അബുദാബി : ഇന്ത്യന്‍ മീഡിയ അബുദാബി (ഇമ) അംഗ ങ്ങളുടെ തിരിച്ചറിയൽ കാർഡ് പുറത്തിറക്കി. മുസ്സഫ മുഹമ്മദ് ബിൻ സായിദ് സിറ്റിയിലെ ബുർജീൽ മെഡിക്കൽ സിറ്റിയിൽ നടന്ന ലളിതമായ ചടങ്ങില്‍ വെച്ചാണ് ബുർജീൽ ഹോൾഡിംഗ്സ് സ്ഥാപകനും ചെയർമാനുമായ ഡോക്ടർ ഷംഷീർ വയലിൽ ഇമ തിരിച്ചറിയൽ കാർഡ് പുറത്തിറക്കിയത്.
ബുർജീൽ ഹോൾഡിംഗ്സ് സി. ഒ. ഒ. സഫീർ അഹമ്മദ്, ബുർജീൽ ഹോൾഡിംഗ്സ് കമ്യൂണിക്കേഷൻസ് ഓഫീസർ എം. ഉണ്ണി കൃഷ്ണൻ, ബുർജീൽ ഹോൾഡിംഗ്സ് ചെയർമാൻ ഓഫീസ് മാനേജർ എ. വിജയ കുമാർ, മുഹമ്മദ് സർഫറാസ് (ചെയർമാൻ ഓഫീസ്) എന്നിവരും ഇമയുടെ മാനേജിംഗ് കമ്മിറ്റി അംഗ ങ്ങളായ എൻ. എം. അബൂബക്കർ, ടി. എസ്. നിസാമുദ്ദീൻ, ടി. പി. ഗംഗാധരൻ, റാഷിദ് പൂമാടം, റസാഖ് ഒരുമനയൂർ എന്നിവരും സംബന്ധിച്ചു.
