 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : കേരളാ സോഷ്യല്‍ സെന്‍റർ സംഘടിപ്പിക്കുന്ന യു. എ. ഇ. തല സിനിമാറ്റിക് ഗ്രൂപ്പ് ഡാൻസ് മത്സരം ‘DAZZLING STARS’ എന്ന പേരിൽ ഒക്ടോബർ 28 ശനിയാഴ്ച വൈകുന്നേരം 3.30 മുതൽ സെൻറർ അങ്കണത്തിൽ അരങ്ങേറും.
പരിപാടിയിൽ മുഖ്യ അതിഥിയായി പ്രശസ്ത നർത്തകനും സിനിമാ താരവുമായ റംസാൻ മുഹമ്മദ്, നർത്തകിയും വേൾഡ് റെക്കോഡ് ജേതാവുമായ വീണ ശ്രീധർഷ് എന്നിവർ സംബന്ധിക്കും.
വിവിധ എമിറേറ്റുകളിൽ നിന്നുള്ള 38 ടീമുകൾ പങ്കെടുക്കുന്ന ഈ മത്സരം കാണികൾക്ക് വേറിട്ട അനുഭവം ആയിരിക്കും എന്ന് സംഘാടകർ അറിയിച്ചു.
- pma
വായിക്കുക: ആഘോഷം, കുട്ടികള്‍, കേരള സോഷ്യല്‍ സെന്റര്, നൃത്തം, പ്രവാസി, സംഗീതം, സംഘടന
അബുദാബി: കേരള സോഷ്യൽ സെന്‍റർ ഒരുക്കുന്ന കേരളോത്സവം-2023 നവംബർ 24, 25, 26 തീയ്യതികളില്‍ സെന്റര് അങ്കണത്തില്‍ നടക്കും. നാട്ടുത്സവത്തിന്‍റെ സകല ചേരുവകളും കോർത്തിണക്കി ഒരുക്കുന്ന കേരളോത്സവത്തിൽ നാടന്‍ ഭക്ഷ്യ വിഭവങ്ങള്‍ ലഭിക്കുന്ന തട്ടു കടകൾ, വിവിധ വാണിജ്യ സ്റ്റാളുകൾ, പുസ്തക ശാലകൾ, ശാസ്ത്ര പ്രദർശനം, മെഡിക്കൽ ക്യാമ്പ്‌ തുടങ്ങിയവ ഉണ്ടായിരിക്കും.
കേരളോത്സവത്തിന്‍റെ പ്രവേശന കൂപ്പണ്‍ നറുക്കിട്ട് ഒന്നാം സമ്മാനമായി കാര്‍, കൂടാതെ നൂറോളം വൈവിധ്യമാര്‍ന്ന സമാശ്വാസ സമ്മാനങ്ങളും നല്‍കും.
കേരളോത്സവം പ്രവേശന കൂപ്പണ്‍ വില്പനയുടെ ഉദ്‌ഘാടനം കെ. എസ്. സി. യില്‍ നടന്നു. പ്രായോജക പ്രതി നിധികള്‍, സെന്റര് മാനേജിംഗ് കമ്മിറ്റി അംഗങ്ങള്‍, വിവിധ സംഘടനാ സാരഥികളും സംബന്ധിച്ചു. KSC FB PAGE
- pma
വായിക്കുക: ആഘോഷം, കേരള സോഷ്യല്‍ സെന്റര്, പ്രവാസി, സംഘടന, സാമ്പത്തികം
അബുദാബി : കേരള സോഷ്യല്‍ സെന്റര് സംഘടിപ്പിച്ച ഓണസദ്യ ആയിരങ്ങളുടെ പങ്കാളിത്തം കൊണ്ട്‌ ജനകീയോത്സവമായി. കുരുത്തോലയില്‍ തീര്‍ത്ത തോരണങ്ങളും വാഴക്കുലകളും കൊണ്ട്‌ അലങ്കരിച്ച സെന്റര് അങ്കണത്തില്‍ തികച്ചും കേരളീയ അന്തരീക്ഷ ത്തില്‍ ഒരുക്കിയ ഓണ സദ്യയിൽ 3000 ത്തോളം പേര്‍ പങ്കെടുത്തു. വനിതകൾ ഉൾപ്പെടെ ഇരുനൂറ്റി അമ്പതോളം പ്രവര്‍ത്തകര്‍ ഓണ സദ്യയുടെ പിന്നണിയില്‍ പ്രവര്‍ത്തിച്ചു.
ഇന്ത്യന്‍ എംബസ്സിയിലെ ഡെപ്യൂട്ടി ചീഫ് ഓഫ് മിഷൻ എ. അമർനാഥ്, അബുദാബി പോലീസ് പ്രതിനിധികൾ, വ്യാപാര പ്രമുഖർ, പൊതു പ്രവർത്തകർ തുടങ്ങി സമൂഹത്തിന്‍റെ വിവിധ മേഖലകളിലുള്ളവര്‍ പങ്കെടുത്തു.
അബുദാബിയിലെ പ്രശസ്ത പാചക വിദഗ്‌ദൻ കണ്ണൻ നായരാണ് സദ്യ ഒരുക്കിയത്. സെന്റര് മാനേജിംഗ് കമ്മിറ്റി അംഗങ്ങള്‍, വളണ്ടിയേഴ്‌സ്, വനിതാ വിഭാഗം, ബാലവേദി അംഗങ്ങളും നേതൃത്വം നൽകി.
- pma
വായിക്കുക: onam, ആഘോഷം, കുട്ടികള്‍, കേരള സോഷ്യല്‍ സെന്റര്, പ്രവാസി, സംഘടന, സാംസ്കാരികം
അബുദാബി : ഓണാഘോഷങ്ങളുടെ ഭാഗമായി അബുദാബി കേരള സോഷ്യൽ സെന്റര് വനിതാ വിഭാഗം സംഘടിപ്പിക്കുന്ന പൂക്കള മത്സരം 2023 സെപ്തംബർ 17 ഞായറാഴ്ച സെന്റര് അങ്കണത്തില്‍ നടക്കും.
പങ്കെടുക്കാൻ ആഗ്രഹിക്കുന്നവർ സെപ്തംബർ 15 നു മുന്‍പായി ഗൂഗിൾ ഫോം വഴി രജിസ്റ്റർ ചെയ്യണം.
മത്സരത്തിനുള്ള മാനദണ്ഡങ്ങളും മറ്റു വിശദ വിവരങ്ങളും ഗൂഗിൾ ഫോമിൽ വായിക്കാം. പൂക്കള മത്സരം 3 മണിക്ക് ആരംഭിക്കും. പങ്കെടുക്കുന്ന ടീമുകൾ 2 മണിക്ക് തന്നെ റിപ്പോർട്ട് ചെയ്യണം.
അന്നേ ദിവസം വൈകുന്നേരം 6.30 ന് സെന്റര് ഓണാഘോഷ പരിപാടികൾ ആരംഭിക്കും എന്നും സംഘാടകര്‍ അറിയിച്ചു. KSC FB Page
- pma
വായിക്കുക: onam, ആഘോഷം, കേരള സോഷ്യല്‍ സെന്റര്, പ്രവാസി, സ്ത്രീ
അബുദാബി : തലസ്ഥാനത്തെ അംഗീകൃത ഇന്ത്യൻ സംഘടനകളുടെ നേതൃത്വത്തിൽ സ്വാതന്ത്ര്യ ദിന ആഘോഷ പരിപാടികള്‍ അബുദാബി ഇന്ത്യാ സോഷ്യല്‍ സെന്‍ററില്‍ അരങ്ങേറി. ഇന്ത്യൻ സ്ഥാനപതി സഞ്ജയ് സുധീർ മുഖ്യ അതിഥിയായിരുന്നു.
ഐ. എസ്. സി. പ്രസിഡണ്ട് ജോൺ വർഗ്ഗീസ്, കെ. എസ്. സി. പ്രസിഡണ്ട് എ. കെ. ബീരാൻ കുട്ടി, മലയാളി സമാജം പ്രസിഡണ്ട് റഫീഖ് കയനയിൽ, ഇസ്ലാമിക് സെന്‍റർ ജനറൽ സെക്രട്ടറി അഡ്വ. കെ. വി. മുഹമ്മദ് കുഞ്ഞി, ഐ. എല്‍. എ. ജനറൽ സെക്രട്ടറി മോന മാത്തൂർ, ഐ. എസ്. സി. ജനറൽ സെക്രട്ടറി വി. പ്രദീപ് കുമാർ, എന്‍റര്‍ടൈന്‍ന്മെന്‍റ് സെക്രട്ടറി കെ. കെ. അനിൽ തുടങ്ങിയവര്‍ പ്രസംഗിച്ചു.
ഇന്ത്യൻ ഇസ്ലാമിക് സെന്റര്, അബുദാബി മലയാളി സമാജം, കേരള സോഷ്യൽ സെന്‍റർ, ഇന്ത്യൻ ലേഡീസ് അസോസ്സിയേഷൻ എന്നീ സംഘടനകളുടെ നേതൃത്വ ത്തില്‍ വൈവിധ്യമാര്‍ന്ന കലാ സാംസ്കാരിക പരിപാടികളും അരങ്ങേറി.
- pma
വായിക്കുക: islamic-center-, social-media, ആഘോഷം, ഇന്ത്യന്‍ കോണ്സുലേറ്റ്, ഇന്ത്യന്‍ സോഷ്യല്‍ സെന്റര്, കുട്ടികള്‍, കേരള സോഷ്യല്‍ സെന്റര്, പൂര്‍വ വിദ്യാര്‍ത്ഥി, പ്രവാസി, മലയാളി സമാജം, സംഘടന, സാംസ്കാരികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
