 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : സംസ്ഥാനത്ത് പെൻഷൻ പ്രായം ഉയർത്തുന്നത് സർക്കാരിന്റെ പരിഗണനയിൽ ഇല്ല എന്ന് മുഖ്യമന്ത്രി വി. ഡി. സതീശൻ. നിയമ സഭയിൽ നൽകിയ രേഖാ മൂലമുള്ള മറുപടിയിലാണ് മുഖ്യമന്ത്രി ഇക്കാര്യം അറിയിച്ചത്.
ധവള പത്രത്തിൽ പെൻഷൻ പ്രായം ഉയർത്തുന്നത് സംബന്ധിച്ച് ശുപാർശ ചെയ്തിട്ടില്ല. വിവിധ വിഭാഗ ങ്ങളിൽ പ്പെടുന്ന ജീവനക്കാരുടെ പെൻഷൻ പ്രായം തമ്മിൽ താരതമ്യം ചെയ്യില്ല.
നാടിന്റെ സാമൂഹിക സാമ്പത്തിക അവസ്ഥകൾ പരിഗണിച്ചാണ് ഇക്കാര്യത്തിൽ തീരുമാനം എടുക്കുക എന്നും മുഖ്യമന്ത്രി വ്യക്തമാക്കി.
- pma
വായിക്കുക: job-opportunity, kerala-government-, senior-citizen, എതിര്‍പ്പുകള്‍, തൊഴിലാളി, മനുഷ്യാവകാശം, സാമൂഹികം, സാമ്പത്തികം
അബുദാബി : പ്രമുഖ റീട്ടെയിൽ ശൃംഖല അല്‍ മദീന ഹൈപ്പര്‍ മാർക്കറ്റ് തങ്ങളുടെ ഉപഭോക്താക്കൾക്കായി ഒരുക്കുന്ന ജനപ്രിയ വാര്‍ഷിക പ്രമോഷൻ പദ്ധതി ‘വിന്‍റര്‍ ഡ്രൈവ് സീസണ്‍- 15 ന് പുതുമയാർന്ന തുടക്കം.
അബുദാബി നോവോട്ടല്‍-ഗേറ്റ് ഹോട്ടലില്‍ നടന്ന വാർത്താ സമ്മേളനത്തിൽ എ-ഐ റോബോട്ടിന്റെ സഹായത്തോടെ വേറിട്ട രീതിയിൽ ‘വിന്‍റര്‍ ഡ്രൈവ്’ സീസണ്‍-15 ലോഗോ ലോഞ്ചിംഗ് നടന്നു. കമ്പനി ഡയറക്ടർമാരും മുതിർന്ന മാനേജ്‌മെന്റ് പ്രതി നിധികളും ചേർന്ന് ലോഗോ പ്രകാശനം ചെയ്തു.
അൽ മദീന അബുദാബി ഡയറക്ടർമാരായ ഷഹബാസ് സലാം, ഫൈസ് മുഹമ്മദ് പൊയിൽ, മുഹമ്മദ് പി. കെ. എന്നിവർ ചടങ്ങിൽ പങ്കെടുത്തു. അസിസ്റ്റന്റ് ജനറൽ മാനേജർ ഷഫീഖ് ഹമീദ്, ഓപ്പറേഷൻസ് മാനേജർ ലക്കി രാമചന്ദ്രൻ, പർച്ചേസ് മാനേജർ ഷഫീർ കൊളക്കാട്ടിൽ എന്നിവരും സംബന്ധിച്ചു.
അല്‍ മദീനയിൽ നിന്നും 50 ദിര്‍ഹത്തിന്റെ പര്‍ച്ചേസിലൂടെ ‘വിന്‍റര്‍ ഡ്രൈവ്’ നറുക്കെടുപ്പില്‍ പങ്കെടുക്കാം. ഓരോ 15 ദിവസത്തിലും നടക്കുന്ന നറുക്കെടുപ്പിലൂടെ ഡോംഗ്‌ ഫെംഗ് മേജ് കാറുകൾ സമ്മാനം നൽകും.
2026 ഒക്ടോബര്‍ 22 മുതല്‍ 2027 ജനുവരി 24 വരെ നീണ്ടു നിൽക്കുന്ന ‘വിന്‍റര്‍ ഡ്രൈവ്’ സീസണ്‍-15 അബുദാബി യിലെ അല്‍ മദീന യുടെ 19 ബ്രാഞ്ചുകളിലും നടക്കും.
ഡോംഗ്‌ ഫെംഗ് മേജ് കാറുകൾ കൂടാതെ വിവിധ ബ്രാഞ്ചുകളിലൂടെ ഓരോ 15 ദിവസത്തിലും ഐ-ഫോണ്‍, ടെലിവിഷൻ സെറ്റുകൾ, ഫ്രിജ്, വാഷിംഗ് മെഷീന്‍ തുടങ്ങിയ വില പിടിപ്പുള്ള സമ്മാനങ്ങളും നറുക്കെടുപ്പിലൂടെ ഉപഭോക്താക്കൾക്ക് ലഭിക്കും.
1971-ൽ സ്ഥാപിതമായ അൽ മദീന ഹൈപ്പർ മാർക്കറ്റ് 15 വർഷം മുമ്പ് അൽ റഹയിൽ ആദ്യ സ്റ്റോർ ആരംഭിച്ചു കൊണ്ടാണ് അബുദാബി വിപണിയിൽ പ്രവേശിച്ചത്. വിപുലീകരണ പദ്ധതികളുടെ ഭാഗമായി, അടുത്ത മൂന്ന് മാസത്തിനുള്ളിൽ അബുദാബി ഷവാമേഖിൽ 75,000 ചതുരശ്ര അടി വിസ്തീർണമുള്ള ഷോപ്പിംഗ് മാൾ ആരംഭിക്കും.
2027-ന്റെ ആദ്യ പാദത്തിൽ MBZ സിറ്റിയിലും ഷാബൂത്തിലുമായി രണ്ട് പുതിയ ഹൈപ്പർ മാർക്കറ്റുകൾ കൂടി തുറക്കാനും പദ്ധതിയുണ്ട്. നിലവിലുള്ള 19 ശാഖകൾ 2028 അവസാനത്തോടെ 36 എണ്ണം ആയി ഉയർത്തുക എന്നതാണ് കമ്പനിയുടെ പ്രധാന ലക്ഷ്യം എന്നും വാർത്താ സമ്മേളനത്തിൽ അല്‍ മദീന മാനേജ്‌മെന്റ് അറിയിച്ചു. FB
- pma
വായിക്കുക: social-media, അബുദാബി, ആഘോഷം, പ്രവാസി, വ്യവസായം, സാമ്പത്തികം
ദുബായ് : പുഷ്പോദ്യാനമായ ദുബായ് മിറക്കിൾ ഗാർഡൻ 15-ാമത് പതിപ്പ് പ്രവർത്തനം ആരംഭിച്ചു. 2027 മേയ് 31 വരെ നീളുന്ന ഈ പതിനഞ്ചാം പതിപ്പ് പുഷ്പോദ്യാനത്തിൽ 72,000 ചതുരശ്ര മീറ്റർ വിസ്തൃതി യിൽ 20 കോടിയോളം വൈവിധ്യമാർന്ന പൂക്കൾ സജ്ജീകരിച്ചിട്ടുണ്ട്.
മിറാക്കിൾ ഗാർഡനിൽ സാധാരണ ദിവസങ്ങളിൽ രാവിലെ 9 മണി മുതൽ രാത്രി 9 മണി വരെയും, വാരാന്ത്യങ്ങളിൽ രാവിലെ 9 മണി മുതൽ രാത്രി 11 മണി വരെയുമാണ് പ്രവേശനം. യു. എ. ഇ. എമിറേറ്റ്‌സ് ഐ. ഡി. ഉള്ളവർക്ക് പ്രവേശന ഫീസ് മുതിർന്നവർക്ക് 70 ദിർഹം, കുട്ടികൾക്ക് 50 ദിർഹം, 3 വയസ്സിന് താഴെയുള്ള കുട്ടികൾക്ക് പ്രവേശനം സൗജന്യം.
