സരിത എസ്. നായരുടെ ഷോ സൂപ്പര്‍ ഹിറ്റ്

October 13th, 2014

തിരുവനന്തപുരം: ഒരു പ്രമുഖ മലയാളം ചാനലില്‍ ഇന്നലെ സരിത പങ്കെടുത്ത ഒരു ചാറ്റ് ഷോ സൂപ്പര്‍ ഹിറ്റ്. സോളാര്‍ കേസിലെ വിവാദ നായികയായ സരിതയെ ഉള്‍പ്പെടുത്തിക്കൊണ്ട് ഉള്ള ഈ ഷോയ്ക്കെതിരെ സോഷ്യല്‍ മീഡിയയില്‍ വിമര്‍ശനം ഉയര്‍ന്നിരുന്നു എങ്കിലും ഷോ ധാരാളം പേര്‍ കാണുകയുണ്ടായി. വളരെ ആഹ്ലാദവതിയായാണ് അവര്‍ പങ്കെടുത്തത്. കുറിക്ക് കൊള്ളുന്ന ചോദ്യങ്ങള്‍ക്ക് തന്മയത്വത്തോടെ മറുപടി നല്‍കി.ഒപ്പം അവര്‍ പാട്ടു പാടുകയും നൃത്തം ചെയ്യുകയും ചെയ്തു. പരിപായില്‍ പങ്കെടുത്തവരുടെ ചോദ്യങ്ങള്‍ക്കുത്തരമായി തന്റെ പ്രണയത്തെ പറ്റി അവര്‍ മനസ്സു തുറന്നു. തന്റെ ഒരു അകന്ന ബന്ധുവാണ് ആദ്യ പ്രണയത്തിലെ നായകന്‍ എന്നും ഇപ്പോളും പരസ്പരം കാണാറുണ്ടെന്നും അവര്‍ പറഞ്ഞു. എന്നാല്‍ സംസാരിക്കാറില്ല.

സിനിമയിലേക്കുള്ള കടന്നുവരവിനെ പറ്റി സരിത വാചാലയായി. മാധ്യമങ്ങളുടെ ക്യാമറക്ക് മുമ്പില്‍ നില്‍ക്കുന്നതു പോലെ അല്ല സിനിമയില്‍ അഭിനയിക്കുന്നതെന്നും ആദ്യമായി ക്യാമറക്ക് മുമ്പില്‍ നിന്നപ്പോള്‍ തനിക്ക് ടെന്‍ഷന്‍ തോന്നിയെന്നും സരിത പറഞ്ഞു. അന്ത്യകൂതാശ എന്ന പേരിട്ടിരിക്കുന്ന സിനിമയില്‍ ഇരുപത്തിരണ്ടു കാരന്റെ അമ്മയായാണ് സരിത അഭിനയിച്ചിരിക്കുന്നത്. അവസരം ലഭിച്ചാല്‍ സീരിയലുകളില്‍ അഭിനയിക്കുവാന്‍ താല്പര്യം ഉണ്ടെന്നും അവര്‍ പറഞ്ഞു.

രാഷ്ടീയത്തെ കുറിച്ചുള്ള ചോദ്യങ്ങള്‍ക്ക് തന്റെ റോള്‍ മോഡല്‍ മുഖ്യമന്ത്രി ഉമ്മന്‍ ചാണ്ടിയാണെന്ന് അവര്‍ വ്യക്തമാക്കുകയും ചെയ്തു. പറയേണ്ടിടത്തു പറഞ്ഞും മൌനം പാലിക്കേണ്ടിടത്ത് മൌനം പാലിച്ചും തന്മയത്വത്തോടെ പ്രതിസന്ധികളെ കൈകാര്യം ചെയ്യുന്ന ഉമ്മന്‍ ചാണ്ടിയുടെ രീതിയെ അഭിനന്ദിച്ചു. തിരഞ്ഞെടുപ്പില്‍ മത്സരിക്കുവാനും തനിക്ക് ആഗ്രഹം ഉണ്ടെന്ന് സരിത വ്യക്തമാക്കി.

ഈ ഷോ പ്രക്ഷേപണം ചെയ്ത ഇന്നലെ തന്നെയാണ് സരിതയുടെ എന്ന പേരില്‍ നഗ്നരംഗങ്ങള്‍ അടങ്ങിയ ദൃശ്യങ്ങള്‍ വാട്സ് അപ്പ് വഴി വ്യാപകമായി പ്രചരിച്ചിരിക്കുന്നതും. ഓണ്‍ലൈനില്‍ വിവാദ നായിക സരിതയുടെ എന്ന പേരില്‍ ഉള്ള ആറു ക്ലിപ്പുകള്‍ വൈറല്‍ ആയിരിക്കുകയാണ്. തന്റെ മരണം ആഗ്രഹിക്കുന്നവരാണ് ദൃശ്യങ്ങള്‍ പുറത്തു വിട്ടതെന്നും താന്‍ ആത്മഹത്യ ചെയ്യില്ലെന്നുമാണ് വിവാദ ദൃശ്യങ്ങളെ കുറിച്ച് സരിത മാധ്യമങ്ങളോട് പ്രതികരിച്ചത്. സത്യാവസ്ഥ പരിശോധിച്ച ശേഷം നിയമ നടപടികളിലേക്ക് കടക്കുമെന്നും അവര്‍ പറഞ്ഞു.

- എസ്. കുമാര്‍

വായിക്കുക: , , , , ,

Comments Off on സരിത എസ്. നായരുടെ ഷോ സൂപ്പര്‍ ഹിറ്റ്

ഷോര്‍ട്ട് ഫിലിം മത്സരവും ശില്പശാലയും അബുദാബിയിൽ

September 5th, 2014

short-film-competition-epathram
അബുദാബി : ആംഡ് ഫോഴ്‌സ് ഓഫീസേഴ്‌സ് ക്ലബ്ബിലെ മലയാളി ജീവന ക്കാരുടെ കലാ സാംസ്‌കാരിക കൂട്ടായ്മ യായ ടീം മെസ് മറൈസ് ഷോര്‍ട്ട് ഫിലിം ശില്പ ശാലയും മത്സരവും സംഘടി പ്പിക്കുന്നു. നടന്‍ മുരളി യുടെ സ്മരണാര്‍ഥം സപ്തംബര്‍ 18, 19 തീയതി കളിലാണ് മത്സര ങ്ങള്‍.

സെപ്റ്റംബർ 18 വ്യാഴാഴ്ച വൈകുന്നേരം 7 മണിക്ക് സംവിധായകന്‍ റോഷന്‍ ആന്‍ഡ്രൂസ്, ശരത് സംഗീത്, ഡോ. രാജാ ബാലകൃഷ്ണ എന്നിവരുടെ നേതൃത്വ ത്തിലാണ് ശില്പശാല.

19 – ന് ഷോര്‍ട്ട്ഫിലിം ഫെസ്റ്റിവലും അരങ്ങേറും. പൂര്‍ണമായും യു. എ. ഇ. യില്‍ ചിത്രീകരിച്ച യു. എ. ഇ. വിസ യുള്ള മലയാളി സംവിധായ കരുടെ തിരഞ്ഞെടുത്ത 15 ഹ്രസ്വ ചിത്രങ്ങള്‍ പ്രദര്‍ശിപ്പിക്കും.

ഇവ 4 മിനിറ്റു മുതല്‍ 15 മിനിറ്റുകള്‍ക്കുള്ളില്‍ ദൈര്‍ഘ്യം ഉള്ളവ ആയിരിക്കണം. അന്നേ ദിവസം നടക്കുന്ന അവാര്‍ഡ് നിശ യില്‍ ഒന്നും രണ്ടും സ്ഥാന ക്കാര്‍ക്ക് യഥാക്രമം 5000, 3000 ദിര്‍ഹം എന്നിങ്ങനെ ക്യാഷ് പ്രൈസുകള്‍ നല്‍കും. തുടര്‍ന്ന് നടക്കുന്ന കലാ പരിപാടി കളില്‍ സാജന്‍ പള്ളുരുത്തി, റിമി ടോമി, സുബി സുരേഷ്, ധര്‍മജന്‍ തുടങ്ങിയവര്‍ പങ്കെടുക്കും.

വിവരങ്ങള്‍ക്ക് ടീം മെസ്മറൈസ് വെബ്സൈറ്റ് സന്ദർശിക്കുക. ഫോണ്‍ 055 – 7342 454, 055 – 5889 020.

- കറസ്പോണ്ടന്റ്

വായിക്കുക: , ,

Comments Off on ഷോര്‍ട്ട് ഫിലിം മത്സരവും ശില്പശാലയും അബുദാബിയിൽ

ഒഡേസ സത്യനെ അനുസ്മരിച്ചു

August 25th, 2014

odesa-sathyan-ePathram
അബുദാബി : കേരള ത്തിലെ ആദ്യത്തെ ജനകീയ സിനിമാ പ്രസ്ഥാന മായ ഒഡേസ മൂവീസിന്റെ അമരക്കാരൻ ഒഡേസ സത്യന്റെ സ്മരണാർത്ഥം സിനിമ കൊട്ടക ഫേസ്ബുക്ക്‌ കൂട്ടായ്മ അബുദാബി യിൽ അനുസ്മരണ യോഗം സംഘടി പ്പിച്ചു.

തികച്ചും ജന പക്ഷത്ത് നിൽക്കുകയും വലിയ സത്യ ങ്ങൾ വിളിച്ചു പറയാൻ ആത്മാർത്ഥ മായ ചെറിയ പിന്തുണ മതിയാകുമെന്ന് തെളിയിക്കുകയും തന്റെ ആത്മാർഥ മായ സമീപനം കൊണ്ട് മലയാള സിനിമാ ചരിത്ര ത്തിൽ ഇടം നേടിയ സത്യൻ, ജോണ്‍ എബ്രഹാം തുറന്നു വെച്ച വഴി യിലൂടെ ജീവിതാവസാനം വരെ സഞ്ചരിക്കുകയും, ഏക നായിട്ടും അതെ വഴി യിലൂടെ തന്നെ സഞ്ചരിക്കാൻ കാണിച്ച തന്റേടം തന്റെ വിപ്ലവ ജീവിതം പോലെ തന്നെ ഏറെ വെല്ലുവിളി നിറഞ്ഞ തായിരുന്നു എന്നും അതു തന്നെയാണ് ഒഡേസ സത്യനെ മറ്റുള്ളവരിൽ നിന്നും വ്യത്യസ്ത നാക്കുന്നത്‌ എന്നും യോഗം അഭിപ്രായപ്പെട്ടു.

കവി അയ്യപ്പനെ കുറിച്ചെടുത്ത ഡോക്യുമെന്ററി ഏറെ ശ്രദ്ധേയ മായിരുന്നു, വിശുദ്ധ പശു എന്ന ഡോക്യുമെന്ററി ഇറങ്ങാ നിരിക്കെ യാണ് സത്യൻ നമ്മോട് വിട പറഞ്ഞത്.

സിനിമ കൊട്ടക അഡ്മിൻ ഫൈസൽ ബാവ അനുശോചന സന്ദേശം വായിച്ചു, ടി കൃഷ്ണ കുമാർ അദ്ധ്യക്ഷനായിരുന്നു, ഒഡേസ ജോഷി അനുസ്മരണ പ്രഭാഷണം നടത്തി.

അജി രാധാകൃഷ്ണൻ അനുബന്ധ പ്രഭാഷണം നടത്തി, ചിത്രകാരൻ രാജീവ് മുളക്കുഴ ഒഡേസ സത്യന്റെ രേഖാ ചിത്രം വരച്ചു ടി പി അനൂപ്‌, പി എം അബ്ദു റഹ്മാൻ, ഈദ് കമൽ, സുമേഷ്, സിനി എന്നിവർ സന്നിഹിതരായിരുന്നു,

ജോണ്‍ എബ്രഹാമിന്റെ ചിത്ര ങ്ങളുടെ ഫെസ്റ്റിവൽ ഉടൻ തന്നെ നടത്തുമെന്ന് സിനിമ കൊട്ടക പ്രവർത്തകർ പറഞ്ഞു.

- കറസ്പോണ്ടന്റ്

വായിക്കുക: , , ,

Comments Off on ഒഡേസ സത്യനെ അനുസ്മരിച്ചു

ഒഡേസ സത്യൻ അനുസ്മരണം ശനിയാഴ്ച

August 21st, 2014

odesa-sathyan-ePathram
അബുദാബി : കഴിഞ്ഞ ദിവസം അന്തരിച്ച ഒഡേസ സത്യൻ എന്ന സിനിമാ പ്രവർത്തകനെ അബുദാബി യിലെ കലാപ്രേമികൾ അനുസ്മരിക്കുന്നു.

ആഗസ്റ്റ്‌ 23 ശനിയാഴ്ച രാത്രി 8 മണിക്ക് ഫേസ്ബുക്ക്‌ ഗ്രൂപ്പ് സിനിമ കൊട്ടക സംഘടിപ്പിക്കുന്ന പരിപാടി യിൽ സാംസ്കാരിക രംഗത്തെ പ്രമുഖർ സംബന്ധിക്കും.

കേരള ത്തിലെ ആദ്യത്തെ ജനകീയ സിനിമാ പ്രസ്ഥാന മായ ഒഡേസ മൂവീസിന്റെ അമരക്കാരൻ ആയിരുന്നു ഒഡേസ സത്യന്‍. കൂടുതൽ വിവരങ്ങൾക്ക് ഈ നമ്പറിൽ ബന്ധപ്പെടുക : 055 431 6860

- കറസ്പോണ്ടന്റ്

വായിക്കുക: , ,

Comments Off on ഒഡേസ സത്യൻ അനുസ്മരണം ശനിയാഴ്ച

ദോഹയിൽ ‘ഖുബ്ബൂസ്’ ഹോം സിനിമ പ്രകാശനം ചെയ്തു

June 25th, 2014

salam-kodiyathoor-home-cinema-khuboos-cd-release-ePathram
ദോഹ : പ്രമുഖ സംവിധായകന്‍ സലാം കൊടിയ ത്തൂരിന്റെ ‘ഖുബ്ബൂസ്’ എന്ന ഹോം സിനിമ ഖത്തറിൽ പ്രകാശനം ചെയ്തു.

കെ. എം. സി. സി. സെക്രട്ടറി നിഅ്മതുല്ല കോട്ടക്കൽ, ലാവിഷ് ഗ്രൂപ്പ് മാനേജിംഗ് ഡയറക്ടര്‍ ഷാനു മോൻ എന്നിവർ ചേർന്നാണ് ഖത്തർ കാറ്റര്‍ കാറ്ററിംഗ് ഹാളില്‍ നടന്ന ചടങ്ങിൽ സി. ഡി. യുടെ പ്രകാശനം നിർവ്വഹിച്ചത്. വി. പി. റഷീദ്, നജീബ്, അസ്‌കറലി തുടങ്ങി നിരവധി പേര്‍ ചടങ്ങില്‍ സംബന്ധിച്ചു. ചിത്ര ത്തിന്റെ പ്രിവ്യൂ വും നടന്നു. അമാനുല്ല വടക്കാങ്ങര പരിപാടി കൾ ക്ക് നേതൃത്വം നല്കി.

പ്രേക്ഷകരെ ചിരിപ്പി ക്കുകയും ചിന്തിപ്പി ക്കുകയും ചെയ്യുന്ന മുഴു നീള കോമഡി ചിത്രമായ ഖുബ്ബൂസ്, അനുഗ്രഹീത നടൻ സിദ്ധീഖ് കൊടിയ ത്തൂരിന്റെ മികച്ച പ്രകടനം കൊണ്ട് ശ്രദ്ധേയ മാണ്.

ഖത്തറിൽ ഖുബ്ബൂസിന്റെ കോപ്പികള്‍ ആവശ്യമുള്ളവര്‍ മീഡിയ പ്ലസ്‌ ഓഫീസുമായി 44 32 48 53 എന്ന നമ്പറില്‍ ബന്ധ പ്പെടേണ്ട താണ്.

– കെ. വി. അബ്ദുൽ അസീസ്‌ ചാവക്കാട്, ഖത്തർ

- കറസ്പോണ്ടന്റ്

വായിക്കുക: ,

Comments Off on ദോഹയിൽ ‘ഖുബ്ബൂസ്’ ഹോം സിനിമ പ്രകാശനം ചെയ്തു

Page 20 of 26« First...10...1819202122...Last »

« Previous Page« Previous « ഗള്‍ഫ് ബിസിനസ് കാര്‍ഡ് ഡയറക്ടറി
Next »Next Page » റമദാനിലെ പ്രവര്‍ത്തന സമയം »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha