സെസ്സ് യു. എ. ഇ. സംഗമം സംഘടിപ്പിച്ചു

September 11th, 2023

ഫുജൈറ : സെന്‍റർ ഫോർ എഡ്യൂക്കേഷൻ ആൻഡ് സോഷ്യൽ സർവീസ് (സെസ്സ്) യു. എ. ഇ. സംഗമം ചെയർമാൻ പാണക്കാട് സയ്യിദ് ഹമീദലി ശിഹാബ് തങ്ങൾ ഉത്ഘാടനം ചെയ്തു.

ഫുജൈറയിൽ നടന്ന സംഗമത്തിൽ ഗവേണിംഗ് ബോർഡ്‌ അംഗം മൊയ്തീൻ അബ്ബാസ് അദ്ധ്യക്ഷത വഹിച്ചു. സി. വി. സൈനുൽ ആബിദ്, ഷാകിർ ഹുദവി, പി. സി. ഇല്യാസ്, ഇബ്രാഹിം ആലമ്പാടി, ഹബീബ് കടവത്ത്, നൗഷാദ് കൊല്ലം, റജബ് ഖാൻ ആലപ്പുഴ, ഫൈസൽ ഓവുങ്ങൽ തുടങ്ങി നിരവധി പേര്‍ സംബന്ധിച്ചു. വി. ടി. എം. മുസ്തഫ സ്വാഗതവും സി. കെ. അബൂബക്കർ നന്ദി യും പറഞ്ഞു.

നിരവധി ജീവ കാരുണ്യ – വിദ്യാഭ്യാസ പദ്ധതികൾ നടത്തി വരുന്ന സെസ്സ്, ജാർഖണ്ടിൽ ഖാഇദെ മില്ലത്ത് സെന്‍റർ ഫോർ എഡ്യൂക്കേഷൻ ആൻഡ് എംപവർമെന്‍റ് എന്ന പേരിൽ വിദ്യാഭ്യാസ സ്ഥാപനം നടത്തി വരുന്നു. ബംഗാളിൽ നടപ്പിലാക്കിയ കുടിവെള്ള പദ്ധതി ഇതിനോടകം പൂർത്തീകരിച്ചു.

സെസ്സിന്‍റെ രണ്ടാമത്തെ വിദ്യാഭ്യാസ പദ്ധതിക്ക് തമിഴ് നാട്ടിലെ സേലത്തിനടുത്ത് കള്ള കുർച്ചിയിൽ ഈ മാസം 20 ന് സയ്യിദ് ഹമീദലി ശിഹാബ് തങ്ങൾ തറക്കല്ലിടും. മലപ്പുറം മിനി ഊട്ടി (2018), ആലപ്പുഴ ഹൌസ് ബോട്ട് (2019), വയനാട് ചെമ്പ്ര (2020), കാസർകോട് ഉപ്പള (2021), കണ്ണൂർ പയ്യാമ്പലം (2022), പത്തനം തിട്ട ചരൽ കുന്ന് (2023) എന്നിവിടങ്ങളിൽ നടന്ന വാർഷിക സംഗമങ്ങൾക്ക് പുറമെ 2020 ൽ ഫുജൈറ യിൽ ഒരു ഗ്ലോബൽ സമ്മിറ്റും സെസ്സ് സംഘടിപ്പിച്ചു.

(വാര്‍ത്ത : അഷ്റഫ് കൊടുങ്ങല്ലൂര്‍ – ദുബായ്)

- pma

വായിക്കുക: , , , , , ,

Comments Off on സെസ്സ് യു. എ. ഇ. സംഗമം സംഘടിപ്പിച്ചു

ബലി പെരുന്നാള്‍ : ദുൽ ഹജ്ജ് 9 മുതൽ 12 വരെ ഗവൺമെന്‍റ് ജീവനക്കാര്‍ക്ക് അവധി

June 12th, 2023

kaaba-hajj-eid-ul-adha-ePathram
അബുദാബി : യു. എ. ഇ. യിലെ പൊതു മേഖലാ ജീവനക്കാരുടെ ബലി പെരുന്നാൾ അവധി പ്രഖ്യാപിച്ചു. ഫെഡറൽ അഥോറിറ്റി ഫോർ ഹ്യൂമൻ റിസോഴ്‌സ് സർക്കുലർ പ്രകാരം 1444 ദുൽ ഹജ്ജ് 9 മുതൽ 12 വരെ സർക്കാർ സ്ഥാപനങ്ങളിലെ ജീവനക്കാർക്ക് പെരുന്നാള്‍ അവധി ലഭിക്കും.

ജൂണ്‍ 18 ഞായറാഴ്ചയോടെ ദുല്‍ ഹജ്ജ് മാസ പ്പിറവി സ്ഥിരീകരിച്ച ശേഷം ഗ്രിഗോറിയൻ കലണ്ടർ തീയ്യതികൾ പ്രഖ്യാപിക്കും.

2023 ജൂലായ് 1 മുതൽ ഫെഡറൽ ഗവൺമെന്‍റ് സ്ഥാപന ങ്ങളിലെ ജോലി സമയം മാറ്റം വരും എന്ന രീതിയില്‍ സാമൂഹിക മാധ്യമങ്ങളില്‍ പ്രചരിക്കുന്ന അഭ്യൂഹ ങ്ങൾ അടിസ്ഥാന രഹിതം എന്നും അധികൃതര്‍ അറിയിച്ചു.

വിവരങ്ങളുടെ കൃത്യത പരിശോധിക്കാനും യു. എ. ഇ. യുടെ ഔദ്യോഗിക ഉറവിടങ്ങളിൽ നിന്നും സോഷ്യൽ മീഡിയ അക്കൗണ്ടുകളിൽ നിന്നും അത്തരം വാർത്ത കൾ സ്വീകരിക്കണം എന്നും അഥോറിറ്റി അഭ്യർത്ഥിച്ചു.

- pma

വായിക്കുക: , , , , ,

Comments Off on ബലി പെരുന്നാള്‍ : ദുൽ ഹജ്ജ് 9 മുതൽ 12 വരെ ഗവൺമെന്‍റ് ജീവനക്കാര്‍ക്ക് അവധി

യുവജനസഖ്യം സുവര്‍ണ്ണ ജൂബിലി സമാപന സമ്മേളനം : സന്തോഷ് ജോർജ്ജ് കുളങ്ങര മുഖ്യ പ്രഭാഷണം നടത്തും.

June 11th, 2023

abudhabi-marthoma-yuvajana-sakhyam-valedictory-function-ePathram

അബുദാബി : മാര്‍ത്തോമ സഭയുടെ യുവജന പ്രസ്ഥാനമായ യുവജന സഖ്യത്തിന്‍റെ ഏറ്റവും വലിയ ശാഖയായ അബുദാബി മാർത്തോമ്മാ യുവജനസഖ്യം സുവർണ്ണ ജൂബിലി ആഘോഷങ്ങളുടെ സമാപന സമ്മേളനത്തിൽ സന്തോഷ് ജോർജ്ജ് കുളങ്ങര മുഖ്യ പ്രഭാഷണം നടത്തും. ജൂൺ 11 ഞായറാഴ്ച്ച രാവിലെ 11 മണിക്ക് മുസ്സഫ മാർത്തോമാ ദേവാലയത്തിൽ നടക്കുന്ന സമാപന സമ്മേളനം ഡോ. ഗ്രിഗോറിയോസ് മാര്‍ സ്‌തേഫാനോസ് ഉദ്ഘാടനം ചെയ്യും.

യുവജനസഖ്യം കേന്ദ്ര ജനറൽ സെക്രട്ടറി റവ. ഫിലിപ്പ് മാത്യു, മാർത്തോമ്മാ ഇടവക വികാരി റവ. ജിജു ജോസഫ്, സഹവികാരി റവ. അജിത് ഈപ്പൻ തോമസ്, ജനറൽ കൺവീനർ ജിനു രാജൻ എന്നിവർ പ്രസംഗിക്കും.

yuvajana-sakhyam-golden-jubilee-valedictory-function-ePathram

ആദിവാസി സമൂഹത്തിലെ വിദ്യാർത്ഥികൾക്ക് മികച്ച വിദ്യാഭ്യാസ സൗകര്യം നൽകുന്നത് ലക്ഷ്യമിട്ടു മാർത്തോമ്മാ സഭയുടെ കാർഡ് എന്ന വികസന സമിതിയുമായി ചേർന്ന് പ്ലാപ്പള്ളി എന്ന ആദിവാസി മേഖലയിൽ പ്രവർത്തനം ആരംഭിച്ചതായി സഖ്യം പ്രസിഡണ്ട് റവ. ജിജു ജോസഫ് വാർത്താ സമ്മേളന ത്തിൽ അറിയിച്ചു.

മാനസിക പിരിമുറുക്കം പോലെയുള്ള ആരോഗ്യ – മാനസിക പ്രശ്‍നങ്ങളിൽ തളരുന്നവർക്കു അത്താണി യായി പ്രവർത്തിക്കുന്നതിന് സഹായ കരമായ നടപടികൾക്കായി പുനലൂരിലെ മാർത്തോമ്മാ ദയറയുമായി സഹകരിച്ചുള്ള പദ്ധതിക്കും ധ്യാന കേന്ദ്ര നിർമ്മിതിക്കും ജൂബിലി വർഷത്തിൽ തുടക്കമായി എന്നും അദ്ദേഹം അറിയിച്ചു.

മാർത്തോമ്മാ സഭയിലെ തന്നെ ഏറ്റവും വലിയ യുവ ജന പ്രസ്ഥാനമായ അബുദാബി മാർത്തോമ്മാ യുവ ജനസഖ്യം, 500ല്‍പരം അംഗങ്ങൾ ഉള്ള യുവജന സംഘടനയാണ്. കഴിഞ്ഞ 10 വർഷമായി മാർത്തോമ്മാ സഭയിലെ തന്നെ ഏറ്റവും മികച്ച ശാഖയായി തെരഞ്ഞെടുക്കപ്പെട്ടത് യുവ ജന സഖ്യം നടത്തി വരുന്ന പ്രവർത്തനങ്ങൾക്ക് ലഭിച്ച ഏറ്റവും വലിയ അംഗീകാരമാണ്..

രക്തദാന ക്യാമ്പ്, മെഡിക്കൽ ക്യാമ്പ്, ലേബർ ക്യാമ്പ്, നിർദ്ധനരായ കുട്ടികളുടെ വിദ്യാഭ്യാസ സഹായം, ക്യാൻസർ കെയർ, മിഷൻ ഫീൽഡ് പ്രവർത്തനങ്ങൾ, ഭവന നിർമ്മാണ സഹായം തുടങ്ങിയ മേഖല കളിലും യുവ ജന സഖ്യം മികവാർന്ന പരി പാടികളാണ് തുടരുന്നത്. ജൂബിലി ആഘോഷ ങ്ങളുടെ ഭാഗമായി നിരവധി കലാ – സാസ്‌കാരിക പരിപാടികളും എക്യൂമിനിക്കൽ പരിപാടിയും സംഘടിപ്പിച്ചിരുന്നു.

റവ.അജിത് ഈപ്പൻ തോമസ്, റവ.ഫിലിപ്പ് മാത്യു, ജനറൽ കൺവീനർ ജിനു രാജൻ, പബ്ലിസിറ്റി കമ്മറ്റി കൺവീനർ ജെറിൻ ജേക്കബ്ബ് കുര്യൻ, വൈസ് പ്രസിഡണ്ട് രെഞ്ചു വർഗ്ഗീസ്, സെക്രട്ടറി അനിൽ ബേബി എന്നിവരും വാർത്താ സമ്മേളനത്തിൽ പങ്കെടുത്തു. FB PAGE

- pma

വായിക്കുക: , , , , ,

Comments Off on യുവജനസഖ്യം സുവര്‍ണ്ണ ജൂബിലി സമാപന സമ്മേളനം : സന്തോഷ് ജോർജ്ജ് കുളങ്ങര മുഖ്യ പ്രഭാഷണം നടത്തും.

മാർത്തോമ്മാ യുവ ജന സഖ്യം പ്രവർത്തനോദ്ഘാടനം

June 3rd, 2023

golden-jubilee-logo-mar-thoma-yuvajana-sakhyam-ePathram
അബുദാബി : മാർത്തോമ്മാ യുവ ജന സഖ്യം 23 – 24′ വർഷത്തെ പ്രവർത്തനോദ്ഘാടനം നടന്നു. യുവജന സഖ്യം വൈസ് പ്രസിഡണ്ട് റവ. അജിത്ത് ഈപ്പൻ തോമസ് അദ്ധ്യക്ഷത വഹിച്ചു. സഖ്യം പ്രസിഡണ്ട് റവ. ജിജു ജോസഫ് ഉദ്ഘാടന കർമ്മം നിർവ്വഹിച്ചു.

പ്രവർത്തന വർഷത്തെ ചിന്താ വിഷയം : ‘ഭൂമിയിൽ ജീവിച്ച് സ്വർഗ്ഗത്തിൽ നിക്ഷേപിക്കുക’ എന്നതാണ്. യുവജനസഖ്യത്തിന്‍റെ നേതൃത്വത്തിൽ ക്യാൻസർ കെയർ, കെയർ & ഷെയർ എന്നി പദ്ധതികളുടെ ഉദ്ഘാടനവും ലൈബ്രറി മെമ്പർ ഷിപ്പ് കാമ്പയിനു തുടക്കം കുറിച്ചു. ഫാദര്‍ ജിജു ജോസഫ്, ഫാദര്‍. അജിത് ഈപ്പന്‍, ജോര്‍ജ്ജ് ബേബി എന്നിവർ സംസാരിച്ചു.

സഖ്യം ഭാരവാഹികളായ രെഞ്ചു വർഗ്ഗീസ്, അനിൽ ബേബി, മീനു രാജൻ എന്നിവർ നേതൃത്വം നൽകി.  FB Page

- pma

വായിക്കുക: , , , ,

Comments Off on മാർത്തോമ്മാ യുവ ജന സഖ്യം പ്രവർത്തനോദ്ഘാടനം

ഹജ്ജ് സീസണ്‍ അടുത്തതിനാല്‍ ഉംറ തീർത്ഥാടനത്തിന് നിയന്ത്രണം

May 23rd, 2023

kaaba-hajj-eid-ul-adha-ePathram
റിയാദ് : ഉംറ തീർത്ഥാടനത്തിന് നിയന്ത്രണം ഏർപ്പെടുത്തി സൗദി ഹജ്ജ് – ഉംറ മന്ത്രാലയം. ഹജ്ജ് സീസൺ ആരംഭിക്കാറായ പശ്ചാത്തലത്തിലാണ് ഇത്. ഓൺ ലൈൻ വഴിയുള്ള ഉംറ പെർമിറ്റ് ജൂൺ 4 വരെ മാത്രമേ അനുവദിക്കുകയുള്ളൂ എന്നു സൗദി ഹജ്ജ് – ഉംറ മന്ത്രാലയം അറിയിച്ചു.

2023 ജൂൺ 4 (ദുൽഖഅദ് 15) മുതൽ ഉംറ പെർമിറ്റുകൾ അനുവദിക്കുകയില്ല. ഉംറ വിസയില്‍ രാജ്യത്ത് എത്തിയവര്‍ക്ക് ഹജ്ജ് ചെയ്യാന്‍ അനുമതി ലഭിക്കില്ല.

ഉംറ വിസയിലുള്ള എല്ലാ തീർത്ഥാടകരും ഉംറ നിര്‍വ്വഹിച്ച് ജൂൺ 18 നു മുമ്പായി സൗദിയിൽ നിന്നു മടങ്ങണം എന്നും ഉംറ തീർത്ഥാടകരെ ഹജ്ജ് നിർവ്വഹിക്കാൻ അനുവദിക്കില്ല എന്നും മന്ത്രാലയം അറിയിച്ചു.

ഹജ്ജ് കർമങ്ങൾ അവസാനിച്ച ശേഷം മാത്രമേ ഇനി ഉംറ പെർമിറ്റ് ഇഷ്യൂ ചെയ്യുക. എന്നാൽ ഹജ്ജ് തീർത്ഥാടകർക്ക് ഉംറ ചെയ്യാന്‍ തടസ്സങ്ങള്‍ ഇല്ല. വിദേശത്തു നിന്നുള്ള ഹജ്ജ് തീർത്ഥാടകർ കഴിഞ്ഞ ദിവസം മദീനയിൽ എത്തിത്തുടങ്ങി.

- pma

വായിക്കുക: , , , , ,

Comments Off on ഹജ്ജ് സീസണ്‍ അടുത്തതിനാല്‍ ഉംറ തീർത്ഥാടനത്തിന് നിയന്ത്രണം

Page 11 of 73« First...910111213...203040...Last »

« Previous Page« Previous « ഫാമിലി കണക്ട് : പ്രവാസികൾക്ക് സൗജന്യ മെഡിക്കൽ ഉപദേശവും മാതാപിതാക്കൾക്ക് ആരോഗ്യ പരിചരണവും
Next »Next Page » കരീം വടക്കയിലിനു യാത്രയയപ്പ് നൽകി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha