ഖുര്‍ ആന്‍ പാരായണ മത്സരം ഐ. എസ്. സി. യില്‍

April 11th, 2023

isc-holy-quraan-recitation-ePathram

അബുദാബി : ഇന്ത്യ സോഷ്യല്‍ സെന്‍റര്‍ (ഐ. എസ്. സി.) ഔഖാഫ് മന്ത്രാലയവുമായി (മത കാര്യ വകുപ്പ്) സഹകരിച്ചു സംഘടിപ്പിക്കുന്ന ഏഴാമത് ഖുര്‍ആന്‍ പാരായണ മത്സരം 2023 ഏപ്രില്‍ 11 ചൊവ്വാഴ്ച മുതല്‍ നാലു ദിവസങ്ങളിലായി ഐ. എസ്. സി.  യില്‍ വെച്ച് നടക്കും. വിധി കര്‍ത്താക്കളായി മത കാര്യ വകുപ്പ് അംഗീകരിച്ച ഖുര്‍ആന്‍ പണ്ഡിതര്‍ എത്തും.

യു. എ. ഇ. പൗരന്മാര്‍ക്കും താമസ വിസയുള്ള മറ്റു രാജ്യക്കാര്‍ക്കും മത്സരത്തില്‍ പങ്കെടുക്കാം. മത്സരത്തിന് മുന്നോടിയായി ചൊവ്വാഴ്ച രാത്രി ഒമ്പത് മണി മുതല്‍ തലീം-ഇസ്ലാമിക് ഫാമിലി ക്വിസ് മത്സരം സംഘടിപ്പിച്ചിട്ടുണ്ട്.

നാലു വിഭാഗങ്ങളില്‍ മത്സരം നടക്കും. ആദ്യ വിഭാഗം 25 വയസ്സു വരെ ഉള്ളവര്‍ക്ക്. പാരായണ ഭാഗം ഖുര്‍ആന്‍റെ 15 ഭാഗങ്ങളില്‍ നിന്നുള്ളതായിരിക്കും (ആദ്യത്തെ പതിനഞ്ച് ജുസ്ഹ്).

രണ്ടാം വിഭാഗം 20 വയസ്സു വരെ ഉള്ളവര്‍ക്ക്. ഖുര്‍ആന്‍റെ 10 ഭാഗങ്ങളില്‍ നിന്നുള്ളത് (പത്ത് ജുസ്ഹ്).

മൂന്നാം വിഭാഗ മത്സരത്തില്‍ 15 വയസ്സു വരെ ഉള്ളവര്‍ക്ക് പങ്കെടുക്കാം. ഖുര്‍ആന്‍റെ 5 ഭാഗങ്ങളില്‍ നിന്നുള്ള പാരായണം (അഞ്ച് ജുസ്ഹ്).

ഖുര്‍ ആന്‍ പാരായണം, തജ്വീദ് മത്സരമാണ് നാലാം വിഭാഗം. ഇത് എല്ലാ പ്രായക്കാര്‍ക്കും പങ്കെടുക്കാം. മത്സരത്തിലേക്ക് പ്രവേശനം സൗജന്യമാണ്.

ഓരോ വിഭാഗത്തിലെയും വിജയികള്‍ക്ക് മെമന്‍റൊ കളും ക്യാഷ് പ്രൈസുകളും സമ്മാനിക്കും. പങ്കെടുക്കുന്ന എല്ലാ മത്സരാര്‍ത്ഥികള്‍ക്കും സര്‍ട്ടിഫിക്കറ്റുകളും പ്രോത്സാഹന സമ്മാനങ്ങളും നല്‍കും. ഏപ്രില്‍ 15 ശനിയാഴ്ച രാത്രി 9.30 മുതല്‍ സമ്മാനങ്ങള്‍ വിതരണം ചെയ്യും.

സ്വദേശികളെയും പ്രവാസി സമൂഹത്തെയും വിശുദ്ധ ഖുര്‍ആന്‍ പാരായണം ചെയ്യുന്നതിനും അത് ഹൃദിസ്ഥം ആക്കുന്നതിനും  മത്സരാധിഷ്ഠിതമായ അന്തരീക്ഷ ത്തില്‍ പാരായണം ചെയ്യാനും പ്രോത്സാഹിപ്പിക്കുക എന്നതാണ് ഈ പരിപാടിയുടെ ഉദ്ദേശ ലക്ഷ്യം.

രാഷ്ട്ര പിതാവ് ശൈഖ് സായിദിനെ അനുസ്മരിച്ചു കൊണ്ട്, സാമൂഹിക പ്രതി ബദ്ധതയുടെ ഭാഗമായി ഏഴാം വര്‍ഷവും ഐ. എസ്. സി. യില്‍ ഖുര്‍ആന്‍ പാരായണ മത്സരം സംഘടിപ്പിക്കുന്നത് എന്ന് പ്രസിഡണ്ട് ഡി. നടരാജനും ജനറല്‍ സെക്രട്ടറി പി. സത്യ ബാബുയും പറഞ്ഞു.

- pma

വായിക്കുക: , , , , ,

Comments Off on ഖുര്‍ ആന്‍ പാരായണ മത്സരം ഐ. എസ്. സി. യില്‍

മുഖ്യമന്ത്രി പിണറായി വിജയന് മെയ് 7 ന് അബുദാബിയിൽ പൗര സ്വീകരണം

April 10th, 2023

kerala-chief-minister-pinarayi-vijayan-ePathram
അബുദാബി : യു. എ. ഇ. ഗവണ്മെന്‍റ് സംഘടിപ്പിക്കുന്ന ഇൻവെസ്റ്റ്‌മെന്‍റ് മീറ്റിൽ പങ്കെടുക്കുവാൻ മെയ്‌ ആദ്യ വാരം അബുദാബിയില്‍ എത്തുന്ന കേരള മുഖ്യമന്ത്രി പിണറായി വിജയന് അബുദാബിയിൽ പൗര സ്വീകരണം നൽകും.

മുഖ്യമന്ത്രി ആയതിനു ശേഷം ആദ്യമായാണ് പിണറായി വിജയൻ അബുദാബിയിൽ പൊതുജന സ്വീകരണം ഏറ്റു വാങ്ങുന്നത്.

അബുദാബി നാഷണൽ തീയ്യേറ്ററിൽ വെച്ച് 2023 മെയ് 7 ഞായറാഴ്ച വൈകുന്നേരം 7 മണിക്ക് നടക്കുന്ന പൊതു യോഗത്തിൽ, രണ്ടാം ഇടതു മുന്നണി സർക്കാറിൻെറ രണ്ടാം വാർഷികത്തോട് അനുബന്ധിച്ച് നടത്തുന്ന വികസന പ്രവർത്തനങ്ങളും ഭാവി പദ്ധതികളും വിശദീകരിച്ചു കൊണ്ട് പൊതു ജനങ്ങളെ അഭിസംബോധന ചെയ്യും.

സ്വീകരണ പരിപാടി വിജയിപ്പിക്കുന്നതിനു വേണ്ടി ലുലു ഗ്രൂപ്പ് ചെയര്‍മാന്‍ ഡോ. എം. എ. യൂസഫലി മുഖ്യ രക്ഷാധികാരിയായി 151 അംഗ സംഘാടക സമിതി രൂപീകരിച്ചു.

മറ്റു രക്ഷാധികാരികൾ : ഒ. വി. മുസ്തഫ (ഡയറക്ടർ, നോർക്ക), വി. നന്ദ കുമാർ (ഡയറക്ടർ മാർക്കറ്റിംഗ് & കമ്മ്യൂണി ക്കേഷൻ – ലുലു ഗ്രൂപ്പ്), കെ. മുരളീ ധരൻ, (എസ്. എഫ്. സി ഗ്രൂപ്പ്), പി. ബാവ ഹാജി (ഇസ്ലാമിക് സെന്‍റര്‍ പ്രസിഡണ്ട്), ഡി. നടരാജൻ, (ഐ. എസ്. സി. പ്രസിഡണ്ട്, റഫീക്ക് കയനയിൽ, (മലയാളി സമാജം പ്രസിഡണ്ട്), മുബാറക് മുസ്തഫ (അൽ ഐൻ ഐ. എസ്. സി. പ്രസിഡണ്ട്), പി. പത്മ നാഭൻ, ബാബു വടകര, ബി. യേശു ശീലൻ, ഗണേഷ് ബാബു, രാജൻ അമ്പലത്തറ, കുഞ്ഞി രാമൻ നായർ,

ചെയർമാൻ : അഡ്വ. അൻസാരി സൈനുദ്ധീൻ, വൈസ് ചെയർമാൻമാർ : സലിം ചിറക്കൽ, എ. കെ. ബീരാൻ കുട്ടി, റോയ് വർഗ്ഗീസ്, ടി. കെ. മനോജ്. അജിത് ജോൺസൺ, നിർമ്മൽ ചിയ്യാരത്ത്, സൂരജ് പ്രഭാകർ, എം. കെ. സജീവൻ, ഇ. കെ. സലാം, പി. ചന്ദ്രശേഖരൻ, ഷുക്കൂറലി കല്ലിങ്കൽ, ഹമീദ് പരപ്പ, പി. എം. ഫാറൂക്ക്, പി. എം. ഹമീദലി.

കൺവീനർമാർ : വി. പി. കൃഷ്ണകുമാർ, ഷെറീൻ വിജയൻ, സഫറുള്ള പാലപ്പെട്ടി, ടോമിച്ചൻ, ഫസൽ കുന്ദംകുളം, ടി. കെ. അബ്ദുസ്സലാം, കെ. വി. രാജൻ, ഇഖ്ബാൽ എന്നിവര്‍.

കേരള സോഷ്യൽ സെന്‍ററിൽ വിളിച്ചു ചേർത്ത സംഘാടക സമിതി രൂപീകരണ യോഗത്തിൽ കെ. എസ്. സി. പ്രസിഡണ്ട് വി. പി. കൃഷ്ണ കുമാർ അദ്ധ്യക്ഷത വഹിച്ചു. അബുദാബിയിലെ വിവിധ അംഗീകൃത – സാംസ്കാരിക സംഘടനാ സാരഥികളും കൂട്ടായ്മ കളുടെയും പ്രതിനിധികൾ പങ്കെടുത്തു.

- pma

വായിക്കുക: , , , , , ,

Comments Off on മുഖ്യമന്ത്രി പിണറായി വിജയന് മെയ് 7 ന് അബുദാബിയിൽ പൗര സ്വീകരണം

ഐ. എസ്. സി. തിലക് – 2023 പുരസ്കാരങ്ങള്‍ സമ്മാനിച്ചു

January 25th, 2023

isc-youth-fest-2023-inauguration-ePathram
അബുദാബി : ഇന്ത്യാ സോഷ്യൽ സെന്‍റര്‍ സംഘടിപ്പിച്ച ഐ. എസ്. സി. – യു. എ. ഇ. തല ഓപ്പണ്‍ യൂത്ത് ഫെസ്റ്റിവല്‍ മൂന്നു ദിവസങ്ങളിലായി ഐ. എസ്. സി. യുടെ അഞ്ച് വേദികളില്‍ അരങ്ങേറി.

ജെനീലിയ ആൻ പ്രെയ്‌സൺ, ഭവാനി രാജേഷ് മേനോൻ എന്നിവർക്ക് ഐ. എസ്. സി. തിലക് – 2023 പുരസ്കാരം സമ്മാനിച്ചു. വ്യക്തി ഗത, ഗ്രൂപ്പ് വിഭാഗങ്ങളിലായി യഥാക്രമം 300-ലധികം ട്രോഫികളും 120 മെഡലുകളും വിതരണം ചെയ്തു. ഭവൻസ് സ്കൂൾ, അബുദാബി ഇന്ത്യൻ സ്കൂൾ എന്നിവക്ക് മികച്ച കലാ സാംസ്കാരിക വിദ്യാലയങ്ങള്‍ക്കുള്ള അവാര്‍ഡുകള്‍ സമ്മാനിച്ചു.

ഭരതനാട്യം, മോഹിനിയാട്ടം, കുച്ചിപ്പുടി, സെമി ക്ലാസിക്കല്‍, ഫോക്ക് ഡാന്‍സ്, ഒഡീസി, കഥക് നൃത്ത ഇനങ്ങളും കര്‍ണാട്ടിക്, ഹിന്ദുസ്ഥാനി, ലളിത ഗാനം, സിനിമാ ഗാനങ്ങള്‍, വാദ്യോപകരണ സംഗീതം, മോണോ ആക്ട്, ഫാന്‍സി ഡ്രസ്സ്, ഡ്രോയിംഗ്, പെയിന്‍റിംഗ് തുടങ്ങിയ മല്‍സരങ്ങളില്‍ വിവിധ സ്കൂളുകളിൽ നിന്നും സ്ഥാപനങ്ങളിൽ നിന്നുമായി നാനൂറിൽ പരം മത്സരാർത്ഥികൾ മാറ്റുരച്ചു.

ഐ. എസ്. സി. പ്രസിഡണ്ട് ഡി. നടരാജൻ, സെക്രട്ടറി പി. സത്യബാബു, ട്രഷറർ ലിംസൺ ജേക്കബ്, ലിറ്റററി സെക്രട്ടറി ദീപക് കുമാർ ദാഷ്, യൂത്ത് ഫെസ്റ്റ് കൺവീനർ രാജീവൻ മാറോളി എന്നിവര്‍ നേതൃത്വം നല്‍കി.

- pma

വായിക്കുക: , , , ,

Comments Off on ഐ. എസ്. സി. തിലക് – 2023 പുരസ്കാരങ്ങള്‍ സമ്മാനിച്ചു

ഐ. എസ്. സി. യൂത്ത് ഫെസ്റ്റിവല്‍ ജനുവരി 20 മുതല്‍ 22 വരെ

January 14th, 2023

isc-uae-open-youth-festival-2023-ePathram
അബുദാബി : ഇന്ത്യ സോഷ്യല്‍ & കള്‍ച്ചറല്‍ സെന്‍റര്‍ സംഘടിപ്പിക്കുന്ന ഐ. എസ്. സി. – യു. എ. ഇ. തല ഓപ്പണ്‍ യൂത്ത് ഫെസ്റ്റിവല്‍ 2023 ജനുവരി 20 ന് (വെള്ളി) തുടക്കമാവും. മൂന്നു ദിവസങ്ങളിലായി നടക്കുന്ന യൂത്ത് ഫെസ്റ്റിവലില്‍ വിവിധ കലാ വിഭാഗങ്ങളിലായി യു. എ. ഇ. യിലെ എല്ലാ എമിറേറ്റുകളിലേയും ഇന്ത്യന്‍ സ്കൂളുകളില്‍ നിന്നുമായി നാനൂറോളം വിദ്യാര്‍ത്ഥികള്‍ പങ്കെടുക്കും എന്ന് ഐ. എസ്. സി. ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

press-meet-isc-uae-open-youth-festival-2023-ePathram

പ്രായത്തിന്‍റെ അടിസ്ഥാനത്തില്‍ കിഡ്‌സ് (3-6 വയസ്സ്), സബ് ജൂനിയര്‍ (7-9 വയസ്സ്), ജൂനിയര്‍ (10-12 വയസ്സ്), സീനിയര്‍ (13-15 വയസ്സ്), സൂപ്പര്‍ സീനിയര്‍ (16-18 വയസ്സ്) എന്നിങ്ങനെ അഞ്ച് കാറ്റഗറികളിലാണ് മല്‍സരങ്ങള്‍ അരങ്ങേറുക.

പങ്കെടുക്കാന്‍ ആഗ്രഹിക്കുന്ന കുട്ടികൾ ജനുവരി16 നു മുൻപായി ഓണ്‍ ലൈന്‍ ലിങ്ക്, സ്‌കൂളുകള്‍ വഴി, ഐ. എസ്. സി. വെബ് സൈറ്റ് വഴിയും റജിസ്റ്റര്‍ ചെയ്യാം.

വിജയികള്‍ക്ക് ഒന്നും രണ്ടും മൂന്നും സ്ഥാനങ്ങളില്‍ വ്യക്തിഗത സമ്മാനങ്ങള്‍ക്കു പുറമേ പോയിന്‍റ് അടിസ്ഥാന ത്തില്‍ ഐ. എസ്. സി. പ്രതിഭ-2023, ഐ. എസ്. സി. തിലക് – 2023 എന്നീ പുരസ്കാരങ്ങളും സമ്മാനിക്കും.

ഭരതനാട്യം, മോഹിനിയാട്ടം, കുച്ചിപ്പുടി, സെമി ക്ലാസിക്കല്‍, ഫോക്ക് ഡാന്‍സ്, ഒഡീസി, കഥക്, തുടങ്ങിയ നൃത്ത ഇനങ്ങളും  കര്‍ണാട്ടിക്, ഹിന്ദുസ്ഥാനി, ലളിത ഗാനം, സിനിമാ ഗാനങ്ങള്‍ (കരോക്കെ), ഇന്‍സ്ട്രുമെന്‍റ് (വാദ്യോപകരണ സംഗീതം), മോണോ ആക്ട്, ഫാന്‍സി ഡ്രസ്സ്, ഡ്രോയിംഗ്, പെയിന്‍റിംഗ് തുടങ്ങിയ മല്‍സര ഇനങ്ങള്‍ ഇന്ത്യാ സോഷ്യല്‍ സെന്‍ററിന്‍റെ അഞ്ച് വേദികളിലായി അരങ്ങേറും.

