ഉർസെ സുൽത്വാൻ : അനുസ്മരണ സംഗമം നടത്തി

December 18th, 2023

sheikh-muhammed-bava-usthad-on-sulthania-foundation-urse-sultan-meet-ePathram
ഉമ്മുൽ ഖുവൈൻ : മഹാൻമാരെ വെറുതെ വാക്കുകളിൽ അനുസ്മരിക്കലല്ല മറിച്ച് അവരുടെ ജീവിതം പൂർണ്ണമായി സ്വയം പകർത്തുകയും ഏവർക്കും പകർന്നു കൊടുക്കുകയും ചെയ്യേണ്ടതാണ് എന്ന് ശൈഖ് മുഹമ്മദ് ബാവ ഉസ്താദ്. സുൽത്വാനിയ ഫൗണ്ടേഷൻ യു. എ. ഇ. ഘടകം ഉമ്മുൽ ഖുവൈനിൽ സംഘടിപ്പിച്ച ശൈഖ് സുൽത്വാൻ ശാഹ് ഖാദിരി അനുസ്മരണ സംഗമം ‘ഉർസെ സുൽത്വാൻ’ ഉൽഘാടനം ചെയ്യുകയായിരുന്നു അദ്ദേഹം.

നമുക്ക് വേണ്ടത് ദഅവത്താണ്. ഓരോ നിമിഷവും അല്ലാഹുവിനു വേണ്ടി, അല്ലാഹുവിലായി ജീവിക്കാൻ തയ്യാറാകണം. സുൽത്വാൻ ശാഹ് ഖാദിരിയും ശൈഖ് അഹ്മദുൽ കബീരി രിഫാഇയും അടക്കമുള്ള മഹാ രഥന്മാർ ജീവിച്ചു – യാത്രയായി കാണിച്ചു തന്നതും എന്തായിരുന്നു എന്നും എങ്ങനെ ആയിരുന്നു എന്നും മറ്റുള്ളവർക്ക് പ്രചോദനമാകും വിധം പറഞ്ഞു കൊടുക്കുക.

അങ്ങനെ അവർ മരണമില്ലാതെ എക്കാലത്തും ജീവിച്ചു കൊണ്ടേയിരിക്കട്ടെ. ഓരോ ഉർസുകളുടേയും ലക്ഷ്യം ഇതായിരിക്കണം. എപ്പോഴും ഉണർന്നു പ്രവർത്തിച്ചു കൊണ്ടിരിക്കണം എന്നും ശൈഖ് മുഹമ്മദ് ബാവ ഉസ്താദ്  ഉൽബോധിപ്പിച്ചു.

സയ്യിദ് മുസ്ഥഫ അൽ ഐദറൂസി അദ്ധ്യക്ഷത വഹിച്ചു. അബ്ദുനാസ്വിർ മഹ്ബൂബി, നബീൽ മഹ്ബൂബി തുടങ്ങിയവർ അനുസ്മരണ പ്രഭാഷണം നടത്തി.

- pma

വായിക്കുക: , , ,

Comments Off on ഉർസെ സുൽത്വാൻ : അനുസ്മരണ സംഗമം നടത്തി

പലോത്ത് പറമ്പ് അബുദാബി മുസാഅദ കമ്മിറ്റി കൺവെൻഷൻ

December 8th, 2023

abudhabi-musaada-committee-reception-ePathram
അബുദാബി : ഹ്രസ്വ സന്ദർശനാർത്ഥം അബുദാബി യിൽ എത്തിയ പലോത്ത് പറമ്പ് മഹല്ല് സെക്രട്ടറി യു. വി. ആരിഫ്, പി. പി. ഫൈസൽ എന്നിവർക്ക് അബു ദാബി പലോത്ത് പറമ്പ്  മഹല്ല് മുസാഅദ കമ്മിറ്റി സ്വീകരണം നൽകി. അബുദാബി ഇന്ത്യൻ ഇസ്ലാമിക് സെൻ്ററിൽ സംഘടിപ്പിച്ച മുസാഅദ കമ്മിറ്റിയുടെ കൺവെൻഷനിൽ മുസാഅദ പ്രസിഡണ്ട് ഇബ്രാഹിം മുസ്ലിയാർ അദ്ധ്യക്ഷത വഹിച്ചു.

palothu-parambu-mahallu-abudhabi-committee-ePathram

ജനറൽ സെക്രട്ടറി നൗഷാദ് തൃപ്രങ്ങോട് സ്വാഗതം പറഞ്ഞു. പലോത്ത് പറമ്പ് മഹല്ല് കമ്മിറ്റി സെക്രട്ടറി യു. വി. ആരിഫ് യോഗം ഉദ്ഘാടനം ചെയ്തു.

പി. പി. ഫൈസൽ മുഖ്യ പ്രഭാഷണം നിർവ്വഹിച്ചു. അടുത്തിടെ വിട പറഞ്ഞ അലിക്ക് വേണ്ടിയുള്ള പ്രാർത്ഥനക്ക് ഇബ്രാഹിം ഉസ്താദ് നേതൃത്വം നൽകി.

മുസാഅദ കമ്മിറ്റി വൈസ് പ്രസിഡണ്ട് ടി. അബ്ദു, നജീബ്, ട്രഷറർ ബഷീർ എന്നിവർ അതിഥികളെ പൊന്നാട അണിയിച്ചു. ഹുസൈൻ പുല്ലത്ത്, അഷ്റഫ് സി. വി. ബാബു എന്നിവർ ആശംസകൾ നേർന്നു.

ഫഹദ്, ഗഫൂർ വി. പി. ഹാഷിം, യു. വി റഷീദ് എന്നിവർ നേതൃത്വം നൽകി. ബഷീർ ടി. പി. നന്ദി പറഞ്ഞു.

- pma

വായിക്കുക: , , , ,

Comments Off on പലോത്ത് പറമ്പ് അബുദാബി മുസാഅദ കമ്മിറ്റി കൺവെൻഷൻ

മാർത്തോമ്മാ ഇടവക കൊയ്ത്തുത്സവം ഞായറാഴ്ച്ച

November 25th, 2023

singer-father-severios-thomas-at-abudhabi-marthoma-church-ePathram

അബുദാബി : മാർത്തോമ്മാ ഇടവക സംഘടിപ്പിക്കുന്ന കൊയ്ത്തുത്സവം 2023 നവംബർ 26 ഞായറാഴ്ച മുസ്സഫ മാർത്തോമ്മാ ദേവാലയ അങ്കണത്തിൽ നടക്കും.

52 വർഷം പൂർത്തിയാക്കുന്ന ഇടവകയുടെ ഈ വർഷത്തെ ചിന്താ വിഷയം ‘ക്രിസ്തുവിൽ ഒന്നായി’ എന്ന പ്രമേയത്തിലാണ് പരിപാടികൾ നടക്കുക എന്ന് ഇടവക വികാരി റവ. ജിജു ജോസഫ് വാർത്താ സമ്മേളനത്തിൽ അറിയിച്ചു.

abudhabi-mar-thomma-church-organized-harvest-festival-2023-ePathram

മാപ്പിളപ്പാട്ടുകളിലൂടെ സോഷ്യൽ മീഡിയകളിൽ താരമായ ഫാദർ സേവേറിയോസ് തോമസ് നേതൃത്വം നൽകുന്ന ‘ഹൃദയ രാഗം’ എന്ന സംഗീത പരിപാടി ഈ വർഷത്തെ കൊയ്ത്തുത്സവത്തിന്‍റെ പ്രധാന ആകർഷണങ്ങളിൽ ഒന്നാണ്.

ഞായറാഴ്ച രാവിലെ 8 മണിക്ക് വിശുദ്ധ കുർബാന. തുടർന്ന് കൊയ്ത്തുത്സവത്തിലേക്കുള്ള ആദ്യ ഫല പെരുന്നാൾ വിഭവങ്ങളുടെ സമർപ്പണം. വൈകുന്നേരം മൂന്നു മണിക്ക് വിളംബര ഘോഷ യാത്രയോടെ വിളവെടുപ്പ് ഉത്സവത്തിനു തുടക്കമാകും.

യു. എ. ഇ. ദേശീയ ദിനത്തോട് അനുബന്ധിച്ച് നിശ്ചല ദൃശ്യങ്ങളും ദൃശ്യ ആവിഷ്ക്കാരങ്ങളും വിളംബര യാത്രയിൽ ഉൾപ്പെടുത്തി യിട്ടുണ്ട്. കാർഷിക ഗ്രാമ പശ്ചാത്തലത്തിൽ ഒരുക്കുന്ന കൊയ്ത്തുത്സവ നഗരി യിൽ കേരള ത്തനിമയുള്ള ഭക്ഷണ വിഭവങ്ങൾ ലഭ്യമാകുന്ന 55 സ്റ്റാളുകളുണ്ടാകും.

മാർത്തോമാ യുവജന സഖ്യം നേതൃത്വം നൽകുന്ന തനി നാടൻ തട്ടുകട, വിവിധ ഭക്ഷണ സ്റ്റാളുകൾ, നിത്യോപയോഗ സാധനങ്ങൾ, അലങ്കാര ചെടികൾ എന്നിവ ലഭ്യമാവും. സ്റ്റാളുകളിൽ ഒരുക്കുന്ന വിനോദ മത്സരങ്ങളിൽ പങ്കെടുക്കുന്നവർക്ക് വിലപ്പെട്ട സമ്മാനങ്ങൾ നേടാനും അവസരമുണ്ട്.

ഹൃദയ രാഗം സംഗീത പരിപാടിയുടെ ഭാഗമായി ഇടവകാംഗങ്ങൾ ഒരുക്കുന്ന വിവിധ കലാ പരിപാടി കളും അരങ്ങേറും.

കൊയ്ത്തുത്സവത്തിലൂടെ ലഭിക്കുന്ന വരുമാനം ജീവ കാരുണ്യ പ്രവർത്തനങ്ങൾക്കു വിനിയോഗിക്കും എന്ന് വികാരി റവ. ജിജു ജോസഫ് പറഞ്ഞു.

സഹ വികാരി റവ. അജിത് ഈപ്പൻ തോമസ്, ജനറൽ കൺവീനർ ബിജു പാപ്പച്ചൻ, ട്രസ്റ്റിമാരായ ബിജു ടി. മാത്യു, ബിജു ഫിലിപ്പ്, സെക്രട്ടറി ബിജു കുര്യൻ, കൺവീനർ ഷെറിൻ ജോർജ്, പബ്ലിസിറ്റി കൺവീനർ നോബിൾ സാം സൈമൺ, ലിജോ ജോൺ, ബിജു വർഗീസ് എന്നിവരും വാർത്താ സമ്മേളനത്തിൽ സംബന്ധിച്ചു. FB Page

- pma

വായിക്കുക: , , , , ,

Comments Off on മാർത്തോമ്മാ ഇടവക കൊയ്ത്തുത്സവം ഞായറാഴ്ച്ച

സെന്‍റ് ജോർജ്ജ് ഓർത്തഡോൿസ്‌ ചര്‍ച്ചില്‍ ഹാര്‍വെസ്റ്റ് ഫെസ്റ്റിവല്‍ നവംബർ 12 ന്

November 10th, 2023

st-george-orthodox-cathedral-harvest-fest-2023-ePathram

അബുദാബി : സെന്‍റ് ജോർജ്ജ് ഓർത്തഡോൿസ്‌ കത്തീഡ്രലിലെ ഈ വര്‍ഷത്തെ ഹാര്‍വെസ്റ്റ് ഫെസ്റ്റി വല്‍ 2023 നവംബർ 12 ഞായറാഴ്ച ദേവാലയാങ്കണത്തില്‍ നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.

ആദ്യ വിളവെടുപ്പ് ദേവാലയത്തിനു സമർപ്പിക്കുന്ന ഹാർവെസ്റ്റ് ഫെസ്റ്റിവൽ, ജാതി മത ഭേദമന്യേ പ്രവാസി സമൂഹ ത്തിന്‍റെ സംഗമ ഭൂമികയാണ്.

press-meet-abudhabi-st-george-orthodox-cchurch-harvest-fest-2023-ePathram

നവംബർ 12 ഞായറാഴ്ച വൈകുന്നേരം നാലു മണിക്ക് തുടക്കമാവുന്നു പൊതു പരിപാടി യിൽ ലുലു ഗ്രൂപ്പ് ചെയർമാനും മാനേജിംഗ് ഡയറക്ടറുമായ പത്മശ്രീ ഡോ. എം എ. യൂസഫലി മുഖ്യാതിഥിയായി സംബന്ധിക്കും.

ലുലു ഫിനാൻഷ്യൽ ഹോൾഡിംഗ്‌സ് മേധാവി അദീബ് അഹ്മദ്, മറ്റു പൗര പ്രമുഖരും ചടങ്ങിൽ പങ്കെടുക്കും. ബ്രഹ്മവാർ ഭദ്രാസന മെത്രാപ്പോലീത്ത യാക്കോബ് മാർ ഏലിയാസ് തിരുമേനി അദ്ധ്യക്ഷത വഹിക്കും.

കൊയ്ത്തുത്സവം വേദിയിൽ ഒരുക്കുന്ന അമ്പതോളം സ്റ്റാളുകളിൽ ഇടവകാംഗങ്ങൾ തയ്യാറാക്കുന്ന കപ്പയും മൽസ്യക്കറിയും പുഴുക്ക്, കുമ്പിളപ്പം മുതലായ തനി നാടൻ വിഭവങ്ങള്‍, തനതു നസ്രാണി പലഹാരങ്ങൾ, ഇന്ത്യൻ,അറബിക്, ഇറ്റാലിയൻ ഭക്ഷ്യ വിഭവങ്ങള്‍, രുചികരമായ നാടൻ ഭക്ഷണ പദാര്‍ത്ഥങ്ങള്‍, വിവിധ തരം അച്ചാറുകൾ, വീട്ടുപകരണങ്ങള്‍ എന്നിവ ലഭ്യമാകും.

കുട്ടികൾ ഉൾപ്പെടെയുള്ള കത്തീഡ്രൽ അംഗങ്ങൾ അവതരിപ്പിക്കുന്ന വിവിധ നൃത്ത രൂപങ്ങൾ ഉൾപ്പെടെയുള്ള കലാ സാംസ്കാരിക പരിപാടികളും ശിങ്കാരി മേളം, അസുര ബാൻഡ്, 7 ടോൺസ് ബാൻഡ് എന്നിവരുടെ നേതൃത്വത്തിലുള്ള സംഗീത മേള എന്നിവ കൊയ്ത്തുത്സവത്തിനു മാറ്റു കൂട്ടും.

ഇടവക വികാരി റവ. ഫാ. എൽദോ എം. പോൾ, സഹ വികാരി റവ. ഫാ. മാത്യു ജോൺ, കത്തീഡ്രൽ ട്രസ്റ്റി റോയ്‌ മോൻ ജോയ്, സെക്രട്ടറി ജോർജ് വർഗ്ഗീസ്, ജോയിന്‍റ് കണ്‍വീനർ ഐ തോമസ്, ഫൈനാൻസ് കണ്‍വീനർ രാഹുൽ ജോർജ് നൈനാൻ, മീഡിയാ കൺവീനർ ജേക്കബ് പുരക്കൽ എന്നിവരും വാർത്താ സമ്മേളനത്തിൽ സംബന്ധിച്ചു. FB PAGE

- pma

വായിക്കുക: , , , , , , ,

Comments Off on സെന്‍റ് ജോർജ്ജ് ഓർത്തഡോൿസ്‌ ചര്‍ച്ചില്‍ ഹാര്‍വെസ്റ്റ് ഫെസ്റ്റിവല്‍ നവംബർ 12 ന്

ഉമാ പ്രേമന് മാർ ദ്വിദിമോസ് അവാർഡ്

November 8th, 2023

uma-preman-get-mar-didymos-social-worker-award-ePathram
ദുബായ് : മികച്ച സാമൂഹിക പ്രവര്‍ത്തകര്‍ക്ക് ദുബായ് സെന്‍റ് തോമസ് ഓർത്തഡോക്സ് കത്തീഡ്രൽ ഏർപ്പെടുത്തിയ ‘മാർ ദ്വിദിമോസ് അവാർഡ്’പ്രമുഖ സാമൂഹ്യ പ്രവർത്തക ഉമാ പ്രേമന് സമ്മാനിക്കും. അൻപതിനായിരം രൂപയും പ്രശസ്തി പത്രവും അടങ്ങുന്ന അവാർഡ് 2023 നവംബർ 12 ഞായറാഴ്ച ദേവാലയ അങ്കണത്തിൽ നടക്കുന്ന കൊയ്ത്തുത്സവ വേദിയിൽ വെച്ച് ഇന്ത്യൻ കോൺസുൽ ജനറൽ സതീഷ് കുമാർ ശിവൻ സമ്മാനിക്കും. ചടങ്ങില്‍ ഇടവക വികാരി ഫാ. ബിനീഷ് ബാബു, സഹ വികാരി ഫാ. ജാക്‌സൺ എം. ജോൺ, ഇടവക ട്രസ്റ്റി ബിജു മോൻ കുഞ്ഞച്ചൻ, ഇടവക സെക്രട്ടറി ജോസഫ് വർഗ്ഗീസ്, ജനറൽ കൺവീനർ ബിനു വര്‍ഗ്ഗീസ് മറ്റു പൗര പ്രമുഖരും സംബന്ധിക്കും.

- pma

വായിക്കുക: , , , , , , , ,

Comments Off on ഉമാ പ്രേമന് മാർ ദ്വിദിമോസ് അവാർഡ്

Page 9 of 73« First...7891011...203040...Last »

« Previous Page« Previous « ഉമ്മൻ ചാണ്ടി : നന്മയുടെ പുണ്യാളൻ പ്രകാശനം ചെയ്തു
Next »Next Page » എം. എൻ. കാരശ്ശേരിക്ക് എം. പി. മന്മഥന്‍ പുരസ്കാരം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha