ഇസ്‌റാഅ് മിഅ്‌റാജ് : 25ന് യു. എ. ഇ.യില്‍ പൊതു അവധി

May 14th, 2014

uae-flag-epathram

ദുബായ് : ഇസ്‌റാഅ് മിഅ്‌റാജ് പ്രമാണിച്ച് യു. എ. ഇ. യില്‍ മെയ് 25 ഞായറാഴ്ച പൊതു അവധി ആയിരിക്കും. രാജ്യത്തെ ഫെഡറല്‍ ഗവണ്‍മെന്റ് മന്ത്രാല യങ്ങ ള്‍ക്കും സ്ഥാപന ങ്ങള്‍ക്കും അവധി ആയിരിക്കുമെന്ന് വിദ്യാഭ്യാസ, മാനവ വിഭവ ശേഷി മന്ത്രി ഹുമൈദ് ആല്‍ ഖാതമി വ്യക്തമാക്കി.

ഇസ്‌റാഅ് മിഅ്‌റാജ് ദിനമായ 26 ആം തിയ്യതി യിലെ അവധി ഞായറാഴ്ച യിലേക്ക് മാറ്റുക യായിരുന്നു എന്ന് അധികൃതര്‍ അറിയിച്ചു.

ആഴ്ചയുടെ മധ്യ ത്തിലായി വരുന്ന അവധികള്‍ വാരാന്ത്യ അവധി ക്കൊപ്പം ചേര്‍ത്ത് നല്‍കണം എന്ന് യു. എ. ഇ. യില്‍ വ്യവസ്ഥയുണ്ട്.

ജീവന ക്കാര്‍ക്കും വിദ്യാര്‍ഥി കള്‍ക്കും തുടര്‍ച്ച യായ അവധി ആഘോഷി ക്കാന്‍ ഇതുവഴി സാധിക്കും എന്ന തിനാലാണിത്.

25-ന് സ്വകാര്യ മേഖലയ്ക്ക് അവധി പ്രഖ്യാപിച്ചു കൊണ്ട് തൊഴില്‍ മന്ത്രാലയം പ്രഖ്യാപന മിറക്കിയത്.

ഞായറാഴ്ച അവധി ലഭിച്ചതിനാല്‍ രാജ്യത്തെ പൊതു, സ്വകാര്യ മേഖലയില്‍ പ്രവര്‍ത്തിക്കുന്നവര്‍ക്ക് തുടര്‍ച്ചയായി മൂന്ന് ദിവസം അവധി ആഘോഷിക്കാനുള്ള അവസരമാണ് ലഭിച്ചിരിക്കുന്നത്.

- pma

വായിക്കുക: , ,

Comments Off on ഇസ്‌റാഅ് മിഅ്‌റാജ് : 25ന് യു. എ. ഇ.യില്‍ പൊതു അവധി

ഈ വര്‍ഷം 185 റഡാര്‍ ക്യാമറകള്‍ സ്ഥാപിച്ചു : ഗതാഗത വകുപ്പ്

May 13th, 2014

traffic-police-installed-infra-red-camera-ePathram
അബുദാബി : അതി വേഗക്കാരെ പിടികൂടാനായി ഈ വര്‍ഷം ആദ്യ മൂന്ന് മാസ ങ്ങള്‍ക്കുള്ളില്‍ അബുദാബിയിലും അലൈനിലുമായി 185 റഡാര്‍ ക്യാമറകള്‍ സ്ഥാപി ച്ചതായി ഗതാഗത വകുപ്പ് അറിയിച്ചു.

അതിവേഗ ക്കാരെ കൂടാതെ ചുവന്ന സിഗ്നല്‍ മറി കടക്കുന്ന വരെയും പിടികൂടാന്‍ ഏറ്റവും മികച്ച കാര്യക്ഷമത യുള്ള ക്യാമറ കളാണ് സ്ഥാപിച്ചത്.

റോഡിലെ ഹാര്‍ഡ് ഷോള്‍ഡ റില്‍ പ്രവേശി ക്കുന്നതും വാഹന ങ്ങള്‍ക്കിട യില്‍ മതിയായ അകലം പാലിക്കാ ത്തതും ക്യാമറ യില്‍ രേഖപ്പെടുത്തും. ആയതു കൊണ്ടു തന്നെ വാഹനം ഓടിക്കുന്നവര്‍ ജാഗ്രത പാലിക്കണം എന്നും അധികൃതര്‍ അറിയിച്ചു.

ഗതാഗത നിയമ ങ്ങള്‍ പാലിക്ക പ്പെടുകയും അതുവഴി വാഹനം ഓടിക്കുന്ന വരുടെയും യാത്ര ക്കാരുടേയും സുരക്ഷി തത്വം ഉറപ്പു വരുത്തു കയും ചെയ്യുന്നതിനും ഇതിലൂടെ രാജ്യത്ത് ഗതാഗത സുരക്ഷി തത്വം മെച്ച പ്പെടുത്തു ന്നതി നുള്ള സമഗ്ര പദ്ധതി യുടെ ഭാഗ മായാണ് കൂടുതല്‍ ക്യാമറ കള്‍ ഘടിപ്പിക്കുന്നത്.

അതിവേഗം ഗുരുതരമായ ഗതാഗത ലംഘനമാണ്. 2013-ല്‍ നടന്ന റോഡ് അപകട ങ്ങളില്‍ 15 ശതമാനവും അതിവേഗം കാരണം ഉണ്ടായ താണെന്നും ഗതാഗത, റോഡ് സുരക്ഷാ എന്‍ജി നീയറിംഗ് വിഭാഗം ഡയറക്ടര്‍ കേണല്‍ ഖലീഫ ആല്‍ ഖൈലി അറിയിച്ചു.

- pma

വായിക്കുക: , ,

Comments Off on ഈ വര്‍ഷം 185 റഡാര്‍ ക്യാമറകള്‍ സ്ഥാപിച്ചു : ഗതാഗത വകുപ്പ്

സ്മാര്‍ട്ട് സിറ്റി ഉല്‍ഘാടനം അടുത്ത വര്‍ഷം മാര്‍ച്ചില്‍

May 1st, 2014

അബുദാബി : കൊച്ചി സ്മാർട്ട് സിറ്റി പദ്ധതിയുടെ ഒന്നാം ഘട്ടം 2015 മാർച്ച് 25 ന് ഉത്ഘാടനം ചെയ്യും എന്ന് ടീകോം സി. ഇ. ഒ. അബ്ദുല്‍ ലത്തീഫ് അല്‍മുല്ല.

അബുദാബി യില്‍ നടന്ന ഡയറക്ടര്‍ ബോര്‍ഡ് യോഗ ത്തിനു ശേഷ മാണ് പ്രഖ്യാപനം ഉണ്ടായത്.

സംസ്ഥാന വ്യവസായ വകുപ്പ് മന്ത്രി പി. കെ. കുഞ്ഞാലി ക്കുട്ടി, എം. എ. യൂസഫലി, സ്മാര്‍ടി സിറ്റി എം. ഡി. ബാജു ജോര്‍ജ് തുടങ്ങിയവര്‍ പങ്കെടുത്തു.

സംസ്ഥാന സർക്കാറിന്റെ സ്വപ്ന പദ്ധതി യാണ് ഇതെന്നും പദ്ധതി യുടെ ആദ്യ ഘട്ട പ്രവര്‍ത്തനങ്ങള്‍ സമയ ബന്ധിത മായി തീര്‍ക്കാന്‍ നിര്‍ദേശം നല്‍കി യിട്ടുണ്ടെന്നും ഇതോടെ അയ്യായിരം പേർക്ക് ജോലി നല്കാൻ സാധിക്കു മെന്നും മന്ത്രി പി. കെ. കുഞ്ഞാലിക്കുട്ടി പറഞ്ഞു.

പദ്ധതി യുടെ പൂർത്തീ കരണ ത്തിനു സാമ്പത്തിക ലഭ്യത ഒരു പ്രശ്നമാവില്ലാ എന്നും ആവശ്യാനുസരണം ഫണ്ട് ലഭ്യമാക്കും എന്നും അബ്ദുല്‍ ലത്തീഫ് അല്‍മുല്ല കൂട്ടി ച്ചേർത്തു.

തൊഴിൽ രഹിതരായ യുവ ജന ങ്ങൾക്ക്‌ തൊഴിൽ അവസര ങ്ങൾ സൃഷ്ടിക്കുക യാണ് പ്രധാന ലക്‌ഷ്യം എന്ന് ഡയരക്ടർ ബോർഡ് അംഗവും എം. കെ. ഗ്രൂപ്പ് ചെയര്മാനു മായ എം. എ. യൂസഫലി പറഞ്ഞു.

സ്മാർട്ട് സിറ്റി യുടെ പരിഗണന യിൽ വന്നിട്ടുള്ള വിവിധ പദ്ധതി കളെ കുറിച്ച് പഠിക്കാനും നിക്ഷേപ ങ്ങളുടെ വിശ്വാസ്യത യെ പറ്റി വില യിരുത്താനുമായി ഐ. ടി. പ്രിൻസിപ്പൽ സെക്രട്ടറി പി. എച്ച്. കുര്യൻ, ടീകോം പ്രതിനിധി കളായ അനിരുദ്ധ് ധാംകെ, സഞ്ജയ്‌ ഘോസ്ല എന്നിവരെ നിയമിച്ചതായും മന്ത്രി പി. കെ. കുഞ്ഞാലിക്കുട്ടി പറഞ്ഞു.

സ്മാർട്ട് സിറ്റി സി. ഇ. ഓ. ജിജോ ജോസഫ്, എം. ഡി. ബാജു ജോർജ്ജ് എന്നിവരും ബോർഡ് യോഗ ത്തിൽ പങ്കെടുത്തു.

- pma

വായിക്കുക: , ,

Comments Off on സ്മാര്‍ട്ട് സിറ്റി ഉല്‍ഘാടനം അടുത്ത വര്‍ഷം മാര്‍ച്ചില്‍

മഹാത്മാ ഗാന്ധി പ്രവാസി സുരക്ഷാ യോജന സ്കീമിനു തുടക്കമായി

April 28th, 2014

അബുദാബി : പ്രവാസികള്‍ക്കു വേണ്ടി ഓവര്‍സീസ് ഇന്ത്യന്‍ അഫയേഴ്സ് മന്ത്രാലയം പ്രഖ്യാപിച്ച മഹാത്മാ ഗാന്ധി പ്രവാസി സുരക്ഷാ യോജന സ്കീമിനു അബുദാബി യില്‍ ഇന്ത്യന്‍ അംബാസ്സിഡര്‍ റ്റി. പി. സീതാറാം പ്രാരംഭം കുറിച്ചു.

പാസ്പോര്‍ട്ടില്‍ ഇ. സി. ആര്‍. പതിച്ചിട്ടുള്ള വിദേശത്തു ജോലി ചെയ്യുന്ന ഇന്ത്യന്‍ തൊഴിലാളികള്‍ക്ക് വേണ്ടി ലൈഫ് ഇന്‍ഷ്വറന്‍സ് സ്കീമും പെന്‍ഷന്‍ പദ്ധതിയും ആവിഷ്കരിച്ചിട്ടുള്ള മഹാത്മാ ഗാന്ധി പ്രവാസി സുരക്ഷാ യോജന സ്കീം പ്രാവര്‍ത്തിക മാക്കുവാന്‍ യു. എ. ഇ. എക്സ്ചേഞ്ചും അലങ്കിറ്റ് അസ്സൈന്മെന്റും തമ്മിലുള്ള ധാരണാ പത്രം ഒപ്പു വെച്ചു.

പദ്ധതി യിലൂടെ പുനരധിവാസ ത്തിനും വാര്‍ധക്യ കാല പെന്‍ഷനും ഇന്‍ഷുറന്‍സ് പരിരക്ഷയ്ക്കും വേണ്ടി തൊഴിലാളി കള്‍ക്ക് നിക്ഷേപം ആരംഭിക്കാം.

പ്രതിവര്‍ഷം 5,000 രൂപ നിക്ഷേപിച്ചാല്‍ കേന്ദ്ര ഗവ. പുരുഷന്മാര്‍ക്ക് 2,900 രൂപയും സ്ത്രീകള്‍ക്ക് 3,900 രൂപയും അധികമായി നല്‍കും.

എത്ര വര്‍ഷം നിക്ഷേപിക്കുന്നുവോ അതിനനുസരിച്ച് പെന്‍ഷനും മറ്റാനുകൂല്യ ങ്ങളും ലഭ്യമാകും. യു. എ. ഇ.യിലെ ലക്ഷ ക്കണക്കിന് തൊഴിലാളി കള്‍ക്ക് പദ്ധതി നേരിട്ട് എത്തിക്കാനാണ് യു. എ. ഇ. എക്‌സ്‌ചേഞ്ചു മായി സഹകരിക്കുന്നത്.

അബുദാബി ഇന്ത്യാ സോഷ്യല്‍ സെന്ററില്‍ നടന്ന ചടങ്ങില്‍ ഇന്ത്യന്‍ അംബാസ്സിഡര്‍ റ്റി. പി. സീതാറാം, അലങ്കിറ്റ് ഗ്രൂപ്പ് ചെയര്‍മാന്‍ അലോക് കുമാര്‍ അഗര്‍വാള്‍, യു. എ. ഇ. എക്സ്ചേഞ്ചു സി. ഓ. ഓ. സുധീര്‍ കുമാര്‍ ഷെട്ടി, ഇന്ത്യന്‍ എംബസ്സി യിലെ ഫസ്റ്റ് സെക്രട്ടറി ആനന്ദ് ബര്‍ദന്‍ മറ്റു ഉദ്യോഗസ്ഥരും സംബന്ധിച്ചു.

- pma

വായിക്കുക: , , , , ,

Comments Off on മഹാത്മാ ഗാന്ധി പ്രവാസി സുരക്ഷാ യോജന സ്കീമിനു തുടക്കമായി

ഇന്ത്യന്‍ രൂപയ്‌ക്ക് പുതിയ ചിഹ്നം

July 16th, 2010

rupee-symbol-epathram ന്യൂഡല്‍ഹി:  ഡോളറും ($), യൂറോയും () പോലെ ഇന്ത്യന്‍ രൂപയ്‌ക്കും ഇനി സ്വന്ത മായി ഒരു ചിഹ്നം. ദേവ നാഗരി ലിപി യിലെ ‘ര’ () എന്ന അക്ഷര വും ഇംഗ്ലീ ഷിലെ ‘R‘ എന്ന അക്ഷര വും ചേര്‍ത്താണ്‌ പുതിയ ചിഹ്നം ഉണ്ടാക്കിയത്‌.

കേന്ദ്ര സര്‍ക്കാര്‍ നടത്തിയ മത്സര ത്തില്‍ നിന്ന്‌ തെര ഞ്ഞെ ടുത്ത അഞ്ചു മാതൃക കളില്‍ നിന്നും, തമിഴ്‌ നാട്‌ സ്വദേശി യും മുംബൈ ഐ. ഐ. ടി. വിദ്യാര്‍ത്ഥി യു മായ  ഡി. ഉദയ കുമാര്‍ രൂപ കല്‍പന ചെയ്‌ത ചിഹ്ന മാണ്‌ കേന്ദ്ര മന്ത്രി സഭ അംഗീ കരിച്ചത്‌. അട യാള ത്തിന്‍റെ മുകളിലെ രണ്ട്‌ വര കള്‍ ദേശീയ പതാക യിലെ നിറ ങ്ങളെ പ്രതി നിധീ കരിക്കും.

ഇനി അച്ചടിക്കുന്ന നോട്ടുകളില്‍ പുതിയ ചിഹ്നം ഉണ്ടാകും. അമേരിക്കന്‍ ഡോളര്‍, ബ്രിട്ടീഷ്‌ പൗണ്ട്‌, യൂറോ, ജാപ്പനീസ്‌ യെന്‍ എന്നിവയ്‌ക്ക്‌ സ്വന്തമായി ചിഹ്ന മുണ്ട്‌.  ഇപ്പോള്‍ Rs, Re, INR എന്നീ ചിഹ്ന ങ്ങളാണ്‌ ഇന്ത്യന്‍ രൂപ യ്‌ക്ക്‌ ഉപ യോഗി ക്കുന്നത്‌.

അയല്‍ രാജ്യ ങ്ങളായ പാകിസ്ഥാന്‍, നേപ്പാള്‍, ശ്രീലങ്ക യും കൂടാതെ ഇന്തോ നേഷ്യ തുടങ്ങിയ സ്ഥല ങ്ങളിലെ കറന്‍സി യും രൂപ ( Re ) എന്ന് അറിയപ്പെട്ടു വരുന്നു. ഇതും പുതിയ ചിഹ്നം വേണമെന്ന തീരു മാന ത്തിനു കാരണമായി.

ഈ ചിഹ്നം യൂണികോഡ്‌ സ്റ്റാന്‍ഡേര്‍ഡ്‌ ആയി അംഗീ കരി ച്ചാല്‍ ഇന്ത്യന്‍ സോഫ്റ്റ്‌ വെയര്‍ കമ്പനി കളുടെ സംയുക്‌ത സംഘടന യായ നാസ്‌കോം, തങ്ങളുടെ ഓപ്പ റേറ്റീവ്‌ സോഫ്റ്റ്‌ വെയറി ന്‍റെ ഭാഗ മാക്കും.

ബ്യൂറോ ഓഫ്‌ ഇന്ത്യന്‍ സ്‌റ്റാന്‍ഡേര്‍ഡ്‌ അംഗീ കരി ച്ചാല്‍ പുതിയ ചിഹ്നം ഉള്‍ പ്പെടുത്തി കീ ബോര്‍ഡു കള്‍ നിര്‍ മ്മിക്കും. കഴിഞ്ഞ ബജറ്റ്‌ സമ്മേളന ത്തില്‍ ഇന്ത്യന്‍ രൂപയ്‌ക്ക്‌ ചിഹ്നം കണ്ടെത്തും എന്ന്‌ ധന മന്ത്രി പ്രണബ്‌ മുഖര്‍ജി അറിയിച്ചിരുന്നു.

രൂപയുടെ പുതിയ ചിഹ്നം രൂപ കല്‍പന ചെയ്ത ഉദയ കുമാറിന്‌ സമ്മാനമായി 2.5 ലക്ഷം രൂപ ലഭിക്കും.

- pma

വായിക്കുക: , , , , , ,

Comments Off on ഇന്ത്യന്‍ രൂപയ്‌ക്ക് പുതിയ ചിഹ്നം

Page 136 of 136« First...102030...132133134135136

« Previous Page « മഹേന്ദ്ര സിംഗ് ധോണി വിവാഹിത നായി
Next » സന്തോഷ്‌ ട്രോഫി: ജസീര്‍ ക്യാപ്ടന്‍ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha