പാസ്പോര്‍ട്ട് ബുക്കുകള്‍ക്കു ക്ഷാമം : പുതിയ പാസ്‌പോര്‍ട്ട് വൈകും

June 20th, 2014

indian-passport-cover-page-ePathram
അബുദാബി : ഇന്ത്യന്‍ എംബസി വഴിയും ദുബായ് ഇന്ത്യന്‍ കോണ്‍സുലേറ്റ് വഴിയും പാസ്പോർട്ടിന് അപേക്ഷിച്ച വര്‍ക്കെല്ലാം പാസ്‌പോര്‍ട്ട് കിട്ടാൻ വൈകും.

36 പേജുള്ള ഒാര്‍ഡിനറി, 64 പേജുള്ള ജംബോ ബുക്ക്‌ ലെറ്റു കളുടെ ദൌര്‍ലഭ്യം ഇന്ത്യന്‍ പാസ്പോര്‍ട്ട് പുതുക്കാനും മറ്റും അപേക്ഷിച്ച വര്‍ക്കു കാല താമസം ഉണ്ടാക്കുന്നതായി അധികൃതര്‍ അറിയിച്ചു. പുതിയ പാസ്‌പോര്‍ട്ട് ബുക്ക് ഇന്ത്യയില്‍നിന്ന് എത്താന്‍ കാല താമസം ഉള്ളതിനാൽ ആണിത്.

സാധാരണ പാസ്‌ പോര്‍ട്ട് ഇല്ലാത്ത തിനാല്‍ 64 പേജുകള്‍ ഉള്ള പാസ്‌ പോര്‍ട്ട് മാത്ര മായി രിക്കും വരുന്ന ഏതാനും ആഴ്ച കളില്‍ ലഭിക്കുക.

ജൂലായ് മാസം അവസാനംവരെ ഈ സാഹചര്യം തുടരു മെന്നും പാസ്‌പോര്‍ട്ട് ലഭിക്കാന്‍ വൈകുന്നതിനുള്ള ഖേദവും പ്രകടി പ്പിച്ചു കൊണ്ട് വാര്‍ത്താ ക്കുറിപ്പ് ഇറക്കി.

- pma

വായിക്കുക: , ,

Comments Off on പാസ്പോര്‍ട്ട് ബുക്കുകള്‍ക്കു ക്ഷാമം : പുതിയ പാസ്‌പോര്‍ട്ട് വൈകും

നവ രസ വൈഭവം അരങ്ങേറി

June 19th, 2014

അബുദാബി : ഇന്ത്യന്‍ എംബസി സാംസ്‌കാരിക വിഭാഗ ത്തിന്റെ ആഭിമുഖ്യ ത്തില്‍ ഇന്ത്യന്‍ എംബസി യില്‍ നവ രസ വൈഭവം എന്ന പേരില്‍ നൃത്ത സന്ധ്യ അരങ്ങേറി.

പ്രശസ്ത നര്‍ത്തകി അനുപമ മോഹനും ശിഷ്യന്‍ ധര്‍മ രാജനും ചേര്‍ന്നാണ് നവ രസ വൈഭവം അവതരി പ്പിച്ചത്. അഷ്ടപദി, ഭാമ കലാപം, കണ്ണപ്പ ചരിതം എന്നീ കഥ കളാണ് അവതരി പ്പിച്ചത്.

എമിര്‍ കോം സി. ഇ. ഒ. അജയ്, ഫിനാന്‍സ് ചെയര്‍മാന്‍ മാധവന്‍ നായര്‍, എന്‍. എം. സി. ഗ്രൂപ്പ് ചീഫ് ഫിനാന്‍ഷ്യല്‍ ഓഫീസര്‍ പ്രശാന്ത് മാങ്ങാട് എന്നിവര്‍ ചേര്‍ന്ന് ചടങ്ങിന് ഭദ്രദീപം കൊളുത്തി. കുമാര്‍ അയ്യര്‍ ഉപഹാരം നല്‍കി.

- pma

വായിക്കുക: , , ,

Comments Off on നവ രസ വൈഭവം അരങ്ങേറി

ടി. പി. സീതാറാം ഇന്ത്യന്‍ മീഡിയ അബുദാബി യുടെ രക്ഷാധികാരി

June 14th, 2014

indian-media-abudhabi-activities-inaugurations-ePathram
അബുദാബി : ഇന്ത്യൻ മീഡിയ അബുദാബിയുടെ പ്രവർത്തന ഉത്ഘാടനം ഇന്ത്യൻ അംബാസഡർ ടി. പി. സീതാറാം നിർവ്വഹിച്ചു. മലയാളീ സമാജത്തിൽ സംഘടിപ്പിച്ച ചടങ്ങിൽ ഇമ യുടെ പ്രവർത്തന ഉത്ഘാടനം നിർവ്വഹിച്ച് ഇന്ത്യന്‍ മീഡിയ അബുദാബിയുടെ രക്ഷാധികാരി സ്ഥാനം ഇന്ത്യന്‍ അംബാസഡർ ടി. പി. സീതാറാം ഏറ്റടുത്തു.

സമൂഹത്തില്‍ മാധ്യമങ്ങളുടെ ഉത്തരവാദിത്വം ഗൗരവമേറിയതാണ്. എല്ലായിടത്തും മാധ്യമ ങ്ങള്‍ക്ക് പ്രധാനപ്പെട്ട പങ്കാണ് ഉള്ളത്. ഇത്രയധികം ഇന്ത്യക്കാര്‍ ഉള്ള യു. എ. ഇ. യില്‍ ഇന്ത്യന്‍ മാധ്യമ ങ്ങള്‍ എങ്ങനെ പ്രവര്‍ത്തിക്കുന്നു എന്നതും പ്രാധാന്യമുള്ള കാര്യമാണ്. എംബസി യുടെ പ്രവര്‍ത്തന ങ്ങള്‍ക്ക് മീഡിയ യുടെ സഹായം ആവശ്യമാണ്. മാധ്യമ ങ്ങള്‍ വഴിയാണ് പല കാര്യങ്ങളും ഉദ്യോഗസ്ഥ തലത്തിലും ജനങ്ങള്‍ക്കുമിടയിലും ആശയ വിനിമയം ചെയ്യുന്നത്. മാധ്യമ ങ്ങളുടെ സഹായമില്ലാതെ എംബസിക്കു പല കാര്യങ്ങളും ചെയ്യാന്‍ കഴിയില്ല എന്നും അംബാസഡർ പറഞ്ഞു.

സിവില്‍ സര്‍വീസില്‍ ചേരുന്നതിനു മുന്‍പു പത്ര പ്രവര്‍ത്തകനാകാന്‍ ആഗ്രഹി ച്ചിരുന്ന ആളാണു താന്‍. രാഷ്ട്രപതി കെ. ആര്‍. നാരായണന്റെ പ്രസ് സെക്രട്ടറി എന്ന നില യില്‍ മാധ്യമ പ്രവര്‍ത്ത കരുമായി നല്ല ബന്ധം നിലനിര്‍ത്താന്‍ സാധിച്ചിരുന്നു എന്നും അദ്ദേഹം പറഞ്ഞു.

യു എ ഇ യിൽ വന്നപ്പോൾ മുതൽ വളരെ നലല സഹകരണമാണ് ഇന്ത്യൻ മീഡിയ അബുദാബിയും ദുബായ് മീഡിയാ ഫോറവും ഇന്ത്യൻ എംബസിക്കു നൽകുന്നത് എന്നും സീതാറാം ചൂണ്ടിക്കാട്ടി.

ഇന്ത്യാ സോഷ്യല്‍ ആന്‍ഡ് കള്‍ചറല്‍ സെന്റര്‍ പ്രസിഡന്റ് ഡി. നടരാജന്‍, ഇന്ത്യന്‍ ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി, കേരള സോഷ്യല്‍ സെന്റര്‍ പ്രസിഡന്റ് എം. യു. വാസു, മലയാളി സമാജം പ്രസിഡന്റ് ഷിബു വര്‍ഗീസ് എന്നിവര്‍ പ്രസംഗിച്ചു.

ഇമ, മലയാളി സമാജവുമായി സഹകരിച്ചു നടത്തിയ ചൈല്‍ഡ് ഒാണ്‍ലൈന്‍ പ്രൊട്ടക്ഷന്‍ ബോധവല്‍ക്കരണ പരിപാടി സമാജം പ്രസിഡന്റ് ഷിബു വര്‍ഗീസ് ഉദ്ഘാടനം ചെയ്തു. ഡിസ്ക് ഫൗണ്ടേഷന്‍ സി. ഇ. ഒ. മുഹമ്മദ് മുസ്തഫ കുട്ടികള്‍ക്കും മുതിര്‍ന്നവര്‍ക്കും പ്രത്യേക ക്ളാസ് നടത്തി.

പ്രൊജക്ട് കോ-ഓര്‍ഡിനേറ്റര്‍മാരായ പി. എം. അബ്ദുല്‍ റഹ്മാന്‍, ടി. പി. ഗംഗാധരന്‍, ജോയിന്റ് സെക്രട്ടറി മുനീര്‍ പാണ്ട്യാല, എക്സിക്യൂട്ടീവ് മെംബര്‍മാരായ ജോണി തോമസ്, അഹ്മദ് കുട്ടി, ജിസ് ജോസഫ് എന്നിവരും സംബന്ധിച്ചു. പ്രസിഡന്റ് ടി.എ. അബ്ദുല്‍ സമദ് അധ്യക്ഷത വഹിച്ചു. ജനറൽ സെക്രടറി ആഗിൻ കീപ്പുറം സ്വാഗതവും ട്രഷറർ അനിൽ സി. ഇടിക്കുള നന്ദിയും പറഞ്ഞു.

- pma

വായിക്കുക: , , , ,

Comments Off on ടി. പി. സീതാറാം ഇന്ത്യന്‍ മീഡിയ അബുദാബി യുടെ രക്ഷാധികാരി

ഇന്ത്യ – യു. എ. ഇ. ബന്ധം ശക്തമായി മുന്നോട്ടു പോകും : അംബാസഡര്‍

May 19th, 2014

tp-seetha-ram-indian-ambassador-to-uae
അബുദബി : ഇന്ത്യയില്‍ ഏത് ഗവണ്‍മെന്റ് അധികാര ത്തില്‍ വന്നാലും ഇന്ത്യ – യു. എ. ഇ. ബന്ധം ശക്തമായി മുന്നോട്ടു പോകുമെന്ന് ഇന്ത്യന്‍ അംബാസഡര്‍ ടി. പി. സീതാറാം.

അബുദാബി മലയാളി സമാജം പുതിയ കമ്മിറ്റി യുടെ പ്രവര്‍ത്തന ങ്ങളുടെ ഉദ്ഘാടനം ചെയ്തു കൊണ്ട് സംസാരി ക്കുക യായിരുന്നു അദ്ദേഹം.

വിദേശ രാജ്യ ങ്ങളു മായുള്ള ബന്ധം പൂര്‍വാധികം ശക്ത മാക്കാനാണ് ഏത് ഭരണ കൂടവും ശ്രമിക്കുക. ലക്ഷ ക്കണ ക്കിന് ഇന്ത്യ ക്കാര്‍ യു. എ. ഇ. യില്‍ ഉള്ളതി നാല്‍ വിദേശ നയ ത്തില്‍ വലിയ മാറ്റം വരുത്താന്‍ മാറി വരുന്ന സര്‍ക്കാര്‍ ശ്രമിക്കുക യില്ല.

ഇന്ത്യ, യു. എ. ഇ.യുടെ ഏറ്റവും വലിയ വ്യാപാര പങ്കാളി യാണ് ഇന്ത്യ – യു.എ.ഇ വാണിജ്യ വിനിമയം 75 ബില്ല്യന്‍ ഡോളറാണ്. ഇത് മെച്ച പ്പെടുത്താനാണ് ഏത് ഗവണ്‍മെന്റും ശ്രമിക്കുക.

ഇന്ത്യന്‍ എംബസി എല്ലാ ഇന്ത്യ ക്കാരുടെയും സ്ഥാപന മാണ്. എംബസി യിൽ സാധാരണ ക്കാരായ ആളുകള്‍ക്ക് എത്തി പ്പെടാൻ പറ്റാത്ത ഇട മാണ് എന്ന അഭിപ്രായം മാറ്റി എടുക്കാൻ സാധിച്ചിട്ടുണ്ട്.

സന്ദര്‍ശന ത്തിനുള്ള സമയം മുന്‍കൂട്ടി വാങ്ങാതെ പ്രവൃത്തി ദിവസ ങ്ങളില്‍ ആര്‍ക്കു വേണ മെങ്കിലും രാവിലെ 10നും ഉച്ചയ്ക്ക് 12നും ഇടയില്‍ എംബസി യില്‍ വന്ന് പ്രശ്നങ്ങള്‍ ചര്‍ച്ച ചെയ്യാനും പരിഹാരം തേടാനും സാധിക്കു മെന്നും അംബാസ്സിഡർ അറിയിച്ചു.

ചടങ്ങില്‍ പത്മശ്രീ എം. എ. യൂസഫലി മുഖ്യ അതിഥി ആയിരുന്നു.

സമാജം വനിതാ വിഭാഗ ത്തിന്റെയും ബാല വേദി യുടേയും പ്രവര്‍ത്തന ഉല്‍ഘാടനം ദീപാ സീതാറാം നിര്‍വ്വഹിച്ചു.

വിവിധ സംഘടനകളെ പ്രതിനിധീകരിച്ച് പി. ബാവ ഹാജി, ഡി. നടരാജന്‍, എം. യു. വാസു, ടി. അബ്ദുല്‍ സമദ്, ടി. എ. നാസര്‍ തുടങ്ങിയവര്‍ സംസാരിച്ചു.

മലയാളി സമാജം വനിതാ വിഭാഗം കണ്‍വീനര്‍ രേഖ ജയകുമാര്‍, മുന്‍ കണ്‍വീനര്‍ തനു താരിഖ് എന്നിവര്‍ അതിഥി കളെ പരിചയ പ്പെടുത്തി

പ്രസിഡന്റ് ഷിബു വര്‍ഗീസ് അധ്യക്ഷത വഹിച്ചു. ജനറല്‍ സെക്രട്ടറി സുരേഷ് പയ്യന്നൂര്‍ സ്വാഗതവും ട്രഷറര്‍ ഫസലുദ്ദീന്‍ നന്ദിയും പറഞ്ഞു.

അബുദാബിയിലെ സാമൂഹ്യ സാംസ്കാരിക ബിസിനസ് രംഗത്തെ പ്രമുഖരും ചടങ്ങിൽ സംബന്ധിച്ചു.

- pma

വായിക്കുക: , ,

Comments Off on ഇന്ത്യ – യു. എ. ഇ. ബന്ധം ശക്തമായി മുന്നോട്ടു പോകും : അംബാസഡര്‍

Page 31 of 31« First...1020...2728293031

« Previous Page « എം. എ. ബേബിയും രാജിക്കൊരുങ്ങി
Next » മോഡി തന്നെ പാര്‍ലമെന്‍ററി പാര്‍ട്ടി നേതാവ് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha