ശബരിമല: നടൻ ദിലീപ് ശബരിമല ദർശനം നടത്തി. വ്യാഴാഴ്ച പുലർച്ചെ ആറുമണിയോടെയാണ് ദിലീപ് ശബരിമലയിലെത്തിയത്. സോപാനത്തും മാളികപ്പുറത്തും ദർശനം നടത്തി മേൽ ശാന്തിയെയും കണ്ടതിനു ശേഷമാണ് ദിലീപ് മടങ്ങിയത്. ദിലീപിന് ഊഷ്മള സ്വീകരണമാണ് ശബരിമലയിൽ ലഭിച്ചത്.

നടനും എം എൽ എ യുമായ ഗണേഷ് കുമാറിന്റെ പി എ യുടെ കൂടെയാണ് ദിലീപ് ശബരിമലയിലെത്തിയതെന്നാണ് സൂചന.ദർശനത്തിനു ശേഷം അടുത്ത ദിവസം തന്നെ ദിലീപ് കമ്മാര സംഭവത്തിന്റെ സെറ്റിൽ എത്തുമെന്നാണ് നേരത്തെ അറിയിച്ചിരുന്നത്. പാലക്കാട്ടും അതിർത്തിയിലുമാണ് കമ്മാര സംഭവത്തിന്റെ ഷൂട്ടിങ്ങ് നടക്കുന്നത്.

കൊച്ചി : നടിയെ ആക്രമിച്ച കേസിൽ ദിലീപിനെതിരായ കുറ്റപത്രം ഉടൻ സമർപ്പിക്കില്ലെന്ന് ഡിജിപി ലോക്നാഥ് ബെഹ്റ. നിയമപരമായി പ്രതിക്ക് ജാമ്യം കിട്ടിയ സാഹചര്യത്തിൽ കുറ്റപത്രം 90 ദിവസത്തിനകം സമർപ്പിക്കേണ്ട കാര്യമില്ലെന്നും ഇത് മൂലം പോലീസിന് അന്വേഷണത്തിനായി കുറച്ചു കൂടി സാവകാശം ലഭിക്കുമെന്നും അദ്ദേഹം പറഞ്ഞു.

പ്രതിക്ക് ജാമ്യം ലഭിച്ചത് പ്രോസിക്യൂഷന്റെ പിഴവല്ലെന്നും റിയൽ എസ്റ്റേറ്റ് മാഫിയയെ പൂർണ്ണമായും തകർക്കുമെന്നും ബെഹ്റ പ്രതികരിച്ചു. കൊച്ചിയിൽ മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.