പള്‍സര്‍ സുനിയെ കോടതിയില്‍ ഹാജരാക്കി

July 4th, 2017

suni

എറണാകുളം : റിമാന്‍ഡ് കാലാവധി കഴിഞ്ഞ സാഹചര്യത്തില്‍ നടിയെ ആക്രമിച്ച കേസിലെ പ്രതി പള്‍സര്‍ സുനിയെ ഇന്നു അങ്കമാലി കോടതിയില്‍ ഹാജരാക്കി. മാധ്യമങ്ങളെ പൂര്‍ണ്ണമായും അകറ്റി നിര്‍ത്തിക്കൊണ്ടാണ് സുനിയെ പോലീസ് കോടതിയിലെത്തിച്ചത്. ഇനിയും വന്‍ സ്രാവുകള്‍ കുടുങ്ങുമെന്ന് മാത്രമാണ് സുനി മാധ്യമങ്ങളോട് പറഞ്ഞത്.

പ്രമുഖ അഭിഭാഷകന്‍ ആളൂരാണ് കേസില്‍ സുനിക്കു വേണ്ടി പുതിയതായി ഹാജരായിരിക്കുന്നത്. പുറത്തിറങ്ങിയാല്‍ സുനിയുടെ ജീവനു ഭീഷണിയുള്ളതിനാല്‍ ജാമ്യത്തിനു ഇന്നു അപേക്ഷിക്കില്ലെന്ന് അദ്ദേഹം മാധ്യമങ്ങളോട് പറഞ്ഞു.

- അവ്നി

വായിക്കുക: , , , ,

Comments Off on പള്‍സര്‍ സുനിയെ കോടതിയില്‍ ഹാജരാക്കി

ഔദ്യോഗിക വാഹന ദുരുപയോഗം എന്‍. പ്രശാന്തിനെ താക്കീത് ചെയ്തു

May 31st, 2017

prashanth

തിരുവനന്തപുരം : കോഴിക്കോട് മുന്‍ കലക്ടര്‍ എന്‍. പ്രശാന്ത് കലക്ടറായിരിക്കെ ഔദ്യോഗിക വാഹനം സ്വകാര്യ ആവശ്യങ്ങള്‍ക്കായി ഉപയോഗിച്ചിരുന്നതായി പൊതു ഭരണ വകുപ്പിന്റെ കണ്ടെത്തല്‍. ഇത്തരം സംഭവങ്ങള്‍ ഇനി ആവര്‍ത്തിക്കരുതെന്നു പൊതു ഭരണ വകുപ്പ് പ്രശാന്തിനെ താക്കീത് ചെയ്തു.

കളക്ടറായിരിക്കെ മകളെ സ്കൂളില്‍ കൊണ്ടുപോകാനും മറ്റുമായി വാഹനം ഉപയോഗിച്ചിരുന്നതായി ധനകാര്യ വിഭാഗം കണ്ടെത്തുകയും പിന്നീട് പൊതു ഭരണ വകുപ്പിന് റിപ്പോര്‍ട്ട് നല്‍കുകയുമായിരുന്നു. ഔദ്യോഗിക വാഹനം കൂടാതെ മറ്റൊരു സര്‍ക്കാര്‍ വാഹനം കൂടി പ്രശാന്ത് ഉപയോഗിച്ചിരുന്നതായി റിപ്പോര്‍ട്ടിലുണ്ട്.

- അവ്നി

വായിക്കുക: , , ,

Comments Off on ഔദ്യോഗിക വാഹന ദുരുപയോഗം എന്‍. പ്രശാന്തിനെ താക്കീത് ചെയ്തു

സെന്‍ കുമാറിനെ പ്രകോപിപ്പിക്കാന്‍ വീണ്ടും സര്‍ക്കാര്‍ നടപടി

May 30th, 2017

sen kumar

ഡിജിപി സെന്‍ കുമാറിനെ പ്രകോപിപ്പിക്കാന്‍ വീണ്ടും സര്‍ക്കാര്‍ നടപടി. പത്തു വര്‍ഷമായി കൂടെയുള്ള പേഴ്സണല്‍ സ്റ്റാഫിലെ എസ് ഐ അനില്‍ കുമാറിനെ സ്ഥലം മാറ്റിക്കൊണ്ടാണ് ആഭ്യന്തര സെക്രട്ടറി ഉത്തരവിറക്കിയത്. സെന്‍ കുമാറിന്റെ അറിവു കൂടാതെയാണ് സ്ഥലം മാറ്റം.

സര്‍ക്കാര്‍-സെന്‍ കുമാര്‍ തര്‍ക്കത്തിന്റെ അവസാനത്തെ ഉദാഹരമാണ് അനില്‍ കുമാറിന്റെ സ്ഥലം മാറ്റം. ഇതേ സ്ഥാനത്ത് സര്‍ക്കാര്‍ അനുഭാവിയായ ആരെയെങ്കിലും നിയമിച്ച് സെന്‍ കുമാറിന്റെ നീക്കങ്ങള്‍ നിരീക്ഷിക്കുകയാണ് സര്‍ക്കാറിന്റെ ലക്ഷ്യമെന്ന് കരുതപ്പെടുന്നു.

- അവ്നി

വായിക്കുക: , , ,

Comments Off on സെന്‍ കുമാറിനെ പ്രകോപിപ്പിക്കാന്‍ വീണ്ടും സര്‍ക്കാര്‍ നടപടി

ഗുരുവായൂര്‍ ക്ഷേത്രം ബോംബുവെച്ച് തകര്‍ക്കുമെന്ന് ഭീഷണി

May 20th, 2017

guruvayur-temple

തൃശൂര്‍ : ഗുരുവായൂര്‍ ക്ഷേത്രം ബോംബുവെച്ച് തകര്‍ക്കുമെന്ന് ഭീഷണി. രാവിലെ ഓഫീസ് ലാന്റ്ലൈനിലേക്കാണ് സന്ദേശം വന്നത്. പോലീസ് അന്വേഷണം ആരംഭിച്ചു. ആലപ്പുഴ കേന്ദ്രീകരിച്ചാണ് അന്വേഷണം നടക്കുന്നത്. ആലപ്പുഴ പോലീസിന്റെ സഹായവും തേടുന്നുണ്ട്.

കേരളത്തിലെ പ്രധാന ക്ഷേത്രമായ ഗുരുവായൂര്‍ അമ്പലം ബോംബ് വെച്ച് തകര്‍ക്കുമെന്നാണ് വിളിച്ച വ്യക്തി പറഞ്ഞത്. മുന്‍ പ്രധാനമന്ത്രി രാജീവ് ഗാന്ധി കൊല്ലപ്പെട്ട പോലെയായിരിക്കും സ്ഫോടനമെന്നും വിളിച്ച വ്യക്തി പറഞ്ഞു.ഫോണ്‍ വിളിച്ച വ്യക്തിയെപ്പറ്റി പോലീസിന് വിവരം ലഭിച്ചിട്ടുണ്ട്.

- അവ്നി

വായിക്കുക: , ,

Comments Off on ഗുരുവായൂര്‍ ക്ഷേത്രം ബോംബുവെച്ച് തകര്‍ക്കുമെന്ന് ഭീഷണി

ജേക്കബ് തോമസ് തുടങ്ങിവെച്ച നല്ല കാര്യങ്ങള്‍ മുന്നോട്ട് കൊണ്ടുപോകും : ലോക്നാഥ് ബെഹ്റ

May 8th, 2017

loknath behera

തിരുവനന്തപുരം : ജേക്കബ് തോമസ് തുടങ്ങിവെച്ച നല്ലകാര്യങ്ങള്‍ മുന്നോട്ട് കൊണ്ടുപോകുമെന്ന് വിജിലന്‍സ് ഡയറക്ടര്‍ ലോക്നാഥ് ബെഹ്റ. വിജിലന്‍സ് ആസ്ഥാനത്ത് ചുമതലയേറ്റ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

വിജിലന്‍സിനുള്ളില്‍ ഇന്റലിജന്‍സ് വിഭാഗം ആരംഭിക്കുമെന്നും അതുവഴി ജനങ്ങളെ നേരിട്ടു ബാധിക്കുന്ന അഴിമതി തടയുമെന്നും അദ്ദേഹം പറഞ്ഞു.ഉദ്ദ്യോഗസ്ഥരുടെ പരിശീലനം മെച്ചപ്പെടുത്താനുള്ള നടപടികളെടുക്കുമെന്നും ബെഹ്റ കൂട്ടിച്ചേര്‍ത്തു.

- അവ്നി

വായിക്കുക: ,

Comments Off on ജേക്കബ് തോമസ് തുടങ്ങിവെച്ച നല്ല കാര്യങ്ങള്‍ മുന്നോട്ട് കൊണ്ടുപോകും : ലോക്നാഥ് ബെഹ്റ

Page 5 of 34« First...34567...102030...Last »

« Previous Page« Previous « അബുദാബിയിലെ ആദ്യ ആണവ റിയാക്ടർ നിർമ്മാണം പൂർത്തിയായി
Next »Next Page » പ്രവാസികൾ ഏപ്രില്‍ വരെ നാട്ടിലേക്ക്​ അയച്ചത്​ 65,00 കോടി രൂപ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...
മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha