 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : ലോകത്തിലെ ഏറ്റവും ഉയരം കൂടിയ കെട്ടിടമായ ബുര്‍ജ് ഖലീഫയില്‍ സന്ദര്‍ശകര്‍ക്ക് 60 ദിർഹം നിരക്കില്‍ സമ്മര്‍ ഓഫര്‍ പ്രഖ്യാപിച്ചു.
യു. എ. ഇ. റെസിഡന്‍സ് വിസയുള്ളവര്‍ എമിറേറ്റ്സ് ഐ. ഡി. നല്‍കിയാല്‍ ഈ ഓഫര്‍ നിരക്കില്‍ ബുർജ് ഖലീഫയുടെ 124, 125 നിലകളിലെ സന്ദര്‍ശക ഗാലറി യായ ‘അറ്റ് ദ ടോപ്പ്’ സന്ദര്‍ശിച്ച് നഗര സൗന്ദര്യം ആസ്വദിക്കാം.
പൊതു അവധി ദിനങ്ങള്‍ ഉള്‍പ്പെടെ 2022 സെപ്റ്റംബര്‍ 30 വരെ രാവിലെ 9 മണി മുതല്‍ എല്ലാ ദിവസങ്ങളിലും ഈ ആനുകൂല്യം ലഭ്യമാണ്.
- pma
വായിക്കുക: burj-khalifa, ആഘോഷം, ദുബായ്, പ്രവാസി
അബുദാബി : ഇന്ത്യൻ ഇസ്‌ലാമിക് സെന്‍റർ പുതിയ മാനേജിംഗ് കമ്മിറ്റിയുടെ പ്രവർത്തന ഉദ്ഘാടനം ഇന്ത്യൻ എംബസി കോൺസൽ രാമസ്വാമി ബാലാജി നിർവ്വഹിച്ചു. ഈദ് ആഘോഷങ്ങളുറ്റെ ഭാഗമായി സംഘടിപ്പിച്ച പൊതു പരിപാടിയില്‍ കമ്മ്യൂണിറ്റി പോലീസ് പ്രതിനിധി ആയിഷ ഷിഹ മുഖ്യാതിഥി ആയിരുന്നു.
സെന്‍റര്‍ ആക്ടിംഗ് പ്രസിഡണ്ട് എം. ഹിദായത്തുള്ള അദ്ധ്യക്ഷത വഹിച്ചു. ജനറൽ സെക്രട്ടറി ടി. കെ. അബ്ദുൾ സലാം സ്വാഗതം പറഞ്ഞു. സുന്നി സെന്‍റർ ചെയർമാൻ ഡോ. അബ്ദുൾ റഹിമാൻ മൗലവി ഒളവട്ടൂർ ഈദ് സന്ദേശം നൽകി. സാംസ്കാരിക സംഘടന നേതൃത്വത്തിലുള്ള വി. പി. കൃഷ്ണകുമാർ, എം. യൂ. ഇർഷാദ്, യു. അബ്ദുള്ള ഫാ‌റൂഖി, അഡ്വ. കെ. വി. മുഹമ്മദ്‌ കുഞ്ഞി, ഭാരതി നത്വാനി, കൾച്ചറൽ സെക്രട്ടറി അഷ്‌റഫ്‌ നജാത്ത് തുടങ്ങിയവര്‍ ഈദ് ആശംസകൾ നേർന്നു.
പ്രവാസ ജീവിതം മതിയാക്കി നാട്ടിലേക്കു പോകുന്ന അബ്ദുൽ ജമാലിന് സെന്‍റർ ഉപഹാരം നൽകി ആദരിച്ചു. ഗായകരായ അഷറഫ് പയ്യന്നൂര്‍, ആദിൽ അത്തു എന്നിവരുടെ നേതൃത്വത്തിൽ ഈദ് ഇശൽ കലാ വിരുന്നും അരങ്ങേറി.
- pma
വായിക്കുക: islamic-center-, ആഘോഷം, ഇന്ത്യന്‍ കോണ്സുലേറ്റ്, പ്രവാസി, സംഘടന, സാംസ്കാരികം
അബുദാബി : ഈദുല്‍ ഫിത്വര്‍ പ്രമാണിച്ച് യു. എ. ഇ. യിലെ സർക്കാർ ജീവനക്കാർക്ക് 9 ദിവസം അവധി. 2022 ഏപ്രിൽ 30 ശനി മുതൽ മേയ് 6 വെള്ളി വരെയാണ് സര്‍ക്കാര്‍ പ്രഖ്യാപിച്ച പെരുന്നാൾ അവധി. മെയ് 7, 8 ശനിയും ഞായറും വാരാന്ത്യ അവധി അടക്കം 9 ദിവസം സര്‍ക്കാര്‍ സ്ഥാപനങ്ങള്‍ അടഞ്ഞു കിടക്കും.
റമദാന്‍ 29 (ഏപ്രിൽ 30 ശനി) മുതല്‍ ശവ്വാല്‍ 3 വരെ സ്വകാര്യ സ്ഥാപനങ്ങള്‍ക്ക് ശമ്പളത്തോടെയുള്ള അവധി അധികൃതര്‍ പ്രഖ്യാപിച്ചിരുന്നു.
ജ്യോതി ശാസ്ത്ര കണക്കുകൾ പ്രകാരം റമദാന്‍ 30 പൂര്‍ത്തിയാക്കി മെയ് 2 തിങ്കളാഴ്ച (1443 ശവ്വാല്‍ 1) ഈദുല്‍ ഫിത്വര്‍ ആയിരിക്കും
- pma
അബുദാബി : മലയാളി കലാകാരൻമാരുടെ കൂട്ടായ്മ ഫിലിം ഇവന്‍റ്- റെഡ് എക്സ് മീഡിയ യുടെ ബാനറിൽ ഒരുക്കിയ ‘ഫിലിം ഇവന്‍റ് മീറ്റ് 2022’ അബുദാബി ഐ. എസ്. സി. യില്‍ അരങ്ങേറി.
ഫിലിം ഇവന്‍റ് പ്രസിഡണ്ട് ഫിറോസ്. എം. കെ. അദ്ധ്യക്ഷത വഹിച്ചു. ഐ. എസ്. സി. ജനറൽ സെക്രട്ടറി ജോജോ അമ്പൂക്കൻ ഉത്‌ഘാടനം നിർവഹിച്ചു. ഫിലിം ഇവന്‍റ് രക്ഷാധികാരി ഹനീഫ് കുമരനെല്ലൂര്‍, മലയാളി സമാജം പ്രസിഡണ്ട് സലിം ചിറക്കല്‍, യേശു ശീലന്‍, ഫ്രാൻസിസ് ആന്‍റണി എന്നിവര്‍ ആശംസകള്‍ നേര്‍ന്നു. ഫിലിം ഇവന്‍റ് ട്രെഷറർ ഉമ്മർ നാലകത്ത് നന്ദി പ്രകാശിപ്പിച്ചു. മാധ്യമ പ്രവർത്തകൻ സമീർ കല്ലറ, ഷിജിൽ കുമാർ, ബാബുരാജ് എന്നിവരും സംബന്ധിച്ചു.
അബുദാബിയിൽ വിവിധ മേഖലകളിൽ കഴിവ് തെളിയിച്ച നയീമ അഹമ്മദ്, തമന്ന പ്രമോദ്, കബീർ അവറാൻ, അൻസർ വെഞ്ഞാറമൂട്, ഷാഫി മംഗലം, ഷാജി ഭജനമഠം, റസാഖ് തിരുവത്ര, സമദ് കണ്ണൂർ, സാഹിൽ ഹാരിസ് എന്നിവരെ ആദരിച്ചു.
സൗമ്യ, രമ്യ എന്നി വരുടെ നൃത്തത്തോടെയാണ് കലാ വിരുന്നുകൾക്കു തുടക്കമായത്.
ഫിലിം ഇവന്‍റ് കലാകാരന്മാർ അണിനിരന്ന നൃത്ത സംഗീത വിരുന്ന്, ശബ്ദാനുകരണം എന്നിവ ആസ്വാദകർക്ക് നവ്യാനുഭവമാണ് സമ്മാനിച്ചത്. നാടൻ പാട്ടുകളിലൂടെ വിസ്മയം സൃഷ്‌ടിച്ച ഉറവ് ടീം ഒരുക്കിയ നൃത്ത സംഗീത മേളം ഐ. എസ്. സി. യില്‍ ഉത്സവാന്തരീക്ഷം ഒരുക്കി.
Film Event FB Page
- pma
അബുദാബി : വടകര എൻ. ആർ. ഐ. ഫോറം അബുദാബി ചാപ്റ്റര്‍ കുടുംബ സംഗമവും പുതിയ പ്രവര്‍ത്തന വർഷത്തേക്കുള്ള ഭാര വാഹികളുടെ തെരഞ്ഞെടുപ്പും 2022 മാർച്ച് 26 ശനിയാഴ്ച രാത്രി 7.30 ന് അബുദാബി കേരളാ സോഷ്യൽ സെന്‍റില്‍ വെച്ച് നടക്കും.
വടകര പാർലമെൻറ് മണ്ഡല പരിധിയിലും മാഹി ഏരിയയിലും ഉള്ള അബുദാബിയിലെ പ്രവാസി സുഹൃത്തുക്കള്‍ കൊവിഡ് മാനദണ്ഡങ്ങൾ പാലിച്ചു കൊണ്ട്‌ കുടുംബ സംഗമത്തില്‍ പങ്കെടുക്കണം എന്ന് ഭാരവാഹികൾ അറിയിച്ചു. വിവരങ്ങള്‍ക്ക് : 050 314 0534 (അബ്ദുല്‍ ബാസിത്).
- pma
വായിക്കുക: nri, ആഘോഷം, പൂര്‍വ വിദ്യാര്‍ത്ഥി, പ്രവാസി, സംഘടന
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
