എം. എ. യൂസഫലിക്ക് ഇന്‍റര്‍ നാഷണല്‍ ഇന്ത്യൻ ഐക്കണ്‍ പുരസ്‌കാരം സമ്മാനിച്ചു

December 10th, 2022

wmc-international-indian-icon-award-for-ma-youssafali-ePathram
ദുബായ് : വേൾഡ് മലയാളി കൗൺസിൽ (ഡബ്ള്യു. എം. സി.) പ്രഖ്യാപിച്ച ഇന്‍റര്‍നാഷണല്‍ ഇന്ത്യൻ ഐക്കണ്‍ പുരസ്കാരം വ്യവസായ പ്രമുഖന്‍ ലുലു ഗ്രൂപ്പ് ചെയർമാൻ എം. എ. യൂസഫലിക്ക് സമ്മാനിച്ചു.

വ്യവസായ-വാണിജ്യ മേഖലകളില്‍ നല്‍കിയ മികച്ച സംഭാവനകളെ മുന്‍ നിര്‍ത്തിയാണ് പുരസ്‌കാരം. ദുബായില്‍ നടന്ന ചടങ്ങില്‍ വേള്‍ഡ് മലയാളി കൗണ്‍സില്‍ ഗ്ലോബല്‍ അഡ്വൈസറി ബോര്‍ഡ് ചെയര്‍മാനും ഖലീജ് ടൈംസ് മാനേജിംഗ് എഡിറ്ററു മായ ഐസക് ജോണ്‍ പട്ടാണി പറമ്പില്‍ പുരസ്‌കാരം സമ്മാനിച്ചു.

ജസ്റ്റിസ് കുര്യന്‍ ജോസഫ്, ടി. പി. ശ്രീനിവാസന്‍, കര്‍ണ്ണാടക മുന്‍ ചീഫ് സെക്രട്ടറി ജെ. അലക്‌സാണ്ടര്‍, രാഷ്ട്രപതിയുടെ മുന്‍ സെക്രട്ടറി ക്രിസ്റ്റി ഫെര്‍ണാണ്ടസ് എന്നിവര്‍ ഉള്‍പ്പെട്ട ജൂറിയാണ് പുരസ്‌കാര ജേതാവിനെ തെരഞ്ഞെടുത്തത്.

ഓർത്തഡോക്സ് സഭ ഡൽഹി ഭദ്രാസനാധിപൻ ഡോ. യൂഹന്നാൻ മാർ ദിമിത്രോസ്, ഭദ്രാസനം സെക്രട്ടറി ഫാ. സജി യോഹന്നാൻ, ഷാര്‍ജ സെന്‍റ്. ഗ്രിഗോറിയോസ് ഓര്‍ത്തഡോക്‌സ് ചര്‍ച്ച് വികാരി റവ. ഫിലിപ്പ് എം. സാമുവല്‍ കോര്‍ എപ്പിസ്‌കോപ്പ, ജബല്‍ അലി സെന്‍റ്. ഗ്രിഗോറിയോസ് ഓര്‍ത്തഡോക്‌സ് ചര്‍ച്ച് വികാരി റവ. ഫാദര്‍ ഉമ്മന്‍ മാത്യു, ദുബായ് സെന്‍റ്. തോമസ് ഓര്‍ത്തഡോക്‌സ് കത്തീഡ്രല്‍ വികാരി റവ. ഫാദര്‍ ബിനീഷ് ബാബു എന്നിവരും ചടങ്ങില്‍ സംബന്ധിച്ചു.

- pma

വായിക്കുക: , , , , , , , , ,

Comments Off on എം. എ. യൂസഫലിക്ക് ഇന്‍റര്‍ നാഷണല്‍ ഇന്ത്യൻ ഐക്കണ്‍ പുരസ്‌കാരം സമ്മാനിച്ചു

അന്താരാഷ്ട ഭക്ഷ്യ മേളയില്‍ പുതിയ ഉൽപ്പന്നങ്ങൾ വിപണിയിലിറക്കി ലുലു ഗ്രൂപ്പ്

December 7th, 2022

new-food-products-of-lulu-abu-dhabi-international-food-fair-ePathram
അബുദാബി : യു. എ. ഇ. സഹിഷ്ണത വകുപ്പ് മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ ഔദ്യോഗിക ഉദ്ഘാടനം നിർവ്വഹിച്ച അബുദാബി അന്താരാഷ്ട്ര ഭക്ഷ്യ മേളയിൽ ലുലു ഗ്രൂപ്പിൻ്റെ പുതിയ ഉൽപ്പന്നങ്ങൾ വിപണിയിൽ ഇറക്കി. അബുദാബി എക്സിബിഷൻ സെന്‍ററിൽ കഴിഞ്ഞ ദിവസം നടന്ന ചടങ്ങിൽ യു എ ഇ കാലാവസ്ഥ വ്യതിയാന – പരിസ്ഥിതി വകുപ്പ് മന്ത്രി മറിയം അൽ മെഹെരി, അബുദാബി ചേംബർ വൈസ് ചെയർമാനും ലുലു ഗ്രൂപ്പ് ചെയർമാനുമായ എം. എ. യൂസഫലി എന്നിവരും സംബന്ധിച്ചു.

sheikh-nahyan-bin-mubarak-inaugurate-abu-dhabi-international-food-fair-2022-ePathram

യു. എ. ഇ. ഉപ പ്രധാന മന്ത്രിയും പ്രസിഡൻഷ്യൽ കാര്യ മന്ത്രിയും അബുദാബി കാർഷിക ഭക്ഷ്യ സുരക്ഷാ അഥോറിട്ടി ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാന്‍റെ രക്ഷാ കർതൃത്വത്തിലാണ് മൂന്നു ദിവസങ്ങളിലായി അബുദാബി അന്താരാഷ്ട ഭക്ഷ്യ മേള സംഘടിപ്പിച്ചത്.

പ്രാദേശിക ഉത്പന്നങ്ങൾ സംഭരിക്കാൻ ലുലു ഗ്രൂപ്പ്

അബുദാബിയിൽ നിന്നുള്ള കാർഷിക ഉൽപ്പന്നങ്ങൾ കൂടുതലായി സംഭരിക്കാൻ പ്രമുഖ സ്ഥാപനമായ സിലാലുമായി ലുലു ഗ്രൂപ്പ് ധാരണ പത്ര ത്തിൽ ഒപ്പു വെച്ചു.

mou-sign-between-lulu-silal-for-local-food-production-and-supply-ePathram

ധാരണ പ്രകാരം പ്രാദേശിക കാർഷികോത്‌പ്പന്നങ്ങൾ കൂടുതലായി സംഭരിച്ച് ലുലു ഹൈപ്പർ മാർക്കറ്റുകളിൽ ലഭ്യമാക്കും. പ്രകൃതി സഹൃദ പാക്കിംഗ് വ്യാപകം ആക്കുകയും ചെയ്യും.

യു. എ. ഇ. കാലാവസ്ഥ വ്യതിയാന – പരി സ്ഥിതി വകുപ്പു മന്ത്രി മറിയം അൽ മെഹെരി, എം. എ. യൂസഫലി എന്നിവരുടെ സാന്നിദ്ധ്യത്തിൽ സിലാൽ ചീഫ് എക്സിക്യൂട്ടീവ് ഓഫീസർ സൽമീൻ ഉബൈദ് അൽ അമെരി, ലുലു ഗ്രൂപ്പ് ഡയറക്ടർ എം. എ. സലിം എന്നിവരാണ് ധാരണാപത്രത്തിൽ ഒപ്പു വെച്ചത്.

- pma

വായിക്കുക: , , , ,

Comments Off on അന്താരാഷ്ട ഭക്ഷ്യ മേളയില്‍ പുതിയ ഉൽപ്പന്നങ്ങൾ വിപണിയിലിറക്കി ലുലു ഗ്രൂപ്പ്

പ്രാദേശിക കൃ​ഷി പ്രോ​ത്സാ​ഹി​പ്പി​ക്കുവാ​ൻ ലു​ലു ഗ്രൂ​പ്പ്

December 4th, 2022

lulu-mou-with-elite-agro-holding-ePathram
അബുദാബി : യു. എ. ഇ. യിലെ കാര്‍ഷിക ഉൽപാദനം പ്രോത്സാഹിപ്പിക്കുന്നതിന് ലുലു ഗ്രൂപ്പും എലീറ്റ് അഗ്രോ ഹോള്‍ഡിംഗും തമ്മില്‍ ധാരണാ പത്രം ഒപ്പു വെച്ചു. വർഷത്തിൽ 15,000 ടൺ പഴം, പച്ചക്കറികൾ വിൽപന നടത്തു ന്നത് സംബന്ധിച്ച കരാറിൽ ലുലു ഗ്രൂപ്പ് ചീഫ് എക്സിക്യൂട്ടീവ് ഓഫീസർ സൈഫി രൂപാവാല, എലീറ്റ് അഗ്രോ ഹോള്‍ഡിംഗ് സി. ഇ. ഒ. ഡോക്ടര്‍. അബ്ദുല്‍ മോനിം അല്‍ മര്‍സൂഖി എന്നിവരാണ് ഒപ്പു വെച്ചത്.

lulu-group-51-uae-national-day-ePathram

യു. എ. ഇ. കാലാവസ്ഥ വ്യതിയാന-പരിസ്ഥിതി മന്ത്രി മറിയം അല്‍ മഹീരി, ലുലു ഗ്രൂപ്പ് ചെയര്‍മാന്‍ എം. എ. യൂസുഫലി എന്നിവര്‍ സംബന്ധിച്ചു. അബുദാബി ഖലീഫ സിറ്റി ഫുർസാൻ ലുലു മാളിൽ ‘ഖൈര്‍ അല്‍ ഇമാറാത്ത്’ കാമ്പയിനിന്‍റെ ഭാഗമായി സ്വദേശി കർഷകർ ഉൽപാദിപ്പിച്ച ഉൽപന്നങ്ങൾക്ക് വേണ്ടി ക്രമീകരിച്ച പ്രത്യേക സ്റ്റാളുകളുടെ ഉദ്‌ഘാടനം മന്ത്രിമറിയം അല്‍ മഹീരി നിർവ്വഹിച്ചു.

lulu-khair-al-emarath-ePathramപ്രാദേശിക കാർഷിക ഉൽപന്നങ്ങൾക്ക് ലുലു ഗ്രൂപ്പ് ഹൈപ്പർ മാർക്കറ്റുകൾ വഴി വിപണി ഒരുക്കു ന്നതിൽ അഭിമാനം ഉണ്ടെന്നു എം. എ. യൂസഫലി പറഞ്ഞു. രാജ്യത്തിനകത്തു മാത്രമല്ല വിദേശ രാജ്യങ്ങളിലും യു. എ. ഇ. ഉൽപന്ന ങ്ങൾക്കു വിപണി കണ്ടെത്തും.

lulu-forsan-central-mall-khalifa-city-ePathram

പ്രാദേശിക കര്‍ഷകരെയും നിര്‍മ്മാതാ ക്കളെയും അവരുടെ സംഭാവന കളുടെ പേരില്‍ ദേശീയ ദിന വേളയില്‍ അംഗീകരിക്കുന്നത് കൂടിയാണ് ഈ കരാര്‍ എന്നും അദ്ദേഹം പറഞ്ഞു. ഭക്ഷ്യ സുരക്ഷക്ക് കർഷകർ നൽകുന്ന സംഭാവനകൾ മാനിച്ച് അവരെ പുരസ്കാരം നൽകി ആദരിച്ചു.

- pma

വായിക്കുക: , , , ,

Comments Off on പ്രാദേശിക കൃ​ഷി പ്രോ​ത്സാ​ഹി​പ്പി​ക്കുവാ​ൻ ലു​ലു ഗ്രൂ​പ്പ്

വടകര പ്രവാസോത്സവം ശ്രദ്ധേയമായി

December 4th, 2022

pravasolsvam-2022-vatakara-nri-forum-20-th-anniversary-ePathram
ദുബായ് : വടകര എൻ. ആർ. ഐ. അസ്സോസിയേഷന്‍ ഇരുപതാം വാർഷിക ആഘോഷങ്ങളുടെ ഭാഗമായി ദുബായില്‍ സംഘടിപ്പിച്ച ‘പ്രവാസോത്സവം -2022’ പ്രവാസ ഭൂമികയിലെ വേറിട്ട അനുഭവമായി.

സാംസ്‌കാരിക ഘോഷ യാത്രയിൽ കുട്ടികളും മുതിര്‍ന്നവരും അണി നിരന്നു. വടകരയുടെ തനതു ശില്പങ്ങൾ, മുത്തുക്കുട, ചെണ്ട മേളം, മയിലാട്ടം, കരകാട്ടം, തുടങ്ങിയവ ഘോഷ യാത്രക്ക്‌ മാറ്റു കൂട്ടി.

dubai-vadakara-nri-forum-20-th-anniversary-pravasolsvam-2022-ePathram

ദുബായ് ക്രസൻ്റ് സ്‌കൂൾ അങ്കണത്തിൽ നടന്ന സാംസ്‌കാരിക സമ്മേളനം ഗ്ലോബൽ പീസ് അംബാസഡർ ഹുസൈഫ ഇബ്രാഹിം ഉദ്ഘാടനം ചെയ്തു. നബാദ്‌ അൽ ഇമാറാത് ടീ൦ ലീഡർ ഉമ്മു മർവാൻ മുഖ്യ അതിഥിയായി പങ്കെടുത്തു. പ്രസിഡണ്ട് ഇ. കെ. ദിനേശൻ അദ്ധ്യക്ഷത വഹിച്ചു. കെ. പി. മുഹമ്മദ്, അഡ്വ. സാജിദ് അബൂബക്കർ, ഡോ. മുഹമ്മദ് ഹാരിസ്, സത്യൻ എസ്. ആർ., രാജൻ കൊളാവിപ്പാലം, മോഹൻ എന്നിവർ സംസാരിച്ചു. സാമൂഹ്യ സാംസ്‌കാരിക വ്യവസായ പ്രമുഖരെ ചടങ്ങിൽ ആദരിച്ചു. ജനറൽ സെക്രട്ടറി മനോജ് കെ. വി. സ്വാഗതവും ട്രഷറർ അഡ്വ. മുഹമ്മദ് സാജിദ് നന്ദിയും പറഞ്ഞു.

വടകരയുടെ പഴയ ഓർമ്മകളെ തൊട്ടുണർത്തുന്ന ദേശക്കാഴ്ചകളുടെ ദൃശ്യാവിഷ്കാരവും വടകരയെ മലബാറിൽ അടയാളപ്പെടുത്തുന്ന അഞ്ചു വിളക്കിന്‍റെ രൂപ കല്പനയും തങ്ങളുടെ പഴയ കാലത്തിലേക്ക് ഒരു തിരിച്ചു നടത്ത മായിരുന്നു. വടകരയുടെ പഴമയുടെ തനതു ആവിഷ്കാരങ്ങളും ക്ഷേത്ര ങ്ങളും പള്ളികളും അനുബന്ധ കാഴ്ചകളുടെ ഫോട്ടോ പ്രദർശനം പ്രവാസി കളെ നാട്ടോർമ്മയിലേക്ക് നയിച്ചു. പുരാതനമായ വടകര ചന്തയുടെ പുനരാവിഷ്കരണം ഏറെ ശ്രദ്ധേയമായി.

കോൽക്കളി, തിരുവാതിര, നൃത്തങ്ങൾ, സിനിമാറ്റിക്ക് ഡാൻസ്, ലഘു നാടകം, പ്രശസ്ത ഗായകർ താജുദ്ധീൻ വടകര, അജയ് ഗോപാൽ, മുനവ്വർ, ഹർഷ ചന്ദ്രൻ എന്നിവ രുടെ നേതൃത്വത്തിൽ ഗാനമേള തുടങ്ങിയ വിവിധ കലാ പരിപാടികള്‍ അരങ്ങേറി .

ഇക്ബാൽ ചെക്യാട്, ഭാസ്കരൻ, സിറാജ് ഒഞ്ചിയം, രജീഷ്, മുഹമ്മദ് ഏറാമല, ജിജു കാർത്തികപ്പള്ളി, മൊയ്‌തു കുറ്റ്യാടി, സുഷി കുമാർ, പുഷ്പരാജ്, മൂസ കോയമ്പ്രം, അസീസ് പുറമേരി, എസ്. പി. മഹമൂദ്, ചന്ദ്രൻ കൊയി ലാണ്ടി, ഷാജി, മൊയ്‌തു പേരാമ്പ്ര, സലാം ചിത്രശാല, നൗഫൽ കടിയങ്ങാട്, അനിൽ കീർത്തി, ബഷീർ മേപ്പയൂർ,സ്വപ്‌നേഷ് തുടങ്ങിയവർ നേതൃത്വം നൽകി. പ്രോഗ്രാം കമ്മറ്റി കൺവീനർ റമൽ നാരായണൻ, യാസിർ, രമ്യ, സൂരജ് പി. കെ., ജിനു കെ. എം. തുടങ്ങിയവർ പരിപാടികള്‍ നിയന്ത്രിച്ചു.

- pma

വായിക്കുക: , , , , , , , , , , ,

Comments Off on വടകര പ്രവാസോത്സവം ശ്രദ്ധേയമായി

റിസർവ്വ് ബാങ്ക് ഇ-റുപീ സേവനം ഡിസംബർ ഒന്നു മുതല്‍

November 30th, 2022

rbi-e-rupee-reserve-bank-of-india-digital-rupee-from-2022-december-1-ePathram
ന്യൂഡൽഹി : റിസര്‍വ്വ് ബാങ്ക് ഓഫ് ഇന്ത്യ യുടെ ഡിജിറ്റൽ കറൻസി e-Rupee,  ഡിസംബർ ഒന്നു മുതൽ റീട്ടെയിൽ മേഖലയിൽ പരീക്ഷണ അടിസ്ഥാനത്തിൽ പുറത്തിറക്കും. ഇപ്പോള്‍ ഉപയോഗിക്കുന്ന കറന്‍സി നോട്ടിന്‍റെ അതേ മൂല്യം തന്നെ ആയിരിക്കും ഡിജിറ്റല്‍ രൂപയായ ഇ-റുപീക്കും.

കറന്‍സി നോട്ടിന്‍റെ ഇലക്ട്രോണിക് പതിപ്പ് ആണ് ഇ-റുപീ അഥവാ ഡിജിറ്റല്‍ രൂപ.

ഡിജിറ്റൽ കറൻസിയെ CBDC-W, എന്നും CBDC-R എന്നും രണ്ടായി തിരിച്ചിട്ടുണ്ട്. CBDC-W മൊത്തക്കച്ചവട കറൻസിയെയും CBDC-R റീട്ടെയിൽ കറൻസിയെയും സൂചിപ്പിക്കുന്നു. 2022 ലെ കേന്ദ്ര ബജറ്റിൽ കേന്ദ്ര ധന മന്ത്രി നിർമ്മല സീതാ രാമനാണ് e-Rupee പ്രഖ്യാപനം നടത്തിയത്.

ബാങ്ക് നല്‍കുന്ന ഡിജിറ്റല്‍ വാലറ്റ് / ആപ്പ് വഴിയാണ് e-Rupee ഉപയോഗിച്ചുള്ള പണമിടപാട് നടത്തേണ്ടത്. വ്യക്തികള്‍ തമ്മിലും വ്യക്തിയും കട ഉടമയും തമ്മിലും മറ്റും പണമിടപാട് നടത്താന്‍ ഡിജിറ്റല്‍ രൂപ ഉപയോഗിക്കാം. കടകളില്‍ സ്ഥാപിച്ചിരിക്കുന്ന ക്യു-ആര്‍ കോഡ് സ്‌കാന്‍ ചെയ്ത് ഇ-റുപീ വഴി പണമിടപാട് നടത്താം.

എട്ടു ബാങ്കുകൾക്ക് e-Rupee സംവിധാനത്തിനുള്ള അനുമതി ആർ. ബി. ഐ. നൽകിയിട്ടുണ്ട്. SBI, ICICI, യെസ് ബാങ്ക്, IDFC എന്നീ നാല് ബാങ്കു കളുടെ നേതൃത്വത്തിണ് ആദ്യ ഘട്ടത്തില്‍ ഡിജിറ്റല്‍ രൂപ പുറത്തിറക്കുക. അടുത്ത ഘട്ടത്തില്‍ ബാങ്ക് ഓഫ് ബറോഡ, യുണിയൻ ബാങ്ക്, HDFC, കൊട്ടക് മഹീന്ദ്ര എന്നിവയും പദ്ധതിയില്‍ ചേരും.

തെരഞ്ഞെടുക്കപ്പെട്ട സ്ഥലങ്ങളിൽ നിശ്ചിത എണ്ണം ആളുകൾക്ക് ഇടയിലാണ് ആദ്യഘട്ട പരീക്ഷണം. ഡല്‍ഹി, മുംബൈ, ബംഗളൂരു, ഭുവനേശ്വര്‍ എന്നീ നഗരങ്ങളില്‍ മാത്രമേ ആദ്യഘട്ടത്തില്‍ ഡിജിറ്റല്‍ രൂപ ലഭ്യമാവുകയുള്ളു.

രണ്ടാം ഘട്ടത്തിലാണ് കേരളം പദ്ധതിയില്‍ ഉള്‍പ്പെടുക. കൊച്ചി, ഹൈദരാബാദ്, അഹമ്മദാബാദ്, ഗുവാഹത്തി, ഇന്‍ഡോർ, ലഖ്നൗ, പാട്ന, ഷിംല എന്നീ നഗരങ്ങളിൽ രണ്ടാം ഘട്ടത്തിൽ ഉൾപ്പെടുത്തും. പദ്ധതിയുടെ പുരോഗമനം അനുസരിച്ച് കൂടുതൽ ബാങ്കുകളും നഗരങ്ങളും ഇതിൽ ഭാഗമാകും.

നിലവിലെ കറൻസി നോട്ടുകൾക്ക് പുറമെയാണ് ഇ-റുപീ വിനിമയം. ഇത് ഇടപാടുകൾ കൂടുതൽ സുഗമം ആക്കും എന്ന് ആർ. ബി. ഐ. അറിയിച്ചു.

റഷ്യ, സ്വീഡന്‍, ചൈന, അമേരിക്ക, ജമൈക്ക, ബഹാമസ്, നൈജീരിയ തുടങ്ങിയ രാജ്യങ്ങളിലും ഡിജിറ്റല്‍ കറന്‍സികള്‍ ഉപയോഗത്തിലുണ്ട്.

- pma

വായിക്കുക: , , ,

Comments Off on റിസർവ്വ് ബാങ്ക് ഇ-റുപീ സേവനം ഡിസംബർ ഒന്നു മുതല്‍

Page 10 of 71« First...89101112...203040...Last »

« Previous Page« Previous « കൊവിഡ് വാക്‌സിന്‍ കൊണ്ടുള്ള മരണങ്ങള്‍ക്ക് ഉത്തരവാദിത്വം ഇല്ല : കേന്ദ്രം
Next »Next Page » ദേശീയ ദിനം : 1,530 തടവുകാർക്ക് മാപ്പ് നൽകി യു. എ. ഇ. പ്രസിഡണ്ട് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha