 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : രാജ്യ വ്യാപകമായി ഇ-ഇൻവോയ്സിംഗ് സംവിധാനം 2026 മധ്യത്തോടെ നടപ്പാക്കും എന്ന് യു. എ. ഇ. ഫെഡറൽ ടാക്സ് അതോറിറ്റി.
ദേശീയ നികുതി നിയന്ത്രണങ്ങൾ പാലിക്കുന്നു എന്ന് ഉറപ്പാക്കാൻ ഇ-ഇൻവോയ്സുകൾ സഹായിക്കും. മാത്രമല്ല ഇടപാടുകളുടെ ബില്ലിംഗ് ചെലവ് 66 ശതമാനം വരെ കുറക്കുവാനും ബില്ലിംഗ് പ്രവർത്തനങ്ങൾ വേഗത്തിൽ ആക്കുകയും ചെയ്യും. ഘട്ടം ഘട്ടമായാണ് ഇത് നടപ്പിലാക്കുക. e-Invoices
- pma
വായിക്കുക: നിയമം, യു.എ.ഇ., സാമ്പത്തികം
മസ്കത്ത് : വാഹനം ഓടിക്കുമ്പോൾ മൊബൈൽ ഫോൺ ഉപയോഗം അടക്കമുള്ള നിയമ ലംഘനങ്ങൾ കണ്ടു പിടിക്കുവാൻ റോയൽ ഒമാൻ പൊലീസ് നൂതന സ്മാർട്ട് സംവിധാനങ്ങൾ ഒരുക്കി എന്നു മുന്നറിയിപ്പുമായി പൊലീസ്.
ആർട്ടിഫിഷ്യൽ ഇന്റലിജൻസ് സംവിധാനത്തിൽ പ്രവർത്തിക്കുന്ന ക്യാമറകൾ ഇപ്പോൾ രാജ്യത്ത് പ്രവർത്തന ക്ഷമമാണ്. ചിത്രങ്ങൾ വിശകലനം ചെയ്യാനും നിയമ ലംഘനങ്ങൾ കൃത്യതയോടെ തിരിച്ചറിയാനും ഇവക്കു കഴിയും.
ഇത്തരം സാങ്കേതിക വിദ്യകൾ വഴി നിയമ ലംഘന ങ്ങളും വർദ്ധിച്ചു വരുന്ന അപകടങ്ങളും ഫലപ്രദമായി കുറക്കുവാൻ കഴിയും എന്നും അധികൃതർ അറിയിച്ചു.
മൊബൈൽ ഫോൺ ഉപയോഗത്തിലെ അപകടങ്ങളെ ക്കുറിച്ച് അവബോധം വളർത്തുന്നതിനായി Driving without a Phone എന്ന ശീർഷകത്തിൽ റോയൽ ഒമാൻ പൊലീസ് ഒരുക്കിയ ഗൾഫ് ട്രാഫിക് വീക്ക് നിരവധി പേരാണ് സന്ദർശിക്കുന്നത്. Image Credit : Royal Oman Police
– വാർത്ത അയച്ചത് : ആര്‍. കെ. ഇല്യാസ്,
- pma
വായിക്കുക: social-media, traffic-fine, ഒമാന്‍, ഗതാഗതം, നിയമം
അബുദാബി : പൊതു ഇടങ്ങളില്‍ മാലിന്യങ്ങള്‍ വലിച്ചെറിഞ്ഞാല്‍ 4000 ദിര്‍ഹം വരെ പിഴ അടക്കേണ്ടി വരും എന്ന മുന്നറിയിപ്പുമായി അബുദാബി നഗര സഭ. പൊതു സ്ഥലങ്ങള്‍ മാലിന്യ വിമുക്തമാക്കാനും നഗര സൗന്ദര്യം കാത്തു സൂക്ഷിക്കാനുമാണ് പിഴത്തുക പുതുക്കിയത്.
സിഗരറ്റ് കുറ്റികള്‍ കാലിക്കപ്പുകൾ / ബോട്ടിലുകൾ തുടങ്ങി ഭക്ഷണ അവശിഷ്ടങ്ങൾ ഉള്‍പ്പടെയുള്ള മാലിന്യങ്ങള്‍ അലക്ഷ്യമായി പൊതു സ്ഥലങ്ങളിൽ വലിച്ചെറിയുന്നവര്‍ക്ക് 500 ദിര്‍ഹം മുതല്‍ 4000 ദിര്‍ഹം വരെയാണ് പിഴ ചുമത്തുക.
നിശ്ചിത സ്ഥലങ്ങളില്‍ അല്ലാതെ മാലിന്യങ്ങള്‍ തള്ളുന്നവര്‍ക്ക് 1000 ദിര്‍ഹം മുതല്‍ 4000 ദിര്‍ഹം വരെ പിഴ ചുമത്തും. സിഗരറ്റ് കുറ്റി കളിടുക, ഭക്ഷണ അവശിഷ്ടങ്ങളും മറ്റു മാലിന്യങ്ങളും വലിച്ചെറിയുക എന്നിവ 500 ദിര്‍ഹം പിഴ ഈടാക്കാവുന്ന കുറ്റമാണ്. കുറ്റ കൃത്യങ്ങള്‍ ആവര്‍ത്തിച്ചാല്‍ 2000 ദിര്‍ഹം വരെ പിഴ വർദ്ധിപ്പിക്കും.
ഓടുന്ന വാഹനത്തില്‍ നിന്ന് റോഡിലേക്കും പൊതു സ്ഥലങ്ങളിലേക്കും മാലിന്യങ്ങള്‍ വലിച്ചെറിഞ്ഞാല്‍ 1000 ദിര്‍ഹമാണ് പിഴ ചുമത്തുക. കൂടാതെ ഡ്രൈവര്‍ക്ക് ആറ് ബ്ലാക്ക് പോയിന്റുകളും ചുമത്തും. ഇത്തരം പ്രവര്‍ത്തികള്‍ വാഹന അപകടങ്ങള്‍ക്കും കാരണമാകുന്നുണ്ട്.
നഗര ഭംഗിയും പൊതു ജനാരോഗ്യവും സംരക്ഷിക്കാന്‍ മാലിന്യങ്ങളിടുന്നത് അതിനായി നിശ്ചയിച്ച സ്ഥലങ്ങളിൽ ആയിരിക്കണം എന്നും അധികൃതർ കർശ്ശന നിർദ്ദേശം നൽകിയിട്ടുണ്ട്. Twitter
- pma
വായിക്കുക: fitness, social-media, traffic-fine, അബുദാബി, ആരോഗ്യം, ഗതാഗതം, നിയമം, പോലീസ്, പ്രവാസി, യു.എ.ഇ.
ഷാർജ : വാഹനം ഓടിക്കുമ്പോൾ മൊബൈൽ ഫോൺ ഉപയോഗിക്കുന്ന ഡ്രൈവർമാർക്ക് 800 ദിർഹം പിഴയും ലൈസൻസിൽ നാല് ബ്ലാക്ക് പോയിന്റും ചുമത്തും എന്ന മുന്നറിപ്പ് നൽകി ഷാർജ പോലീസ്. നിയമ ലംഘകരെ പിടി കൂടാൻ അത്യാധുനിക സ്മാർട്ട് ക്യാമറ കൾ എമിറേറ്റിൽ സ്ഥാപിച്ചിട്ടുണ്ട്.
ഫോണിൽ സംസാരിക്കുക മാത്രമല്ല, മെസ്സേജ് അയക്കുവാനും ചാറ്റ് ചെയ്യുവാനും ചിത്രങ്ങൾ / വീഡിയോ പകർത്തുവാനും ഫോൺ കയ്യിൽ എടുത്താൽ പോലും അത് കുറ്റകൃത്യമായി പോലീസ് ക്യാമറകൾ കണ്ടെത്തും എന്നുള്ള മുന്നറിയിപ്പ് സോഷ്യൽ മീഡിയ കളിൽ വീഡിയോ അടക്കമാണ് ഷാർജ പോലീസ് പോസ്റ്റ് ചെയ്തിട്ടുള്ളത്. Twitter
- pma
വായിക്കുക: traffic-fine, ഗതാഗതം, നിയമം, ഷാര്‍ജ, സാമ്പത്തികം
അബുദാബി : പട്ടികളും പൂച്ചകളും അടക്കമുള്ള എമിറേറ്റിലെ വളർത്തു മൃഗങ്ങളെ രജിസ്റ്റർ ചെയ്യണം എന്ന് അധികൃതർ. TAMM പോർട്ടലിൽ ഇതിനുള്ള സൗകര്യം ലഭ്യമാണ് എന്നും 2025 ഫെബ്രുവരി 3 മുതൽ രജിസ്ട്രേഷൻ ആരംഭിക്കും എന്നും അധികൃതർ. വ്യക്തിഗത വളർത്തു മൃഗഉടമകൾക്ക് പിഴയില്ലാതെ രജിസ്ട്രേഷൻ പൂർത്തിയാക്കാൻ ഒരു വർഷത്തെ ഗ്രേസ് പിരീഡ് ഉണ്ടായിരിക്കും.
വളർത്തു മൃഗങ്ങളുടെ ക്ഷേമം മെച്ചപ്പെടുത്തുക, വാർഷിക വാക്സിനേഷനുകൾ, മൈക്രോചിപ്പിംഗ്, പതിവ് വെറ്റിനറി പരിശോധനകൾ എന്നിവ കാര്യക്ഷമം ആക്കുവാനും വളർത്തു മൃഗങ്ങളുടെ റെക്കോർഡുകൾ ട്രാക്ക് ചെയ്യുക, അലഞ്ഞു തിരിയുന്ന മൃഗങ്ങളുടെ എണ്ണം കുറക്കുക തുടങ്ങിയവയാണ് രജിസ്ട്രേഷന് പിന്നിലുള്ള ഉദ്ദേശ ലക്ഷ്യങ്ങൾ.
മൈക്രോ ചിപ്പ് ചെയ്ത പൂച്ചകളെയും നായ്ക്കളെയും വളർത്തു മൃഗ ഉടമകൾ ഒരു പുതിയ മൃഗ ഉടമസ്ഥത സേവനത്തിന് കീഴിൽ TAMMൽ രജിസ്റ്റർ ചെയ്യണം.
പൂച്ചകളും നായ്ക്കളും ഉള്ള സ്ഥാപനങ്ങൾ ആറു മാസത്തിനുള്ളിൽ രജിസ്ട്രേഷൻ നടപടികൾ പൂർത്തിയാക്കണം. ഇനിയൊരു അറിയിപ്പ് ഉണ്ടാകുന്നത് വരെ രജിസ്ട്രേഷൻ സൗജന്യം ആയിരിക്കും. രജിസ്ട്രേഷൻ പൂർത്തിയായി ക്കഴിഞ്ഞാൽ, ചെവിയിൽ ഘടിപ്പിക്കാവുന്ന പെറ്റ് ടാഗ് നൽകും. ഏതെങ്കിലും സാഹചര്യത്തിൽ വളർത്തു മൃഗങ്ങളെ നഷ്ടപ്പെട്ടാൽ അവയെ കണ്ടെത്തുവാൻ ഈ ചിപ്പ് വഴി സാധിക്കും.
പെറ്റ് ഷോപ്പുകൾ, ബ്രീഡിംഗ് സൗകര്യങ്ങൾ, ഷെൽട്ടറുകൾ എന്നിവക്കും രജിസ്ട്രേഷൻ നിർബന്ധമാണ്. രജിസ്റ്റർ ചെയ്ത വളർത്തു മൃഗങ്ങൾക്ക് മാത്രമേ ഭാവിയിൽ വെറ്ററിനറി സേവനങ്ങൾ, മൃഗ സംരക്ഷണ സൗകര്യങ്ങൾ, പൊതു ഇടങ്ങളിലേക്കുള്ള പ്രവേശനം എന്നിവ ലഭിക്കുകയുള്ളൂ.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
