 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : അൽ ഗുബൈബ ബസ്സ് സ്റ്റേഷനിൽ നിന്നും (ബർദുബായ്) അബുദാബിയിലേക്കും (E-100) അൽ ഐൻ സിറ്റിയിലേക്കും (E-201) നേരിട്ടുള്ള ബസ്സ് സർവ്വീസുകൾ വീണ്ടും ആരംഭിച്ചു എന്ന് ആർ. ടി. എ. അറിയിച്ചു. കൊവിഡ് വ്യാപനം നിയന്ത്രിക്കുന്നതിന്‍റെ ഭാഗമായി രണ്ടു വർഷത്തോളമായി ഈ സർവ്വീസുകൾ നിർത്തി വെച്ചിരുന്നു. 25 ദിർഹം തന്നെയാണ് ടിക്കറ്റു നിരക്ക്. കൂടുതൽ വിവരങ്ങൾക്ക് ആർ. ടി. എ. ട്വിറ്റർ പേജ് സന്ദർശിക്കാം.
- pma
ദുബായ് : നഗരത്തില്‍ സുരക്ഷിതമായി ഇ – സ്കൂട്ടറുകൾ ഓടിക്കാനുള്ള അനുമതിക്കായി ദുബായ് റോഡ്സ് & ട്രാന്‍സ്പോര്‍ട്ട് അഥോറിറ്റി (ആർ. ടി. എ.) യുടെ വെബ് സൈറ്റ് വഴി ഏപ്രില്‍ 28 മുതല്‍ അപേക്ഷ നല്‍കണം എന്ന് അധികൃതര്‍. 16 വയസ്സ് കഴിഞ്ഞ അപേക്ഷകർക്ക് സൗജന്യമായി അനുമതിനൽകും. ആർ. ടി. എ. യുടെ ബോധ വത്കരണ പരിശീലന കോഴ്സ് വിജയകരമായി പൂർത്തിയാക്കണം എന്നു മാത്രം.
യു. എ. ഇ. ഡ്രൈവിംഗ് ലൈസന്‍സ്, അന്താരാഷ്ട്ര ഡ്രൈവിംഗ് ലൈസന്‍സ് എന്നിവ ഉള്ളവര്‍ക്ക് ഇ- സ്കൂട്ടര്‍ ഓടിക്കുവാന്‍ പ്രത്യേക അനുമതി ആവശ്യമില്ല. ഇ- സ്കൂട്ടറുകൾ ഓടിക്കാൻ അനുവാദമുള്ള സ്ട്രീറ്റുകളിൽ ഇവ ഉപയോഗിക്കാനാണ് പ്രത്യേക പെർമിറ്റ് നൽകുന്നത്.
സൈക്കിൾ പാത, നടപ്പാതയുടെ വശങ്ങൾ എന്നിവിട ങ്ങളിൽ ഇ- സ്കൂട്ടർ ഓടിക്കുന്നതിന് അനുമതി ആവശ്യമില്ല. അനുമതിയില്ലാതെ ഇ-സ്കൂട്ടർ ഓടിക്കുക, ആർ. ടി. എ. യുടെ മാനദണ്ഡങ്ങൾ പാലിക്കാത്ത ഇ-സ്കൂട്ടർ ഉപയോഗിക്കുക എന്നിവ നിയമ ലംഘനമാണ്. ഇത്തരക്കാര്‍ക്ക് 200 ദിർഹം പിഴ ഈടാക്കും.
- pma
വായിക്കുക: dubai-road-transport, travel, ഗതാഗതം, നിയമം
അബുദാബി : പ്രതികൂല കാലാവസ്ഥയില്‍ വേഗത കുറക്കാൻ ഡ്രൈവർമാർക്ക് മുന്നറിയിപ്പ് നൽകുന്ന പുതിയ ഇലക്‌ട്രോണിക് പാനലുകള്‍ അബുദബിയിലെ റോഡുക ളില്‍ സ്ഥാപിച്ചു. മണിക്കൂറിൽ 80 കിലോ മീറ്റർ വേഗ പരിധി ഫ്ലാഷ് ലൈറ്റിന്‍റെ സഹായത്തോടെ ഏതു കാലാവസ്ഥ യിലും ദൃശ്യമാവും വിധമാണ് ഇ- പാനല്‍ ബോര്‍ഡുകള്‍. മൂടല്‍ മഞ്ഞ്, മണല്‍ കാറ്റ്, മഴ, ശക്തമായ കാറ്റ് എന്നിവയിൽ വാഹനങ്ങള്‍ തമ്മില്‍ സുരക്ഷിത അകലം പാലിക്കാൻ മുന്നറിയിപ്പ് നൽകുന്നു.
#أخبارنا | #شرطة_أبوظبي تُثبتْ لوحات إلكترونية لتعزيز منظومة خفض السرعات
التفاصيل : https://t.co/1b5rCNygsl#أخبار_شرطة_أبوظبي pic.twitter.com/zpRY1cJ68F
— شرطة أبوظبي (@ADPoliceHQ) April 15, 2022
ക്ഷീണം, ഉറക്കം എന്നിവ അനുഭവപ്പെടുന്ന സമയ ങ്ങളിൽ വാഹനങ്ങൾ ഓടിക്കരുത്. ഡ്രൈവർ മാരുടെ ക്ഷീണം, മയക്കം എന്നിവ അപകടങ്ങളിലേക്ക് നയിക്കാം എന്നതിനാൽ വാഹനം ഓടിക്കുന്നതിനു മുൻപായി മതിയായ വിശ്രമം നേടിയിട്ടുണ്ടെന്ന് ഉറപ്പ് വരുത്തണം എന്നും അബുദബി പോലീസ് ഓര്‍മ്മിപ്പിച്ചു.
- pma
വായിക്കുക: abu-dhabi-police, ഗതാഗതം, പോലീസ്
തിരുവനന്തപുരം : സംസ്ഥാനത്ത് 2022 മെയ് 1 മുതല്‍ ബസ്സ് – ഓട്ടോ – ടാക്‌സി നിരക്കുകള്‍ വര്‍ദ്ധിക്കും എന്ന് ഗതാഗത വകുപ്പു മന്ത്രി ആന്‍റണി രാജു.
ബസ്സ് ചാര്‍ജ്ജ് മിനിമം 8 രൂപ യില്‍ നിന്ന് 10 രൂപ ആയി വര്‍ദ്ധിക്കും. പിന്നീടുള്ള ഓരോ കിലോ മീറ്ററിനും ഓരോ രൂപ വീതവും വര്‍ദ്ധിക്കും. ഓട്ടോ ചാര്‍ജ്ജ്, മിനിമം 30 രൂപ ആക്കി. ആദ്യത്തെ രണ്ട് കിലോ മീറ്റര്‍ ദൂരത്തിനാണ് ഈ നിരക്ക്.
ടാക്‌സി കൂലി മിനിമം 175 രൂപ ആയിരുന്നത് ഇനി മുതല്‍ 200 രൂപ ആയി ഉയരും. കൊവിഡ് കാലത്ത് ഏര്‍പ്പെടുത്തിയ പ്രത്യേക യാത്രാ നിരക്ക് വര്‍ദ്ധന പിന്‍വലിച്ചു എന്നും വിദ്യാര്‍ത്ഥികളുടെ യാത്രാ നിരക്കുമായി ബന്ധപ്പെട്ട കാര്യങ്ങളിലും തീരുമാനം ഉടന്‍ കൈക്കൊള്ളും എന്നും മന്ത്രി പറഞ്ഞു.
- pma
വായിക്കുക: bus, ഗതാഗതം, സാമൂഹികം, സാമ്പത്തികം
അബുദാബി : റമദാനിലെ സിറ്റി ബസ്സ് സര്‍വ്വീസ് സമയം പുനക്രമീകരിച്ചു. തലസ്ഥാന നഗരിയില്‍ രാവിലെ 5 മണി മുതൽ പുലര്‍ച്ചെ ഒരു മണി വരെയും ഉള്‍ പ്രദേശ ങ്ങളിലേക്ക് അർദ്ധ രാത്രി 12 മണി വരെയും സർവ്വീസ് നടത്തും എന്ന് ഗതാഗത വകുപ്പ് അറിയിച്ചു.
നഗരത്തില്‍ സര്‍വ്വീസ് നടത്തുന്ന റൂട്ട് നമ്പര്‍ 22, 54, 65, 67, എന്നിവയും എയര്‍ പോര്‍ട്ട് സര്‍വ്വീസ് A1, A2 കൂടാതെ റൂട്ട് നമ്പര്‍ 101, 110, എന്നിവ 24 മണിക്കൂറും സർവ്വീസ് നടത്തും.
പുതുതായി ആരംഭിച്ച എക്സ്പ്രസ്സ് സർവ്വീസ് പ്രവൃത്തി ദിവസങ്ങളിൽ രാവിലെ 6 മണി മുതൽ രാത്രി 11 മണി വരെയും വാരാന്ത്യ ങ്ങളിൽ രാവിലെ 6 മണി മുതൽ പുലർച്ചെ ഒരു മണി വരെയും സര്‍വ്വീസ് നടത്തും.
مواعيد خدماتنا خلال شهر #رمضان المبارك، أعاده الله على الجميع باليمن والبركات.
Our services schedules during the holy month of #Ramadan pic.twitter.com/SdDnaJsAz8
— "ITC" مركز النقل المتكامل (@ITCAbuDhabi) April 1, 2022
വാഹനങ്ങള്‍ പാര്‍ക്ക് ചെയ്യുന്നതിനുള്ള മവാഖിഫ് പെയ്മെന്‍റ് ശനി മുതൽ വ്യാഴം വരെ രാവിലെ 8 മണി മുതൽ അർദ്ധ രാത്രി 12 മണി വരെ യുമാണ്.
വെള്ളിയാഴ്ചയും പൊതു അവധി ദിവസങ്ങളിലും മവാഖിഫ് പാർക്കിംഗ് സൗജന്യം ആയിരിക്കും.
അബുദാബി ടോള്‍ ഗേറ്റ് (ദർബ്) പണം ഈടാക്കുന്നത് രാവിലെ 8 മണി മുതൽ 10 മണി വരെയും ഉച്ചക്ക് 2 മണി മുതൽ വൈകു ന്നേരം 4 മണി വരെയും ആയിരിക്കും.
- pma
വായിക്കുക: abu-dhabi-bus, travel, അബുദാബി, ഗതാഗതം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
