ചെന്നൈ : ബംഗളൂരുവിലെ പരപ്പന അഗ്രഹാര ജയിലില്‍ കഴിയുന്ന ശശികലയെ തമിഴ്നാട് ജയിലിലേക്ക് മാറ്റുമെന്ന് സൂചന. ഇതിന്റെ ഭാഗമായി പാര്‍ട്ടിയുടെ ഡെപ്യൂട്ടി ജനറല്‍ സെക്രട്ടറിയും സഹോദരീപുത്രനുമായ ടിടിവി ദിനകരന്‍ ജയിലിലെത്തി ശശികലയെ സന്ദര്‍ശിച്ചു. ഏകദേശം അരമണിക്കൂറോളം ഇവര്‍ തമ്മില്‍ സംസാരിച്ചു.
ഫെബ്രുവരി 15 നാണ് സുപ്രീം കോടതി ശിക്ഷ പ്രകരം ശശികല ജയിലിലെത്തുന്നത്. അതിനുശേഷം ഇതാദ്യമായാണ് കുടുംബത്തില്‍ നിന്നും ഒരാള്‍ ശശികലയെ കാണുന്നത്. തമിഴ്നാടിന്റെ പുതിയ മുഖ്യമന്ത്രിയായി എടപ്പാടി പളനിസ്വാമി സ്ഥാനമേറ്റതിനു തൊട്ടുപിന്നാലെയാണ് ദിനകരന്‍ ശശികലയെ കാണാന്‍ ജയിലിലെത്തിയത്. ജയിലില്‍ വെച്ച് നാട്ടിലെ ജയിലിലേക്ക് മാറാന്‍ ആഗ്രഹമുണ്ടെന്ന് ശശികല ദിനകരനെ അറിയിച്ചതായാണ് സൂചന.