അമാനത്ത് ഹോൾഡിംഗ്‌സ് ചെയർമാനായി ഡോ.ഷംഷീർ വയലിലിനെ നിയമിച്ചു

December 30th, 2023

doctor-shamsheer-vayalil-vps-health-care-ePathram
അബുദാബി : ദുബായ് ഫിനാൻഷ്യൽ മാർക്കറ്റിൽ ലിസ്റ്റ് ചെയ്തിരിക്കുന്ന മേഖലയിലെ മുൻ നിര സംയോജിത ആരോഗ്യ, വിദ്യാഭ്യാസ നിക്ഷേപ കമ്പനിയായ അമാനത്ത് ഹോൾഡിംഗ്‌സ് പുതിയ ഡയറക്ടർ ബോർഡ് ചെയർമാൻ ആയി ഡോ. ഷംഷീർ വയലിലിനെ നിയമിച്ചു. അതിവേഗം വികസിച്ചു കൊണ്ടിരിക്കുന്ന ആരോഗ്യ-വിദ്യാഭ്യാസ മേഖല കളിൽ തന്ത്ര പരമായ നേതൃത്വം ലക്‌ഷ്യം വെച്ച് കൊണ്ടാണ് അമാനത്ത് ഡയറക്ടർ ബോർഡ് തീരുമാനം.

ഹമദ് അബ്ദുല്ല അൽ ഷംസിക്ക് പകരമാണ് ഡോ. ഷംഷീർ ചെയർമാൻ പദവിയിൽ എത്തുന്നത്. ആഗോള ആരോഗ്യ രംഗത്തും അമാനത്തിലും ഉള്ള അനുഭവ സമ്പത്തും വൈദഗ്ധ്യവും ആയിട്ടാണ് അദ്ദേഹം ചെയർമാൻ സ്ഥാനത്തേക്ക് തെരഞ്ഞെടുക്കപ്പെടുന്നത്. 2.5 ബില്യൺ ദിർഹത്തിന്റെ പെയ്ഡ്-അപ്പ് മൂല ധനമുള്ള അമാനത്തിൻ്റെ ഏറ്റവും വലിയ വ്യക്തി ഗത ഓഹരി ഉടമ കൂടിയാണ് ഡോ. ഷംഷീർ വയലിൽ.

ആരോഗ്യ രംഗത്തെ നേതൃ പാടവത്തിലൂടെ, മേഖലയിലെ ആരോഗ്യ, വിദ്യാഭ്യാസ സേവനങ്ങളുടെ വികാസത്തിൽ ഡോ. ഷംഷീർ നിർണ്ണായക പങ്കു വഹിച്ചിട്ടുണ്ട്. മിഡിൽ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളിൽ മുൻ നിരയിലുള്ള ബുർജീൽ ഹോൾഡിംഗ്‌സ് സ്ഥാപകനും ചെയർ മാനുമാണ് കോഴിക്കോട് സ്വദേശിയായ ഡോ. ഷംഷീർ വയലിൽ .

ആരോഗ്യ, വിദ്യാഭ്യാസ രംഗത്ത് മികച്ച നിക്ഷേപ ങ്ങളുള്ള അമാനത്തിൻെറ നേട്ടങ്ങൾ വിപുലീകരി ക്കുവാനും വിപണികളിലെ പുതിയ അവസരങ്ങൾ പ്രയോജനപ്പെടുത്താനും മുൻഗണന നൽകും എന്ന് ഡോ. ഷംഷീർ പറഞ്ഞു. കമ്പനിയുടെ തന്ത്ര പ്രധാന പ്രവർത്തന ങ്ങൾക്കും ഓഹരി ഉടമ കൾക്ക് കൂടുതൽ മൂല്യം സൃഷ്ടിക്കുന്നതിനും ചെയർമാൻ എന്ന നിലയിൽ അദ്ദേഹം നേതൃത്വം നൽകും.

- pma

വായിക്കുക: , , , , , , , ,

Comments Off on അമാനത്ത് ഹോൾഡിംഗ്‌സ് ചെയർമാനായി ഡോ.ഷംഷീർ വയലിലിനെ നിയമിച്ചു

ലുലു എക്സ് ചേഞ്ച് യു. എ. ഇ. യിലെ നൂറാമത്തെ ശാഖ അൽ വർഖയിൽ തുറന്നു

December 30th, 2023

lulu-exchange-uae-s-100-th-branch-open-in-al-warqa-q-1-mall-ePathram
ദുബായ് : പ്രമുഖ സാമ്പത്തിക സേവന ദാതാക്കളായ ലുലു എക്സ് ചേഞ്ച് നൂറാമത്തെ ശാഖ ദുബായ് അൽ വർഖയിലെ ക്യൂ വൺ മാളിൽ തുറന്നു പ്രവർത്തനം ആരംഭിച്ചു. ഇന്ത്യൻ കൗൺസിൽ ജനറൽ സതീഷ് കുമാർ ശിവൻ ഉദ്ഘാടനം ചെയ്തു. ലുലു ഫിനാൻഷ്യൽ ഹോൾഡിംഗ്സ് മാനേജിംഗ് ഡയറക്ടർ അദീബ് അഹമ്മദ്, സി. ഇ. ഒ. റിച്ചാർഡ് വാസൻ, മറ്റ് വിശിഷ്ട വ്യക്തികളും സന്നിഹിതരായിരുന്നു. ഇതോടെ ലുലു ഫിനാൻഷ്യൽ ഹോൾഡിംഗ്‌സിന് കീഴിൽ ആഗോള തലത്തിൽ 314 ശാഖകളായി.

അവശ്യ സാമ്പത്തിക സേവനങ്ങൾക്ക് നൽകുന്ന പരിഗണനയാണ് ലുലു എക്സ് ചേഞ്ചിന്‍റെ ശ്രദ്ധേയമായ വളർച്ചക്കു കാരണം എന്ന് യു. എ. ഇ. യിലെ നൂറാമത്തെ ശാഖ ഉദ്ഘാടനം ചെയ്തു കൊണ്ട് ദുബായിലെ ഇന്ത്യൻ കൗൺസിൽ ജനറൽ സതീഷ് കുമാർ ശിവൻ പറഞ്ഞു. യു. എ. ഇ. യിലെ ഈ 100-മത്തെ ശാഖ ഒരു സുപ്രധാന മുന്നേറ്റമാണ്, ഇത് സമൂഹത്തോടുള്ള കമ്പനിയുടെ പ്രതിബദ്ധത കൂടി പ്രതിഫലിപ്പിക്കുന്നു എന്നും അദ്ദേഹം കൂട്ടി ച്ചേർത്തു.

യു. എ. ഇ. യിലെ ഈ ചരിത്ര നേട്ടം തങ്ങളെ കൂടുതൽ ഉത്തരവാദിത്വം ഏൽപ്പിക്കുന്നു. സമഗ്രതയും ഉപഭോക്തൃ സംതൃപ്തിയും ഞങ്ങൾ ലക്‌ഷ്യം വെക്കുന്നു എന്ന് ലുലു ഫിനാൻഷ്യൽ ഹോൾഡിംഗ്സ് എം. ഡി. അദീബ് അഹമ്മദ് പറഞ്ഞു.

അതോടൊപ്പം യു. എ. ഇ. യുടെ ഭരണ നേതൃത്വത്തിൽ നിന്നുള്ള നിരന്തരമായ പിന്തുണ ഞങ്ങളുടെ വളർച്ചാ യാത്രയിൽ നിർണ്ണായകം തന്നെ യെന്നും അവരുടെ തന്ത്ര പരമായ കാഴ്ചപ്പാടും മികവിനോടുള്ള പ്രതി ബദ്ധതയും ഞങ്ങളുടെ വിജയത്തിന് ശക്തമായ അടിത്തറ നൽകി വരുന്നതായും അദീബ് അഹമ്മദ് അഭിപ്രായപ്പെട്ടു.

അബുദാബിയിൽ 2009 ൽ തുടക്കം കുറിച്ച ലുലു എക്സ് ചേഞ്ച് കഴിഞ്ഞ 15 വർഷമായി മികച്ച പ്രവർത്തനം കാഴ്ച വെക്കുന്നു. യു. എ. ഇ. യിലെ ഏഴ് എമിറേറ്റു കളിലും കമ്പനിക്ക് മികച്ച അടിത്തറയുണ്ട്. 2023 ൽ 9.4 ബില്യൺ ഡോളറാണ് ലുലു എക്സ്ചേഞ്ച് വിനിമയം ചെയ്തത്. LuLu FB, Twitter X

- pma

വായിക്കുക: , , , , , ,

Comments Off on ലുലു എക്സ് ചേഞ്ച് യു. എ. ഇ. യിലെ നൂറാമത്തെ ശാഖ അൽ വർഖയിൽ തുറന്നു

റീബൂട്ട് യുവർ ബിസിനസ്സ് : എഡോക്സി ബിസിനസ്സ് കോൺക്ലേവ് ദുബായിൽ

December 8th, 2023

reboot-your-business-edoxi-conclave-in-dubai-ePathram
ദുബായ് : കോർപ്പറേറ്റ് ട്രെയിനിംഗ് രംഗത്ത് പ്രവർത്തിക്കുന്ന എഡോക്സി (edoxi) ട്രെയിനിംഗ് ഇൻസ്റ്റിറ്റ്യൂട്ട് സംഘടിപ്പിക്കുന്ന ബിസിനസ്സ് കോൺക്ലേവ് ‘റീബൂട്ട് യുവർ ബിസിനസ്സ്’ എന്ന പേരിൽ 2023 ഡിസംബർ 9 ശനിയാഴ്ച രാവിലെ ഒൻപതു മണി മുതൽ ദുബായ് ഹിൽട്ടൺ ഹോട്ടൽ ഡബിൾ ട്രീയിൽ വെച്ച് നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.

ബിസിനസ്സ് പാടവവും തന്ത്രങ്ങളും നവീകരിക്കാൻ ഗൾഫ് നാടുകളിലെ വ്യവസായി കളെയും സംരംഭ കരെയും സഹായിക്കുക എന്ന ലക്ഷ്യത്തോടെ യാണ് കോണ്ക്ലേവ് സംഘടിപ്പിക്കുന്നത്. ഈ മേഖലയിലെ വിദഗ്ദ പരിശീലകൻ ഷമീം റഫീഖ് കോൺക്ലേവ് നയിക്കും.

വ്യവസായ വാണിജ്യ രംഗങ്ങളിലെ വെല്ലു വിളികളെ നേരിടാൻ വ്യവസായികളെയും സംരംഭകരെയും പ്രാപ്തരാക്കുകയാണ് പരിപാടിയിലൂടെ ലക്ഷ്യമിടുന്നത് എന്ന് എഡോക്സി ട്രെയിനിംഗ് ഇൻസ്റ്റിറ്റ്യൂട്ട് സി. ഇ. ഒ. ശറഫുദ്ദീൻ മംഗലാട് വാർത്താ സമ്മേളനത്തിൽ പറഞ്ഞു.

സമാന മനസ്കരുമായി കൈകോർക്കാനും സ്വപ്നങ്ങളും പദ്ധതികളും പങ്കിടാനുമുള്ള വിശിഷ്ടാവാസരം കൂടിയാണ് യു. എ. ഇ. യിലെ സംരംഭകരും ചെറുകിട-ഇടത്തരം ബിസിനസ്സ് സംരംഭങ്ങളുടെ തലവന്മാരും മേഖലയിൽ വിദഗ്ധരുമായ മലയാളികൾക്കു മുന്നിൽ ഒരുങ്ങുന്നത് എന്നും ശറഫുദ്ദീൻ കൂട്ടിച്ചേർത്തു.

രജിസ്‌ട്രേഷനും കൂടുതൽ വിവരങ്ങൾക്കും എഡോക്സി വെബ് സൈറ്റ് സന്ദർശിക്കാം. എഡോക്സി സീനിയർ ബിസിനസ്സ് മാനേജർ മുഹമ്മദ് ഫാസിൽ, ബിസിനസ്സ് അഡ്മിനിസ്ട്രേറ്റർ അഷിത പിള്ള എന്നിവരും വാർത്താ സമ്മേളനത്തിൽ സംബന്ധിച്ചു. FB Page edoxi 

- pma

വായിക്കുക: , , ,

Comments Off on റീബൂട്ട് യുവർ ബിസിനസ്സ് : എഡോക്സി ബിസിനസ്സ് കോൺക്ലേവ് ദുബായിൽ

കെ. എസ്. സി. കേരളോത്സവം വെള്ളിയാഴ്ച മുതൽ

November 23rd, 2023

ksc-keralotsav-2023-ePathram

അബുദാബി : കേരളാ സോഷ്യല്‍ സെന്‍റർ (കെ. എസ്. സി.) സംഘടിപ്പിക്കുന്ന കേരളോത്സവം 2023 നവംബർ 24, 25, 26 (വെള്ളി, ശനി, ഞായർ) ദിവസങ്ങളിൽ കെ. എസ്. സി. അങ്കണത്തിൽ നടക്കും എന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.

യു. എ. ഇ. യിലെ ഇന്ത്യൻ സ്ഥാനപതി സഞ്ജയ് സുധീർ കേരളോത്സവം ഉദ്ഘാടനം ചെയ്യും. ലുലു ഗ്രൂപ്പ് ചെയർമാൻ എം. എ. യൂസഫലി മുഖ്യാതിഥിയാവും.

press-meet-ksc-keralolsavam-2023-ePathram

മൂന്ന് ദിവസങ്ങളിലായി നടക്കുന്ന ആഘോഷങ്ങളുടെ ഭാഗമായി വിവിധ കലാ പരിപാടികൾ, നാടൻ ഭക്ഷ്യ വിഭങ്ങളുടെ തട്ടു കടകൾ, വിൽപ്പന ശാലകൾ, ശാസ്ത്ര പ്രദർശനം, പുസ്തക ശാലകൾ എന്നിവയുണ്ടാവും.

മുഖ്യ പ്രായോജകരായ ബുർജീൽ – എൽ. എൽ. എച്ച് ഗ്രൂപ്പിന്റെയും അഹല്യ ആശുപത്രിയുടെയും നേതൃത്വത്തിൽ മെഡിക്കൽ പരിശോധനാ ക്യാമ്പ്, ആവശ്യക്കാർക്ക് സൗജന്യ ഫ്ലൂ വാക്സീൻ ക്യാമ്പ് (ആദ്യ ദിവസം മാത്രം) എന്നിവയും ലഭ്യമാണ്. മൂന്നു ദിവസ ങ്ങളിലായി മുപ്പതിനായിരത്തോളം ആളുകളെ പ്രതീക്ഷിക്കുന്നതായി ഭാരവാഹികൾ പറഞ്ഞു.

തിരക്കു നിയന്ത്രിക്കുന്നതിനായി കേരളോത്സവ നഗരിയിലേക്കുള്ള പ്രവേശനത്തിന് പാസ്സുകൾ ഏർപ്പാട് ചെയ്തിട്ടുണ്ട്.

സമാപന ദിവസമായ നവംബർ 26 വെള്ളിയാഴ്ച രാത്രി പത്ത് മണിയോടെ പ്രവേശന കൂപ്പൺ നറുക്കെടുത്ത്, പ്രായോജകരായ അൽ മസ്ഊദ് ഓട്ടോ മൊബീൽസ് നൽകുന്ന നിസാൻ കാർ ഒന്നാം സമ്മാനമായും വിലപിടിപ്പുള്ള മറ്റു നൂറു സമ്മാനങ്ങളും നൽകും.

കെ. എസ്. സി. പ്രസിഡണ്ട് എ. കെ. ബീരാൻ കുട്ടി, വൈസ് പ്രസിഡണ്ട് റോയ് ഐ. വർഗീസ്, സെക്രട്ടറി അഭിലാഷ് തറയിൽ, അൽ മസ്ഊദ് സെയിൽസ് മാനേജർ ഫിറാസ് ഗാനം, എൽ. എൽ. എച്ച്. ഹോസ്പിറ്റൽ ഡപ്യൂട്ടി ഡയറക്ടർ ലോണ ബ്രിന്നർ, അഹല്യ ഗ്രൂപ്പ് ഓഫ് ഫാർമസീസ് മാനേജർ അച്യുത് വേണു ഗോപാൽ, അഡ്വാൻസ്‌ഡ്‌ ട്രാവൽസ് കോർപ്പറേറ്റ് മാനേജർ പ്രകാശ് പല്ലിക്കാട്ടിൽ തുടങ്ങിയവർ വാർത്താ സമ്മേളനത്തിൽ സംബന്ധിച്ചു.

* KSC Twitter  & FB PAGE

- pma

വായിക്കുക: , , , , ,

Comments Off on കെ. എസ്. സി. കേരളോത്സവം വെള്ളിയാഴ്ച മുതൽ

ഗാസയിൽ പരിക്കേറ്റവർക്ക് ചികിത്സ : മുന്നണിയിൽ മലയാളി സ്ഥാപനങ്ങളും ആരോഗ്യ പ്രവർത്തകരും

November 20th, 2023

palestinian-wounded-evacuated-from-gaza-to-uae-burjeel-hospital-ePathram

അബുദാബി : കുട്ടികളും മുതിര്‍ന്നവരും ഉള്‍പ്പെടെ ഗാസയിൽ ഗുരുതരമായി പരിക്കേറ്റവർക്ക് അടിയന്തര ചികിത്സ നല്‍കാന്‍ യു. എ. ഇ. പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാന്‍റെ ഇടപെടൽ അന്താരാഷ്‌ട്ര ശ്രദ്ധ നേടുമ്പോൾ പ്രവാസികൾക്ക് അഭിമാനമായി മലയാളികളുടെ നേതൃത്വത്തിലുള്ള ആരോഗ്യ സ്ഥാപനങ്ങളുടെയും ആരോഗ്യ പ്രവർത്തകരുടെയും മുൻ നിര പങ്കാളിത്തം.

ഡോ. ഷംഷീർ വയലിൽ ചെയർമാനായ ബുർജീൽ ഹോൾഡിംഗ്സ്, റെസ്പോൺസ് പ്ലസ് ഹോൾഡിംഗും (ആർ. പി. എം.) സർക്കാര്‍ ഏജന്‍സികള്‍ക്ക് കൂടെ ചേര്‍ന്ന് ദൗത്യത്തില്‍ സുപ്രധാന പങ്കു വഹിക്കുന്നത്.

ബുർജീൽ മെഡിക്കൽ സിറ്റിയിൽ പീഡിയാട്രിക് ഹെമറ്റോളജിസ്റ്റായ മലയാളി ഡോക്ടർ സൈനുൽ ആബിദീൻ നേതൃത്വം നല്‍കിയ ബുര്‍ജീല്‍ സംഘ ത്തില്‍ ഇരുപതോളം ആരോഗ്യ പ്രവർത്തകര്‍ ഗാസ അതിർത്തിയിലെ അൽ അരിഷിലേക്ക് പോയി. ശൈഖ് ഖലീഫ മെഡിക്കൽ സിറ്റി, എൻ. എം. സി. റോയൽ ഹോസ്പിറ്റൽ എന്നീ ആശുപത്രികളിൽ നിന്നുള്ള ആരോഗ്യ പ്രവർത്തകരും സംഘത്തിൽ ഉണ്ടായി രുന്നു.

പരിക്കേറ്റരുടെ ആരോഗ്യ നില പരിശോധിച്ച് പ്രാഥമിക പരിചരണം ഉറപ്പാക്കുവാന്‍ വേണ്ടിയാണ് ഈജിപ്ത് അതിർത്തിയിലെ അൽ അരിഷ് എയര്‍ പോര്‍ട്ടില്‍ മെഡിക്കൽ സംഘത്തിന്‍റെ ശ്രമം.

ഇത് പൂർത്തിയാക്കിയ ശേഷം പരിക്കേറ്റവരെ പ്രത്യേക വിമാനത്തിൽ അബുദാബിയില്‍ എത്തിച്ചു. ബുർജീൽ മെഡിക്കൽ സിറ്റി അടക്കമുള്ള ആശുപത്രികളിൽ ഇവർക്ക് അടിയന്തര പരിചരണവും തുടർ ചികിത്സയും ആരംഭിച്ചു.

നിർണ്ണായക മാനുഷിക ദൗത്യത്തിലൂടെ ചികിത്സയും പിന്തുണയും നൽകിയ യു. എ. ഇ. നേതൃത്വത്തിന് ഗാസയിൽ നിന്നും എത്തിയവര്‍ നന്ദി അറിയിച്ചു. വരും ദിവസങ്ങളിൽ കൂടുതൽ പേർ ചികിത്സക്കു വേണ്ടി അബുദാബിയിൽ എത്തും എന്നും പ്രതീക്ഷിക്കുന്നു.

- pma

വായിക്കുക: , , , , , ,

Comments Off on ഗാസയിൽ പരിക്കേറ്റവർക്ക് ചികിത്സ : മുന്നണിയിൽ മലയാളി സ്ഥാപനങ്ങളും ആരോഗ്യ പ്രവർത്തകരും

Page 3 of 7112345...102030...Last »

« Previous Page« Previous « നമ്മുടെ സ്വന്തം മാമുക്കോയ : ബ്രോഷര്‍ പ്രകാശനം ചെയ്തു
Next »Next Page » നടു റോഡിൽ വാഹനം നിർത്തിയാൽ 1000 ദിർഹം പിഴ : മുന്നറിയിപ്പുമായി പോലീസ് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha