 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വിമാന ടിക്കറ്റിലെ അമിത നിരക്കിന് പരിഹാരം തേടി അബുദാബി കെ. എം. സി. സി. യുടെ നേതൃത്വത്തിൽ വിവിധ പ്രവാസി സംഘടനകൾ ചേർന്ന് ഡൽഹിയിൽ വെച്ച് ആഗസ്റ്റ് 8 ന് നടത്തുവാൻ തീരുമാനിച്ചിരുന്ന ‘ഡയസ്പോറ സമ്മിറ്റ് ഇൻ ഡൽഹി’ മാറ്റി വെച്ചു.
വയനാട്ടിലുണ്ടായ ദുരന്തത്തിൻ്റെ പശ്ചാത്തലത്തിലാണ് തീരുമാനം. പുനരധിവാസ പദ്ധതികൾക്ക് സംഘടന കൾ പ്രാമുഖ്യം നൽകും. അതേ സമയം വിമാന ടിക്കറ്റ് വിഷയത്തിലെ പരിഹാര ശ്രമങ്ങൾ തുടരും. ‘ഡയസ്പോറ സമ്മിറ്റ് പുതിയ തീയതി പിന്നീട് അറിയിക്കും എന്നും സംഘാടകർ അറിയിച്ചു.
- pma
വായിക്കുക: കെ.എം.സി.സി., ഗതാഗതം, പ്രവാസി, വിമാനം
അബുദാബി : വിസാ നിയമം ലംഘിച്ച് രാജ്യത്ത് തുടരുന്ന പ്രവാസികൾക്ക് രേഖകൾ ശരിയാക്കുവാൻ 2024 സെപ്തംബർ 1 മുതൽ രണ്ടു മാസക്കാലം ഗ്രേസ് പിരീഡ് നൽകും എന്ന് യു. എ. ഇ. അധികൃതർ.
താമസരേഖകൾ ഇല്ലാതെ അനധികൃതമായി രാജ്യത്ത് തങ്ങുന്നവർക്കും വിസയുടെ കാലാവധി കഴിഞ്ഞു രാജ്യത്ത് തുടരുന്നവർക്കും പിഴ അടക്കാതെ രാജ്യം വിട്ടു പോകുവാൻ അവസരം നൽകും.
മാത്രമല്ല സ്വന്തം താമസ രേഖകൾ നിയമപരം ആക്കുവാനും ഈ കാലയളവ് ഉപയോഗപ്പെടുത്താം.
- pma
അബുദാബി : ഓണാഘോഷത്തോട് അനുബന്ധിച്ച് സെപറ്റംബർ 8 ന് അബുദാബി ശക്തി തിയ്യറ്റേഴ്‌സ് സംഘടിപ്പിക്കുന്ന ‘ഓണം മധുരം’ എന്ന പായസ മേളയുടെ കൂപ്പൺ വിതരണോദ്ഘാടനം കേരളാ സോഷ്യൽ സെന്ററിൽ നടന്നു. കെ. എസ്. സി. മുൻ വൈസ് പ്രസിഡണ്ട് റോയ് വർഗ്ഗീസ്, പായസ മേളയുടെ ആദ്യ കൂപ്പൺ ശക്തി പ്രസിഡണ്ട് കെ. വി. ബഷീറിൽ നിന്നും സ്വീകരിച്ചു.
കെ. എസ്. സി. സെക്രട്ടറി നൗഷാദ് യൂസുഫ്, ശക്തി മുൻ ഭാരവാഹികൾ കൃഷ്ണ കുമാർ, മനോജ്, വനിതാ വിഭാഗം അംഗം ഫൗസിയ ഗഫൂർ എന്നിവർ പാലട പ്രഥമൻ, പരിപ്പ് പായസം തുടങ്ങി വിവിധ തരം പായസങ്ങളുടെ കൂപ്പൺ വിതരണോദ്ഘാടനം നിർവ്വഹിച്ചു.
തുടർന്ന് ശക്തിയുടെ വിവിധ മേഖല ഭാരവാഹികൾക്ക് പായസ കൂപ്പൺ കൈമാറുകയും ചെയ്തു. പ്രസിഡണ്ട് കെ. വി. ബഷീർ അദ്ധ്യക്ഷത വഹിച്ചു. ശക്തി ആക്ടിങ് സെക്രട്ടറി നികേഷ് സ്വാഗതവും ആർട്സ് സെക്രട്ടറി സൈനു നന്ദി പ്രകാശിപ്പിച്ച ചടങ്ങിൽ കേന്ദ്ര കമ്മിറ്റി അംഗങ്ങളും മേഖല കമ്മിറ്റി അംഗങ്ങളും പങ്കെടുത്തു.
- pma
വായിക്കുക: onam, പ്രവാസി, ശക്തി തിയേറ്റഴ്സ്, സംഘടന
ദോഹ : സംസ്‌കൃതി ഖത്തർ സംഘടിപ്പിക്കുന്ന സി. വി. ശ്രീരാമൻ സാഹിത്യ പുരസ്കാരത്തിന് പ്രവാസി മലയാളികളിൽ നിന്നും ചെറുകഥകൾ ക്ഷണിക്കുന്നു. മുൻപ് പ്രസിദ്ധീകരിച്ചിട്ടില്ലാത്ത, മലയാളത്തിലുള്ള മൗലികമായ രചനകൾ പി. ഡി. എഫ്. ഫോർമാറ്റിൽ cvsaward2024 @ gmail. com എന്ന ഇ- മെയിലിൽ 2024 സെപ്തംബർ 5 നു മുൻപായി കിട്ടത്തക്കവിധം അയക്കാം.
ഇന്ത്യക്കു പുറത്ത് താമസിക്കുന്ന 18 വയസ്സ് കഴിഞ്ഞ മുഴുവൻ പ്രവാസി മലയാളികൾക്കും പങ്കെടുക്കാവുന്ന തരത്തിലാണ് മത്സരം. രചയിതാവിൻ്റെ പേര്, മറ്റു വ്യക്തിഗത വിവരങ്ങൾ ഒന്നും തന്നെ രചനകളിൽ ഉൾക്കൊള്ളിക്കരുത്. എന്നാൽ വിദേശ രാജ്യത്ത് താമസിക്കുന്ന പ്രവാസി എന്ന് തെളിയിക്കുന്ന രേഖകളും മൊബൈൽ നമ്പർ ഉൾപ്പടെയുള്ള മേൽ വിലാസവും രചനയോടൊപ്പം പ്രത്യേകമായി അയക്കണം.
കൂടുതൽ വിവരങ്ങൾക്ക്: (+974) 55 28 75 46, 55 65 95 27 എന്നീ നമ്പറുകളിൽ ബന്ധപ്പെടാം.
- pma
വായിക്കുക: competition, ഖത്തര്‍, പ്രവാസി, സാഹിത്യം
ദുബായ് : യു. എ. ഇ. യില്‍ എത്തുന്ന സന്ദര്‍ശക വിസക്കാര്‍ക്കും ഇനി മുതൽ ഹെൽത്ത് ഇന്‍ഷ്വറന്‍സ് എടുക്കണം.
വിനോദ സഞ്ചാരത്തിനായി യു. എ. ഇ. യിലേക്കുള്ള വിസക്ക്‌ അപേക്ഷിക്കുമ്പോൾ ആരോഗ്യ പരിരക്ഷാ പദ്ധതിയുടെ ഭാഗമായുള്ള ഇന്‍ഷ്വറന്‍സിനും അപേക്ഷ നൽകാൻ ഐ. സി. പി. യുടെ വെബ്‌ സൈറ്റിലും മൊബൈൽ ആപ്പിലും സംവിധാനം ഒരുക്കും.
പുതിയ പദ്ധതി ഉടന്‍ നിലവില്‍ വരും എന്നും ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐ. സി. പി.) ഡയറക്ടര്‍ ജനറല്‍ മേജര്‍ ജനറല്‍ സുഹൈല്‍ സഈദ് അല്‍ ഖൈലി അറിയിച്ചു.
തൊഴില്‍ വിസക്കാര്‍ക്ക് ആരോഗ്യ പരിരക്ഷാ പദ്ധതി നിലവിലുണ്ട്. അടിയന്തര ഘട്ടങ്ങളില്‍ സന്ദർശകർക്കും ആരോഗ്യ പരിരക്ഷ നല്‍കുവാനാണ് പുതിയ പദ്ധതി.
- pma
വായിക്കുക: health, visa-rules, തൊഴിലാളി, പൂര്‍വ വിദ്യാര്‍ത്ഥി, പ്രവാസി, യു.എ.ഇ., വിനോദസഞ്ചാരം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
