന്ത്യയിലെ പ്രമുഖ വിദ്യാഭ്യാസ പ്രസാധകരായ കൃതി പ്രകാശനാണ് എട്ട് ഭാഗ ങ്ങളിലായി പുസ്തകം പ്രസിദ്ധീകരിച്ചത്. കൃതി പ്രകാശന്‍ ഇന്റര്‍നാഷണല്‍ അഫയേര്‍സ് ജനറല്‍ മാനേജര്‍ മുഹമ്മദ് മിന്‍ഹാജ് ഖാന്‍ ചടങ്ങില്‍ അധ്യക്ഷത വഹിച്ചു.

ഗള്‍ഫ് രാജ്യങ്ങളിലും ഇന്ത്യ യിലുമുള്ള സി. ബി. എസ്. ഇ. സ്കൂളുകളെ ഉദ്ദേശിച്ച് അറബി ഭാഷ യില്‍ പരമ്പര പ്രസിദ്ധീകരി ക്കുന്ന ആദ്യ പ്രസാധക രാണ് തങ്ങളെന്നും ഇത് അഭിമാന കര മായാണ് സ്ഥാപനം കാണുന്ന തെന്നും അദ്ദേഹം പറഞ്ഞു. ഹറമൈൻ ‍ ലൈബ്രറി യാണ് പുസ്തക ത്തിന്റെ ഖത്തറിലെ വിതരണക്കാർ.

ലോകത്ത് ഏറ്റവും സജീവ മായ ഭാഷ കളിലൊന്നാണ് അറബി ഭാഷ. ഗള്‍ഫില്‍ തൊഴില്‍ തേടിയെത്തുന്ന വര്‍ക്ക് ഏറെ പ്രധാന മാണ് അറബി പഠനം. . അറബി കളും ഇന്ത്യക്കാരും തമ്മില്‍ കൂടുതല്‍ കാര്യക്ഷമ മായ രീതിയില്‍ ഇടപാടുകള്‍ നടത്താന്‍ അറബി ഭാഷ സഹായകര മാകുമെന്നും ഈയര്‍ഥത്തില്‍ അമാനുല്ല യുടെ കൃതിയുടെ പ്രസക്തി ഏറെയാണെന്നും ചടങ്ങില്‍ സംസാരിച്ച വിദഗ്ധര്‍ പറഞ്ഞു.

ദീര്‍ഘ കാലം ഐഡിയൽ ‍ ഇന്ത്യൻ ‍ സ്കൂളിലെ അറബി വകുപ്പ് മേധാവി യായിരുന്ന അമാനുല്ല, അറബി ഭാഷ യുമായി ബന്ധപ്പെട്ട് തയ്യാറാക്കുന്ന മുപ്പത്തി അറാമത് പുസ്തക മാണിത്.

അറബി സംസാരിക്കുവാൻ ‍ ഒരു ഫോര്‍മുല, അറബി സാഹിത്യ ചരിത്രം, ഇംപ്രൂവ് യുവർ ‍ സ്‌പോക്കണ്‍ ‍ അറബിക്, അറബി ഗ്രാമർ ‍ മെയിഡ് ഈസി, എ ഹാന്റ് ബുക്ക് ഓണ്‍ അറബിക് ഗ്രാമർ ആന്റ് കോംപോസിഷൻ, സി. ബി. എസ്. ഇ. അറബിക് സീരീസ്, സി.ബി. എസ്. ഇ. അറബിക് ഗ്രാമർ, സ്‌പോക്കണ്‍ അറബിക് മെയിഡ് ഈസി, സ്‌പോക്കണ്‍ അറബിക് മാസ്റ്റർ, സ്‌പോക്കണ്‍ അറബിക ട്യൂട്ടർ, അറബിക് ഫോർ എവരിഡേ, അറബി സാഹിത്യ ചരിത്രം എന്നിവ യാണ് അദ്ദേഹത്തിന്റെ മറ്റു പ്രധാന കൃതികള്‍.

-തയ്യാറാക്കിയത് : കെ. വി. അബ്ദുല്‍ അസീസ്‌, ചാവക്കാട് – ദോഹ.

- കറസ്പോണ്ടന്റ്

വായിക്കുക: , ,

Comments Off on അറബിക് ഫോർ ‍ ഇംഗ്ലീഷ് സ്കൂള്‍സ് പ്രകാശനം ചെയ്തു

രിസാല സ്റ്റഡി സര്‍ക്കിള്‍ ‘പള്ളിക്കൂടം’ കേരള പ്പിറവി ദിനത്തില്‍

October 30th, 2013

risala-study-circle-pallikkoodam-ePathram
അബുദാബി : മലയാള ഭാഷയും അക്ഷര ങ്ങളും പരിചയ പ്പെടുത്തു ന്നതിനും പഠിക്കുന്ന തിനുമായി രിസാല സ്റ്റഡി സര്‍ക്കിള്‍ കേരള പിറവി ദിന ത്തില്‍ ”പള്ളിക്കൂടം” എന്ന പേരില്‍ ബഹു ജന പഠന സംഗമ ങ്ങള്‍ ഒരുക്കുന്നു.

ഗള്‍ഫില്‍ 500 കേന്ദ്ര ങ്ങളില്‍ നടക്കുന്ന പള്ളിക്കൂട ങ്ങളില്‍ 100 കേന്ദ്രങ്ങള്‍ യു. എ. ഇ. യില്‍ സംഘടിപ്പിക്കും.

”ശ്രേഷ്ഠം മലയാളം” എന്ന തല വാചക ത്തില്‍ സംഘടിപ്പിക്കുന്ന മാതൃ ഭാഷാ പഠന കാല ത്തിന്റെ ഉത്ഘാടന മാണ് പള്ളിക്കൂട ങ്ങളിലൂടെ നടത്തുന്നത്. പ്രദേശത്തെ ബഹുജന ങ്ങള്‍ സംഗമിക്കുന്ന പള്ളിക്കൂട ത്തിനു അധ്യാപകര്‍, സാഹിത്യ സാംസ്‌കാരിക മാധ്യമ പ്രവര്‍ത്തകര്‍ നേതൃത്വം നല്‍കും.

മാതൃ ഭാഷാ പഠന കാലത്ത്‌ പഠന കളരികള്‍, കളികൂട്ടം, കവിയരങ്ങ്, ബ്ലോഗര്‍മാരുടെ കൂട്ടായ്മ, സോഷ്യല്‍ മീഡിയ മീറ്റ്‌, ഭാഷാ സമ്മേളനം, ചിന്താ ശിബിരം, വിചാര സദസ്സു കള്‍, സംവാദങ്ങള്‍, സെമിനാറുകള്‍, പ്രദര്‍ശനം, പുസ്തക പ്രസാധനം, പ്രശ്നോത്തരി, തുടങ്ങിയ പരിപാടി കള്‍ സംഘടിപ്പിക്കും.

പ്രധാന ഗള്‍ഫ്‌ നഗര ങ്ങളില്‍ ‘ശ്രേഷ്ഠം മലയാളം’ പഠന കാലത്തിന്റെ ഭാഗമായി പൊതുജന വായന ശാല കളും ഒരുക്കും. 2014 ജൂണ്‍ 30 നു പഠന കാലം സമാപിക്കും.

- കറസ്പോണ്ടന്റ്

വായിക്കുക: , ,

Comments Off on രിസാല സ്റ്റഡി സര്‍ക്കിള്‍ ‘പള്ളിക്കൂടം’ കേരള പ്പിറവി ദിനത്തില്‍

Page 60 of 61« First...102030...5758596061

« Previous Page« Previous « സാധാരണ തൊഴിലാളികള്‍ക്കായി പ്രവാസി സുരക്ഷാ യോജന
Next »Next Page » ഗാനഗന്ധര്‍വ്വന്‍ കെ. ജെ. യേശുദാസിന് കലാരത്ന പുരസ്കാരം »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha