സമാധാന സംരക്ഷണം പ്രധാന ദൗത്യം : സാദിഖലി ശിഹാബ് തങ്ങള്‍

September 27th, 2022

sadik-ali-shihab-kmcc-ePathram

അബുദാബി : സമാധാന സംരംക്ഷണവും സൗഹൃദവുമാണ് പ്രവര്‍ത്തന വീഥിയിലെ പ്രധാന അജണ്ട എന്ന് മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍. അബുദാബി കെ. എം. സി. സി. സംസ്ഥാന കമ്മിറ്റി, ഇന്ത്യന്‍ ഇസ്ലാമിക് സെന്‍ററില്‍ സംഘടി പ്പിച്ച സൗഹൃദ സമ്മേളനത്തില്‍ മുഖ്യാഥിതിയായി പങ്കെടുത്തു സംസാരിക്കുകയായിരുന്നു അദ്ദേഹം.

വിദ്വേഷവും പരത്തുന്ന വിഷ വാക്കുകളല്ല, മറിച്ചു സ്‌നേഹവും സാഹോദര്യവും പരസ്പര വിശ്വാസ വുമുള്ള പ്രവര്‍ ത്തന രീതിയാണ് സമൂഹത്തിന് ആവശ്യം. കേരളത്തിലെ വിവിധ ജില്ലകളില്‍ നടത്തിയ സൗഹൃദ യാത്ര യില്‍നിന്നും ലഭിച്ച ആത്മ വിശ്വാസം വളരെ വലുതാണ്.

വിവിധ മത വിഭാഗങ്ങളില്‍ ഉള്ളവരും വ്യത്യസ്ഥ മേഖലകളില്‍ ഉള്ളവരും നല്‍കിയ പിന്തുണ കേരളം സമാധാന കാംക്ഷി കളുടെ നാടാണ് എന്ന യാഥാര്‍ത്ഥ്യമാണ് വ്യക്തമാക്കുന്നത്.

എന്നാല്‍ ഇതിനു ഭംഗം വരുത്തുന്നവരെ ഒറ്റ പ്പെടുത്തുകയും മത വിഭാഗ ങ്ങളുടെ ഐക്യം ശക്തി പ്പെടുത്തുകയും വേണം. മനുഷ്യത്വവും സ്‌നേഹ സമ്പന്നതയും ചിലര്‍ക്കങ്കിലും കൈമോശം വന്നതാണ് ഇന്നിന്‍റെ ദൗര്‍ഭാഗ്യം എന്നും അദ്ദേഹം കൂട്ടിച്ചേര്‍ത്തു.

pk-kunjali-kkutty-kmcc-s-thangal-at-abudhabi-ePathram

ആരൊക്കെ എന്തൊക്കെ പറഞ്ഞാലും സമാധാന ത്തിന്‍റെയും ശാന്തിയുടെയും പാത യില്‍ നിന്നും പിറകോട്ട് സഞ്ചരിക്കുന്ന സാഹ ചര്യം ഉണ്ടാവില്ല എന്നും സമാധാനത്തിന്‍റെ ഉറക്കു പാട്ട് തന്നെയാണ് മുസ്ലിം ലീഗ് പ്രസ്ഥാനം എന്നും ആലപിക്കുക എന്നും മുസ്ലിം ലീഗ് ദേശീയ സെക്രട്ടറി പി. കെ. കുഞ്ഞാലി ക്കുട്ടി വ്യക്തമാക്കി.

മുസ്ലിം സമൂഹം എക്കാലവും തീവ്ര വാദത്തിന് എതിരാണ്. അതിന്ന് എതിരെ പ്രവര്‍ത്തി ക്കുന്നവര്‍ സര്‍വ്വ രംഗ ങ്ങളിലും ഒളിച്ചോടേണ്ടി വരും എന്ന് കാലം തെളിയിച്ചു കഴിഞ്ഞു എന്നും അദ്ദേഹം പറഞ്ഞു. വിവിധ കാല ഘട്ടങ്ങളില്‍ വ്യത്യസ്ഥ വിഷയ ങ്ങളു മായി സമൂഹത്തില്‍ തീവ്രത പ്രചരിപ്പിക്കാന്‍ ശ്രമിക്കുന്നവര്‍ സമാധാന ജീവിത ത്തിന് എതിരെ പ്രവര്‍ത്തിക്കുന്നവര്‍ ആണെന്നും കുഞ്ഞാലി ക്കുട്ടി പറഞ്ഞു.

എത്ര തവണ പരാജയപ്പെട്ടാലും സമാധാന ത്തിന്‍റെ പാതയില്‍നിന്ന് വ്യതിചലിക്കുകയോ താല്‍ക്കാലിക നേട്ടത്തിനു വേണ്ടി തീവ്ര ചിന്താ ഗതിക്കാരുമായി മുസ്ലിം ലീഗ് സമരസപ്പെടുകയോ ചെയ്യുകയില്ല എന്ന് കഴിഞ്ഞ കാലങ്ങളിലൂടെ ഏവര്‍ക്കും ബോദ്ധ്യ പ്പെട്ടതാണ്. ആ നിലപാട് തന്നെയായിരിക്കും മുസ്ലിംലീഗ് തുടര്‍ന്നും സ്വീകരിക്കുക. എല്ലാ വിഭാഗം മതസ്ഥരെയും മതങ്ങള്‍ക്ക് ഉള്ളിലെ വ്യത്യസ്ഥ വീക്ഷണം ഉള്ളവരെയും ഒന്നിച്ചിരുത്താന്‍ മുസ്ലിം ലീഗ് പ്രസ്ഥാനത്തിന് മാത്രമാണ് കഴിയുകയുള്ളു എന്ന് ഡോ. എം. കെ. മുനീര്‍ എം. എല്‍. എ. പറഞ്ഞു.

ചടങ്ങില്‍ സംബന്ധിച്ച സ്വാമി ആത്മ ദാസ് യമി ധർമ്മ പക്ഷ, ഫാദര്‍ ജിജോ ജോസഫ്, ഫാദര്‍ എല്‍ദോ എം. പോള്‍,  പ്രൊഫ. ഗോപി നാഥ് മുതുകാട്, ഷാജഹാന്‍ മാടമ്പാട്ട്, അബ്ദുല്‍ ഹക്കീം ഫൈസി, ഹുസൈന്‍ സലഫി, സേവനം പ്രതിനിധി രാജന്‍ അമ്പലത്തറ, വിഗ്‌നേഷ് അങ്ങാടിപ്പുറം, കെ. എം. സി. സി. നേതാക്കളായ പുത്തൂര്‍ റഹ്‌മാന്‍, അന്‍വര്‍ നഹ, യു. അബ്ദുല്ല ഫാറൂഖി, എം. പി. എം. റഷീദ്, ടി. കെ. അബ്ദുല്‍ സലാം, സിംസാറുല്‍ ഹഖ് ഹുദവി തുടങ്ങിയവര്‍ സംസാരിച്ചു.

കെ. എം. സി. സി.പ്രസിഡണ്ട് ശുക്കൂറലി കല്ലുങ്ങല്‍ അദ്ധ്യക്ഷത വഹിച്ചു. ജനറല്‍ സെക്രട്ടറി അഡ്വ. കെ. വി. മുഹമ്മദ് കുഞ്ഞി സ്വാഗതം പറഞ്ഞു. ട്രഷറര്‍ പി. കെ. അഹമ്മദ് നന്ദി രേഖപ്പെടുത്തി. പാണക്കാട് സാദിഖലി തങ്ങളുടെ നേതൃത്വ ത്തില്‍ നടത്തുന്ന ഇത്തരം പരിപാടികള്‍ക്ക് സര്‍വ്വ പിന്തുണയും നല്‍കും എന്ന് പരിപാടി യില്‍ പങ്കെടുത്തു സംസാരിച്ച പ്രമുഖര്‍ അഭിപ്രായപ്പെട്ടു.

- pma

വായിക്കുക: , , , , ,

Comments Off on സമാധാന സംരക്ഷണം പ്രധാന ദൗത്യം : സാദിഖലി ശിഹാബ് തങ്ങള്‍

മുൻ മന്ത്രി ആര്യാടൻ മുഹമ്മദ് അന്തരിച്ചു

September 25th, 2022

aryadan-muhammad-epathram
കോഴിക്കോട് : മുതിർന്ന കോൺഗ്രസ്സ് നേതാവും മുൻ മന്ത്രിയുമായ ആര്യാടൻ മുഹമ്മദ് (87) അന്തരിച്ചു. ഞായറാഴ്ച രാവിലെ കോഴിക്കോട്ടെ സ്വകാര്യ ആശു പത്രിയില്‍ വെച്ചായിരുന്നു അന്ത്യം. ഖബറടക്കം തിങ്കളാഴ്ച രാവിലെ 9 മണിക്ക് നിലമ്പൂരില്‍ നടക്കും.

ആര്യാടന്‍ ഉണ്ണീന്‍ – കദിയുമ്മ ദമ്പതികളുടെ മകനായി 1935 ല്‍ ആയിരുന്നു ജനനം. നിലമ്പൂര്‍ ഗവണ്മെന്‍റ് മാനവേദന്‍ ഹൈസ്‌കൂളില്‍ ആയിരുന്നു വിദ്യാഭ്യാസം. ട്രേഡ് യൂണിയന്‍ പ്രവര്‍ത്തനത്തിലൂടെ രാഷ്ട്രീയ രംഗത്ത് സജീവമായി. വണ്ടൂര്‍ ഫര്‍ക്ക കോണ്‍ഗ്രസ്സ് കമ്മിറ്റി പ്രസിഡണ്ട്, കോഴിക്കോട് ഡി. സി. സി. സെക്രട്ടറി, വണ്ടൂരില്‍ നിന്നുള്ള കെ. പി. സി. സി. അംഗം, ഡി. സി. സി. പ്രസിഡണ്ട്, കെ. പി. സി. സി. സെക്രട്ടറി എന്നീ നിലകളില്‍ പ്രവര്‍ത്തിച്ചു.

1977, 1980, 1987, 1991, 1996, 2001, 2006, 2011 എന്നീ വർഷങ്ങളിൽ നിലമ്പൂർ നിയമ സഭാ മണ്ഡലത്തിൽ നിന്നും എം. എല്‍. എ. ആയി തെരഞ്ഞെടുത്തു. വിവിധ കാലയളവുകളില്‍ വനം, തൊഴില്‍. ടൂറിസം, വൈദ്യുതി വകുപ്പ് മന്ത്രിയായും പ്രവര്‍ത്തിച്ചിട്ടുണ്ട്.

- pma

വായിക്കുക: , , ,

Comments Off on മുൻ മന്ത്രി ആര്യാടൻ മുഹമ്മദ് അന്തരിച്ചു

സൗഹൃദത്തിന്‍റെ ഒത്തു കൂടല്‍ : സാദിഖലി തങ്ങള്‍ 25 ന് അബുദാബി യില്‍

September 21st, 2022

thangal-at-abudhabi-ePathram
അബുദാബി : സൗഹൃദത്തിന്‍റെയും സാഹോദര്യ ത്തിന്‍റെയും സന്ദേശവുമായി അബുദാബി കെ. എം. സി. സി. സംസ്ഥാന കമ്മിറ്റി ഒരുക്കുന്ന ‘തങ്ങൾ @ അബുദാബി’ എന്ന പരിപാടി 2022 സെപ്റ്റംബര്‍ 25 ഞായറാഴ്ച അബുദാബി ഇന്ത്യന്‍ ഇസ്ലാമിക് സെന്‍ററില്‍ നടക്കും. മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍ മുഖ്യ അതിഥിയായി സംബന്ധിക്കുന്ന പരിപാടിയില്‍ മുസ്ലിം ലീഗ് ദേശീയ ജനറല്‍ സെക്രട്ടറി പി. കെ. കുഞ്ഞാലിക്കുട്ടി, വിവിധ മത നേതാക്കളും പ്രമുഖ വ്യക്തിത്വങ്ങളും സംബന്ധിക്കും.

state-kmcc-sadik-ali-thangal-at-abu-dhabi-press-meet-ePathram

സംസ്ഥാന കെ. എം. സി. സി. നേതാക്കള്‍ വാര്‍ത്താ സമ്മേളനത്തില്‍

സംസ്ഥാന മുസ്ലിം ലീഗ് പ്രസിഡണ്ട് പദവി ഏറ്റെടുത്ത ശേഷം ആദ്യമായി അബുദാബിയില്‍ എത്തുന്ന സാദിഖലി ശിഹാബ് തങ്ങളുടെ പരിപാടി തികച്ചും വ്യത്യസ്ഥവും മാതൃകാ പരവും ആയിരിക്കും എന്ന് സംസ്ഥാന കെ. എം. സി. സി. പ്രസിഡണ്ട് ശുക്കൂറലി കല്ലുങ്ങല്‍, ജനറല്‍ സെക്രട്ടറി അഡ്വ. കെ. വി. മുഹമ്മദ് കുഞ്ഞി, ട്രഷറര്‍ പി. കെ. അഹമ്മദ്, നാഷണല്‍ കമ്മിറ്റി വര്‍ക്കിംഗ് പ്രസിഡണ്ട് യു. അബ്ദുല്ലാ ഫാറൂഖി എന്നിവര്‍ വാര്‍ത്താ സമ്മേളന ത്തില്‍ അറിയിച്ചു.

കേരളത്തിന്‍റെ മത സാഹോദര്യം നില നിര്‍ത്തുന്നതില്‍ മുഖ്യ പങ്ക് വഹിക്കുന്ന പാണക്കാട് കുടുംബവും സയ്യിദ് സാദിഖലി ശിഹാബ് തങ്ങളും മതേതര സമൂഹത്തിന്‍റെ പ്രതീക്ഷയാണ്. ഓരോ കാല ഘട്ടങ്ങളിലും വിശിഷ്യാ കലുഷിതമായ സാഹചര്യങ്ങളില്‍ പോലും സമാധാന ത്തിന്‍റെ സന്ദേശവുമായി സയ്യിദ് കുടുംബം നടത്തിയ സേവനങ്ങളും പാണക്കാട് സയ്യിദ് കുടുംബം മേതേതര കേരളത്തിന് സമര്‍പ്പിച്ച സംഭാവനകളും ചരിത്രത്തില്‍ ഇടം നേടിയതാണ്.

അബുദാബിയില്‍ എത്തുന്ന സാദിഖലി തങ്ങളെ സ്വീകരിക്കുന്നതിനും പരിപാടിയുടെ വിജയത്തിനും വേണ്ടി 101 അംഗ സ്വാഗത സംഘം പ്രവര്‍ത്തിക്കുന്നു. വിവിധ ജില്ലാ – മണ്ഡലം – പഞ്ചായത്ത് കമ്മിറ്റികളുടെ നേതൃത്വത്തില്‍ കണ്‍വെന്‍ഷനുകളും പ്രചാരണ പരിപാടി കളും നടന്നു വരുന്നു.

ഇസ്‌ലാമിക് സെന്‍ററിൽ വിളിച്ചു ചേർത്ത വാര്‍ത്താ സമ്മേളനത്തില്‍ ഭാര വാഹികളായ മജീദ് അണ്ണാൻ തൊടി, റഷീദ് പട്ടാമ്പി എന്നിവരും സംബന്ധിച്ചു.

- pma

വായിക്കുക: , ,

Comments Off on സൗഹൃദത്തിന്‍റെ ഒത്തു കൂടല്‍ : സാദിഖലി തങ്ങള്‍ 25 ന് അബുദാബി യില്‍

തങ്ങൾ @ അബുദാബി : സൗത്ത് സോൺ കെ. എം. സി. സി. പ്രചാരണ കൺവെൻഷൻ

September 20th, 2022

thangal-at-abudhabi-ePathram
അബുദാബി : സംസ്ഥാന കെ. എം. സി. സി. യുടെ ആഭിമുഖ്യത്തിൽ 2022 സെപ്റ്റംബര്‍ 25 നു ഇന്ത്യൻ ഇസ്ലാമിക് സെന്‍ററിൽ സംഘടിപ്പിക്കുന്ന ‘തങ്ങൾ @ അബുദാബി’ എന്ന പരിപാടിയുടെ പ്രചരണാർത്ഥം അബുദാബി സൗത്ത് സോൺ കെ. എം. സി. സി. പ്രചാരണ കൺവെൻഷൻ സംഘടിപ്പിച്ചു.

സംസ്ഥാന കെ. എം. സി. സി. ജനറൽ സെക്രട്ടറി അഡ്വ. മുഹമ്മദ് കുഞ്ഞി കണ്‍വെന്‍ഷന്‍ ഉത്‌ഘാടനം ചെയ്തു. സൗത്ത് സോൺ കെ. എം. സി. സി. പ്രസിഡണ്ട് ഷാനവാസ് പുളിക്കൽ അദ്ധ്യക്ഷത വഹിച്ച യോഗ ത്തിൽ സംസ്ഥാന സെക്രട്ടറി മജീദ് അണ്ണാൻ തൊടി മുഖ്യ പ്രഭാഷണം നടത്തി.

thangal-at-abu-dhabi-south-zone-kmcc-convention-ePathram

നേതാക്കളായ എ. സഫീഷ്, റഷീദ് പട്ടാമ്പി, നിസാമുദ്ദീൻ പനവൂർ, ഷാനവാസ് ഖാൻ, അഹമ്മദ് കബീർ രിഫായി എന്നിവർ സംസാരിച്ചു. അബ്ദുൽ സത്താർ സ്വാഗതവും അബ്ദുൽ സമദ് നന്ദിയും പറഞ്ഞു.

ഇന്ത്യൻ യൂണിയൻ മുസ്ലിം ലീഗ് പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങൾ പങ്കെടുക്കുന്ന ‘തങ്ങൾ @ അബുദാബി’ എന്ന പരിപാടിക്ക് വിപുലമായ ഒരുക്കങ്ങളാണ് നടക്കുന്നത്.

* സാദിഖ് അലി തങ്ങള്‍ക്ക് ഗോള്‍ഡന്‍ വിസ

- pma

വായിക്കുക: , , , , , , ,

Comments Off on തങ്ങൾ @ അബുദാബി : സൗത്ത് സോൺ കെ. എം. സി. സി. പ്രചാരണ കൺവെൻഷൻ

പി. ശ്രീരാമ കൃഷ്ണന് ഇന്ത്യൻ സോഷ്യൽ സെന്‍റര്‍ അജ്‌മാൻ സ്വീകരണം നൽകി

September 14th, 2022

isc-ajman-reception-to-p-sree-rama-krishnan-ePathram
അജ്മാന്‍ : കേരള നിയമസഭാ മുൻ സ്‌പീക്കറും നോർക്ക റെസിഡന്‍റ് വൈസ് ചെയർമാനുമായ പി. ശ്രീരാമ കൃഷ്‌ണന്‌ ഇന്ത്യൻ സോഷ്യൽ സെന്‍റർ അജ്‌മാൻ സ്വീകരണം നൽകി.

വടക്കൻ എമിറേറ്റുകളിൽ ഒന്നായ അജ്മാനിൽ ഇന്ത്യൻ കമ്മ്യൂണിറ്റിക്ക് വേണ്ടി നില കൊള്ളുന്ന ഇന്ത്യൻ സോഷ്യൽ സെന്‍റർ നടത്തുന്ന പ്രവർത്തനങ്ങളെ അദ്ദേഹം ശ്ലാഘിച്ചു. നോര്‍ക്ക റൂട്ട്സ് നടപ്പിലാക്കിയ വിവിധ പ്രവാസി ക്ഷേമ പദ്ധതികൾ അജ്മാനിലെ മലയാളികൾക്ക്‌ ലഭ്യമാക്കുന്നതിൽ സംഘടന നടത്തുന്ന ഇടപെടലുകൾ പ്രശംസാർഹം തന്നെയാണ്. കേരളം അന്യ നാടുകളിൽ വ്യത്യസ്തമായി നില നിൽക്കുന്നതിൽ ഒരോ സംഘടനക്കും വ്യക്തമായ പങ്കുണ്ട് എന്ന് സ്വീകരണ യോഗത്തിൽ എന്നും അദ്ദേഹം പറഞ്ഞു.

കൊവിഡ് ഭീതി വിതച്ച കാലയളവിൽ നോർക്ക ഹെല്പ് ഡെസ്ക് ആയി പ്രവർത്തിച്ച ഇന്ത്യൻ സോഷ്യൽ സെന്‍റർ അജ്‌മാൻ, പിന്നീട് പത്തോളം ഫ്ലൈറ്റുകള്‍ ഇന്ത്യയിലെ വിവിധ ഭാഗങ്ങളിലേക്ക് ചാർട്ട് ചെയ്ത് ആളുകളെ നാട്ടിൽ എത്തിച്ചിരുന്നു.

ഐ. എസ്. സി. പ്രസിഡണ്ട് ജാസ്സിം മുഹമ്മദ് സ്വീകരണ യോഗത്തില്‍ അദ്ധ്യക്ഷത വഹിച്ചു. സെക്രട്ടറി ചന്ദ്രൻ സ്വാഗതവും ജോയിന്‍റ് ട്രഷറർ അഫ്സൽ നന്ദിയും പറഞ്ഞു. വിവിധ സംഘടനകളെ പ്രതിനിധീകരിച്ച് അബ്ദുൾ ഹമീദ്, പ്രേം കുമാര്‍ എന്നിവര്‍ ആശംസകൾ നേര്‍ന്നു.

- pma

വായിക്കുക: , , , , ,

Comments Off on പി. ശ്രീരാമ കൃഷ്ണന് ഇന്ത്യൻ സോഷ്യൽ സെന്‍റര്‍ അജ്‌മാൻ സ്വീകരണം നൽകി

Page 10 of 61« First...89101112...203040...Last »

« Previous Page« Previous « മദ്യപിച്ചുള്ള ഡ്രൈവിംഗ് : മദ്രാസ് ഹൈക്കോടതിയുടെ വിചിത്ര ശിക്ഷ
Next »Next Page » തെരുവ് നായകള്‍ക്ക് പേവിഷ പ്രതിരോധ കുത്തി വെപ്പ് തുടങ്ങി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha