മെഹ്ഫിൽ മെരെ സനം സീസൺ-5 നവംബർ 21 ന്

November 18th, 2026

mehfil-mere-sanam-season-5-in-dubai-ePathram
ദുബായ്: മെഹ്ഫിൽ ഇന്റർ നാഷണൽ ദുബായ് സംഘടിപ്പിക്കുന്ന കലാ-സാംസ്കാരിക സംഗമം ‘മെഹ്ഫിൽ മെരെ സനം-സീസൺ 5’ നവംബർ 21 ശനിയാഴ്ച വൈകുന്നേരം 6 മണി മുതൽ ദുബായ് അബു ഹൈൽ മെട്രോ സ്റ്റേഷന് സമീപമുള്ള കെ. എം. സി. സി. ഹാളിൽ നടക്കും.

മെഹ്ഫിൽ ചെറുകഥാ മത്സര വിജയികൾക്കുള്ള പുരസ്കാര വിതരണം, അഞ്ചാമത് മെഹ്ഫിൽ ഇന്റർ നാഷണൽ മ്യൂസിക് ആൽബം ഫെസ്റ്റിവൽ പുരസ്കാര വിതരണം, മോഹിനിയാട്ടം ഉൾപ്പെടെയുള്ള നൃത്ത പരിപാടികൾ, കരോക്കെ ഗാനമേള എന്നിവ പ്രധാന ആകർഷണങ്ങളായിരിക്കും.

മലയാള കലാ-സാഹിത്യ രംഗത്തെ പ്രതിഭകളെ ആദരിക്കുക, ഗൾഫ് മേഖലയിലെ കലാ കാരന്മാർക്കും സാംസ്കാരിക പ്രവർത്തകർക്കും ഒത്തു ചേരാനുള്ള വേദി ഒരുക്കുക എന്ന ലക്ഷ്യത്തോടെയാണ് മെഹ്ഫിൽ ഇന്റർ നാഷണൽ ഈ പരിപാടി സംഘടിപ്പിക്കുന്നത്.

വനിത വിനോദ്, ബഷീർ തിക്കോടി, സാദിഖ് കാവിൽ, കെ. ഗോപിനാഥൻ, സി. പി. അനിൽകുമാർ, നിസാർ ഇബ്രാഹിം തുടങ്ങിയവർ പങ്കെടുക്കും.

വിവിധ സ്ഥാപനങ്ങളുടെയും സംരംഭകരുടെയും സഹകരണത്തോടെ കല, സംഗീതം, സാഹിത്യം, നൃത്തം തുടങ്ങിയവ ഒന്നിക്കുന്ന ‘മെഹ്ഫിൽ മെരെ സനം സീസൺ-5’ പ്രോഗ്രാമിലേക്ക് കലാ സ്നേഹി കളെയും പൊതു ജനങ്ങളെയും സംഘാടകർ സ്വാഗതം ചെയ്തു.

- pma

വായിക്കുക: , , , , , ,

Comments Off on മെഹ്ഫിൽ മെരെ സനം സീസൺ-5 നവംബർ 21 ന്

നസീർ രാമന്തളിയുടെ പുസ്തകം പ്രകാശനം ചെയ്തു

November 17th, 2026

dr-m-k-muneer-naseer-ramanthali-with-sharjah-book-fair-ePathram

അബുദാബി : സി. എച്ച്. മുഹമ്മദ് കോയ : ഇതിഹാസ ത്തിന്റെ നാൾ വഴികൾ എന്ന പേരിൽ ഒലിവ് പബ്ലിക്കേഷൻസ് പ്രസിദ്ധീകരിച്ച നസീർ രാമന്തളി യുടെ പുസ്തകം ഷാർജ അന്താരാഷ്ട്ര പുസ്തക മേളയിൽ പ്രകാശനം ചെയ്തു.

എഴുത്തുകാരനും സാമൂഹ്യ പ്രവർത്തകനുമായ വി. ടി. വി. ദാമോദരൻ, നൗഷാദ് ഹാഷിം എന്നിവർ ചേർന്ന് പുസ്തക മേളയിലെ റൈറ്റേഴ്‌സ് ഫോറം വേദിയിലാണ്  ‘സി. എച്ച്. മുഹമ്മദ് കോയ : ഇതിഹാസത്തിന്റെ നാൾ വഴികൾ’ പ്രകാശന കർമ്മം നിർവ്വഹിച്ചത്.

ch-muhammed-koya-ithihasathinte-naalvazhikal-45-th-sharjah-book-fair-2026-ePathram

ടി. മുഹമ്മദ്‌ ഹിദായത്തുള്ള, സലിം ചിറക്കൽ, പി. അഹമ്മദ് ഷെരീഫ്, എം. പി. അബ്ദുൽ ഖാദർ, ഇബ്രാഹിം കുടുക്കിൽ തുടങ്ങിയവർ സംബന്ധിച്ചു.

പ്രഗത്ഭരായ എഴുത്തുകാരിലൂടെ വിരചിതമായ സി. എച്ചിന്റെ ജീവിതം വീണ്ടും എഴുതി ക്കൊണ്ടിരി ക്കുന്നത് എന്തിന് എന്നുള്ള ചോദ്യത്തിന് നൽകുന്ന വിനീതമായ ഉത്തരമാണ് 600 താളുകൾ ഉള്ള പ്രസ്തുത പുസ്തകം എന്ന് രചയിതാവ് നസീർ രാമന്തളി തന്റെ നന്ദി പ്രസംഗത്തിൽ പറഞ്ഞു.

യു. എ. ഇ. യിലെ സാമൂഹിക സാംസ്കാരിക മേഖല യിലെ പ്രമുഖർ ചടങ്ങിൽ പങ്കെടുത്തു. പുസ്തകം ആവശ്യമുള്ളവർ ബന്ധപ്പെടുക :  +971 55 549 1496 (നസീർ രാമന്തളി).

- pma

വായിക്കുക: , , , , , , , , ,

Comments Off on നസീർ രാമന്തളിയുടെ പുസ്തകം പ്രകാശനം ചെയ്തു

ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയ കാലം ആസ്വദിച്ചില്ലേ…?

November 17th, 2026

firoz-shah-book-onnichilla-enkil-enthaa-pranaya-kaalam-ePathram
ഷാർജ : നവാഗതരായ എഴുത്തുകാർക്ക് തങ്ങളുടെ കൃതികൾ വെളിച്ചം കാണാൻ ഏറെ പ്രോത്സാഹനം നൽകി വരുന്ന ഷാർജ അന്താരാഷ്ട്ര പുസ്തക മേളയിൽ വേറിട്ട ഒരു രചന പ്രകാശിതമായി.

mammutty-fans-firoz-shah-book-release-in-45-th-sharjah-book-fair-ePathram

ദുബായിൽ എഞ്ചിനീയറായ എറണാകുളം സ്വദേശി ഫിറോസ് ഷാ എഴുതിയ, അവതരണ രീതി കൊണ്ടും പേര് കൊണ്ടും വ്യത്യസ്തമായ ‘ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയകാലം ആസ്വദിച്ചില്ലേ…?’ എന്ന പുസ്തകം, മാധ്യമ പ്രവർത്തകരും എഴുത്തു കാരുമായ സാദിഖ് കാവിൽ, വനിതാ വിനോദ് എന്നിവർ ചേർന്ന് 45-ാമത് ഷാർജ അന്താരാഷ്ട്ര പുസ്തക മേളയിൽ വെച്ച് പ്രകാശിപ്പിച്ചു.

പ്രതാപ് തായാട്ട്, എം. എ. ഷഹ്നാസ്, ഗീതാ മോഹൻ, പ്രേമാ ശ്രീകുമാർ, ഷാനവാസ് തുടങ്ങി സാഹിത്യ സാംസ്കാരിക രംഗത്തെ പ്രമുഖർ സംബന്ധിച്ചു.

ജീവിതത്തിലെ ചില അനുഭവങ്ങളും മനസ്സിൽ സൂക്ഷിച്ചു വെച്ച ഓർമ്മകളും പറയാതെ പോയ ചില വാക്കുകളും അക്ഷരങ്ങളായി മാറിയതും അതെല്ലാം ഒരു പുസ്തകമായി തയ്യാറാക്കി ഷാർജ അന്താരാഷ്ട്ര പുസ്തക മേളയിൽ പ്രകാശിപ്പിക്കുക എന്നത് തന്നെ ജീവിതത്തിലെ മറക്കാനാവാത്ത അനുഭവമായി എന്ന് ചടങ്ങിൽ നന്ദി പ്രകാശിപ്പിച്ചു കൊണ്ട് രചയിതാവ് ഫിറോസ് ഷാ പറഞ്ഞു.  FB PAGE

- pma

വായിക്കുക: , , , , , , , ,

Comments Off on ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയ കാലം ആസ്വദിച്ചില്ലേ…?

സി. എച്ച്. മുഹമ്മദ് കോയ : ഇതിഹാസത്തിന്റെ നാൾവഴികൾ

November 12th, 2026

naseer-ramanthali-book-cover-c-h-m-koya-ePathram
അബുദാബി : കേരള മുൻ മുഖ്യമന്ത്രി സി. എച്ച്. മുഹമ്മദ് കോയയുടെ ജീവിതം ആസ്പദമാക്കി എഴുത്തുകാരനും ചിത്ര കാരനും കാർട്ടൂണിസ്റ്റുമായ നസീർ രാമന്തളി രചിച്ച ‘സി. എച്ച്. മുഹമ്മദ് കോയ : ഇതിഹാസത്തിന്റെ നാൾവഴികൾ’ എന്ന പുസ്തകം ഷാർജ ബുക്ക് ഫെയറിൽ പ്രകാശിപ്പിക്കും.

കോഴിക്കോട് നടന്ന ചടങ്ങിൽ കേരള സംസ്ഥാന ഭരണ പരിഷ്കരണ കമ്മീഷൻ ചെയർമാൻ ഡോ. എം. കെ. മുനീർ പുസ്തകത്തിൻ്റെ കവർ പേജ് പ്രകാശനം ചെയ്തു. ചന്ദ്രിക ചീഫ് എഡിറ്റർ കമാൽ വരദൂർ ഏറ്റു വാങ്ങി.

പ്രഗത്ഭനായ ഭരണാധികാരിയും ബഹുമുഖ പ്രതിഭയും ആയിരുന്ന സി. എച്ച്. മുഹമ്മദ് കോയയുടെ സംഭവ ബഹുലമായ ജീവിത വഴികൾ, നൂറ്റാണ്ടുകളുടെ ചരിത്ര പശ്ചാത്തലത്തിൽ ആധികാരികവും സമഗ്രവുമായി അടയാളപ്പെടുത്തുന്ന ഭാഷാ സൗന്ദര്യമുള്ള വേറിട്ടൊരു ആഖ്യാന ശൈലിയിൽ ഉള്ളൊരു രചനയാണ് ഈ പുസ്തകം എന്ന് കവർ പേജ് പ്രകാശനം ചെയ്തു കൊണ്ട് ഡോക്ടർ എം. കെ. മുനീർ  അഭിപ്രായപ്പെട്ടു.

മുസ്ലിം യൂത്ത് ലീഗ് ദേശീയ വൈസ് പ്രസിഡണ്ട് ആഷിക് ചെലവൂർ, അഷ്റഫ് നടക്കാവ്, എം. പി ഒറീസ മുഹമ്മദ്, റസാക്ക് ഒരുമനയൂർ, നിസാർ ചേലേരി, മുഹമ്മദ് മിന്നാഹ്, ഇജാസ് പുനത്തിൽ, അഫ്സൽ രാമന്തളി, കെ. പി. ആദിൽ, യു. ഫൈസൽ, ഷഹ്സാദ് എസ്. തുടങ്ങിയവർ ചടങ്ങിൽ പങ്കെടുത്തു.

വിവരങ്ങൾക്ക് : +971 55 549 1496 (നസീർ രാമന്തളി). 

- pma

വായിക്കുക: , , , , ,

Comments Off on സി. എച്ച്. മുഹമ്മദ് കോയ : ഇതിഹാസത്തിന്റെ നാൾവഴികൾ

കടയ്ക്കൽ പ്രവാസി ഫോറം : പുതിയ ഭാരവാഹികൾ

November 6th, 2026

kpf-kadakkal-pravasi-managing-committee-2026-2027-ePathram
ദുബായ് : പ്രവാസി കൂട്ടായ്മ കടക്കൽ പ്രവാസി ഫോറം പതിനാറാമത് വാർഷിക പൊതു യോഗവും കേരള പ്പിറവി ദിനാഘോഷവും ഖിസൈസിലെ ബിൻ ഷബീബ് മാളിൽ വെച്ച് നടന്നു.

ഫോറത്തിന്റെ 25 എക്സിക്യൂട്ടീവ് അംഗങ്ങളിൽ നിന്ന് പുതിയ ഭാരവാഹികളെ യോഗത്തിൽ വച്ച് തെരഞ്ഞെടുത്തു.

kadakkal-pravasi-forum-general-body-2026-ePathram

സുരേഷ് ഉദയഗിരി (പ്രസിഡണ്ട്), നസീർ റാവുത്തർ (ജനറൽ സെക്രട്ടറി) ഷാഫർ മുക്കുന്നത്ത് (ട്രഷറർ) എന്നിവരാണ് പ്രധാന ഭാരവാഹികൾ. പ്രവാസി ഫോറം ദുബായ് ചാപ്റ്റർ എക്സിക്യൂട്ടീവ് മെമ്പർ ഷബീർ കെ അഹമ്മദ് ഉണ്ണി നേതൃത്വം നൽകി.

റഹീം കടയ്ക്കൽ, ഷംനാദ് കടയ്ക്കൽ, സിബി ബൈജു, ഷാൻ ചാവരു കുന്ന്, ബുനൈസ് കാസിം എന്നിവർ ഫോറം കലാ-സാംസ്കാരിക, വിദ്യാഭ്യാസ, ജീവ കാരുണ്യ പ്രവർത്തന റിപ്പോർട്ടുകൾ അവതരിപ്പിച്ചു. യോഗത്തിനു ശേഷം ദിൽബർ ഷാ അവതരിപ്പിച്ച മെന്റലിസ്റ്റ് ഷോയും നടന്നു.

- pma

വായിക്കുക: , , , , , , ,

Comments Off on കടയ്ക്കൽ പ്രവാസി ഫോറം : പുതിയ ഭാരവാഹികൾ

Page 1 of 5812345...102030...Last »

« Previous « പരാജയത്തിന് കാരണം ഇറാൻ യുദ്ധം : യു. എസ്‌. വൈസ് പ്രസിഡണ്ട്
Next Page » ഇസ്‌ലാമിക് സെന്ററിൽ ‘ഫാമിലി ഗെറ്റ് ടുഗെതർ-2026’ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha