ഗതാഗത പിഴ തവണകളായടയ്ക്കാന്‍ സൗകര്യം

June 6th, 2014

awareness-from-abudhabi-police-ePathram
അബുദാബി : ഗതാഗത നിയമ ലംഘന ങ്ങള്‍ക്കു ലഭിച്ച പിഴകള്‍ രണ്ട് ഘട്ടമായി അടക്കുന്നതിന് ട്രാഫിക് ആന്‍റ് പട്രോള്‍സ് ഡയറക്ടറേറ്റും ഗതാഗത വകുപ്പും ചേര്‍ന്ന് സൗകര്യമൊരുക്കുന്നു.

1,000 ദിര്‍ഹമിനു മുകളില്‍ പിഴ ചുമത്ത പ്പെട്ടവര്‍ക്കാണ് തവണ കളായിപിഴ അടക്കാനുള്ള സൗകര്യം അധികൃതര്‍ നല്‍കി യിരിക്കുന്നത്.

രണ്ട് തവണ കളായാണ് പിഴ അടച്ച് തീര്‍ക്കേണ്ടത്. ജൂണ്‍ ഒന്ന് മുതല്‍ ആഗസ്റ്റ് 31 വരെയാണ് അബുദാബി യിലെ മുഴുവന്‍ പ്രവശ്യ കളിലേയും ഗതാഗത നിയമ ലംഘന പിഴകള്‍ അടക്കാന്‍ അവസരം ലഭിക്കുക.

പിഴയുടെ പകുതി ഈ കാലയള വിനുള്ളില്‍ ബാക്കി ഒരു വര്‍ഷ ത്തിനകവും അടക്കണം. സ്വദേശികള്‍ക്കും പ്രവാസി കള്‍ക്കും ഒരു പോലെ ഈ പദ്ധതി യുടെ പ്രയോജനം ലഭിക്കും.

ജനങ്ങള്‍ക്കുണ്ടാകുന്ന ബുദ്ധിമുട്ടു കള്‍ പരമാവധി കുറക്കാന്‍ ലക്ഷ്യ മിട്ടാണ് പദ്ധതി നടപ്പാക്കുന്ന തെന്ന് അധികൃതര്‍ വ്യക്തമാക്കി.

- pma

വായിക്കുക: , , ,

Comments Off on ഗതാഗത പിഴ തവണകളായടയ്ക്കാന്‍ സൗകര്യം

ജൂണ്‍ 15 മുതല്‍ നിര്‍ബന്ധിത മധ്യാഹ്ന ഇടവേള

June 4th, 2014

uae-labour-in-summer-ePathram
അബുദാബി : യു എ ഇ യില്‍ ജൂണ്‍ 15 മുതല്‍ ഉച്ച വിശ്രമ നിയമം നിലവില്‍ വരും. നേരിട്ട്‌ സൂര്യതാപം ഏല്‍ക്കും വിധം തുറസ്സായ സ്ഥലങ്ങളില്‍ ജോലികളില്‍ ഏര്‍പ്പെടുന്ന തൊഴിലാളി കള്‍ക്കുള്ള നിര്‍ബന്ധിത മധ്യാഹ്ന ഇടവേള ജൂണ്‍ 15 മുതല്‍ നടപ്പാക്കാന്‍ തൊഴില്‍ മന്ത്രാലയം തീരുമാനിച്ചു.

ദിവസവും ഉച്ചക്ക് 12.30 മുതല്‍ മൂന്ന് മണി വരെ രണ്ടര മണിക്കൂര്‍ ഈ വിശ്രമ വേള ലഭിക്കുക. നിയമം ‌ജൂണ്‍ 15 മുതല്‍ പ്രാബല്യ ത്തില്‍ വരും. സെപ്റ്റംബര്‍ 15 വരെ യാണ് തൊഴിലാളി കള്‍ക്ക്‌ ഈ സൗകര്യം ലഭിക്കുക. തുടര്‍ച്ചയായി പത്താം വര്‍ഷമാണ് യു. എ. ഇ. യില്‍ ഉച്ചവിശ്രമ നിയമം നടപ്പാക്കുന്നത്.

ഈ സമയത്ത് തുറന്ന സ്ഥലങ്ങളില്‍ ജോലി ചെയ്യിക്കുന്നത് നിയമ വിരുദ്ധമാണ്. ഇത് ലംഘിക്കുന്ന സ്ഥാപന ങ്ങള്‍ക്ക് എതിരെ മന്ത്രാലയം കര്‍ശന നടപടി സ്വീകരിക്കും.

എന്നാൽ നിര്‍ത്തി വയ്ക്കാന്‍ കഴിയാത്ത തൊഴില്‍ മേഖല കളില്‍ ജോലിക്കാരുടെ സുരക്ഷയ്ക്കായി മുന്നൊരുക്കങ്ങള്‍ നടത്തണ മെന്നാണ് മന്ത്രാലയ നിര്‍ദേശം. ശീതീകരണ സംവിധാനവും നേരിട്ടു സൂര്യതാപം ഏല്‍ക്കാതി രിക്കാനുള്ള മുന്‍കരുതലും തൊഴിലുടമ സ്വീകരി ച്ചിരിക്കണം.

തൊഴിലാളികള്ക്ക് ആവശ്യമായ കുടിവെള്ളം തൊഴില്‍ സ്ഥലത്തു ണ്ടായിരിക്കണം. പ്രാഥമിക ചികില്‍സാ സംവി ധാന ങ്ങളും സജ്ജീകരിക്കണം. തൊഴിലാളികളുടെ ആരോഗ്യ പരിരക്ഷയും സുരക്ഷയും ഉറപ്പ് വരുത്തുന്ന സംവിധാന ങ്ങള്‍ തൊഴിലുടമ ഏര്‍പ്പെടുത്തി യിരിക്കണം.

നിര്‍ദേശങ്ങള്‍ നടപ്പാക്കുന്നുണ്ടോ എന്ന് ഉറപ്പു വരുത്താന്‍ മന്ത്രാലയം തൊഴില്‍ സ്ഥല ങ്ങളില്‍ കര്‍ശനമായ പരിശോധനകള്‍ നടത്തും. അപകടം, അഗ്നിബാധ എന്നിവ പ്രതിരോധിക്കാനാവശ്യമായ സുരക്ഷാ മാര്‍ഗങ്ങള്‍ ഒരുക്കിയാണ് ജോലി സ്ഥലങ്ങൾ പ്രവര്‍ത്തിക്കേണ്ടത്. നിയമ ലംഘനം നടത്തുന്നവര്‍ക്ക് 15,000 ദിര്‍ഹം പിഴ ചുമത്തും.

- pma

വായിക്കുക: , , , ,

Comments Off on ജൂണ്‍ 15 മുതല്‍ നിര്‍ബന്ധിത മധ്യാഹ്ന ഇടവേള

ഇത്തിസലാത്ത് പ്രീപെയ്ഡ് വരിക്കാര്‍ക്ക് ആനുകൂല്യങ്ങള്‍

June 3rd, 2014

etisalat-logo-epathram അബുദാബി : ഇത്തിസലാത്ത് വാസല്‍ പ്രീപെയ്ഡ് വരിക്കാര്‍ ക്കായി കൂടുതല്‍ ആനുകൂല്യ ങ്ങള്‍ പ്രഖ്യാപിച്ചു.

ഒരു ദിര്‍ഹ ത്തിന് അഞ്ചു മിനിറ്റും രണ്ടു ദിര്‍ഹത്തിനു പത്തു മിനിറ്റും നാലു ദിര്‍ഹ ത്തിനു 30 മിനിറ്റും സംസാരിക്കാം.

യു. എ. ഇ. യില്‍ മൊബൈൽ ഫോണി ലേക്കും ലാന്‍ഡ് ഫോണി ലേക്കും വിളിക്കാം. നിശ്ചിത സമയ ത്തില്‍ കൂടുതല്‍ വിളിച്ചാല്‍ സെക്കന്‍ഡിന് 0.6 ഫില്‍സ് വീതം ഈടാക്കും.

*111 # എന്നു ഡയല്‍ ചെയ്താല്‍ ഇതിൽ വരിക്കാരനാകാം.

- pma

വായിക്കുക: , ,

Comments Off on ഇത്തിസലാത്ത് പ്രീപെയ്ഡ് വരിക്കാര്‍ക്ക് ആനുകൂല്യങ്ങള്‍

എമിറേറ്റ്സ് ഐ.ഡി. കാര്‍ഡുകള്‍ നവീകരിക്കുന്നു

May 28th, 2014

emirates-identity-authority-logo-epathram

അബുദാബി : യു. എ. ഇ. യില്‍ സ്വദേശികള്‍ക്കും വിദേശികള്‍ക്കും നല്‍കി വരുന്ന എമിറേറ്റ്സ് ഐ. ഡി. ഐഡന്‍റിറ്റി കാര്‍ഡുകളില്‍ നവീകരണം വരുത്തും എന്ന് അധികൃതര്‍ അറിയിച്ചു.

സര്‍ക്കാര്‍ – സ്വകാര്യ സേവനങ്ങള്‍ക്കും എമിറേറ്റ്സ് ഐ. ഡി. കാര്‍ഡ് ഉപയോഗപ്പെടും വിധം കൂടുതല്‍ വിവരങ്ങള്‍ ഉള്‍പ്പെടുത്താവുന്ന രീതിയിലാണ് ഐ. ഡി. കാര്‍ഡു കളില്‍ നവീകരണം നടത്തുക.

തിരിച്ചറിയലിനായുള്ള സ്മാര്‍ട്ട് കാര്‍ഡ് എന്നതില്‍ അപ്പുറം വിരലടയാളം അടക്കമുള്ള ബയോമെട്രിക് വിവരങ്ങളും ഐഡന്‍റിറ്റി നമ്പറും ഉള്‍ക്കൊള്ളുന്ന താണ് എമിറേറ്റ്സ് ഐ. ഡി.

നിലവില്‍ കാര്‍ഡുകള്‍ ഉപയോഗി ക്കുന്നവര്‍ മാറ്റി വാങ്ങുകയോ ഉപഭോക്താ ക്കള്‍ക്ക് മറ്റ് രീതി യിലുള്ള പ്രയാസ ങ്ങള്‍ ഉണ്ടാക്കുക യോ ചെയ്യാത്ത വിധ മാണ് നവീകരണം നടത്തു ന്നതെന്ന് എമിറേറ്റ്സ് ഐ. ഡി. അധികൃതര്‍ വ്യക്തമാക്കി.

പ്രത്യേക പരിഗണന അര്‍ഹിക്കുന്ന വര്‍ക്കുള്ള സ്പെഷല്‍ ലോഗോയും ഡ്രൈവിംഗ് ലൈസന്‍സ് നമ്പറും അടക്കമുള്ള വിവര ങ്ങളാണ് ഐ. ഡി. കാര്‍ഡില്‍ ഉള്‍പ്പെടുത്തുക.

ഭാവി യില്‍ ആവശ്യം വരുക യാണെങ്കില്‍ കൂടുതല്‍ വിവരങ്ങള്‍ രേഖ പ്പെടു ത്തുന്ന തിനായി കാര്‍ഡിന്‍െറ പിന്‍ ഭാഗത്ത് കൂടുതല്‍ സ്ഥലം ഒഴിച്ചിടുന്ന താണ് പ്രധാന മായും വരുത്തുന്ന നവീകരണം.

ജനന തീയതി, കാര്‍ഡ് നമ്പര്‍, കാലാവധി, കാര്‍ഡ് നഷ്ട പ്പെട്ടാലുള്ള വിവര ങ്ങള്‍, ഇലക്ട്രോണിക് ചിപ്പിലെ സീരിയല്‍ നമ്പര്‍ തുടങ്ങിയവ രേഖപ്പെടുത്തുന്ന സ്ഥല ങ്ങളില്‍ ചെറിയ വ്യത്യാസം വരുന്നുണ്ടെന്നും എമിറേറ്റ്സ് ഐഡന്‍റിറ്റി അതോറിറ്റി പോപ്പുലേഷന്‍ രജിസ്റ്റര്‍ ഡയറക്ടര്‍ അറിയിച്ചു.

എമിറേറ്റ്സ് ഐഡന്‍റിറ്റി അതോറിറ്റിയുടെ 2014-16 പദ്ധതി യുടെ ഭാഗമായാണ് കാര്‍ഡില്‍ പുതിയ മാറ്റങ്ങള്‍ വരുത്തുന്നത്.

- pma

വായിക്കുക: , ,

Comments Off on എമിറേറ്റ്സ് ഐ.ഡി. കാര്‍ഡുകള്‍ നവീകരിക്കുന്നു

ഹാര്‍ഡ് ഷോള്‍ഡറു കളില്‍ പ്രവേശി ക്കുന്ന വര്‍ക്ക് ശിക്ഷ കര്‍ശന മാക്കുന്നു

May 18th, 2014

crash-recovery-of-abudhabi-police-ePathram
അബുദാബി : റോഡിലെ ഹാര്‍ഡ് ഷോള്‍ഡറു കളില്‍ അനധികൃത മായി പ്രവേശിക്കുകയും വാഹനങ്ങള്‍ക്ക് തടസ്സം സൃഷ്ടിക്കുകയും ചെയ്യുന്ന വര്‍ക്ക് കടുത്ത ശിക്ഷ നല്‍കുമെന്ന് അബുദാബി ട്രാഫിക് പോലീസ്.

അടിയന്തര സാഹചര്യ ങ്ങളില്‍ ഉപയോഗ പ്പെടുത്താനുള്ള താണ് ഹാര്‍ഡ് ഷോള്‍ഡര്‍ പാതകള്‍.

അസുഖബാധിത രേയും അപകട ത്തില്‍ പ്പെട്ടവരേയും എത്രയും വേഗം ആശുപത്രി കളില്‍ എത്തി ക്കുന്നതിനും അവര്‍ക്ക് പ്രാഥമിക ശുശ്രൂഷകള്‍ നല്‍കുന്ന തിനും ഷോള്‍ഡര്‍ റോഡുകള്‍ ഉപയോഗ പ്പെടുത്താം.

കൂടാതെ, അടിയന്തര ആവശ്യ ങ്ങള്‍ക്കായി പോകുന്ന സിവില്‍ ഡിഫന്‍സി ന്റെയും പോലീസി ന്റെയും വാഹന ങ്ങള്‍ക്ക് അതി വേഗം സഞ്ചരി ക്കുന്നതിന് ഷോള്‍ഡര്‍ റോഡുകള്‍ സഹായകമാകും.

ഹാര്‍ഡ് ഷോള്‍ഡ റിലെ നിയമ ലംഘന ങ്ങള്‍ക്ക് തടവ് ശിക്ഷ വരെ നല്‍കാന്‍ യു. എ. ഇ. നിയമം അനുശാസി ക്കുന്നുണ്ട്. ഗുരുതരമായ അപകട ങ്ങള്‍ക്ക് ഇട യാക്കുന്ന വര്‍ക്ക് തടവും പത്ത് ബ്ളാക്ക് പോയന്റുകളും നല്‍കാവുന്ന താണ്.

അനധികൃത മായി പാത യില്‍ പ്രവേശി ക്കുന്നവര്‍ക്ക് ആറ് ബ്ളാക്ക് പോയന്റു കളും എമര്‍ജന്‍സി വാഹന ങ്ങളെ മറി കടക്കുന്ന വര്‍ക്ക് നാല് ബ്ളാക്ക് പോയന്റു കളും ശിക്ഷ ചുമത്തും എന്നും ഹാര്‍ഡ് ഷോള്‍ഡറു കളിലെ ഗതാഗത സുരക്ഷ ഉറപ്പു വരുത്തുന്ന തിനായി ട്രാഫിക് ഡയറക്ടറേറ്റ് നിരീക്ഷണം കര്‍ശന മാക്കിയതായും അധികൃതര്‍ ഓര്‍മ്മിപ്പിച്ചു.

- pma

വായിക്കുക: , , ,

Comments Off on ഹാര്‍ഡ് ഷോള്‍ഡറു കളില്‍ പ്രവേശി ക്കുന്ന വര്‍ക്ക് ശിക്ഷ കര്‍ശന മാക്കുന്നു

Page 140 of 143« First...102030...138139140141142...Last »

« Previous Page« Previous « മോഡി ജയിച്ചു; അനന്തമൂര്‍ത്തിക്ക് പാക്കിസ്ഥാനിലേക്ക് ടിക്കറ്റ് ബുക്ക് ചെയ്ത് നമോ ബ്രിഗേഡ്
Next »Next Page » നിങ്ങളെന്റെ വെളുത്ത മക്കളെ… »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha