 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : പയ്യന്നൂർ സൗഹൃദവേദി അബുദാബി ചാപ്റ്റര് ഇരുപതാം വാർഷിക ആഘോഷത്തിന്റെയും ഇന്ത്യയുടെ എഴുപത്തി ആറാം സ്വാതന്ത്ര്യ ദിന ആഘോഷത്തിന്റെയും ഭാഗമായി യു. എ. ഇ. യിലെ പ്രവാസി മലയാളികൾക്കായി ‘വർത്തമാന കാല ഇന്ത്യയും സ്വാതന്ത്ര്യവും’ എന്ന വിഷയത്തെ അധികരിച്ചു കൊണ്ട് ഉപന്യാസ രചനാ മത്സരം സംഘടിപ്പിക്കുന്നു. 16 വയസ്സു കഴിഞ്ഞവർക്ക് മത്സരത്തിൽ പങ്കെടുക്കാം.
രചന ഏഴു പേജിൽ കവിയരുത്. അവസാന തീയ്യതി ആഗസ്റ്റ് 10. ഇ- മെയില് : psvabudhabi @ yahoo . com , ഫോൺ 050 593 7516.
- pma
ഷാർജ : അനശ്വര ഗായകന് മുഹമ്മദ് റഫി യുടെ പേരിൽ ചിരന്തന സാംസ്കാരികവേദി നൽകി വരുന്ന ചിരന്തന – മുഹമ്മദ് റഫി പുരസ്കാരം പ്രഖ്യാപിച്ചു. ഷാർജ ഇന്ത്യൻ അസ്സോസിയേഷനിൽ നടക്കുന്ന റഫി നെറ്റിൽ വെച്ച് മാധ്യമ പ്രവർത്തകൻ രാജു മാത്യു, സാംസ്കാരിക- ജീവ കാരുണ്യ പ്രവർത്തകൻ എ. വി. സയിദ് എന്നിവര്ക്ക് ഈ വര്ഷത്തെ പുരസ്കാരം സമ്മാനിക്കും എന്ന് ചിരന്തന പ്രസിഡണ്ട് പുന്നക്കൻ മുഹമ്മദലി അറിയിച്ചു.
- pma
ദുബായ് : സാംസ്കാരിക കൂട്ടായ്മ പെരുമ പയ്യോളിയുടെ ആഭിമുഖ്യത്തിൽ കലാ രംഗത്തെ യുവ പ്രതിഭകളെ ആദരിച്ചു. ചിത്ര കലാ രംഗത്തെ മികവിന് തിക്കോടി പള്ളിക്കര സ്വദേശിനി നേഹ ഫാത്തിമ, സംഗീത രംഗത്തെ പ്രതിഭ പയ്യോളി സ്വദേശി വിപിൻ നാഥ് എന്നിവരെയാണ് പെരുമയുടെ സ്നേഹാദരം നൽകി ആദരിച്ചത്.
ദുബായ് ഖിസൈസിൽ നടന്ന പരിപാടി മാധ്യമ പ്രവർത്തക നസ്രീൻ അബ്ദുള്ള ഉൽഘടനം ചെയ്തു. യുവ പ്രതിഭകൾക്ക് ഉപഹാരം നൽകി. പെരുമ പ്രസിഡണ്ട് ഷാജി ഇരിങ്ങൽ അദ്ധ്യക്ഷത വഹിച്ചു. പ്രമോദ്, ബിജു പണ്ടാര പറമ്പിൽ, ഹാരിസ്, സാജിദ് വള്ളിയത്, റിയാസ് കാട്ടടി, മൊയ്തീൻ പാട്ടായി, രാജൻ കൊളാവിപാലം, പ്രഭാകരൻ പുറക്കാട്, അഡ്വ. മുഹമ്മദ് സാജിദ്, റാഷിദ് കിഴക്കയിൽ, സലാം ചിത്രശാല, മൊയ്തു, ഷഹനാസ് തിക്കോടി, കരീം വടക്കയിൽ എന്നിവര് സംസാരിച്ചു.
- pma
വായിക്കുക: expat, nri, ആഘോഷം, കല, പൂര്വ വിദ്യാര്ത്ഥി, പ്രവാസി, സംഗീതം, സംഘടന, സാംസ്കാരികം
അബുദാബി : വാഹനം ഓടിക്കുമ്പോള് ഫോണ് ഉപയോഗിച്ചു എന്ന നിയമ ലംഘന ത്തിന് ഈ വര്ഷം ആദ്യത്തെ ആറു മാസത്തില് 1,05,300 പേര്ക്ക് പിഴ ചുമത്തി എന്ന് അബുദാബി പോലീസ്. മൊബൈല് ഫോണില് സംസാരിക്കുക, ഫോട്ടോ എടുക്കുക, മെസ്സേജ് അയക്കുക, സോഷ്യല് മീഡിയാ ചാറ്റിംഗ് അടക്കമുള്ള ഇന്റര്നെറ്റ് ഉപയോഗം തുടങ്ങിയ നിയമ ലംഘനങ്ങള്ക്ക് ആയിരുന്നു ഒരു ലക്ഷത്തില് അധികം പേര്ക്ക് പിഴ ചുമത്തിയത്. 800 ദിര്ഹം വീതം പിഴയും ഡ്രൈവിംഗ് ലൈസന്സില് നാല് ബ്ലാക്ക് പോയിന്റുകളും നല്കി.
ഡ്രൈവിംഗിനിടെയുള്ള ഫോണ് ഉപയോഗം മൂലം ഡ്രൈവര്മാരുടെ ശ്രദ്ധ നഷ്ടപ്പെടുന്നത് അപകട ങ്ങള്ക്ക് കാരണം ആകും. സ്വന്തം സുരക്ഷയും പൊതുജന സുരക്ഷ യും ഉറപ്പു വരുത്തുവാനായി വാഹനം ഓടിക്കുമ്പോഴുള്ള മൊബൈല് ഫോണ് ഉപയോഗം അവസാനിപ്പിക്കണം എന്നും അധികൃതര് ഓര്മ്മിപ്പിച്ചു.
- pma
വായിക്കുക: abu-dhabi-police, social-media, traffic-fine
അബുദാബി : തലസ്ഥാന നഗരിയില് അനധികൃത ടാക്സി സര്വ്വീസുകള്ക്ക് 3000 ദിര്ഹം പിഴയും ഡ്രൈവറുടെ ലൈസന്സില് 24 ബ്ലാക്ക് പോയിന്റുകളും ശിക്ഷ നല്കും എന്ന് അബുദാബി പോലീസ് വീണ്ടും മുന്നറിയിപ്പ് നല്കി. മാത്രമല്ല വാഹനം ഒരു മാസത്തേക്ക് കണ്ടു കെട്ടുകയും ചെയ്യും.
അനധികൃത ടാക്സികളുമായി സഹകരിച്ചാല് യാത്ര ക്കാര് നേരിടുന്ന സുരക്ഷാ ഭീഷണിയെക്കുറിച്ചും അപകട സാദ്ധ്യതകളെ കുറിച്ചും പോലീസ് ഓര്മ്മ പ്പെടുത്തി. പൊതു ജനങ്ങളുടെ സുരക്ഷ ഉറപ്പു വരുത്തുന്നതിനും അനധികൃത ടാക്സി സർവ്വീസുകള് ഇല്ലാതെ ആക്കുന്നതിനും അംഗീകൃത ടാക്സികളെ മാത്രം ആശ്രയിക്കണം എന്നും പോലീസ് ആവശ്യപ്പെട്ടു.
- pma
വായിക്കുക: abu-dhabi-police, social-media, traffic-fine, ഗതാഗതം, പോലീസ്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