വിനോദ സഞ്ചാരികൾക്കുള്ള ടിക്കറ്റ് നിരക്ക് മുതിർന്നവർക്ക് 100 ദിർഹവും 12 വയസ് വരെയുള്ള കുട്ടികൾക്ക് 80 ദിർഹവും ഈടാക്കും. മൂന്ന് വയസ്സിന് താഴെയുള്ള കുട്ടികൾക്ക് പ്രവേശനം സൗജന്യം. ദുബായ് അൽ ബർഷ സൗത്ത് 3-ലാണ് ഈ പുഷ്പോദ്യാനം ഒരുക്കിയിട്ടുള്ളത്.
ദേശീയ ആഘോഷങ്ങൾക്ക് അനുയോജ്യമായ രീതിയിൽ പ്രതിവാര പ്രോഗ്രാമുകൾ ആസൂത്രണം ചെയ്തിട്ടുണ്ട് എന്നതിനാൽ ഇവിടെ എത്തുന്ന സന്ദർശകർക്ക് ഈ ആഘോഷങ്ങളിൽ ഭാഗമാവാൻ കഴിയും.
ഐക്യ രാഷ്ട്ര സഭാ ദിനം, യു. എ. ഇ. പതാക ദിനം, സ്മരണാ ദിനം, ഈദ് അൽ ഇത്തിഹാദ് ആഘോഷങ്ങൾ, ദീപാവലി എന്നിവയോട് അനുബന്ധിച്ചുള്ള പ്രത്യേക കലാ-സാംസ്‌കാരിക പരിപാടികളും ലൈവ് സംഗീത ഷോകളും അരങ്ങേറും. കൂടാതെ, ദുബായ് ഫിറ്റ്‌നസ് ചലഞ്ച് കായിക പരിപാടികൾ എന്നിവയും മിറക്കിൾ ഗാർഡനിൽ അരങ്ങേറും.
- pma
വായിക്കുക: culture, social-media, travel, ആഘോഷം, കുട്ടികള്‍, ദുബായ്, മാധ്യമങ്ങള്‍, യു.എ.ഇ., വിനോദസഞ്ചാരം, സാമ്പത്തികം
ന്യൂഡൽഹി : മുൻ പ്രധാന മന്ത്രി ഇന്ദിരാ ഗാന്ധിയുടെ പേരിൽ കേന്ദ്ര സർക്കാർ നൽകി വരുന്ന വിവിധ പെൻഷൻ പദ്ധതികളിൽ നിന്നും ഇന്ദിരാ ഗാന്ധി യെയും ഒഴിവാക്കുന്നു.
ഇന്ദിരാ ഗാന്ധി ദേശീയ വയോജന പെൻഷൻ പദ്ധതി, ഇന്ദിരാ ഗാന്ധി ദേശീയ വിധവാ പെൻഷൻ പദ്ധതി, ഇന്ദിരാ ഗാന്ധി ദേശീയ ഭിന്ന ശേഷി പെൻഷൻ പദ്ധതി എന്നീ മൂന്ന് പെൻഷൻ പദ്ധതികളുടെ പേരുകൾ മാറ്റുവാൻ പ്രധാനമന്ത്രി നരേന്ദ്ര മോഡിയുടെ അദ്ധ്യക്ഷതയിൽ ചേർന്ന കേന്ദ്ര മന്ത്രിസഭാ യോഗം തീരുമാനിച്ചു.
പുതിയ പേരുകൾ യഥാക്രമം പ്രധാനമന്ത്രി വയോ വൃദ്ധ പെൻഷൻ യോജന, പ്രധാനമന്ത്രി വിധവാ പെൻഷൻ യോജന, പ്രധാന മന്ത്രി ദിവ്യാംഗജൻ പെൻഷൻ യോജന എന്നിങ്ങനെ ആയിരിക്കും.
ദേശീയ സാമൂഹിക സഹായ പദ്ധതി (എൻ. എസ്. എ. പി.) പ്രധാനമന്ത്രി സാമൂഹിക സഹായ യോജന എന്നും ദേശീയ കുടുംബ ക്ഷേമ പദ്ധതി പ്രധാന മന്ത്രി പരിവാർ ലാഭ് യോജന എന്നും മാറ്റി.
പേരു മാറ്റം കൂടാതെ ഭിന്നശേഷി പെൻഷന്റെ മാനദണ്ഡങ്ങളിലും ആനുകൂല്യ തുകയിലും മാറ്റം വരുത്തി. പെൻഷൻ ലഭിക്കുന്നതിനുള്ള കുറഞ്ഞ ഭിന്ന ശേഷി പരിധി 80 ശതമാനത്തിൽ നിന്ന് 40 % ആയി കുറച്ചു.
പ്രായ പരിധി 18 വയസ്സിൽ നിന്ന് ജനനം മുതൽ എന്നാക്കി. ഇതോടെ കൂടുതൽ പേർക്ക് ആനുകൂല്യം ലഭിക്കും എന്നാണു അവകാശപ്പെടുന്നത്.
പുതുക്കിയ വ്യവസ്ഥ പ്രകാരം 79 വയസ്സു വരെയുള്ള ഭിന്നശേഷിക്കാർക്ക് പ്രതിമാസം 375 രൂപയും 80 വയസ്സിൽ കൂടുതലുള്ളവർക്ക് 625 രൂപയും കേന്ദ്ര സഹായം ലഭിക്കും.
- pma
വായിക്കുക: ഇന്ത്യ, നിയമം, പ്രതിഷേധം, മനുഷ്യാവകാശം, വിവാദം, സാങ്കേതികം, സാമ്പത്തികം, സ്ത്രീ
തിരുവനന്തപുരം : കെ. എസ്. ആർ. ടി. സി. ബസ്സുകളിൽ വയോജനങ്ങൾക്കായി റിസർവ്വ് ചെയ്ത സീറ്റുകൾ അവർക്ക് ലഭ്യമാക്കുന്നതിനുള്ള കർശ്ശന നടപടികൾ സ്വീകരിക്കും എന്നും ബസ്സുകളിൽ നിലവിലുള്ള ഓൺ ലൈൻ രജിസ്ട്രേഷനുകളിൽ വയോജനങ്ങൾക്കായി സീറ്റ് റിസർവ്വ് ചെയ്യുന്നതിനുള്ള സംവിധാനം ഒരുക്കും എന്നും കെ. എസ്. ആർ. ടി. സി. മാനേജിംഗ് ഡയറക്ടർ ഡോ. പ്രമോജ് ശങ്കർ ഉറപ്പു നൽകി.
വയോജന സൗഹൃദമായി സ്വീകരിക്കേണ്ട പരിഷ്‌കരണ നടപടികളെ സംബന്ധിച്ച് സംസ്ഥാന വയോജന കമ്മിഷനുമായി നടത്തിയ ചർച്ചയിലാണ് ഡോ. പ്രമോജ് ശങ്കർ ഈ ഉറപ്പ് നൽകിയത്.
കെ. എസ്. ആർ. ടി. സി. ബസ്സുകളിൽ വാതിൽ പ്പടികളുടെ ഉയരം കുറക്കുക, ബസ്സുകളിൽ വയോജനങ്ങൾക്കായി റിസർവ്വ് ചെയ്തിരിക്കുന്ന സീറ്റുകളുടെ സ്ഥാനം ടയറിനു മുകളിൽ നിന്നും മാറ്റുക എന്നീ നിർദ്ദേശങ്ങൾ പരിശോധിക്കും എന്നും അധികൃതർ വ്യക്തമാക്കി. P. R. D.
- pma
വായിക്കുക: bus, kerala-government-, ഗതാഗതം, ബഹുമതി, മനുഷ്യാവകാശം, സാമൂഹികം, സാമൂഹ്യ പ്രവര്ത്തനം, സാമൂഹ്യക്ഷേമം, സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
