പ്രവാസികൾക്കു വേണ്ടി പുതിയ ബസ്സ് സർവ്വീസ് ആരംഭിക്കും : മന്ത്രി കെ. ബി. ഗണേഷ് കുമാര്‍

February 18th, 2025

ksrtc-bus-service-from-airports-minister-k-b-ganesh-kumar-inaugurate-ima-ePathram

അബുദാബി : പ്രവാസികളുടെ യാത്രാസൗകര്യം മുൻ നിറുത്തി വിമാന സമയത്തിന് അനുസരിച്ച് കൊച്ചി (നെടുമ്പാശ്ശേരി) എയര്‍ പോര്‍ട്ടില്‍ നിന്നും കെ. എസ്. ആർ. ടി. സി. യുടെ പുതിയ സ്മാർട്ട് ബസ്സ് സർവ്വീസുകൾ ആരംഭിക്കും എന്ന് ഗതാഗത വകുപ്പ് മന്ത്രി കെ. ബി. ഗണേഷ് കുമാര്‍.

തലസ്ഥാന നഗരിയിലെ മാധ്യമ പ്രവർത്തകരുടെ കൂട്ടായ്മയായ ഇന്ത്യന്‍ മീഡിയ അബുദാബി (ഇമ) കമ്മിറ്റിയുടെ പ്രവര്‍ത്തന ഉദ്ഘാടനത്തിനായി അബുദാബിയിൽ എത്തിയ മന്ത്രി മാധ്യമ പ്രവര്‍ത്ത കരോട് സംസാരിക്കുകയായിരുന്നു.

നെടുമ്പാശ്ശേരി നിന്നും മാവേലിക്കര – തിരുവല്ല ഭാഗത്തേക്ക് രണ്ടും കോഴിക്കോട് ഭാഗത്തേക്ക് മൂന്നും സർവ്വീസുകൾ പ്ലാൻ ചെയ്തിട്ടുണ്ട്. മൂന്നു മാസത്തിനകം ഈ റൂട്ടുകൾ ആരംഭിക്കും. എയർപോർട്ടിൽ എത്തുന്ന 2 വിമാനങ്ങളിലെ യാത്രക്കാർക്ക് ഒരു ബസ്സ് എന്ന വിധ ത്തിൽ നടത്തുന്ന റൂട്ടുകളിൽ സ്മാർട്ട് ബസ്സുകളും മൊബൈല്‍ ആപ്പ് ബുക്കിംഗ് സംവിധാനങ്ങളും ഒരുക്കും. അഥവാ വിമാനം വൈകിയാല്‍ ബസ്സുകൾ പുറപ്പെടുന്ന സമയത്തിലും മാറ്റം വരുത്തും.

നിശ്ചിത സ്ഥലത്തു നിന്നു ബസ്സ് യാത്ര തുടങ്ങിയാലും ഇടക്കു വച്ച് കയറുന്നവര്‍ക്ക് ആപ്പിലൂടെ ബസ്സിൻ്റെ സമയവും സീറ്റ് ലഭ്യതയും യാത്രയുടെ സമയ ക്രമവും അറിയുവാൻ കഴിയുന്ന ആപ്പ് ആയിരിക്കും പുറത്തിറക്കുക. ദീർ ഘദൂര യാത്ര ആണെങ്കിലും ആവശ്യമായ ഇടങ്ങളിൽ സ്റ്റോപ്പുകൾ ഉണ്ടാകും.

- pma

വായിക്കുക: , , , , , , , ,

Comments Off on പ്രവാസികൾക്കു വേണ്ടി പുതിയ ബസ്സ് സർവ്വീസ് ആരംഭിക്കും : മന്ത്രി കെ. ബി. ഗണേഷ് കുമാര്‍

ഇമ കമ്മിറ്റി പ്രവർത്തന ഉദ്ഘാടനവും സൗഹൃദ സംഗമവും തിങ്കളാഴ്ച

February 17th, 2025

minister-k-b-ganesh-kumar-reached-uae-for-ima-committee-inauguration-ePathram
അബുദാബി : ഇന്ത്യൻ മാധ്യമ പ്രവർത്തകരുടെ കൂട്ടയ്മയായ ഇന്ത്യൻ മീഡിയ അബുദാബി (ഇമ) പുതിയ കമ്മിറ്റി യുടെ പ്രവർത്തന ഉദ്ഘാടനവും സൗഹൃദ സംഗമവും 2025 ഫെബ്രുവരി 17 തിങ്കളാഴ്ച അബുദാബി ‘ലെ റോയല്‍ മെറീഡിയന്‍’ ഹോട്ടലില്‍ നടക്കും. യു. എ. ഇ. – ഇന്ത്യ ദേശീയ ഗാനത്തോടെ വൈകുന്നേരം ആറു മണിക്ക് പരിപാടി ആരംഭിക്കും. തുടർന്ന് ഇന്ത്യൻ മീഡിയ അബുദബിയുടെ കഴിഞ്ഞ കാല പ്രവർത്തനങ്ങൾ വിവരിക്കുന്ന വീഡിയോ പ്രദർശിപ്പിക്കും. പ്രസിഡണ്ട് സമീർ കല്ലറയുടെ അദ്ധ്യക്ഷതയിൽ ഗതാഗത വകുപ്പ് മന്ത്രി കെ. ബി. ഗണേഷ് കുമാർ ഉൽഘാടനം ചെയ്യും.

ഇമയുടെ ജീവകാരുണ്യ പദ്ധതിയായ ഭവന പദ്ധതി യുടെ പ്രഖ്യാപനം, മാധ്യമ പ്രവർത്തകർക്കുള്ള പുതിയ തിരിച്ചറിയൽ കാർഡ് വിതരണം എന്നിവ മന്ത്രി കെ. ബി. ഗണേഷ് കുമാർ നിർവ്വഹിക്കും. ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി. ആർ. അനിൽ മുഖ്യാതിഥി ആയി സംബന്ധിക്കും. ഇമ സ്ഥാപക അംഗവും മാധ്യമ പ്രവർത്തകനുമായ ടി. പി. ഗംഗാധരന് യാത്രയപ്പ് നൽകും. ജനറൽ സെക്രട്ടറി റാശിദ് പൂമാടം സ്വാഗതവും ട്രഷറർ ഷിജിന കണ്ണൻദാസ് നന്ദിയും പറയും.

ഇന്ത്യൻ സ്ഥാനപതി കാര്യാലയം ഉപസ്ഥാനപതി എ. അമർ നാഥ്, ബുർജീൽ ഹോൾഡിംഗ്‌സ് സി. ഇ. ഒ. സഫീർ അഹ്മദ്, ലുലു ഗ്രൂപ്പ് ഡയറക്ടർ വി. നന്ദകുമാർ, ബനിയാസ് സ്പൈക്ക് എം. ഡി. അബ്ദുൽ റഹ്മാൻ അബ്ദുല്ല, അൽ സാബി ഗ്രൂപ്പ് സി. ഇ. ഒ. അമൽ വിജയ കുമാർ, സേഫ് ലൈൻ എം. ഡി. ഡോ. അബൂബക്കർ കുറ്റിക്കോൽ, റഫീഖ് കയനിയിൽ തുടങ്ങിയവർ സംബന്ധിക്കും.

- pma

വായിക്കുക: , , , , , , , , , ,

Comments Off on ഇമ കമ്മിറ്റി പ്രവർത്തന ഉദ്ഘാടനവും സൗഹൃദ സംഗമവും തിങ്കളാഴ്ച

തൊഴില്‍ നഷ്ട ഇന്‍ഷുറന്‍സ് : ഇനി മുതല്‍ രണ്ടു വർഷത്തേക്കു മാത്രം

February 12th, 2025

involuntary-loss-of-employment-iloe-mohre-uae-ePathram
ദുബായ് : തൊഴിൽ നഷ്ട ഇൻഷ്വറൻസ് പദ്ധതി അഥവാ ഇന്‍വോളണ്ടറി ലോസ് ഓഫ് എംപ്ലോയ്മെന്റ് (ILOE) ഇനി മുതല്‍ രണ്ടു വര്‍ഷത്തേക്ക് മാത്രമേ പുതുക്കാന്‍ കഴിയൂ എന്ന് അധികൃതര്‍. പൊതു മേഖലയിലേയും സ്വകാര്യ മേഖലകളിലെ എല്ലാ പ്രവാസി ജീവനക്കാരും സ്വദേശി ജീവനക്കാരും തൊഴിലില്ലായ്മ ഇന്‍ഷ്വറന്‍സ് നിർബ്ബന്ധമായും രജിസ്റ്റർ ചെയ്യുകയും നിശ്ചിത സമയങ്ങളിൽ പുതുക്കുകയും വേണം.

ഐ. എല്‍. ഒ. ഇ. വെബ് സൈറ്റിലൂടെയും മൊബൈൽ ആപ്പിലൂടെയും ഇൻഷ്വറൻസ് പുതുക്കാം. എമിറേറ്റ്സ് ഐ. ഡി. നമ്പറും മൊബൈല്‍ ഫോൺ നമ്പറും നല്‍കിയാല്‍ സ്ഥിരീകരണത്തിനായി മൊബൈലിൽ ഒ. ടി. പി. ലഭിക്കും. ഇതു നല്‍കി ലോഗിന്‍ ചെയ്തു വ്യക്തിഗത വിവരങ്ങൾ നൽകി പണം അടക്കാം.

നിലവിൽ അല്‍ അന്‍സാരി എക്സ് ചേഞ്ച് ശാഖകൾ, തവ്ജീഹ്, തസ്ജീല്‍ അടക്കമുള്ള ഐ. എല്‍. ഒ. ഇ. സേവന കേന്ദ്രങ്ങളിലൂടെയും ഇൻഷ്വറൻസ് പുതുക്കാം.

- pma

വായിക്കുക: , , , , , , , , ,

Comments Off on തൊഴില്‍ നഷ്ട ഇന്‍ഷുറന്‍സ് : ഇനി മുതല്‍ രണ്ടു വർഷത്തേക്കു മാത്രം

അരോമ യു. എ. ഇ. കമ്മിറ്റി പുനഃസംഘടിപ്പിച്ചു

February 11th, 2025

aroma-uae-aluva-residence-overseas-malayalees-association-ePathram

ദുബായ് : ആലുവ നിവാസികളുടെ യു. എ. ഇ. പ്രവാസി കൂട്ടായ്മ അരോമ (ആലുവ റെസിഡൻ്റ്സ് ഓവർസീസ് മലയാളിസ് അസോസിയേഷൻ) ജനറൽ ബോഡി യോഗത്തിൽ പുതിയ പ്രവർത്തന വർഷത്തേക്കുള്ള ഭാരവാഹികളെ തെരഞ്ഞെടുത്തു.

മൊയ്തീൻ അബ്ദുൽ അസീസ് (പ്രസിഡൻ്റ്), നൗഫൽ റഹ്മാൻ (വൈസ് പ്രസിഡൻ്റ്), അനൂബ് എളമന (ജനറൽ സെക്രട്ടറി), അബ്ദുൽ കലാം (സെക്രട്ടറി), അഡ്വ. സലീം (ട്രഷറർ) എന്നിവരാണ് പ്രധാന ഭാരവാഹികൾ. മുഹമ്മദ് കെ. മക്കാർ, സുനിതാ ഉമ്മർ, സനു ഖാൻ, അൻവർ കെ. എം. എന്നിവരാണ് മറ്റു ഭാരവാഹികൾ

സിദ്ധിഖ് മുഹമ്മദ്, നാദിർഷാ അലി അക്ബർ, ലൈജു കാരോത്തു കുഴി, ഷിഹാബ് മുഹമ്മദ്, ഉമ്മർ, ബിനോഷ് ബാലകൃഷ്ണൻ, സക്കീർ എം, നിയാസ് ഉസ്മാൻ, മൻസൂർ എന്നിവർ എക്സിക്യൂട്ടീവ് അംഗങ്ങൾ

അഡ്വ. നജ്മുദീൻ തെരഞ്ഞെടുപ്പ് നിയന്ത്രിച്ചു. അരോമ അബുദാബി കമ്മിറ്റി പ്രസിഡൻ്റ് അബ്ദുൽ ജലീൽ പി എ, അരോമ ദുബായ് പ്രസിഡൻ്റ് വഹീദ്, ഷാർജ പ്രസിഡൻ്റ് അബ്ദുൽ റഷീദ്, അജ്മാൻ പ്രസിഡൻ്റ് ഷുഹൈബ്, റാസൽ ഖൈമ പ്രസിഡൻ്റ് നവാസ് ഇലഞ്ഞിക്കായി, ഫുജൈറ പ്രസിഡൻ്റ് ഷജറ, ഉമ്മുൽ ഖുവൈൻ പ്രസിഡൻ്റ് ഫൈസൽ എളമന, അരോമ വനിതാ വിഭാഗമായ അരോമൽ പ്രസിഡൻ്റ് അഡ്വ. ഫെബി ഷിഹാബ്, സബാഹ് തുടങ്ങിയവർ സംസാരിച്ചു.

- pma

വായിക്കുക: , , , , , , ,

Comments Off on അരോമ യു. എ. ഇ. കമ്മിറ്റി പുനഃസംഘടിപ്പിച്ചു

പയ്യന്നൂർ സൗഹൃദ വേദിക്കു പുതിയ നേതൃത്വം

January 21st, 2025

 

 

logo-payyanur-souhruda-vedi-epathram
അബുദാബി : പയ്യന്നൂർ സൗഹൃദ വേദി അബുദാബി ചാപ്റ്റർ വാർഷിക ജനറൽ ബോഡി യോഗം മുസഫ റെയിൻബോ സ്റ്റീക്ക് ഹൗസിൽ വെച്ച് നടന്നു.

പ്രസിഡണ്ട് പി. ജ്യോതിഷ് കുമാർ അദ്ധ്യക്ഷത വഹിച്ച ജനറൽ ബോഡി യോഗത്തിൽ ജനറൽ സെക്രട്ടറി രാജേഷ് കോഡൂർ വാർഷിക റിപ്പോർട്ട് അവതരിപ്പിച്ചു. വി. ടി. വി. ദാമോദരൻ, ഹബീബ് റഹ്മാൻ, ബി. ജ്യോതി ലാൽ, ദിനേഷ് ബാബു, സുരേഷ് പയ്യന്നൂർ എന്നിവർ പ്രസംഗിച്ചു.

payyannur-sauhrudha-vedhi-2025-2026-year-committee-ePathram
പുതിയ ഭാരവാഹികളായി പി. ജ്യോതിഷ് കുമാർ (പ്രസിഡണ്ട്), പി. കെ. സതീഷ് (ജനറൽ സെക്രട്ടറി), വൈശാഖ് ദാമോദരൻ (ട്രഷറർ), പി എസ്. മുത്തലിബ്, പി. ദിലീപ് കുമാർ (വൈസ് പ്രസിഡണ്ട്), രഞ്ജിത്ത് പൊതുവാൾ, എൻ. ഇ. പ്രസാദ് (ജോയൻ്റ് സെക്രട്ടറി) എന്നിവരെ തെരഞ്ഞടുത്തു.

സുരേഷ് പയ്യന്നൂർ, ദിനേശ് ബാബു, സി. കെ. രാജേഷ്, അബ്ദുൾ ഗഫൂർ, രാജേഷ് പൊതുവാൾ, ഇ. സന്ദീപ്, രഞ്ജിത്ത് രാമൻ, രാജേഷ് കോഡൂർ, എം. വി. പ്രവീൺ കുമാർ, ഉമേശൻ, ഫവാസ് ഹബീബ്, എ. പി. പ്രമോദ്, എ. കെ. മനോജ് കുമാർ എന്നിവർ എക്സിക്യുട്ടീവ് കമ്മിറ്റി അംഗങ്ങൾ.

രക്ഷാധികാരികൾ : വി. ടി. വി. ദാമോദരൻ, ഹബീബ് റഹ്മാൻ, ബി. ജ്യോതിലാൽ.

- pma

വായിക്കുക: , , , , ,

Comments Off on പയ്യന്നൂർ സൗഹൃദ വേദിക്കു പുതിയ നേതൃത്വം

Page 5 of 52« First...34567...102030...Last »

« Previous Page« Previous « ഐ. എസ്. സി. ഇന്ത്യാ ഫെസ്റ്റ് സീണണ്‍-13 : ജനുവരി 24, 25, 26 തിയ്യതികളില്‍
Next »Next Page » അറബി ഭാഷ സംരക്ഷിക്കുന്നതില്‍ കേരളം വഹിച്ച പങ്ക് മഹത്തരം : സയ്യിദ് അലി അല്‍ ഹാഷിമി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha