covid-19 « e പത്രം

കൊവിഡ് മാനദണ്ഡ ങ്ങളും വ്യവസ്ഥകളും തുടരുന്നു

September 23rd, 2020

awareness-from-abudhabi-police-ePathram
അബുദാബി : റോഡു മാര്‍ഗ്ഗം അബുദാബി യിലേക്ക് പ്രവേശിക്കുന്നതിന് ഏർപ്പെടുത്തിയ കൊവിഡ് മാന ദണ്ഡങ്ങളിലും വ്യവസ്ഥകളിലും മാറ്റമില്ല എന്ന് അടിയന്തര ദുരന്ത നിവാരണ വകുപ്പ് അറിയിച്ചു.

The Abu Dhabi Emergency, Crisis & Disasters Committee for the Covid-19 Pandemic confirms no changes made to procedures to enter and exit the Emirate and urges the public to rely only on #AbuDhabi’s official sources for information. pic.twitter.com/EnMxyzODAo

— مكتب أبوظبي الإعلامي (@admediaoffice) September 22, 2020

ഇതര എമിറേറ്റുകളില്‍ നിന്നും അബുദാബി യിലേക്ക് വരുന്നവര്‍ കൊവിഡ് ടെസ്റ്റ് ചെയ്ത് 48 മണിക്കൂറിന് ഉള്ളില്‍ ലഭിച്ച പി. സി. ആർ. നെഗറ്റീവ് റിസള്‍ട്ട് അല്ലെങ്കിൽ ഡി. പി. ഐ. നെഗറ്റീവ് റിസള്‍ട്ട് എന്നിവ യിൽ ഒന്നു കയ്യില്‍ കരുതണം.

സന്ദർശകർ തുടർച്ചയായി ആറു ദിവസങ്ങളില്‍ കൂടുതല്‍ അബുദാബിയിൽ തുടരുന്നു എങ്കിൽ നിർബ്ബന്ധമായും ആറാം ദിവസം പി. സി. ആർ. ടെസ്റ്റ് നടത്തുകയും വേണം.

* NCEMA UAE : Twitter

- pma

വായിക്കുക: covid-19, അബുദാബി, ആരോഗ്യം, ഗതാഗതം, നിയമം

Comments Off

അബുദാബി ക്വാറന്റൈന്‍ വ്യവസ്ഥകള്‍ : ബോധ വല്‍ക്കരണ വീഡിയോ ഹിറ്റ്

September 20th, 2020

അബുദാബി : കൊവിഡ് വൈറസ് വ്യാപനം തടയുന്ന തിനു വേണ്ടി യാത്രി കര്‍ക്ക് കര്‍ശ്ശന നിര്‍ദ്ദേശങ്ങളു മായി സോഷ്യല്‍ മീഡിയ കളിലൂടെ നടത്തുന്ന ബോധ വല്‍ക്കരണ വീഡിയോ വൈറല്‍. ഇംഗ്ലീഷ് ഭാഷയില്‍ വിവരങ്ങള്‍ വിശദീകരിക്കുന്ന ഈ വീഡിയൊ ഡൗണ്‍ ലോഡ് ചെയ്ത് മലയാളി വാട്സാപ്പ് കൂട്ടായ്മ കളിലും പ്രചരിച്ചു കഴിഞ്ഞു.

അബുദാബി യിൽ വിമാനം ഇറങ്ങുന്നവർക്ക് 14 ദിവസ ത്തെ സ്വയം നിരീക്ഷണം നിർബ്ബന്ധം എന്ന് പ്രത്യേകം തയ്യാറാക്കിയ വീഡിയോ യിലൂടെ അബുദാബി മീഡിയ ഓഫീസ് അറിയിച്ചു.

In line with precautionary and preventative measures for the health and safety of all community, the Abu Dhabi Emergency, Crisis & Disasters Committee for the Covid-19 Pandemic sets out procedures for international arrivals in #AbuDhabi by air or land travelling to other emirates pic.twitter.com/s751fI20kR

— مكتب أبوظبي الإعلامي (@admediaoffice) September 17, 2020

രാജ്യത്ത് എത്തുന്നവരെ ക്വാറന്റൈന്‍ സംവിധാന ത്തിൽ രജിസ്റ്റർ ചെയ്ത ശേഷം 14 ദിവസ ത്തേക്ക് കയ്യില്‍ റിസ്റ്റ് ബാൻഡ് ധരിപ്പിക്കും. 14 ദിവസത്തെ ക്വാറന്റൈന്‍ പാലിക്കുന്നു എന്ന് ഉറപ്പു വരുത്തുവാന്‍ കൂടിയാണ് ഇത്. മാത്രമല്ല ഈ റിസ്റ്റ് ബാന്‍ഡ് വഴി ദിവസേന വ്യക്തി യുടെ ശരീര ഊഷ്മാവും രേഖപ്പെടുത്തും.

12 ദിവസം പിന്നിട്ടാൽ പി. സി. ആർ. പരിശോധന നടത്തു കയും കൊവിഡ് നെഗറ്റീവ് ഫലം ലഭി ച്ചാൽ 14 ദിവസ ത്തിനു ശേഷം റിസ്റ്റ് ബാൻഡ് ഒഴിവാക്കു കയും ചെയ്യാം.

അബുദാബി യിലേക്ക് എത്തുന്ന അന്താ രാഷ്ട്ര വിമാന യാത്രക്കാര്‍ക്ക് എന്ന പോലെ ഇതര എമി റേറ്റുകളില്‍ നിന്നും വരുന്ന വര്‍ക്കും വ്യവസ്ഥകൾ ബാധകമാണ്.

Further clarification on the guidelines for international arrivals to #AbuDhabi on quarantine measures, including procedures for those who are travelling to other emirates. pic.twitter.com/gibhKB6xTc

— مكتب أبوظبي الإعلامي (@admediaoffice) September 17, 2020

അബുദാബിയിൽ ഇറങ്ങി മറ്റു എമിറേറ്റു കളി ലേക്ക് പോകേണ്ടവർക്ക് യാത്രയ്ക്ക് 96 മണി ക്കൂറി നുള്ളിൽ പി. സി. ആർ. പരി ശോധന നടത്തി നെഗറ്റീവ് ഫലം ലഭിച്ചിരിക്കണം.

വിവിധ രാജ്യങ്ങളിൽ നിന്നും എത്തി 14 ദിവസ ത്തിൽ കൂടുതൽ മറ്റു എമിറേ റ്റിൽ കഴിഞ്ഞാൽ അബുദാബി യിലേക്ക് പ്രവേശി ക്കുന്നവർ ക്കുള്ള സ്വാഭാവിക നടപടി ക്രമ ങ്ങൾ പൂർത്തി യാക്കണം. മറ്റു എമിറേറ്റിൽ 14 ദിവസ ത്തിൽ താഴെ കഴിഞ്ഞവർ അബു ദാബി യിലേക്ക് പ്രവേശിച്ചാൽ ബാക്കി ദിവസ ങ്ങൾ ക്വറന്റൈൻ പൂർത്തിയാക്കണം.

- pma

വായിക്കുക: covid-19, expat, social-media, ആരോഗ്യം, ഇന്റര്‍നെറ്റ്‌, നിയമം, പൂര്‍വ വിദ്യാര്‍ത്ഥി, പ്രവാസി, യു.എ.ഇ.

Comments Off

ആരോഗ്യ പ്രവര്‍ത്തകര്‍ക്കു നേരെ അക്രമം : അഞ്ചു വര്‍ഷം വരെ തടവു ശിക്ഷ

September 20th, 2020

new-law-in-india-to-punish-those-attacking-doctors-health-care-workers-ePathram
ന്യൂഡല്‍ഹി : ഡോക്ടര്‍മാര്‍ ഉള്‍പ്പെടെ യുള്ള ആരോഗ്യ പ്രവര്‍ത്തകരെ ആക്രമിക്കുന്ന വര്‍ക്ക് 3 മാസം മുതല്‍ 5 വര്‍ഷം വരെ തടവ് ശിക്ഷ ഉറപ്പു വരുത്തുന്ന നിയമം രാജ്യസഭ പസ്സാക്കി. തടവു ശിക്ഷ കൂടാതെ 50,000 രൂപ മുതല്‍ രണ്ടു ലക്ഷം രൂപ വരെയുള്ള പിഴ ശിക്ഷയും നിയമം അനുശാസിക്കുന്നു.

പകര്‍ച്ച വ്യാധികളേയും കൊവിഡ് പോലെയുള്ള മഹാമാരി കളെയും നേരിടുന്ന ആരോഗ്യ പ്രവര്‍ത്ത കര്‍ക്ക് സംരക്ഷണം ഉറപ്പു വരുത്തുന്നതിന്നു വേണ്ടി യാണ് ഇത്തരമൊരു നിയമം കൊണ്ടു വന്നത്.

ഡോക്ടര്‍മാര്‍, നഴ്‌സുമാര്‍, കമ്മ്യൂണിറ്റി ഹെല്‍ത്ത് സെന്റര്‍ ജീവനക്കാര്‍, പാരാ മെഡിക്കല്‍ സ്റ്റാഫ്, കൂടാതെ പകര്‍ച്ച വ്യാധികള്‍ തടയാന്‍ നിയോഗിക്കപ്പെട്ട വിവിധ വകുപ്പു കളിലെ ഉദ്യോഗസ്ഥര്‍ എന്നിവര്‍ക്കാണ് നിയമ ത്തിലൂടെ സംരക്ഷണം ലഭിക്കുക.

ആരോഗ്യ സ്ഥാപനങ്ങള്‍ക്കു നേരെ ആക്രമണങ്ങള്‍ നടത്തി അവിടത്തെ വസ്തു വകകള്‍ നശിപ്പിക്കുന്ന വര്‍ക്കും ക്വറന്റൈൻ സെന്ററു കൾ, മൊബൈല്‍ മെഡിക്കല്‍ യൂണിറ്റുകള്‍ എന്നിവക്കും നാശ നഷ്ടം ഉണ്ടാക്കുന്നവര്‍ക്കും ഈ നിയമ ത്തിന്റെ അടിസ്ഥാന ത്തില്‍ ശിക്ഷ നല്‍കും.

- pma

വായിക്കുക: covid-19, ആരോഗ്യം, കുറ്റകൃത്യം, നിയമം

Comments Off

കൊറോണ വൈറസ് : ഗവേഷകര്‍ ചിത്രങ്ങള്‍ പകര്‍ത്തി

September 15th, 2020

covid-sars-cov-2-severe-acute-respiratory-syndrome-coron-virus-2-ePathram
വാഷിംഗ്ടണ്‍ : പരീക്ഷണ ശാലയില്‍ നിന്നും ഗവേഷകര്‍ പകര്‍ത്തിയ കൊറോണ വൈറസി ന്റെ ചിത്ര ങ്ങള്‍ ‘ദി ന്യൂ ഇംഗ്ലണ്ട് ജേണല്‍ ഓഫ് മെഡി സിന്‍’ പ്രസിദ്ധീ കരിച്ചു.

പരീക്ഷണ ശാല യില്‍ വളര്‍ത്തി എടുത്ത കോശ ങ്ങളെ ബാധിച്ച കൊറോണ വൈറസിന്റെ ചിത്ര ങ്ങളാണ് ഗവേ ഷകര്‍ പകര്‍ത്തി യിരി ക്കുന്നത്. ശ്വാസ കോശ കോശ ങ്ങളെ ബാധിച്ച കൊറോണ വൈറസി ന്റെ ചിത്രങ്ങ ളാണ് ഇവ.

ശ്വാസ കോശത്തിലെ കോശ ങ്ങളിലേക്ക് കൊറോണ വൈറസിനെ കുത്തിവെച്ച് 96 മണി ക്കൂറിന് ശേഷം ഇലക്ടോണ്‍ മൈക്രോ സ്‌കോപ്പിലൂടെ പരി ശോധി ക്കുകയും ചെയ്ത പ്പോള്‍ കിട്ടിയ ചിത്ര ങ്ങൾ അണുബാധ എത്രത്തോളം തീവ്ര മാകുന്നു എന്നു വ്യക്ത മാക്കുന്നു.

Image Credit : NEJMicm
Latest Photos of Corona Virus

- pma

വായിക്കുക: covid-19, അമേരിക്ക, ആരോഗ്യം, വൈദ്യശാസ്ത്രം, ശാസ്ത്രം

Comments Off

നിര്‍ത്തി വെച്ച കൊവിഡ് വാക്‌സിന്‍ പരീക്ഷണം പുനരാരംഭിച്ചു

September 15th, 2020

covid-19-university-of-oxford-developed-corona-vaccine-ePathram
ലണ്ടന്‍ : താത്കാലികമായി നിര്‍ത്തി വെച്ചി രുന്ന ഓക്സ് ഫോഡ് യൂണി വേഴ് സിറ്റിയുടെ കൊവിഡ് വാക്‌സിന്‍ പരീക്ഷണം പുനരാരംഭിച്ചു.

പരീക്ഷണ ത്തിന്റെ ഭാഗ മായി 18,000 ത്തോളം സന്നദ്ധ പ്രവര്‍ത്തകര്‍ക്ക് വാക്‌സിന്‍ കുത്തി വെച്ചിരുന്നു. ഇവരില്‍ ഒരാള്‍ക്ക് ‘അജ്ഞാത അസുഖം’ കണ്ടെത്തി യിരുന്നു. ഇതേ തുടര്‍ന്ന് താല്‍ക്കാലികമായി പരീക്ഷണം നിര്‍ത്തി വെക്കുക യായിരുന്നു.

ഇതു സംബന്ധിച്ച സ്വതന്ത്ര അന്വേഷണങ്ങള്‍ പൂര്‍ത്തി യാവു കയും അവലോകന കമ്മിറ്റി യുടേയും യു. കെ. റെഗുലേറ്റര്‍ എം. എച്ച്. ആര്‍. എ. യുടേയും ശുപാര്‍ശ കളെ തുടര്‍ന്ന് രാജ്യത്ത് ഉടനീളം വാക്‌സിന്‍ പരീക്ഷണം വീണ്ടും ആരംഭിക്കുകയാണ് എന്നു നിര്‍മ്മാതാക്കളായ അസ്ട്രാ സെനക ഫാർമസ്യൂട്ടിക്കൽസും ഓക്സ് ഫോഡ് യൂണിവേഴ്സിറ്റിയും സംയുക്ത പ്രസ്താവനയില്‍ അറിയിച്ചു.