സുപ്രധാന വകുപ്പുകള്‍ ചേര്‍ത്ത് ഫെഡറൽ അഥോറിറ്റി പുനഃ സംഘടിപ്പിച്ചു

October 7th, 2021

uae-president-sheikh-khalifa-bin-zayed-on-forbes-most-powerful-people-list-2016-ePathram
അബുദാബി : ഫെഡറൽ അഥോറിറ്റി ഫോർ ഐഡന്‍റിറ്റി & സിറ്റിസൺഷിപ്പ് പുനഃ സംഘടിപ്പിച്ചു കൊണ്ട് യു. എ. ഇ. പ്രസിഡണ്ട് ശൈഖ് ഖലീഫ ബിന്‍ സായിദ് അല്‍ നഹ്യാന്‍ ഉത്തരവ് ഇറക്കി. ഇതോടെ രാജ്യത്തെ അതിപ്രധാനമായ വിവിധ വകുപ്പുകള്‍ ഇനി ഒരു അഥോറിറ്റിക്കു കീഴില്‍ പ്രവര്‍ത്തിക്കും.

ദി ഫെഡറൽ കസ്റ്റംസ് അഥോറിറ്റി, ജനറൽ അഥോറിറ്റി ഓഫ് പോർട്ട്സ്, ബോർഡേഴ്‌സ് ആൻഡ് ഫ്രീ സോൺസ് സെക്യൂരിറ്റി എന്നിവയാണ് ലയിപ്പിച്ചിരിക്കുന്നത്.

യു. എ. ഇ. യിലെ പൗരത്വം, താമസ വിസ തുടങ്ങിയ കാര്യങ്ങളില്‍ തീരുമാനം എടുത്തു നടപ്പാക്കുന്ന അഥോറി റ്റിയാണ് ഫെഡറൽ അഥോറിറ്റി ഫോർ ഐഡന്‍റിറ്റി & സിറ്റിസൺഷിപ്പ്.

ഇതിലൂടെ കസ്റ്റംസ്, തുറമുഖ സുരക്ഷിതത്വ വകുപ്പുകള്‍ കൂടി ഒന്നിച്ചു ചേർത്തു കൊണ്ടാണ് ഇപ്പോള്‍ പുനഃ സംഘടിപ്പിച്ചത്.

യു. എ. ഇ. യിലെ പൗരത്വം, പാസ്സ് പോര്‍ട്ട്, താമസ രേഖ, തുറമുഖ വികസനം, രാജ്യത്തേക്കുള്ള പ്രവേശനം, അതിർത്തികൾ, ഫ്രീ സോൺ സുരക്ഷിതത്വം, ഫ്രീ സോൺ ലൈസൻസ്, നികുതി നിരക്കുകളുടെ ഏകീകരണം തുടങ്ങിയ ചുമതലകളും ഈ അഥോറിറ്റിക്ക് തന്നെ ആയിരിക്കും. നയ രൂപീകരണം തയ്യാറാക്കി നിയമങ്ങള്‍ നടപ്പാക്കുന്നതും ഈ പുതിയ അഥോറിറ്റിയുടെ കീഴില്‍ ആയിരിക്കും.

*  W A M NEWS

- pma

വായിക്കുക: , , ,

Comments Off on സുപ്രധാന വകുപ്പുകള്‍ ചേര്‍ത്ത് ഫെഡറൽ അഥോറിറ്റി പുനഃ സംഘടിപ്പിച്ചു

വൈറല്‍ വീഡിയോ : ചിത്രീകരണ വിശേഷങ്ങളുമായി എമിറേറ്റ്‌സ്

August 10th, 2021

nicole-smith-ludvik-on-top-burj-khalifa-emirates-airline-ePathram
ദുബായ് : ലോകത്തിലെ ഏറ്റവും ഉയരം കൂടിയ കെട്ടിട ങ്ങളില്‍ ഒന്നായ ദുബായ് ബുര്‍ജ് ഖലീഫ യുടെ മുകളിൽ എമിറേറ്റ്‌സ് എയർ ലൈൻസി ന്റെ എയർ ഹോസ്റ്റസ് നിൽക്കുന്ന പരസ്യ വീഡിയോ കഴിഞ്ഞ ദിവസ ങ്ങളില്‍ സാമൂഹിക മാധ്യമങ്ങളില്‍ വൈറലായി മാറിയിരുന്നു.

യു. കെ. യുടെ റെഡ് ലിസ്റ്റിൽ നിന്നും യു. എ. ഇ. യെ മാറ്റിയതിനെ സ്വാഗതം ചെയ്തു കൊണ്ട് എമിറേറ്റ്‌സ് എയർ ലൈൻസ് ഒരുക്കിയ 30 സെക്കന്‍ഡ് ദൈര്‍ഘ്യം മാത്രം ഉള്ള ഒരു കുഞ്ഞു പരസ്യചിത്രം ആയിരുന്നു ഇത്. സ്കൈ ഡൈവിംഗ് ഇൻസ്ട്രക്ടർ നിക്കോളെ സ്മിത്ത് ലെഡ്‌വിക് ആയിരുന്നു എമിറേറ്റ്സ് എയർ ലൈൻസ് യൂണിഫോം അണിഞ്ഞു ബുർജ് ഖലീഫ യുടെ മുകളിൽ നിന്നത്.

ദൃശ്യ മാധ്യമങ്ങളില്‍ ഉപയോഗിക്കുന്ന സാങ്കേതിക വിദ്യയിലും എഡിറ്റിംഗിലും ഒന്നുമല്ല എയർ ഹോസ്റ്റ സിനെ ബുര്‍ജ് ഖലീഫ ക്കു മുകളില്‍ കാണിച്ചത് എന്നു വ്യക്തമാക്കുന്ന മേക്കിംഗ് വീഡിയോ എമിറേറ്റ്‌സ് എയർ ലൈൻസിന്റെ ട്വിറ്റര്‍ പേജിലൂടെ പുറത്തു വിട്ടു.

എന്നാല്‍ ഇത്തരം ഒരു വീഡിയോ ചിത്രീകരിച്ചതില്‍ അഭിനന്ദനങ്ങളും വിമര്‍ശനങ്ങളുമായി ഒട്ടേറെ പേര്‍ ട്വിറ്റര്‍ പേജില്‍ കമന്‍റുകളുമായി എത്തിയിട്ടുണ്ട്.

ലോകത്തിന്റെ നെറുകയില്‍ ഒരു സ്ത്രീ എത്തി നില്‍ക്കുന്നു എന്നത് അഭിമാനകരം എന്നുള്ളതാണ് ഒരു ശ്രദ്ധേയ കമന്‍റ്. ഇത്രയും ഉയരത്തില്‍ അപകട കരമായ സാഹചര്യ ത്തില്‍ ഒരു വീഡിയോ ചിത്രീകരി ക്കുമ്പോള്‍ വേണ്ടതായ സുരക്ഷാ മാന ദണ്ഡങ്ങള്‍ പാലിച്ചില്ല എന്നുള്ളത് അടക്കം നിരവധി പിശകുകള്‍ ചൂണ്ടിക്കാണിച്ചവരും ഉണ്ട്.

- pma

വായിക്കുക: , , , ,

Comments Off on വൈറല്‍ വീഡിയോ : ചിത്രീകരണ വിശേഷങ്ങളുമായി എമിറേറ്റ്‌സ്

ദുബായ് യാത്ര : കൊവിഡ്പരിശോധന സമയ പരിധി 48 മണിക്കൂര്‍

April 21st, 2021

air-india-express-need-gdrfa-approval-fly-back-to-uae-ePathram
ദുബായ് : ഇന്ത്യയിൽ നിന്ന് വരുന്ന വിമാന യാത്രക്കാര്‍ 48 മണിക്കൂറിന്ന് ഉള്ളില്‍ നടത്തിയ കൊവിഡ് നെഗറ്റീവ് പരിശോധന ഫലം കരുതണം എന്ന് എയര്‍ ഇന്ത്യ. ഏപ്രിൽ 22 മുതല്‍ ഈ നിയമം പ്രാബല്യത്തിൽ വരും. ഇംഗ്ലീഷ്, അറബി എന്നീ ഏതെങ്കിലും ഭാഷകളില്‍ ആയിരിക്കണം പരിശോധനാ ഫലം.

പരിശോധനക്കു വേണ്ടി സാമ്പിൾ എടുത്തത് മുതലുള്ള 48 മണിക്കൂര്‍ എന്നാണ് പുതിയ നിര്‍ദ്ദേശത്തില്‍ ഉള്ളത്. സാമ്പിള്‍ എടുത്ത സമയവും ടെസ്റ്റ് ചെയ്ത സമയവും റിപ്പോർട്ടിൽ കൃത്യമായി രേഖപ്പെടു ത്തിയിരിക്കണം. മാത്രമല്ല ഒറിജിനൽ എന്നു വ്യക്തമാക്കുന്ന ക്യൂ – ആർ കോഡ് റിപ്പോർട്ടില്‍ ഉണ്ടാവുകയും വേണം എന്നും നിഷ്കര്‍ഷയുണ്ട്.

ഓരോ രാജ്യങ്ങളിലേക്കും യാത്ര ചെയ്യുന്നവര്‍ അതതു രാജ്യങ്ങളിലെ ക്വാറന്റൈന്‍ നിയമങ്ങള്‍ പിന്തുടര്‍ന്നു യാത്രക്ക് ഒരുങ്ങണം എന്നും എയര്‍ ഇന്ത്യ മുന്നറിയിപ്പു നല്‍കിയിട്ടുണ്ട്.

- pma

വായിക്കുക: , , , , , , ,

Comments Off on ദുബായ് യാത്ര : കൊവിഡ്പരിശോധന സമയ പരിധി 48 മണിക്കൂര്‍

യാത്രാ വിലക്ക് മേയ് 17 വരെ നീട്ടി

March 14th, 2021

flag-and-logo-of-saudi-arabia-ePathram.jpg
റിയാദ് : സൗദി അറേബ്യയിലേക്കുള്ള വിമാന യാത്രാ വിലക്ക് മേയ് 17 വരെ നീട്ടി. ഇതു സംബന്ധിച്ചുള്ള നിർദ്ദേശം വിമാന ക്കമ്പനികള്‍ക്കും എയർ പോർട്ടു കൾക്കും സൗദി ജനറൽ അഥോറിറ്റി ഓഫ് സിവിൽ ഏവിയേഷൻ നൽകിക്കഴിഞ്ഞു. രാജ്യത്തെ എല്ലാ വിമാന ത്താവളങ്ങളും മേയ് 17 മുതൽ തുറന്നു പ്രവര്‍ത്തനം ആരംഭിക്കും.

എന്നാല്‍ കൊവിഡ് വ്യാപനം കുറവുള്ള ഗ്രീന്‍ സോണ്‍ രാജ്യങ്ങളിൽ നിന്നുള്ള വിമാന ങ്ങൾ മാത്രമേ രാജ്യത്ത് ഇറക്കുവാന്‍ അനുമതി നല്‍കുകയുള്ളൂ.

നിലവില്‍, കൊവിഡ് വ്യാപന തോത് വര്‍ദ്ധിച്ച റെഡ് സോണ്‍ രാജ്യങ്ങളുടെ പട്ടികയില്‍ ഉള്‍പ്പെട്ട ഇന്ത്യയില്‍ നിന്നുള്ള വിമാനങ്ങള്‍ക്ക് വിലക്ക് തുടരും.

- pma

വായിക്കുക: , , , , , ,

Comments Off on യാത്രാ വിലക്ക് മേയ് 17 വരെ നീട്ടി

കൊവിഡ് പരിശോധനാ ഫലം 90 മിനിറ്റില്‍ ലഭിക്കും

March 11th, 2021

covid-19-test-result-for-uae-entry-ePathram
അബുദാബി : ഏറ്റവും വേഗത യിൽ ഫലം ലഭ്യമാകുന്ന റാപ്പിഡ് പി. സി. ആർ. പരിശോ ധനാ സംവിധാനം അബു ദാബി അന്താരാഷ്ട്ര വിമാന ത്താവള ത്തിൽ ഒരുക്കി എന്ന് അധി കൃതര്‍ അറിയിച്ചു.

തൊമോഹ് ഹെൽത്ത് കെയർ, പ്യൂവർ ഹെൽത്ത് എന്നിവ യുടെ പങ്കാളിത്തത്തില്‍ ഒരുക്കിയ ഈ സംവിധാനം വഴി കൊവിഡ് പരിശോധനാ ഫലം 90 മിനിറ്റില്‍ തന്നെ ലഭിക്കും എന്നും അധികൃതര്‍ അറിയിച്ചു.

പ്രതിദിനം 20,000 പേരുടെ കൊവിഡ് പരിശോധന നടത്തു വാന്‍ ഈ സംവിധാനത്തിലൂടെ സാധിക്കും. ഇതിന്റെ ഫലം അൽ ഹൊസൻ ആപ്പ്, എസ്. എം. എസ്. എന്നിവ യിലൂടെ ലഭിക്കും.

- pma

വായിക്കുക: , , , ,

Comments Off on കൊവിഡ് പരിശോധനാ ഫലം 90 മിനിറ്റില്‍ ലഭിക്കും

Page 5 of 17« First...34567...10...Last »

« Previous Page« Previous « പയസ്വിനി ബോധ വത്കരണ ക്ലാസ്സ്
Next »Next Page » യാത്രാ വിലക്ക് മേയ് 17 വരെ നീട്ടി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha