കെ. എസ്. സി. കേരളോത്സവം വെള്ളി, ശനി, ഞായർ ദിവസങ്ങളിൽ

December 27th, 2024

keralolsavam-2024-ksc-abudhabi-ePathram
അബുദാബി : കേരള സോഷ്യൽ സെന്റർ സംഘടിപ്പി ക്കുന്ന കേരളോത്സവം ഡിസംബർ 27, 28, 29 വെള്ളി, ശനി, ഞായർ ദിവസങ്ങളിലായി കെ. എസ്. സി. അങ്കണത്തിൽ വിവിധ കലാ സാംസ്കാരിക പരിപാടി കളോടെ അരങ്ങേറും എന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. പ്രവേശനം പാസ്‌ മൂലം നിയന്ത്രിക്കും.

മൂന്നു ദിവസങ്ങളിലായി നടക്കുന്ന ഉത്സവത്തിന് എത്തുന്നവരുടെ പ്രവേശന കൂപ്പൺ നറുക്കെടുത്ത് വിജയിക്ക് നിസാൻ കാർ സമ്മാനിക്കും. കൂടാതെ മറ്റു 100 പേർക്ക് ആകർഷകങ്ങളായ സമ്മാനങ്ങളും നൽകും. മൂന്നു ദിവസവും വൈകുന്നേരം 7 മുതൽ രാത്രി 11 വരെയാണ് പ്രവേശനം.

കെ. എസ്. സി. യിൽ പ്രതേകം സജ്ജമാക്കിയ കേരളോത്സവം നഗരിയിലെ തനി നാടൻ തട്ടുകടകൾ അടക്കമുള്ള ഭക്ഷണ സ്റ്റാളുകളും വിവിധ സ്ഥാപന ങ്ങളുടെ വാണിജ്യ സ്റ്റാളുകളും കൂടാതെ സയൻസ് എക്സിബിഷൻ, സ്കിൽ ഗെയിംസ്, പുസ്തകമേള, കുട്ടികൾക്കായി വിനോദ വിജ്ഞാന പരിപാടികൾ എന്നിവ ഒരുക്കിയിട്ടുണ്ട്.

ഉദ്ഘാടന ദിവസമായ വെള്ളിയാഴ്ച രാത്രി 8.30നു ഇമാറാത്തി നൃത്തം, ശനിയാഴ്ച രാത്രി 7.30 നു ദുബായ് ബുള്ളറ്റ് മ്യൂസിക് ബാൻഡിന്റെ മെഗാ മ്യൂസിക് ഷോ തുടങ്ങി വിവിധ കലാ പരിപാടികളും നൃത്ത നൃത്യങ്ങളും അരങ്ങേറും. മൂന്നാം ദിവസമായ ഞായറാഴ്ച രാത്രി നറുക്കെടുപ്പ് നടക്കും.

കെ. എസ്. സി. പ്രസിഡണ്ട് എ. കെ. ബീരാൻകുട്ടി, ജനറൽ സെക്രട്ടറി നൗഷാദ് യൂസഫ്, ട്രഷറർ വിനോദ് പട്ടം, അൽ മസൂദ് ഓട്ടോ മൊബൈൽസ് മാർക്കറ്റിങ് മാനേജർ മൊത്താസ് എൽ ഖോലി, കെ. എസ്. സി. ജോയിന്റ് സെക്രട്ടറിയും അൽ മസൂദ് ഓട്ടോ മൊബൈൽസ് പ്രതി നിധി യുമായ പ്രകാശ് പല്ലിക്കാട്ടിൽ, വൈസ് പ്രസിഡണ്ട് ആർ. ശങ്കർ, കലാ വിഭാഗം സെക്രട്ടറി ഷഹിർ ഹംസ, കേരളോത്സവം കൺവീനർ നൗഷാദ് കോട്ടക്കൽ തുടങ്ങിയവർ വാർത്താ സമ്മേളനത്തിൽ സംബന്ധിച്ചു.

- pma

വായിക്കുക: , , , , , , , ,

Comments Off on കെ. എസ്. സി. കേരളോത്സവം വെള്ളി, ശനി, ഞായർ ദിവസങ്ങളിൽ

കെ. എസ്. സി. ഏകാങ്ക നാടക രചനാ മത്സരം

December 26th, 2024

ksc-drama-writing-competition-ePathram
അബുദാബി : പതിമൂന്നാമത് കെ. എസ്. സി. ഭരത് മുരളി നാടകോത്സവത്തോട് അനുബന്ധിച്ച് കേരള സോഷ്യൽ സെന്റർ ഏകാങ്ക നാടക രചനാ മത്സരം സംഘടിപ്പിക്കുന്നു. യു. എ. ഇ. യിലെ പ്രവാസികളായ നാടക രചയിതാക്കൾക്കു പങ്കെടുക്കാം. 30 മിനുട്ട് അവതരണ ദൈർഘ്യമുള്ള രചനകളാണ് പരിഗണിക്കുക.

മൗലിക രചനകൾ ആയിരിക്കണം. ഏതെങ്കിലും കഥ, നോവൽ എന്നിവയെ അധികരിച്ചുള്ള രചനകൾ, മറ്റു നാടകങ്ങളുടെ വക ഭേദങ്ങൾ, വിവർത്തനങ്ങൾ എന്നിവ പാടില്ല. മതം, രാഷ്ട്രീയം എന്നീ വിഷയങ്ങളെ പരാമർശിക്കാത്തതും യു. എ. ഇ. നിയമങ്ങൾക്ക് അനുസൃതം ആയിരിക്കണം.

രചയിതാവിൻ്റെ പേര്, പ്രൊഫൈൽ, പാസ്സ് പോർട്ട്-എമിറേറ്റ്സ് ഐ. ഡി. കോപ്പികൾ എന്നിവ അറ്റാച്ച് ചെയ്ത് 2025 ജനുവരി 10 നു മുൻപായി കേരള സോഷ്യൽ സെന്റർ ഓഫീസിൽ ലഭിക്കണം.

കൂടുതൽ വിവരങ്ങൾക്ക് : 02 631 44 55 (KSC Office), 055 5520683, 050 5806557. e-Mail : kscmails@gmail.com

- pma

വായിക്കുക: , , , ,

Comments Off on കെ. എസ്. സി. ഏകാങ്ക നാടക രചനാ മത്സരം

കെ. എസ്. സി. ഭരത് മുരളി നാടകോത്സവത്തിനു തിരശ്ശീല ഉയർന്നു

December 23rd, 2024

ksc-13-th-bharath-murali-drama-fest-2024-inauguration-ePathram
അബുദാബി : കേരളാ സോഷ്യൽ സെൻറർ ഒരുക്കുന്ന പതിമൂന്നാമത് ഭരത്‌ മുരളി നാടകോത്സവത്തിനു തുടക്കമായി. സെന്റർ അങ്കണത്തിൽ നടന്ന സാംസ്കാരിക സമ്മേളനത്തിൽ ജെമിനി ബിൽഡിംഗ് മെറ്റീരിയൽ എം. ഡി. ഗണേഷ് ബാബു നാടകോത്സവം ഉദ്ഘാടനം ചെയ്തു. കെ. എസ്. സി. പ്രസിഡണ്ട്‌ എ. കെ. ബീരാൻ കുട്ടി അദ്ധ്യക്ഷത വഹിച്ചു.

വിവിധ സംഘടനകളെ പ്രതിനിധീകരിച്ച് കെ. വി. ബഷീർ, നാസർ വിളഭാഗം, ഹിദായത്തുള്ള, രജിതാ വിനോദ്, ഷെൽമ സുരേഷ് തുടങ്ങിയവർ ആശംസകൾ നേർന്നു. കെ. എസ്. സി. സെക്രട്ടറി നൗഷാദ് യൂസഫ് സ്വാഗതവും വൈസ് പ്രസിഡണ്ട് ശങ്കർ നന്ദിയും പറഞ്ഞു. കലാവിഭാഗം സെക്രട്ടറി ഷഹീർ ഹംസ നാടക വിധി കർത്താക്കളെ പരിചയപ്പെടുത്തി .

ആദ്യ അവതരണം ഡിസംബർ 23 തിങ്കളാഴ്ച രാത്രി എട്ടര മണിക്ക്, ഡോ. ശ്രീജിത്ത് രമണൻ സംവിധാനം ചെയ്ത ‘അബദ്ധങ്ങളുടെ അയ്യരു കളി’ എന്ന നാടകം അബുദാബി ശക്തി തിയറ്റേഴ്സ് അവതരിപ്പിക്കും.

തുടർന്ന് വിവിധ ദിവസങ്ങളിലായി സീക്രട്ട്, നീലപ്പായസം, സിദ്ധാന്തം അഥവാ യുദ്ധാന്ത്യം, ഫെമിനിസ്റ്റ് മാനിഫെസ്റ്റോ, ജീവൻ്റെ മാലാഖ, രാഘവൻ ദൈ, ചാവുപടികൾ, ശംഖു മുഖം എന്നിങ്ങനെ പ്രമുഖ സംവിധായകരുടെ 9 നാടകങ്ങൾ അരങ്ങിൽ എത്തും. ജനുവരി 18 ന് നാടകോത്സവം സമാപിക്കും.

ജനുവരി 20 നു വിജയികളെ പ്രഖ്യാപിക്കും. വിവിധ വിഭാഗങ്ങളിലായി 17 പുരസ്കാരങ്ങളും ക്യാഷ് പ്രൈസുകളും വിജയികൾക്ക് സമ്മാനിക്കും.

- pma

വായിക്കുക: , , , , ,

Comments Off on കെ. എസ്. സി. ഭരത് മുരളി നാടകോത്സവത്തിനു തിരശ്ശീല ഉയർന്നു

ദേശീയ ദിനത്തിൽ കെ. എസ്‌. സി. വാക്കത്തോൺ സംഘടിപ്പിച്ചു

December 4th, 2024

eid-al-etihad-ksc-walkathone-53-rd-national-day-celebrate-ePathram
അബുദാബി : യു. എ. ഇ. ദേശീയ ദിന ആഘോഷ ങ്ങളുടെ ഭാഗമായി കേരളാ സോഷ്യൽ സെന്റർ അബുദാബി കോർണിഷിൽ വാക്കത്തോൺ സംഘടിപ്പിച്ചു. കമ്മ്യൂണിറ്റി പൊലീസ് ഓഫീസര്‍ ആയിഷ അൽ ഷെഹി ഫ്ലാഗ് ഓഫ് ചെയ്തു. രണ്ടു മണിക്കൂർ നീണ്ട വാക്കത്തോൺ പരിപാടിയിൽ ഇരുനൂറോളം കെ. എസ്‌. സി. അംഗങ്ങളും കുടുംബാംഗ ങ്ങളും ഭാഗമായി. ചേംബർ ഓഫ് കൊമേഴ്സ് പരിസരത്ത് നിന്നും ആരംഭിച്ച വാക്കത്തോൺ അഡ്‌കോ ഓഫീസിനു എതിർ വശത്തുള്ള കോർണീഷിൽ സമാപിച്ചു.

കെ. എസ്‌. സി. പ്രസിഡണ്ട് എ. കെ. ബീരാൻ കുട്ടി, ജനറൽ സെക്രട്ടറി നൗഷാദ് യൂസഫ്, വനിതാ വിഭാഗം കൺവീനർ ഗീത ജയചന്ദ്രൻ, മറ്റു കമ്മിറ്റി ഭാര വാഹികളും നേതൃത്വം വഹിച്ചു. FB PAGE

- pma

വായിക്കുക: , , , , , , , ,

Comments Off on ദേശീയ ദിനത്തിൽ കെ. എസ്‌. സി. വാക്കത്തോൺ സംഘടിപ്പിച്ചു

മനുഷ്യ ജീവിതങ്ങള്‍ ആവിഷ്‌കരിക്കുക എന്നത് സമര മാര്‍ഗ്ഗമായി മാറിയിരിക്കുന്നു

December 4th, 2024

vayalar-award-winner-novelist-ashokan-charuvil-in-ksc-ePatrham
അബുദാബി : മനുഷ്യ ജീവിതങ്ങള്‍ ആവിഷ്‌കരിക്കുക എന്നത് എഴുത്തുകാരെ സംബന്ധിച്ചിടത്തോളം ഒരു സമര മാര്‍ഗ്ഗമായി മാറിയിരിക്കുന്നു എന്ന്  പുരോഗമന കലാ സാഹിത്യ സംഘം വൈസ് പ്രസിഡണ്ടുംഈ വർഷത്തെ വയലാർ അവാർഡ് ജേതാവുമായ അശോകന്‍ ചരുവില്‍. കേരള സോഷ്യല്‍ സെൻ്റർ സാഹിത്യ വിഭാഗവും എഴുത്തുകാരുടെ കൂട്ടായ്മയായ അക്ഷര ക്കൂട്ടവും സംയുക്തമായി സംഘടിപ്പിച്ച ഏക ദിന സാഹിത്യ ശില്പ ശാല ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

അനുഭവങ്ങള്‍ നിരാകരിക്കുക എന്ന തന്ത്രമാണ് ലോകത്തിലെ സാമ്പത്തിക മേധാവികള്‍ സാമാന്യ മനുഷ്യര്‍ക്ക് നേരെ എടുത്തു കൊണ്ടിരിക്കുന്ന ഏറ്റവും വലിയ തന്ത്രം. അവനെ സ്വന്തം അനുഭവങ്ങളില്‍ നിന്നും അടര്‍ത്തിമാറ്റി ഏതോ ഒരു മിഥ്യാ ലോക ത്തിലേക്ക് കൊണ്ടു പോയി അവരുടെ ഉപകരണം ആക്കുകയാണ്.

ഇതിനെ പ്രതിരോധിക്കാന്‍ എഴുത്തുകള്‍ കൊണ്ടും സാംസ്‌കാരിക പ്രവര്‍ത്തനങ്ങള്‍ കൊണ്ടും മാത്രമേ സാദ്ധ്യമാവുകയുള്ളൂ. ഇന്നത്തെ കാല ഘട്ടത്തില്‍ എഴുത്തുകാര്‍ അഭിമുഖീകരിക്കുന്ന ഏറ്റവും വലിയ വെല്ലുവിളി മനുഷ്യനില്‍ നിന്നും ഭാഷയെ നിര്‍മ്മിക്കാന്‍ കഴിയുന്ന വിധത്തില്‍ അവൻ്റെ അനുഭവങ്ങളെ സ്വാംശീകരിക്കുക എന്നതാണ്.

പ്രവാസ ലോകത്തിരുന്നു കൊണ്ട് കേരളത്തെ നോക്കിക്കാണുമ്പോൾ ഉണ്ടാകുന്ന ഗൃഹാതുരമായ സൗന്ദര്യം ഒരു കാല ഘട്ടത്തില്‍ മലയാള സാഹിത്യ ത്തിൻ്റെ ഗംഭീരമായ ഒരു ചൈതന്യമായി പരിഗണിച്ചിരുന്നു. അത്തരത്തിൽ ഉള്ളവയായിരുന്നു എം. മുകുന്ദൻ്റെ യും ഒ. വി. വിജയൻ്റെയും കാക്കനാടൻ്റെയും എം. പി. നാരായണപ്പിള്ള യുടെയും എല്ലാം രചനകള്‍ എന്നും അദ്ദേഹം പറഞ്ഞു.

പ്രവാസ സാഹിത്യം എന്ന രീതിയില്‍ കാണേണ്ട ആവശ്യമില്ലാത്ത ഒരു ആഗോള സ്വഭാവം പ്രവാസ സാഹിത്യത്തിന് കൈ വരിക്കാന്‍ പുതിയ കാലത്ത് കഴിഞ്ഞിട്ടുണ്ട് എന്ന് കവിയും ഗാന രചയിതാവുമായ റഫീഖ് അഹമ്മദ് അഭിപ്രായപ്പെട്ടു.

ലോകങ്ങള്‍ തമ്മിലുള്ള അകലം കുറഞ്ഞ സാഹചര്യ ത്തില്‍ ഇന്ന് പ്രവാസ സാഹിത്യം എന്നതിൻ്റെ രൂപ ഭാവങ്ങളില്‍ ആദ്യ കാലത്തേതില്‍ നിന്നും വളരെയേറെ മാറ്റം സംഭവിച്ചിരിക്കുന്നു.

നാട്ടില്‍ നടക്കുന്നതിനേക്കാള്‍ സജീവമായ സാഹിത്യ ചര്‍ച്ചയും സാംസ്‌കാരിക പ്രവര്‍ത്തനങ്ങളും സാമൂഹ്യമായ ഇടപെടലുകളും നടക്കുന്നത് പ്രവാസ ലോകത്താണ് എന്നത് ഏറെ ആഹ്ളാദം പകരുന്ന ഒന്നാണെന്ന് അദ്ദേഹം പറഞ്ഞു.

കെ. എസ്. സി. പ്രസിഡണ്ട് എ. കെ. ബീരാന്‍ കുട്ടിയുടെ അദ്ധ്യക്ഷതയില്‍ നടന്ന ഉദ്ഘാടന സമ്മേളനത്തിന് ശേഷം നോവല്‍, കഥ, കവിത, റേഡിയോ, മൈഗ്രേഷന്‍ & മോഡേനിറ്റി എന്നീ വിഷയങ്ങളെ അധികരിച്ച് ചര്‍ച്ചകള്‍ നടന്നു.

അശോകന്‍ ചരുവില്‍, റഫീഖ് അഹമ്മദ്, കുഴൂര്‍ വിത്സന്‍, കമറുദ്ദീന്‍ ആമയം, കെ. പി. കെ. വെങ്ങര, സര്‍ജു ചാത്തന്നൂര്‍, പി. ശിവ പ്രസാദ്, സ്മിത നെരവത്ത് എന്നിവര്‍ ‘ഒരു നോവല്‍ എങ്ങിനെ തുടങ്ങുന്നു,’ ‘മലയാള കവിതയുടെ ഭൂമിക’, ‘ചെറുകഥ : പ്രമേയത്തി ലേക്കുള്ള വേറിട്ട വഴികള്‍,’ ‘ശബ്ദം സഞ്ചരിച്ച ദൂരങ്ങള്‍’ എന്നീ വിഷയങ്ങളെ അധികരിച്ചു സംസാരിച്ചു.

നാല് വിഭാഗമായി നടന്ന ശില്പശാലയിൽ ഇ. കെ. ദിനേശൻ, ഐ. എസ്. സി. സാഹിത്യ വിഭാഗം സെക്രട്ടറി നാസർ വിളഭാഗം, വെള്ളിയോടൻ, ഒമർ ഷരീഫ് എന്നിവർ മോഡറേറ്റർമാരായിരുന്നു.

രമേഷ് പെരുമ്പിലാവ്, പ്രിയ ശിവദാസ്, റഷീദ് പാലക്കൽ, അസി, ഹമീദ് ചങ്ങരംകുളം, എം. സി. നവാസ്, മുഹമ്മദലി എന്നിവർ നോവലും കഥയും കവിതയും അവതരിപ്പിച്ചു. FB PAGE

 * അശോകൻ ചരുവിലിനെ ആദരിച്ചു

- pma

വായിക്കുക: , , , ,

Comments Off on മനുഷ്യ ജീവിതങ്ങള്‍ ആവിഷ്‌കരിക്കുക എന്നത് സമര മാര്‍ഗ്ഗമായി മാറിയിരിക്കുന്നു

Page 2 of 3612345...102030...Last »

« Previous Page« Previous « ദേശീയ ദിനത്തെ വരവേൽക്കാൻ തയ്യാറാക്കിയ ഒഴുകുന്ന ദേശീയ പതാക ശ്രദ്ധേയമായി
Next »Next Page » ഈദ് അല്‍ ഇത്തിഹാദ് : കെം. എം. സി. സി. വാക്കത്തോണ്‍ ശ്രദ്ധേയമായി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha