ദുബായ് : മുഹമ്മദ് റഫിയുടെ അനശ്വര സംഗീത സപര്യയുടെ സ്മരണാർത്ഥം സൂര്യാ കൃഷ്ണമൂർത്തി സംവിധാനം ചെയ്ത സംഗീത നൃത്ത പരിപാടി “പ്രണാമം” ഇന്ന് ദുബായിൽ അരങ്ങേറും. പ്രശസ്ത സംഗീതജ്ഞന്‍ രമേശ് നാരായണന്റെ സംഗീത സംവിധാന ത്തില്‍ സിയാവുല്‍ ഹഖ്, ഷീലാ മണി തുടങ്ങിയ ഗായകരും കഥക് നര്‍ത്ത കരായ രാജേന്ദ്ര ഗംഗാനി, സോണിയ, ഭാരതി, ഭരതനാട്യ നര്‍ത്തകി ദക്ഷിണാ വൈദ്യനാഥന്‍ എന്നിവരും സമുദ്ര യുടെ മധു, സഞ്ജീവ് ദ്വയവും പങ്കെടുക്കുന്ന ബഹുതല സ്പര്‍ശിയായ അവതരണ മാണ് ‘പ്രണാമം’.
യു. എ. ഇ. എക്‌സ്‌ചേഞ്ചും എക്‌സ്പ്രസ് മണിയും ചേർന്ന് ഒരുക്കുന്ന പരിപാടി ഖിസൈസിലെ ദുബായ് വിമെൻസ് കോളജിൽ രാത്രി 8 മണിക്കാണ് ആരംഭിക്കുന്നത്. പ്രവേശനം പാസ് മൂലമാണ്. പാസ് ആവശ്യമുള്ളവർ യു. എ. ഇ. എക്‌സ്‌ചേഞ്ചിന്റെ ഓഫീസുമായി ബന്ധപ്പെടേണ്ടതാണ്.
