സൗദി അറേബ്യ: ആദ്യമായി സൗദി മണ്ണിലെത്തിയ മലയാള സിനിമയായിരുന്നു മോഹന്‍ലാലിന്റെ ‘ലൂസിഫര്‍’. അതിനുശേഷം ഇതാ മമ്മൂട്ടിയുടെ ‘ഉണ്ട’യും സൗദി റിലീസിനായെത്തുകയാണ്. തങ്ങളുടെ പ്രിയതാരത്തിന്‍റെ ചിത്രം ആദ്യമായി റിലീസ് ചെയ്യുന്ന സന്തോഷത്തിലാണ് ഇവിടുത്തെ ഇക്കാ ഫാന്‍സുകാര്‍. സൗദിയിലെ തുറമുഖ നഗരമായ ജിദ്ദയിലാണ് മലയാളം സിനിമകള്‍ എത്തുന്ന തിയേറ്ററുകള്‍ സ്ഥിതിചെയ്യുന്നത്.
മമ്മൂക്കയുടെ പുതിയ ചിത്രമായ ഉണ്ടയിലെ റിലീസിന് മുന്നോടിയായി ഉണ്ട സ്പെഷൽ പോസ്റ്ററുകളും ടീസറുകളും സ്വന്തമായിറക്കിയിരിക്കുകയാണ് ഇവിടെയുള്ള മമ്മൂക്ക ഫാൻസുകാര്‍.
