എക്‌സ്‌പോ 2020 : സംഘാടക സമിതി രൂപീകരിച്ചു

January 9th, 2014

logo-dubai-expo-2020-ePathram
ദുബായ് : എക്‌സ്‌പോ 2020 നടത്തി പ്പിന്നായി സംഘാടക സമിതി നിലവില്‍ വന്നു. ദുബായ് ഭരണാധികാരിയും യു. എ. ഇ. വൈസ് പ്രസിഡന്‍റുമായ ശൈഖ് മുഹമ്മദ് ബിന്‍ റാഷിദ് അൽ മക്തൂമിന്റെ ഉത്തരവു പ്രകാരമാണ് എക്‌സ്‌പോ 2020 പ്രിപ്പറേറ്ററി പാനല്‍ എന്ന പേരില്‍ സമിതി നിലവില്‍ വന്നത്.

കിരീടാവകാശി ശൈഖ് ഹംദാന്റെ രക്ഷാധികാര്യത്തില്‍ സിവില്‍ ഏവിയേഷന്‍ പ്രസിഡന്‍റ് ശൈഖ് അഹമ്മദ് ബിന്‍ സഈദ് ആല്‍ മക്തൂം അധ്യക്ഷനായ സമിതി ക്കാണ് രൂപം നല്കി യിട്ടുള്ളത്.

ഗതാഗതം, ആരോഗ്യം, വിനോദ സഞ്ചാര മേഖല കളില്‍ നഗര ത്തിന്റെ ഘടനാ പരമായ പര്യാപ്തത വിലയിരുത്തലിന് വിധേയ മാക്കും. ആഗോള പ്രദര്‍ശനം നടത്തുന്ന തിന് ആവശ്യ മായ സാമ്പത്തികം, സാങ്കേതിക, സുരക്ഷാ സംവിധാന ങ്ങള്‍ തുടങ്ങിയവ സംബന്ധിച്ചും ധാരണയുണ്ടാക്കും. മാത്രമല്ല, എക്‌സ്‌പോ സംഘടി പ്പിക്കുന്നതിന് ആവശ്യ മായ തയ്യാറെടുപ്പു കള്‍ക്കായി മറ്റു പൊതു, സ്വകാര്യ സ്ഥാപന ങ്ങളെയും കമ്പനി കളെയും ഏകോപിപ്പി ക്കുന്നതിനുള്ള ചുമതലയും പ്രിപ്പറേറ്ററി പാനലിനാണ്.

എക്‌സ്‌പോ 2020 പ്രദര്‍ശന ത്തിന്റെ സംഘാടന വിജയം ഉറപ്പാ ക്കുന്നതിന് ദുബായിലെ മുഴുവന്‍ ഗവണ്‍മെന്‍റ് സ്ഥാപന ങ്ങളുടെയും സഹകരണവും പരസ്പര ഏകോപനവും ഉറപ്പു വരുത്തും വിധമാണ് ഉത്തരവ് പുറപ്പെടുവിച്ചിരിക്കുന്നത്.

ലോകം മുഴുവൻ ഉറ്റു നോക്കുന്ന എക്‌സ്‌പോ 2020 ക്ക് വേണ്ടി യുള്ള പ്രാഥമിക തയ്യാറെടുപ്പു കളിലൊന്നാണ് പ്രിപ്പറേറ്ററി പാനല്‍ നിലവില്‍ വന്നതോടെ പൂര്‍ത്തി യായിരിക്കുന്നത്.

- കറസ്പോണ്ടന്‍റ്

വായിക്കുക: , ,

Comments Off on എക്‌സ്‌പോ 2020 : സംഘാടക സമിതി രൂപീകരിച്ചു

എക്സ്പോ 2020 ദുബായിൽ

November 27th, 2013

dubai-expo-2020

ദുബായ് : ഏറെ പ്രതീക്ഷകളോടെ ലോകം ഉറ്റു നോക്കിയ തെരഞ്ഞെടുപ്പിന് ഒടുവിൽ എക്സ്പോ 2020ന് ആതിഥേയം വഹിക്കാൻ ദുബായ് നഗരം അർഹമായി. മൂന്ന് വട്ടം നടന്ന തെരഞ്ഞെടുപ്പിന്റെ അവസാന ഘട്ടത്തിൽ 116 വോട്ടുകൾ ലഭിച്ചാണ് ദുബായ് റഷ്യയെ പുറന്തള്ളി അസൂയാവഹമായ ഈ നേട്ടം കൈവരിച്ചത്.

- ജെ.എസ്.

വായിക്കുക: ,

Comments Off on എക്സ്പോ 2020 ദുബായിൽ

സിദ്ധാര്‍ഥ് വരദരാജന്‍ ‘ദ ഹിന്ദു‘ വിന്റെ എഡിറ്റര്‍ സ്ഥാനം രാജിവെച്ചു

October 22nd, 2013

ചെന്നൈ: പ്രമുഖ ഇംഗ്ലീഷ് പത്രമായ ‘ദ ഹിന്ദു’ വിന്റെ എഡിറ്റര്‍ സ്ഥാനത്തുനിന്നും സിദ്ധാര്‍ഥ് വരദരജന്‍ രാജിവെച്ചു. ‘ദ ഹിന്ദുവിന്റെ ഉടമസ്ഥര്‍ പത്രത്തെ വീണ്ടും ഒരു കുടുമ്പ പത്രമാക്കുവാന്‍ തീരുമാനിച്ചതിനാല്‍ ഞന്‍ രാജിവെക്കുന്നു എന്ന ട്വിറ്റര്‍ സന്ദേശത്തിലൂടെയാണ് അദ്ദേഹം രാജിക്കാര്യം പുറം ലോകത്തെ അറിയിച്ചത്. മാലിനി പാര്‍ഥസാരഥിയാണ് ‘ദ ഹിന്ദുവിന്റെ പുതിയ എഡിറ്റര്‍. എന്‍.രവി എഡിറ്റര്‍ ഇന്‍ ചീഫും ആയിരിക്കും.

ഉന്നത തലത്തിലെ അഴിച്ചു പണി സംബന്ധിച്ച് പത്രത്തിന്റെ ഉടമസ്ഥരായ കസ്തൂരി ആന്റ് സണ്‍സിന്റെ 12 അംഗ ഭരണ സമിതിയില്‍ പകുതി പേര്‍ അനുകൂലിച്ചും പകുതി പേര്‍ എതിര്‍ത്തും നിലപാടെടുത്തപ്പോള്‍ ചെയര്‍മാന്‍ എന്‍.റാം കാസ്റ്റിങ്ങ് വോട്ട് രേഖപ്പെടുത്തി പുതിയ മാറ്റത്തെ അനുകൂലിച്ചു. സിദ്ധാര്‍ഥ് വരദരാജനെ കോണ്ട്രിബ്യൂട്ടിങ്ങ് എഡിറ്ററും സീനിയര്‍ കോളമിസ്റ്റുമായി തുടരുവാന്‍ അനുവദിച്ചെങ്കിലും അദ്ദേഹം അത് സ്വീകരിച്ചില്ല.

- എസ്. കുമാര്‍

വായിക്കുക: ,

Comments Off on സിദ്ധാര്‍ഥ് വരദരാജന്‍ ‘ദ ഹിന്ദു‘ വിന്റെ എഡിറ്റര്‍ സ്ഥാനം രാജിവെച്ചു

ലുലു വില്‍ ഈന്തപ്പഴോല്സവം

July 22nd, 2013

lulu-dates-festival-2013-inauguration-at-mushrif-mall-ePathram
അബുദാബി : എം. കെ. ഗ്രൂപ്പിന്റെ നേതൃത്വ ത്തില്‍ ലുലു ഹൈപ്പര്‍ മാര്‍ക്കറ്റുകളില്‍ എല്ലാ വര്‍ഷവും നടത്തി വരുന്ന ഈന്തപ്പഴോല്സവ ത്തിനു അബുദാബി മുശ്രിഫ്‌ മാളിലെ ലുലു ഹൈപ്പര്‍ മാര്‍ക്കറ്റില്‍ തുടക്കമായി.

ഫാര്‍മേഴ്‌സ്‌ കോപ്പറേറ്റീവ് സൊസൈറ്റി ചെയര്‍മാന്‍ അലി അല്‍ മന്‍സൂരി ഉല്‍ഘാടനം ചെയ്ത ചടങ്ങില്‍ എം. കെ. ഗ്രൂപ്പ്‌ എക്സിക്യുട്ടിവ് ഡയറക്ടർ അഷറഫലി, സി. ഇ. ഓ. സൈഫീ രൂപ് വാല, സി. ഓ. ഓ. വി. ഐ. സലിം, ലുലു റീജ്യണല്‍ ഡയറക്ടര്‍ ടി. പി. അബൂബക്കര്‍, കോര്‍പ്പറേറ്റ് കമ്യൂണിക്കേഷന്‍ മാനേജര്‍ മാനേജര്‍ വി. നന്ദകുമാര്‍ തുടങ്ങിയവര്‍ സംബന്ധിച്ചു.

പത്ത് ദിവസം നീണ്ടു നില്‍ക്കുന്ന ഡേറ്റ് ഫെസ്റ്റിവലില്‍ യു. എ. ഇ, സൗദി അറേബ്യ, ടുണീഷ്യ, ഇറാഖ്‌, ഇറാന്‍, അമേരിക്ക, തുടങ്ങീ പത്തോളം രാജ്യങ്ങളില്‍ നിന്നായി വിവിധ നിറ ങ്ങളിലും വലിപ്പ ങ്ങളിലുമുള്ള എണ്‍പത്തി അഞ്ചോളം തരങ്ങളില്‍ ഉള്ള ഈന്ത പ്പഴങ്ങളാണ് ഡേറ്റ് ഫെസ്റ്റി വലില്‍ ഒരുക്കി യിരിക്കുന്നത്.

- കറസ്പോണ്ടന്‍റ്

വായിക്കുക: ,

Comments Off on ലുലു വില്‍ ഈന്തപ്പഴോല്സവം

ടി.എ. സുന്ദര്‍ മേനോന് ഫോബ്സ് മാഗസിന്റെ അംഗീകാരം

June 30th, 2013

shashi-tharoor-sunder-menon-epathram

ദുബായ്: പ്രമുഖ വ്യവസായിയും സാമൂഹിക പ്രവര്‍ത്തകനുമായ ടി. എ. സുന്ദര്‍ മേനോന് ഫോബ്സ് മാഗസിന്റെ അംഗീകാരം. സണ്‍ ഗ്രൂപ്പ് ചെയര്‍മാനായ ഇദ്ദേഹം ഫോബ്സ് മാഗസിന്‍ തയ്യാറാക്കിയ യു. എ. ഇ. യിലെ പ്രമുഖരായ 100 ഇന്ത്യന്‍ വ്യവസായികളുടെ പട്ടികയില്‍ ആദ്യമായാണ് ഇടം പിടിക്കുന്നത്. വിവിധ മേഖലകളില്‍ സണ്‍ ഗ്രൂപ്പ് കൈവരിച്ച നേട്ടങ്ങള്‍, വ്യവസായത്തിലെ വൈവിധ്യ വല്‍ക്കരണം, സാമ്പത്തിക പുരോഗതി, തൊഴില്‍ ശേഷി തുടങ്ങിയവ പരിഗണിച്ചാണ് പുരസ്കാരത്തിന് അര്‍ഹത നേടിയത്. കഴിഞ്ഞ ഏതാനും വര്‍ഷങ്ങള്‍ക്കുള്ളില്‍ സണ്‍ ഗ്രൂപ്പ് വന്‍ വളര്‍ച്ചയാണ് നേടിയത്.

ദുബായില്‍ നടന്ന പ്രൌഢമായ ചടങ്ങില്‍ കേന്ദ്ര മന്ത്രി ശശി തരൂര്‍ അവാര്‍ഡുകള്‍ വിതരണം ചെയ്തു. പ്രധാനമായും പെട്രോളിയം ഇന്ധന വ്യവസായ രംഗത്ത് ശ്രദ്ധ കേന്ദ്രീകരിച്ചിരിക്കുന്ന സണ്‍ ഗ്രൂപ്പിന് ഇന്ത്യയ്ക്ക് അകത്തും പുറത്തും വ്യവസായ സംരംഭങ്ങള്‍ ഉണ്ട്. തൃശ്ശൂര്‍ സ്വദേശിയായ സുന്ദര്‍ മേനോന്‍ വിവിധ സാംസ്കാരിക – സേവന സംഘടനകളുടെ നേതൃത്വം വഹിക്കുന്നതിനൊപ്പം ജീവകാരുണ്യ പ്രവര്‍ത്തന രംഗത്തും സജീവമാണ്. തൃശ്ശൂര്‍ പൂരത്തിന്റെ അമരക്കാരില്‍ ഒരാളായ സുന്ദര്‍ മേനോന്‍ ആനയുടമയും ആനയുടമകളുടെ സംഘടനയുടെ മുഖ്യ രക്ഷാധികാരിയുമാണ്.

മലയാളിയും എം. കെ. ഗ്രൂപ്പിന്റെ ചെയര്‍മാനുമായ എം. എ. യൂസഫലിയാണ് ഫോബ്സ് തിരഞ്ഞെടുത്ത നൂറു പേരുടെ പട്ടികയില്‍ ഒന്നാം സ്ഥാനത്ത്. പി. എന്‍. സി. മേനോന്‍, സണ്ണി വര്‍ക്കി, ജോയ് ആലൂക്ക, ഡോ. ആസാദ് മൂപ്പന്‍, കെ. മുരളീധരന്‍, ഡോ. ഷംസുദ്ദീന്‍ വയലില്‍, ലാലു സാമുവെല്‍ തുടങ്ങിയവരും ലിസ്റ്റില്‍ ഉണ്ട്.

- എസ്. കുമാര്‍

വായിക്കുക: , ,

Comments Off on ടി.എ. സുന്ദര്‍ മേനോന് ഫോബ്സ് മാഗസിന്റെ അംഗീകാരം

Page 41 of 45« First...102030...3940414243...Last »

« Previous Page« Previous « ‘പാവങ്ങളുടെ നൂറ്റമ്പത് വർഷങ്ങൾ’ : വാര്‍ഷികാചരണം ശ്രദ്ധേയമായി
Next »Next Page » സോളാര്‍ തട്ടിപ്പ്: ടെന്നി ജോപ്പനെ 14 ദിവസത്തെ റിമാന്റില്‍ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha