ആഭ്യന്തര മന്ത്രിക്ക് നീലേശ്വരം സ്വദേശികളുടെ നിവേദനം

February 18th, 2015

minister-ramesh-chennithala-ePathram
അബുദാബി : വിവിധ പ്രശ്‌നങ്ങള്‍ ഉന്നയിച്ചു കൊണ്ട് യു. എ. ഇ. യിലെ നീലേശ്വരം സ്വദേശി കളുടെ കൂട്ടായ്മ, സംസ്ഥാന ആഭ്യന്തര മന്ത്രി രമേശ് ചെന്നിത്തലയ്ക്ക് നിവേദനം അയച്ചു.

നീലേശ്വരം നഗര സഭ ആയിട്ട് നാല് വര്‍ഷം കഴിഞ്ഞെങ്കിലും ഒരു വികസനവും നീലേശ്വരത്ത് നടന്നിട്ടില്ല എന്നാണ് പ്രധാന പരാതി. തീര ദേശവും വന മേഖലയും കൂടുതലുള്ള നീലേശ്വരത്തെ പോലീസ് സ്റ്റേഷനില്‍ ആവശ്യത്തിന് പോലീസുകാരില്ല.

പോലീസു കാരുടെ ക്ഷാമം സ്റ്റേഷന്റെ പ്രവര്‍ത്തനത്തെ കാര്യമായി ബാധിക്കുന്നുണ്ട്. സാമൂഹിക ദ്രോഹികളുടെ വിളയാട്ട മാണ് സ്റ്റേഷന്‍ പരിധി യിലെ പല പ്രദേശ ങ്ങളിലും എന്നുള്ളത് നിവേദന ത്തിലൂടെ ആഭ്യന്തര മന്ത്രിയുടെ ശ്രദ്ധയില്‍ പെടുത്തി യിട്ടുണ്ട്

സര്‍ക്കിള്‍ പോലീസ് സ്റ്റേഷൻ ആണെങ്കിലും സാമൂഹിക ദ്രോഹികളെ അമര്‍ച്ച ചെയ്യാന്‍ കഴിയുന്നില്ല. നീലേശ്വരം ആസ്ഥാന മായി പോലീസ് സബ് ഡിവിഷന്‍ രൂപീകരിക്കണം എന്ന ആവശ്യ ത്തിന് രണ്ട് പതിറ്റാണ്ടു കളുടെ പഴക്കമുണ്ട്.

എന്നാല്‍ മാറി വരുന്ന സര്‍ക്കാറുകള്‍ ഉറപ്പ് നല്‍കാറുണ്ടെങ്കിലും ഇതു വരെ യാഥാര്‍ഥ്യ മായില്ല. സബ് ഡിവിഷന്‍ രൂപീകരിക്കാൻ ആവശ്യ മായ നടപടികള്‍ സ്വീകരിക്കണം എന്നാണ് നിവേദനത്തി ലെ പ്രധാന ആവശ്യം.

- pma

വായിക്കുക: , , , ,

Comments Off on ആഭ്യന്തര മന്ത്രിക്ക് നീലേശ്വരം സ്വദേശികളുടെ നിവേദനം

സായിദ് ഫ്യൂച്ചര്‍ എനര്‍ജി പുരസ്‌കാരം അല്‍ ഗോര്‍ ഏറ്റുവാങ്ങി

January 22nd, 2015

zayed-future-energy-prize-2015-al-gore-ePathram
അബുദാബി : സായിദ് ഫ്യൂച്ചര്‍ എനര്‍ജി പുരസ്‌കാരം അമേരിക്ക യുടെ മുന്‍ വൈസ് പ്രസിഡന്റ് അല്‍ ഗോറിന് സമ്മാനിച്ചു. കലാവസ്ഥാ വ്യതിയാനം സൃഷ്ടിക്കുന്ന ദുരന്ത ങ്ങളെ ക്കുറിച്ചും അവയെ എങ്ങനെ തരണം ചെയ്യാന്‍ സാധിക്കും എന്നുമുള്ള വിഷയ ത്തില്‍ നടത്തിയ ബോധ വത്കരണ പ്രവര്‍ത്തന ങ്ങളാണ് അല്‍ഗോറിനെ പുരസ്‌കാര ത്തിന് അര്‍ഹന്‍ ആക്കിയത്.

സുസ്ഥിര വാര ത്തിന്റെ ഭാഗ മായി നടന്ന യോഗ ത്തില്‍ അബുദാബി കിരീടാവകാശിയും യു. എ. ഇ. സായുധ സേന ഉപ സര്‍വ സൈന്യാധി പനുമായ ശൈഖ് മുഹമ്മദ് ബിന്‍ സായിദ് അല്‍ നഹ്യാനാണ് അല്‍ ഗോറിന് പുരസ്‌കാരം സമ്മാനിച്ചത്.

കലാവസ്ഥാ വ്യതി യാനത്തെ ക്കുറിച്ചുള്ള തന്റെ പ്രവര്‍ത്തനങ്ങള്‍ക്ക് ലഭിച്ച അംഗീകാര ത്തിനുള്ള നന്ദി അറിയിച്ചു കൊണ്ട് അല്‍ ഗോര്‍ സംസാരിച്ചു.

കാലവസ്ഥാ വ്യതിയാന ങ്ങളെ ക്കുറിച്ചുള്ള പഠന ചരിത്ര ത്തില്‍ ഒരിക്കലും വിസ്മരിക്ക പ്പെടാത്ത വ്യക്തിത്വ മാണ് അല്‍ ഗോര്‍ എന്ന് സായിദ് ഫ്യൂച്ചര്‍ എനര്‍ജി യുടെ ഡയറക്ടര്‍ ജനറല്‍ ഡോ. സുല്‍ത്താന്‍ അഹമ്മദ് അല്‍ ജാബര്‍ പറഞ്ഞു.

ലോക ത്തിലെ എഴ് ദശ ലക്ഷം ആളുകളുടെ ഇടയില്‍ വിവിധ മാധ്യമ ങ്ങളിലൂടെ കലാവസ്ഥാ വ്യതിയാനത്തെ ക്കുറിച്ച് ബോധ വത്കരണം നടത്തുന്ന 4,000 ത്തോളം സന്നദ്ധ പ്രവര്‍ത്ത കര്‍ക്ക് തന്റെ ഉപഹാര ത്തുക അല്‍ ഗോര്‍ സമര്‍പ്പിച്ചു.

- pma

വായിക്കുക: , ,

Comments Off on സായിദ് ഫ്യൂച്ചര്‍ എനര്‍ജി പുരസ്‌കാരം അല്‍ ഗോര്‍ ഏറ്റുവാങ്ങി

കൃഷിയെ തൊട്ടറിഞ്ഞ് ‘തൊട്ടാവാടി’ ക്യാമ്പ്‌

January 22nd, 2015

thottavadi-prasakthi-environmental-camp-ePathram
ദുബായ്: കുട്ടികള്‍ക്ക് കൃഷിയില്‍ ആഭിമുഖ്യം വളര്‍ത്തുന്ന കൃഷി പാഠ ങ്ങളുമായി കുണ്ടറ കള്‍ച്ചറല്‍ ആന്‍ഡ് എന്‍.ആര്‍. ഐ. വെല്‍െഫയര്‍ അസോസിയേഷനും പ്രസക്തിയും ചേര്‍ന്ന് ദുബായില്‍ ‘തൊട്ടാവാടി’ ക്യാമ്പ് സംഘടിപ്പിച്ചു. നേഴ്‌സറി തലം മുതല്‍ പത്താം ക്ലാസ്സു വരെ യുള്ള കുട്ടികളാണ് പരിസ്ഥിതി ക്യാമ്പില്‍ പങ്കെടുത്തത്.

കുട്ടികളുടെ ക്യാമ്പ് കോര്‍ഡിനേറ്റര്‍ ഡോ. ഷീജ ഇക്ബാലിന്റെ അധ്യക്ഷത യില്‍ ചേര്‍ന്ന യോഗത്തില്‍ ഷേബ രഞ്ജന്റെ ഗാനാലാപന ത്തോടു കൂടിയാണ് ക്യാമ്പ് ആരംഭിച്ചത്.

തുടര്‍ന്ന് കുട്ടി കള്‍ക്കായി ചിത്ര രചന ശില്പ ശാലനടന്നു. ആര്‍ട്ടിസ്റ്റ് ആര്‍ട്ട് ഗ്രൂപ്പ് കോര്‍ഡിനേറ്റര്‍ ഇ. ജെ. റോയിച്ചന്‍, ഡോ. നിഷ വര്‍ഗീസ് എന്നിവര്‍ നേതൃത്വം നല്കി.

‘നന്മയോടൊപ്പം ഒന്നായി മുന്നോട്ട്’ എന്ന ആശയ വുമായി സംഘടി പ്പിച്ച ക്യാമ്പില്‍ എഴുപ തോളം കുട്ടികള്‍ പങ്കെടുത്തു. വിവിധ സ്‌കൂളു കളില്‍ നിന്നു മെത്തിയ കുട്ടി കള്‍ക്ക് വിത്തു വിതയ്ക്കല്‍, ചെടി നടീല്‍ തുടങ്ങിയ പ്രായോഗിക പ്രവര്‍ത്തന ങ്ങളും കൃഷി ശാസ്ത്രം വിശദീ കരി ക്കുന്ന ക്ലാസ്സും പൂമ്പാറ്റ നിര്‍മാണവും അക്ഷര മരവു മെല്ലാം നവ്യാനുഭവ മായി.

കുട്ടികളുടെ ക്യാമ്പ് ‘നെല്ലി’ എന്ന പേരില്‍ പത്രവും തയ്യാറാക്കി. റൂഷ് മെഹര്‍, ജാസിര്‍ ഇരമംഗലം, റഷീദ് അയിരൂര്‍, നജി ചന്ദ്രന്‍, മുഹമ്മദ് അസ്ലാം, വേണു ഗോപാല്‍ മാധവ് തുടങ്ങിയവർ നേതൃത്വം നല്‍കി. സമാപന സമ്മേളനം കെ. സി. എ. പ്രസിഡന്റ് ജുബില്‍ ജിയോ മാത്യൂസ് ഉദ്ഘാടനം ചെയ്തു. അജി രാധാകൃഷ്ണന്‍ അധ്യക്ഷത വഹിച്ചു.

കെ. സി. എ. ജനറല്‍സെക്രട്ടറി ജിബു ഐ. ജോണ്‍, പ്രസക്തി ജനറല്‍ സെക്രട്ടറി വി. അബ്ദുള്‍ നവാസ്, രഞ്ജന്‍ ജേക്കബ് എന്നിവര്‍ സംസാരിച്ചു.

പങ്കെടുത്ത കുട്ടികള്‍ക്ക് സര്‍ട്ടിഫിക്കറ്റു കളും ചെടി കളും ജോണ്‍ പി. ചാണ്ടി, രേഷ്മ സൈനുലബ്ദീന്‍, ഷിബീജ ഇക്ബാല്‍, വിജി ജുബില്‍, ബാബു തോമസ്, മുഹമ്മദ് ഇക്ബാല്‍ എന്നിവര്‍ വിതരണം ചെയ്തു.

- pma

വായിക്കുക: , , ,

Comments Off on കൃഷിയെ തൊട്ടറിഞ്ഞ് ‘തൊട്ടാവാടി’ ക്യാമ്പ്‌

ദയാബായിക്ക് സ്വീകരണം നല്‍കി

January 20th, 2015

social-worker-daya-bai-ePathram
അബുദാബി : സാമൂഹിക പ്രവര്‍ത്തക ദയാ ബായിക്ക് കേരള സോഷ്യല്‍ സെന്റര്‍ വനിതാ വിഭാഗം സ്വീകരണംനല്‍കി.

‘ദയാ ബായ് പറയുന്നു’ എന്ന പേരില്‍ സംഘടിപ്പിച്ച പരിപാടി യില്‍ കേരള ത്തിലെ സാമൂഹിക, പരിസ്ഥിതി വിഷയ ങ്ങളെക്കുറിച്ച് ദയാ ബായ് സംസാരിച്ചു. സമ്പൂര്‍ണ സാക്ഷരത നേടി എന്ന് അവകാശ പ്പെടുന്ന കേരള ത്തില്‍ ഇപ്പോഴും പ്രകൃതി ചൂഷണങ്ങള്‍ നടക്കുന്നത് ആശാസ്യമല്ല. ലോകത്ത് തന്നെ ഏറ്റവും കൂടുതല്‍ പ്രകൃതിയെ ചൂഷണം ചെയ്യുന്നത് കേരളത്തിലാണ്. ദിവസം ചെല്ലുന്തോറും പ്രകൃതി ദുരന്തം കൂടി വരുമ്പോഴും പ്രകൃതിയെ ചൂഷണം ചെയ്യുന്നതില്‍ കേരള ത്തില്‍ ഒരു കുറവുമില്ല.

കുന്നുകളും, പാടങ്ങളും, നദികളും വന്‍ കിട ക്കാര്‍ക്ക് തീറെഴുതി നല്‍കി. പ്രകൃതി ചൂഷണ ത്തിന് എതിരെ ശബ്ദിക്കുന്നവരെ കള്ള ക്കേസില്‍ കുടുക്കി പീഠിപ്പിക്കുന്നു. ഇവരെ തീവ്ര വാദികളും മറ്റുമായി മുദ്ര കുത്തി ജയിലില്‍ അടക്കുന്നു. സമ്പൂര്‍ണ സാക്ഷരത നേടിയ കേരള ത്തില്‍ എന്ത് കൊണ്ടാണ് ഇങ്ങനെ സംഭവി ക്കുന്നത് എന്ന് മനസ്സിലാകുന്നില്ല.

സാധാരണക്കാരെ ചൂഷണം ചെയ്യുന്നതിനാണ് സര്‍ക്കാറുകള്‍ ശ്രമിക്കുന്നത്. രാഷ്ട്രീയ പാര്‍ട്ടികളും ഭരണ കൂട ങ്ങളും ബൂര്‍ഷ്വകളുടെ പിന്നാലെ യാണ്. ഭരിക്കുന്ന വരും ഭരിക്ക പ്പെടുന്ന വരും മുതലാളി മാരുടെ വക്താ ക്കളാണ്. വിദ്യാഭ്യാസം കൂടിയ കേരള ത്തിലാണ് ഇതെല്ലാം നടക്കുന്നത്. ന്യായമായ അവകാശ ങ്ങള്‍ക്കു വേണ്ടി യുള്ള സമര മുഖത്ത് എന്നും താന്‍ ഉണ്ടാവും എന്നും ദയാ ബായ് പറഞ്ഞു.

കെ. എസ്. സി. വനിതാ വിഭാഗം കണ്‍വീനര്‍ രമണി രാജന്‍ അധ്യക്ഷത വഹിച്ച ചടങ്ങില്‍ ദേവിക സുധീന്ദ്രന്‍ ദയാ ബായിയെ പരിചയപ്പെടുത്തി. പ്രിയ ശശീന്ദ്രന്‍ സ്വാഗതവും സിന്ധു ജി. നമ്പൂതിരി നന്ദിയും പറഞ്ഞു.

- pma

വായിക്കുക: , , , , ,

Comments Off on ദയാബായിക്ക് സ്വീകരണം നല്‍കി

വാര്‍ത്തകള്‍ വ്യാജം ഞാന്‍ ഒളിവിലല്ല : മനോജ് നിരക്ഷരന്‍

January 14th, 2015

കൊച്ചി: കൊച്ചിമേയര്‍ ടോണി ചമ്മിണിയെ കുറിച്ച് ചില മാധ്യമങ്ങളില്‍ വന്ന വാര്‍ത്തയില്‍ ലൈക്കും കമന്റും അടിച്ചു എന്നതിന്റെ പേരില്‍ കേസെടുത്തത് വിവാദമാകുന്നു. വാര്‍ത്ത പ്രസിദ്ധീകരിച്ച രണ്ട് ഓണ്‍ലൈന്‍ പത്രങ്ങളുടെ എഡിറ്റര്‍മാര്‍ക്കെതിരെയും നിരക്ഷരന്‍ എന്ന മനോജ് രവീന്ദ്രനെതിരെയും പോലീസ് കേസെടുത്തിട്ടുണ്ട്. നിരക്ഷരന്‍ എന്ന പ്രൊഫൈലിന്റെ ഉടമയെ പോലീസ് തിരയുന്നു എന്ന്‍ ഒരു പ്രമുഖ പത്രത്തില്‍ വാര്‍ത്ത വന്നിരുന്നു. എന്നാല്‍ ഇത് വസ്തുതകള്‍ക്ക് വിരുദ്ധമാണെന്ന് മനോജ് പറയുന്നു. അദ്ദേഹം പോലീസ് ആവശ്യപ്പെട്ടതിനെ തുടര്‍ന്ന് പോലീസ് സ്റ്റേഷനില്‍ ഡിസംബര്‍ 16 ന് പോയി സ്റ്റേറ്റ്മെന്റ് നല്‍കിയിരുന്നു. കേസുമായി ബന്ധപ്പെട്ട് പോലീസ് സ്റ്റേഷനില്‍ വിളിപ്പിച്ചാല്‍ പോകുവാന്‍ മടികാണിക്കുന്ന ആളല്ല എന്ന് ഇതില്‍ നിന്നും വ്യക്തം.

കൊച്ചിയില്‍ സ്ഥിരതാമസക്കാരനാനാണ് മനോജ്. ഗ്രീന്‍ വെയിന്റെ പ്രവര്‍ത്തനങ്ങളില്‍ സജീവ സാന്നിധ്യമായ മനോജ് അറിയപ്പെടുന്ന എഴുത്തുകാരന്‍ കൂടെയാണ്. പൊതു സമൂഹവുമായി ഫേസ്ബുക്ക് വഴിയും നേരിട്ടും നിരന്തരം സംവദിക്കുന്ന വ്യക്തി ഒളിവിലാണെന്ന ധ്വനിയുള്ള പത്രവാര്‍ത്തകള്‍ക്ക് പിന്നിലെ ഉദ്ദേശ്യം വ്യക്തമല്ല.

മാലിന്യ സംസ്കരണ രീതികള്‍ പഠിക്കുന്നതിനായും മറ്റും മൂന്ന് വര്‍ഷത്തിനിടെ 12 തവണ മേയര്‍ ടോണി ചമ്മിണി വിദേശ യാത്ര നടത്തിയതായ വാര്‍ത്ത വന്നിരുന്നു. പരിസ്ഥിതി പ്രവര്‍ത്തകനും സഞ്ചാര സാഹിത്യകാരനുമായ മനോജ് രവീന്ദ്രന്‍ തന്റെ ഫേസ് ബുക്ക് പേജില്‍ ഒരു കുറിപ്പിട്ടിരുന്നു.

‘മാലിന്യസംസ്ക്കരണം പഠിക്കാന്‍ 12 പ്രാവശ്യം വിദേശത്ത് പോകേണ്ട കാര്യമൊന്നുമില്ല മേയറേ. തൊട്ടപ്പുറത്തെ ജില്ലയിലെ (കൊടുങ്ങല്ലൂരിലെ ചപ്പാറ) മാലിന്യസംസ്ക്കരണ പ്ലാന്റ് ഒന്ന് പോയി കണ്ടാല്‍ മതി. അതിനാവശ്യമായേക്കാവുന്ന ചിലവ് കണക്ക് ഇപ്രകാരം.
കാറിന്റെ ഇന്ധനച്ചിലവ് :- പരമാവധി 1000 രൂപ
പോക്കുവരവ് സമയം :- ട്രാഫിക് ബ്ലോക്ക് അടക്കം 4 മണിക്കൂര്‍.
പഠനസമയം :- മേയറുടെ തലച്ചോറിന്റെ കപ്പാസിറ്റിക്കനുസരിച്ച്.
12 പ്രാവശ്യം പോയി വരാന്‍ ചിലവ് :- 12000 രൂപ.
കുടുംബത്തോടൊപ്പം പോയാലും ചിലവില്‍ വ്യത്യാസമൊന്നും ഇല്ല.‘
ഇതായിരുന്നു വാര്‍ത്തയുടെ സ്ക്രീണ്‍ ഷോട്ടിനൊപ്പം മനോജ് ഫേസ് ബുക്കില്‍ ഇട്ട പോസ്റ്റ്. ഈ വാര്‍ത്തയും പോസ്റ്റും തീര്‍ച്ചയായും മാലിന്യ സംസ്കരണവുമായി ബന്ധപ്പെട്ട് യാത്ര നടത്തുകയും അതേ സമയം പ്രായോഗികമായി കാര്യമായ നടപടികള്‍ സ്വീകരിക്കാതിരിക്കുകയും ചെയ്യുന്ന അധികാര കേന്ദ്രങ്ങളെ ചൊടിപ്പിച്ചിരിക്കാം. കൊച്ചിയില്‍ ഇപ്പോളും രൂക്ഷമായ മാലിന്യ പ്രശ്നം നേരിട്ടുകൊണ്ടിരിക്കുകയാണ് എന്ന വസ്തുത നിലനില്‍ക്കുന്നു എന്നതാണ് വാസ്തവം.

‘ടോണി ചമ്മിണിയുമായി എനിക്ക് ഇതിനു മുമ്പോ ഇപ്പോഴോ വ്യക്തിപരമായോ പാര്‍ട്ടിപരമായോ വൈരാഗ്യമില്ല. മറ്റേതൊരു
ഭരണാധികാരിയായിരുന്നെങ്കിലും ഞാന്‍ ഇതപോലെത്തന്നെയായിരിക്കും പ്രതികരിക്കുക. വ്യക്തിഹത്യാപരമായി ഞാനൊന്നും പറഞ്ഞിട്ടുമില്ല. പോലീസ് വിളിച്ചതു പ്രകാരം സി.ഐ ഓഫീസില്‍ ചെന്ന് ഇക്കാര്യം വ്യക്തമാക്കുകയും ചെയ്തു. പിന്നീട് ഒരു മാസത്തിനു ശേഷം ഞാന്‍ കേള്‍ക്കുന്നത് പോലീസ് എന്നെ തിരയുന്നു എന്ന വാര്‍ത്തയാണ്.’ മനോജ് പറയുന്നു.

വസ്തുതകളുടെ പിന്‍ബലത്തോടെ നവ മാധ്യമങ്ങള്‍ ഭരണാധികാരികളുടെ തെറ്റായ രീതികളെ തുറന്നു കാട്ടുന്നതില്‍ ഉള്ള അമര്‍ഷമാകാം ഒരു പക്ഷെ ഐടി ആക്ട് പ്രകാരം കേസെടുക്കുവാന്‍ പ്രേരിപ്പിച്ചത്.

- എസ്. കുമാര്‍

വായിക്കുക: , , , ,

Comments Off on വാര്‍ത്തകള്‍ വ്യാജം ഞാന്‍ ഒളിവിലല്ല : മനോജ് നിരക്ഷരന്‍

Page 43 of 47« First...102030...4142434445...Last »

« Previous Page« Previous « കുഞ്ഞാലി മരക്കാര്‍ ചരിത്ര ഡോക്യൂമെന്ററി പ്രകാശനം ചെയ്തു
Next »Next Page » പി. ശ്രീരാമകൃഷ്ണന് സ്വീകരണം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha