ന്യൂഡൽഹി : ജയലളിതയുടെ ഉറ്റ തോഴിയായ ശശികല തമിഴ്നാട് മുഖ്യമന്ത്രി ആകണമെന്ന് പാർട്ടിയിലെ ഒരു വിഭാഗം നേതാക്കൾ ആവശ്യപ്പെട്ടു. പാർട്ടി ജനറൽ സെക്രട്ടറി സ്ഥാനം അവർ ഏറ്റെടുക്കണമെന്ന് പറഞ്ഞതിനു പിന്നാലെയാണ് ഈ ആവശ്യം.
“ജയലളിത പറവൈ” എന്ന പാർട്ടിയിലെ വിഭാഗം ചെന്നൈ മറീന കടപ്പുറത്ത് യോഗം ചേർന്ന് ശശികല മുഖ്യമന്ത്രിയാകണമെന്ന പ്രമേയം പാസാക്കി.

കഴിഞ്ഞ ദിവസം പാസാക്കിയ പ്രമേയം ശശികലയുടെ പോയസ് ഗാർഡനിലെ വസതിയിലെത്തി പ്രവർത്തകർ കൈമാറി. പാർട്ടി ജനറൽ സ്ഥാനം ഏറ്റെടുത്ത് ഉപതെരെഞ്ഞെടുപ്പിൽ മത്സരിച്ച് മുഖ്യമന്ത്രിയാകണമെന്നാണ് പ്രമേയത്തിൽ പറഞ്ഞിട്ടുള്ളത്.

പിറന്നാളാഘോഷത്തിന്റെ ഭാഗമായി പ്രധാനമന്ത്രി മോദി ഗുജറാത്ത് സന്ദർശിക്കുന്നതിനോടനുബന്ധിച്ച് ദളിത് പ്രക്ഷോഭ നായകൻ ജിഗ്നേഷ് മാവനിയെ പോലീസ് കസ്റ്റഡിയിലെടുത്തു. അഹമ്മദാബാദിലെ സർദാർ വല്ലഭായി പട്ടേൽ അന്താരാഷ്ട്ര വിമാനത്താവളത്തിൽ വെച്ചാണ് അറസ്റ്റ്. ഒക്ടോബർ ഒന്നു മുതൽ ഡൽഹിയിൽ ട്രെയിൻ തടയൽ സമരം തുടങ്ങുമെന്ന് ജിഗ്നേഷ് പ്രഖ്യാപിച്ചതിനു പിന്നാലെയാണ് ഇയാളെ കസ്റ്റഡിയിലെടുത്തത്.

ഡെപ്യൂട്ടി കമ്മീഷണർ ദീപൻ ബർദന്റെ നേതൃത്വത്തിലാണ് അറസ്റ്റ്. അറസ്റ്റിനെക്കുറിച്ച് കൂടുതൽ വിവരങ്ങൾ ഇപ്പോൾ പുറത്ത് വിടാൻ പറ്റില്ലെന്നും ചോദ്യം ചെയ്തതിനു ശേഷം വിട്ടയക്കുമെന്നും കമ്മീഷണർ പറഞ്ഞു.