ഐ. എസ്. സി. പ്രസിഡണ്ട് ഡി. നടരാജന്‍, ജനറല്‍ സെക്രട്ടറി പി. സത്യബാബു, ട്രഷറര്‍ ലിംസണ്‍ കെ. ജേക്കബ്, ലിറ്റററി സെക്രട്ടറി ദീപക് കുമാര്‍ ഡാഷ്, യൂത്ത് ഫെസ്റ്റിവൽ പ്രായോജക പ്രതിനിധികളായ ഭവന്‍സ് സ്‌കൂള്‍ ചെയര്‍മാന്‍ സൂരജ് രാമചന്ദ്രന്‍, മെഡിയോര്‍ & എല്‍. എല്‍. എച്ച്. ഹോസ്പിറ്റല്‍ ഓപ്പറേഷന്‍സ് ഡയറക്ടര്‍ ഡോ. നവീന്‍ ഹൂദ് അലി, അഹല്യ ഹോസ്പിറ്റല്‍ ബിസിനസ്സ് ഡവലപ്പ് മെന്‍റ്  മാനേജര്‍ ഹരിപ്രസാദ് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

- pma

വായിക്കുക: , , , , , , , , ,

Comments Off on ഐ. എസ്. സി. യൂത്ത് ഫെസ്റ്റിവല്‍ ജനുവരി 20 മുതല്‍ 22 വരെ

ബാഡ്മിന്‍റണ്‍ ഗോള്‍ഡ് ചാമ്പ്യന്‍ ഷിപ്പ് 13 മുതല്‍

January 6th, 2023

45-th-isc-apex-badminton-gold-championship-ePathram
അബുദാബി : ഇന്ത്യാ സോഷ്യല്‍ സെന്‍റര്‍ (ഐ. എസ്. സി) സംഘടിപ്പിക്കുന്ന 45 ആമത് ഐ. എസ്. സി.- അപെക്സ് ബാഡ്മിന്‍റണ്‍ ഗോള്‍ഡ് ചാമ്പ്യന്‍ ഷിപ്പ് മല്‍സരങ്ങള്‍ 2023 ജനുവരി 13 മുതല്‍ തുടക്കം കുറിക്കും. ജനുവരി 22 വരെ നടക്കുന്ന ജൂനിയര്‍ സീരീസിലേക്ക് ഏഴാം തീയ്യതി വരെ അപേക്ഷിക്കാം.

ജൂനിയര്‍ – സീനിയര്‍ വിഭാഗങ്ങളിലായി അഞ്ഞൂറോളം മത്സരാർത്ഥികള്‍ കോര്‍ട്ടില്‍ ഇറങ്ങും. യു. എ. ഇ. ബാഡ്മിന്‍റണ്‍ ഫെഡറേഷന്‍റെ അംഗീകാരത്തോടെയാണ് മല്‍സരം നടക്കുന്നത് എന്നും ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

press-meet-isc-apex-badminton-gold-championship-ePathram

ജനുവരി 28 ന് ആരംഭിക്കുന്ന സീനിയര്‍ സീരീസിലേക്ക് 21 ആം തീയ്യതി വരെ അപേക്ഷിക്കാം. ഇന്ത്യ, ശ്രീലങ്ക, തായ്‌ലൻഡ്, ഫിലിപ്പീൻസ്, സിംഗപ്പൂർ, ഇന്തോനീഷ്യ, മലേഷ്യ, ഡെൻമാർക്ക് തുടങ്ങിയ രാജ്യങ്ങളിലെ ബാഡ്മിന്‍റണ്‍ താരങ്ങളും മത്സരത്തിന് എത്തും.

പങ്കെടുക്കാന്‍ താല്‍പര്യമുള്ളവര്‍ +971 2 6730066 എന്ന നമ്പറിൽ നിശ്ചിത തീയ്യതിക്കു മുന്‍പായി ബന്ധപ്പെട്ട് റജിസ്റ്റര്‍ ചെയ്യണം.

ഐ. എസ്‌. സി. പ്രസിഡണ്ട് ഡി. നടരാജൻ, ജനറൽ സെക്രട്ടറി പി. സത്യ ബാബു, ട്രഷറർ ലിംസൺ ജേക്കബ്ബ്, ബാഡ്മിന്‍റൺ സെക്രട്ടറി നൗഷാദ് അബൂ ബക്കർ, പ്രായോജക പ്രതിധികളായ പി. എ. ഹിഷാം, എം. പി. രാജേന്ദ്രന്‍ എന്നിവർ വാർത്താ സമ്മേളന ത്തിൽ സംബന്ധിച്ചു.

 

- pma

വായിക്കുക: ,

Comments Off on ബാഡ്മിന്‍റണ്‍ ഗോള്‍ഡ് ചാമ്പ്യന്‍ ഷിപ്പ് 13 മുതല്‍

Page 3 of 2312345...1020...Last »

« Previous Page« Previous « മോഡൽ സ്‌കൂളിൽ കരിയർ ഫെസ്റ്റ്
Next »Next Page » വിസാ കാലാവധി കഴിഞ്ഞാല്‍ പിഴ അടച്ച് ഔട്ട് പാസ്സ് വാങ്ങി രാജ്യം വിടണം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha