മാമുക്കോയ സ്മാരക പുരസ്‌കാരം വിനോദ് കോവൂരിന് സമ്മാനിക്കും

January 5th, 2024

actor-vinod-kovoor-ePathram

ദുബായ് : അന്തരിച്ച പ്രമുഖ നടൻ മാമുക്കോയയുടെ സ്മരണാർത്ഥം മലബാർ പ്രവാസി (യു. എ. ഇ.) ഏർപ്പെടുത്തിയ മാമുക്കോയ സ്മാരക പുരസ്കാരം ചലച്ചിത്ര-സീരിയൽ നടൻ വിനോദ് കോവൂരിനു സമ്മാനിക്കും.

മാമുക്കോയയുടെ സ്മരണാർത്ഥം മലബാർ പ്രവാസി യുടെ ആഭിമുഖ്യത്തിൽ 2024 ജനുവരി 27 ശനിയാഴ്ച വൈകുന്നേരം ദുബായ് ക്രസൻറ് ഹൈസ്‌കൂൾ മൈതാനിയിൽ സംഘടിപ്പിക്കുന്ന ‘നമ്മുടെ സ്വന്തം മാമുക്കോയ’ എന്ന പരിപാടിയിൽ വെച്ച് സാമൂഹ്യ-സാംസ്‌കാരിക-സിനിമ മേഖലയിലെ പ്രമുഖരുടെ സാന്നിദ്ധ്യത്തിൽ വിനോദ് കോവൂരിനു മാമുക്കോയ സ്മാരക പുരസ്‌കാരം സമ്മാനിക്കും എന്നു സംഘാടക സമിതി ഭാരവാഹികൾ അറിയിച്ചു.

- pma

വായിക്കുക: , , , ,

Comments Off on മാമുക്കോയ സ്മാരക പുരസ്‌കാരം വിനോദ് കോവൂരിന് സമ്മാനിക്കും

അമാനത്ത് ഹോൾഡിംഗ്‌സ് ചെയർമാനായി ഡോ.ഷംഷീർ വയലിലിനെ നിയമിച്ചു

December 30th, 2023

doctor-shamsheer-vayalil-vps-health-care-ePathram
അബുദാബി : ദുബായ് ഫിനാൻഷ്യൽ മാർക്കറ്റിൽ ലിസ്റ്റ് ചെയ്തിരിക്കുന്ന മേഖലയിലെ മുൻ നിര സംയോജിത ആരോഗ്യ, വിദ്യാഭ്യാസ നിക്ഷേപ കമ്പനിയായ അമാനത്ത് ഹോൾഡിംഗ്‌സ് പുതിയ ഡയറക്ടർ ബോർഡ് ചെയർമാൻ ആയി ഡോ. ഷംഷീർ വയലിലിനെ നിയമിച്ചു. അതിവേഗം വികസിച്ചു കൊണ്ടിരിക്കുന്ന ആരോഗ്യ-വിദ്യാഭ്യാസ മേഖല കളിൽ തന്ത്ര പരമായ നേതൃത്വം ലക്‌ഷ്യം വെച്ച് കൊണ്ടാണ് അമാനത്ത് ഡയറക്ടർ ബോർഡ് തീരുമാനം.

ഹമദ് അബ്ദുല്ല അൽ ഷംസിക്ക് പകരമാണ് ഡോ. ഷംഷീർ ചെയർമാൻ പദവിയിൽ എത്തുന്നത്. ആഗോള ആരോഗ്യ രംഗത്തും അമാനത്തിലും ഉള്ള അനുഭവ സമ്പത്തും വൈദഗ്ധ്യവും ആയിട്ടാണ് അദ്ദേഹം ചെയർമാൻ സ്ഥാനത്തേക്ക് തെരഞ്ഞെടുക്കപ്പെടുന്നത്. 2.5 ബില്യൺ ദിർഹത്തിന്റെ പെയ്ഡ്-അപ്പ് മൂല ധനമുള്ള അമാനത്തിൻ്റെ ഏറ്റവും വലിയ വ്യക്തി ഗത ഓഹരി ഉടമ കൂടിയാണ് ഡോ. ഷംഷീർ വയലിൽ.

ആരോഗ്യ രംഗത്തെ നേതൃ പാടവത്തിലൂടെ, മേഖലയിലെ ആരോഗ്യ, വിദ്യാഭ്യാസ സേവനങ്ങളുടെ വികാസത്തിൽ ഡോ. ഷംഷീർ നിർണ്ണായക പങ്കു വഹിച്ചിട്ടുണ്ട്. മിഡിൽ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളിൽ മുൻ നിരയിലുള്ള ബുർജീൽ ഹോൾഡിംഗ്‌സ് സ്ഥാപകനും ചെയർ മാനുമാണ് കോഴിക്കോട് സ്വദേശിയായ ഡോ. ഷംഷീർ വയലിൽ .

ആരോഗ്യ, വിദ്യാഭ്യാസ രംഗത്ത് മികച്ച നിക്ഷേപ ങ്ങളുള്ള അമാനത്തിൻെറ നേട്ടങ്ങൾ വിപുലീകരി ക്കുവാനും വിപണികളിലെ പുതിയ അവസരങ്ങൾ പ്രയോജനപ്പെടുത്താനും മുൻഗണന നൽകും എന്ന് ഡോ. ഷംഷീർ പറഞ്ഞു. കമ്പനിയുടെ തന്ത്ര പ്രധാന പ്രവർത്തന ങ്ങൾക്കും ഓഹരി ഉടമ കൾക്ക് കൂടുതൽ മൂല്യം സൃഷ്ടിക്കുന്നതിനും ചെയർമാൻ എന്ന നിലയിൽ അദ്ദേഹം നേതൃത്വം നൽകും.

- pma

വായിക്കുക: , , , , , , , ,

Comments Off on അമാനത്ത് ഹോൾഡിംഗ്‌സ് ചെയർമാനായി ഡോ.ഷംഷീർ വയലിലിനെ നിയമിച്ചു

വടകര എൻ. ആർ. ഐ. ഫോറം : അബുദാബി കമ്മിറ്റി പുനഃസംഘടിപ്പിച്ചു

December 19th, 2023

vatakara-nri-forum-logo-ePathram
അബുദാബി : വടകര എൻ. ആർ. ഐ. ഫോറം അബുദാബി ചാപ്റ്റർ 2023-2024 പ്രവർത്തന വർഷത്തേക്കുള്ള കമ്മിറ്റിയെ തെരഞ്ഞെടുത്തു. അബുദാബി കേരള സോഷ്യൽ സെൻ്ററിൽ വെച്ച് നടന്ന വാർഷിക ജനറൽ ബോഡി യോഗത്തിൽ പ്രസിഡണ്ട് അബ്ദുൽ ബാസിത് അദ്ധ്യക്ഷത വഹിച്ചു. ജനറൽ സെക്രട്ടറി സുരേഷ് കുമാർ 2022 -2023 വർഷത്തെ പ്രവർത്തന റിപ്പോർട്ടും ട്രഷറർ മുഹമ്മദ് സക്കീർ വരവ്-ചെലവ് കണക്കും ഓഡിറ്റർ ജയകൃഷ്ണൻ ഓഡിറ്റ് റിപ്പോർട്ടും അവതരിപ്പിച്ചു. തുടർന്ന് പുതിയ കമ്മിറ്റിക്കു രൂപം നൽകി.

അബ്ദുൽ ബാസിത് കായക്കണ്ടി (പ്രസിഡണ്ട്), എം. എം. രാജേഷ് (ജനറൽ സെക്രട്ടറി), ടി. കെ.സുരേഷ് കുമാർ (ട്രഷറർ) എന്നിവരാണ് പ്രധാന ഭാരവാഹികൾ.

ജയകൃഷ്ണൻ, യാസിർ അറഫാത് (വൈസ് പ്രസിഡണ്ടുമാർ), അഖിൽ ദാസ്, മുഹമ്മദ് ഷഫീഖ്, ശ്രീജിത്ത് പുനത്തിൽ, ടി. കെ. സന്ദീപ് (സെക്രട്ടറിമാർ), നിനൂപ് (അസി: ട്രഷറർ), ഇബ്രാഹിം ബഷീർ, പി. കെ. സിറാജ്, പി. പി. റജീദ്, പി. മുഹമ്മദ് അലി, എ. കെ. ഷാനവാസ്, സുനിൽ കുമാർ മാഹി, എൻ. ആർ. രാജേഷ്, ബിജു കുരിയേരി, അനൂപ് ബാലകൃഷ്ണൻ, ബഷീർ കപ്ലിക്കണ്ടി, അജിത് പ്രകാശ് (എക്സിക്യൂട്ടീവ് കമ്മിറ്റി അംഗങ്ങൾ), മുഹമ്മദ് സക്കീർ (ഓഡിറ്റർ) എന്നിവരാണ് മറ്റു ഭാരവാഹികൾ.

vadakara-nri-forum-abu-dhabi-committee-2023-24-office-bearers-ePathram

2023-24 പ്രവർത്തന വർഷത്തേക്കുള്ള കമ്മിറ്റി അംഗങ്ങൾ

മുതിർന്ന അംഗങ്ങളായ ഇന്ദ്ര തയ്യിൽ, എൻ. കുഞ്ഞമ്മദ്, ഇബ്രാഹിം ബഷീർ, ഫോറം വനിതാ വിഭാഗം ജനറൽ കൺവീനർ പൂർണിമ ജയ കൃഷ്ണൻ എന്നിവർ ആശംസകൾ നേർന്നു.

വടകര പാർലമെൻറ് മണ്ഡലത്തിലെ പ്രവാസികളുടെ ക്ഷേമം മുൻ നിറുത്തി കഴിഞ്ഞ 20 വർഷമായി സജീവമായി പ്രവർത്തിക്കുന്ന വടകര എൻ. ആർ. ഐ. ഫോറം നാട്ടിലും വിദേശത്തുമായി വിവിധ ജീവ കാരുണ്യ പ്രവർത്തന ങ്ങളും പ്രവാസി ക്ഷേമ പ്രവർത്തനങ്ങളും നടത്തി ശ്രദ്ധ നേടിയിട്ടുണ്ട്.

വടകര പാർലമെൻറ് മെമ്പർ മുഖ്യ രക്ഷാധികാരിയും മണ്ഡലത്തിലെ എം. എൽ. എ.മാർ സംഘടനയുടെ രക്ഷാധികാരികളുമാണ്.

വിവരങ്ങള്‍ക്ക് : 050 314 0534 (അബ്ദുല്‍ ബാസിത്).

- pma

വായിക്കുക: , , , ,

Comments Off on വടകര എൻ. ആർ. ഐ. ഫോറം : അബുദാബി കമ്മിറ്റി പുനഃസംഘടിപ്പിച്ചു

ആൻറിയ അബുദാബി ‘വടം വലി ഉത്സവം 2023’

December 15th, 2023

anria-abudhabi-angamali-nri-association-ePathram
അബുദാബി : അങ്കമാലി നിവാസികളുടെ പ്രവാസി കൂട്ടായ്മ അങ്കമാലി എൻ. ആർ. ഐ. അസ്സോസിയേഷൻ (ആൻറിയ) സംഘടിപ്പിക്കുന്ന വടം വലി മത്സരം, 2023 ഡിസംബർ 16 ശനിയാഴ്ച വൈകുന്നേരം ആറു മണി മുതൽ മുസഫ്ഫ ഷൈനിംഗ് സ്റ്റാർ സ്കൂളിൽ വച്ച് ‘ആൻറിയ വടം വലി ഉത്സവം 2023’ എന്ന പേരിൽ അരങ്ങേറും.

വിവിധ എമിറേറ്റുകളിൽ നിന്നുമുള്ള പ്രമുഖരായ വടം വലി ടീമുകൾ പങ്കെടുക്കുന്ന മത്സരം, യു.എ. ഇ. വടം വലി അസ്സോസിയേഷൻ്റെ പങ്കാളിത്തത്തോടെയാണ് ആൻറിയ അബുദാബി സംഘടിപ്പിക്കുന്നത്.

കൂടുതൽ വിവരങ്ങൾക്ക് : 050 742 7665 (ബോബി സണ്ണി). FB PAGE

- pma

വായിക്കുക: , , , ,

Comments Off on ആൻറിയ അബുദാബി ‘വടം വലി ഉത്സവം 2023’

എംബസ്സി ഓപ്പണ്‍ ഹൗസ് ഇസ്ലാമിക് സെന്‍ററില്‍

November 17th, 2023

abudhabi-indian-embassy-logo-ePathram

അബുദാബി : ഇന്ത്യന്‍ എംബസ്സിയുമായി സഹകരിച്ച് ഇന്ത്യന്‍ ഇസ്ലാമിക് സെന്‍ററില്‍ ഓപ്പണ്‍ ഹൗസ് സംഘടിപ്പിക്കുന്നു. 2023 നവംബര്‍ 19 ഞായറാഴ്ച രാവിലെ 10 മണി മുതല്‍ ഉച്ചക്ക് 12 മണി വരെ ഇസ്ലാമിക് സെന്‍ററില്‍ ഒരുക്കുന്ന ഓപ്പണ്‍ ഹൗസില്‍ ഇന്ത്യന്‍ എംബസ്സി ഉദ്യോഗസ്ഥര്‍ പ്രവാസികളുമായി സംവദിക്കും.

തൊഴിൽ, വെൽഫെയർ, കൗൺസിലർ, പാസ്സ് പോര്‍ട്ട്, വിദ്യാഭ്യാസം, പോലീസ് ക്ലിയറൻസ് തുടങ്ങി നിരവധി വിഷയങ്ങളിൽ പ്രവാസികൾക്കുള്ള സംശയങ്ങള്‍ ദുരീകരിക്കുവാനും പരാതികൾ അറിയിക്കുവാനും അവക്ക് പരിഹാരം കാണുന്നതിനും അവസരം ഒരുക്കും. ഗൂഗിൾ ഫോമിൽ റജിസ്റ്റര്‍ ചെയ്യുവാന്‍  ലിങ്ക് ക്ലിക്ക് ചെയ്യുക. 

കൂടുതൽ വിവരങ്ങൾക്ക് 02 642 4488 എന്ന ഫോണ്‍ നമ്പറിൽ ബന്ധപ്പെടുക. FB PAGE

 

- pma

വായിക്കുക: , , , , , , , , , ,

Comments Off on എംബസ്സി ഓപ്പണ്‍ ഹൗസ് ഇസ്ലാമിക് സെന്‍ററില്‍

Page 2 of 4412345...102030...Last »

« Previous Page« Previous « ഓണം പൊന്നോണം : സംഗീത നിശ ഇസ്ലാമിക്‌ സെന്‍ററിൽ
Next »Next Page » വൈവിധ്യമാർന്ന പരിപാടികളോടെ കൊയ്ത്തുത്സവം അരങ്ങേറി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha