സൈനിക താവള സഹകരണത്തിന് ഇന്ത്യ-അമേരിക്ക കരാർ

August 30th, 2016

ashto-epathram

സൈനിക താവളങ്ങൾ പരസ്പരം ഉപയോഗിക്കാനുള്ള കരാറിൽ ഇന്ത്യയും അമേരിക്കയും ഒപ്പുവെച്ചു. കരാർ പ്രകാരം രണ്ടു രാജ്യങ്ങളുടെയും കപ്പലുകൾ, വിമാനങ്ങൾ സൈനികവാഹനങ്ങൾ തുടങ്ങിയവയുടെ വിവിധ പ്രവർത്തനങ്ങൾക്കായി സൈനിക താവളങ്ങൾ പരസ്പരം ഉപയോഗിക്കാനാകും.

പ്രതിരോധ മന്ത്രി മനോഹർ പരീക്കറും അമേരിക്കൻ പ്രതിരോധ സെക്രട്ടറി ആഷ് കാർട്ടറുമാണ് കരാറിൽ ഒപ്പുവെച്ചത്. അമേരിക്ക ഇന്ത്യയുമായി ആഴത്തിലുള്ള സൈനികബന്ധം ഉണ്ടാക്കുന്നത് ചൈനയെ സമ്മർദ്ദത്തിലാക്കാനാണെന്ന് സൂചനയുണ്ട്.

- അവ്നി

വായിക്കുക: ,

Comments Off on സൈനിക താവള സഹകരണത്തിന് ഇന്ത്യ-അമേരിക്ക കരാർ

ഇന്ത്യൻ മുങ്ങിക്കപ്പൽ സ്കോർപ്പീന്റെ നിർമ്മാണ രഹസ്യങ്ങൾ ചോർന്നു

August 24th, 2016

india-scorpene-submarine-in-epathram

ഫ്രഞ്ച് കമ്പനിയായ സി.സി.എൻ.എസിന്റെ നിർമ്മാണത്തിലിരിക്കുന്ന ഇന്ത്യൻ മുങ്ങിക്കപ്പൽ സ്കോർപ്പീന്റെ രഹസ്യങ്ങൾ ചോർന്നു. ഓസ്ട്രേലിയൻ ദിനപത്രമായ ‘ ദ ഓസ്ട്രേലിയൻ’ ആണ് വാർത്ത റിപ്പോർട്ട് ചെയ്തത്. നിർമ്മാണ രഹസ്യങ്ങൾ ചോർന്നതായും അത് ചൈന, പാക്കിസ്ഥാൻ മുതലായ രാജ്യങ്ങളുടെ പക്കൽ എത്തിയതായും റിപ്പോർട്ടിൽ പറയുന്നു.

രഹസ്യങ്ങൾ ഇന്ത്യയിൽ നിന്നാണ് ചോർന്നതെന്ന സി.സി.എൻ.എസ്സിന്റെ നിലപാട് ഇന്ത്യ നിഷേധിച്ചു. വെള്ളത്തിൽ മുങ്ങിക്കിടന്ന് ശത്രുവിനെതിരെ മാരക ആക്രമണം തൊടുത്തു വിടാനുള്ള കഴിവ് സ്കോർപ്പിനുണ്ട്. അന്തർവാഹിനിയിലെ സെൻസറുകൾ സംബന്ധിച്ച വിവരങ്ങൾ, ആശയവിനിമയവും ഗതിനിർണയവും സംബന്ധിച്ച വിവരങ്ങൾ തുടങ്ങിയവയാണ് ചോർന്നത്. എന്നാൽ വിവരങ്ങൾ ചോർന്നിട്ടില്ലെന്നും ഹാക്കിംഗ് മാത്രമാണ് നടന്നതെന്നും കേന്ദ്രമന്ത്രി പറഞ്ഞു.

- അവ്നി

വായിക്കുക: ,

Comments Off on ഇന്ത്യൻ മുങ്ങിക്കപ്പൽ സ്കോർപ്പീന്റെ നിർമ്മാണ രഹസ്യങ്ങൾ ചോർന്നു

നരേന്ദ്ര മോദിയുടെ വിവാദ സ്യൂട്ട് ഗിന്നസ് ബുക്കിൽ

August 21st, 2016

modi-epathram

പ്രധാനമന്ത്രിയുടെ പേരു സ്വർണലിപികളിൽ എഴുതിയ വിവാദ സ്യൂട്ട് ഗിന്നസ് ബുക്കിൽ. കഴിഞ്ഞ വർഷം അമേരിക്കൻ പ്രസിഡന്റ് ബരാക് ഒബാമ ഇന്ത്യ സന്ദർശിക്കാൻ വന്നപ്പോൾ നരേന്ദ്ര മോദി അണിഞ്ഞ സ്യൂട്ട് ആണ് 4.31 കോടി രൂപയ്ക്ക് ലേലത്തിൽ വിറ്റതോടെ ഗിന്നസ് ബുക്കിൽ കയറിയത്. സൂറത്ത് ആസ്ഥാനമായ ധർമാനന്ദ ഡയമണ്ട് കമ്പനി ഉടമ ലാൽജിഭായ് പട്ടേലാണ് സ്യൂട്ട് വാങ്ങിയത്.

പ്രധാനമന്ത്രി 10 ലക്ഷം രൂപ ചെലവാക്കി സ്യൂട്ട് ധരിച്ചത് അന്ന് കടുത്ത വിമർശനമായിരുന്നു. ലേലത്തുക ഗംഗാ ശുചീകരണ പദ്ധതിക്ക് വേണ്ടി ഉപയോഗിക്കും.

- അവ്നി

വായിക്കുക: , ,

Comments Off on നരേന്ദ്ര മോദിയുടെ വിവാദ സ്യൂട്ട് ഗിന്നസ് ബുക്കിൽ

റിയോ ഒളിമ്പിക്സ് : ഇന്ത്യയുടെ ആദ്യ മെഡൽ ഗുസ്തിയിൽ സാക്ഷി മാലിക്കിന്

August 18th, 2016

sakshi_epathram

പ്രതീക്ഷകൾക്കും പ്രാർഥനകൾക്കും വിരാമമിട്ടു കൊണ്ട് റിയോ ഒളിമ്പിക്സിൽ ഇന്ത്യക്ക് ആദ്യത്തെ മെഡൽ. ഗോദയിൽ സാക്ഷി മാലിക്കാണ് വെങ്കല മെഡൽ ഇന്ത്യക്ക് സമ്മാനിച്ചത്. റപ്പഷാഗെ റൗണ്ടിലാണ് സാക്ഷി മെഡൽ സ്വന്തമാക്കിയത്. ക്വാർട്ടറിലും പ്രീ-ക്വാർട്ടറിലും തോറ്റവർ തമ്മിൽ വെങ്കല മെഡലിനായുള്ള പോരാട്ടമാണ് റപ്പഷാഗെ റൗണ്ട്. ഒളിമ്പിക്സ് ഗുസ്തിയിൽ ഇന്ത്യ ഇതുവരെ സ്വന്തമാക്കിയ 5 മെഡലുകളിൽ 3 എണ്ണം റപ്പഷാഗെ റൗണ്ടിലാണ്.

ഒളിമ്പിക്സ് അവസാനിക്കാൻ വെറും 4 ദിവസം ബാക്കി നിൽക്കെ സാക്ഷിയുടെ ഈ നേട്ടം ഇന്ത്യക്ക് അഭിമാനപ്രദമാണ്. ക്വാർട്ടറിൽ സാക്ഷിയെ തോൽപ്പിച്ച റഷ്യൻ താരം ഫൈനലിലേക്ക് മുന്നേറിയത് ഇന്ത്യക്ക് മെഡൽ നേടാൻ കാരണമായി.

- അവ്നി

വായിക്കുക: ,

Comments Off on റിയോ ഒളിമ്പിക്സ് : ഇന്ത്യയുടെ ആദ്യ മെഡൽ ഗുസ്തിയിൽ സാക്ഷി മാലിക്കിന്

കാശ്മീർ പ്രശ്നം ചർച്ച ചെയ്യാൻ ഇന്ത്യക്ക് പാക്കിസ്ഥാന്റെ ഔദ്യോഗിക ക്ഷണം

August 16th, 2016

india-pak-kashmir_epathram

കാശ്മീർ പ്രശ്നം ചർച്ച ചെയ്യാൻ ഇന്ത്യയെ പാക്കിസ്ഥാൻ ഔദ്യോഗികമായി ക്ഷണിച്ചു. പാക്കിസ്ഥാൻ വിദേശകാര്യ സെക്രട്ടറി അസീസ് ചൗധരിയാണ് ഈ കാര്യം ഇന്ത്യൻ വിദേശകാര്യ സെക്രട്ടറി എസ്. ജയശങ്കറെ അറിയിച്ചത്. എന്നാൽ ഇന്ത്യ ഇതിനോട് ഇതുവരെ പ്രതികരിച്ചിട്ടില്ല.
പാക്കിസ്ഥാനിലെ ഇന്ത്യൻ ഹൈക്കമ്മീഷണറിന് നേരിട്ടാണ് പാക്ക് വിദേശകാര്യ മന്ത്രാലയം കത്ത് കൈമാറിയത്. കാശ്മീർ പ്രശ്നം പരിഹരിക്കേണ്ടത് രണ്ട് രാജ്യങ്ങളുടെയും ബാധ്യത ആണെന്ന് കത്തിൽ പറയുന്നു. ഇന്ത്യയുടെ പ്രതികരണത്തിനായി കാത്തിരിക്കുകയാണ് പാക്കിസ്ഥാൻ.

- അവ്നി

വായിക്കുക: ,

Comments Off on കാശ്മീർ പ്രശ്നം ചർച്ച ചെയ്യാൻ ഇന്ത്യക്ക് പാക്കിസ്ഥാന്റെ ഔദ്യോഗിക ക്ഷണം

Page 82 of 90« First...102030...8081828384...90...Last »

« Previous Page« Previous « പിറ ന്നാള്‍ മരം ഗ്രൂപ്പിന്റെ ഹരിതാഭ മായ ഒരു സ്വാതന്ത്ര്യ ദിനാഘോഷം
Next »Next Page » സ്പീക്കർ പി. ശ്രീരാമ കൃഷ്ണൻ അബുദാബി യിൽ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha