ഹൈദരലി ശിഹാബ് തങ്ങൾ അനുസ്മരണം

March 7th, 2022

panakkad-hyder-ali-shihab-thangal-ePathram
അബുദാബി : മുസ്ലീംലീഗ് സംസ്ഥാന പ്രസിഡണ്ടും പ്രമുഖ മത പണ്ഡിതനുമായ പാണക്കാട് സയ്യിദ് ഹൈദരലി ശിഹാബ്  തങ്ങളുടെ നിര്യാണത്തിൽ അബുദാബി ഇന്ത്യൻ ഇസ്ലാമിക് സെൻ്റർ മാനേജിംഗ് കമ്മിറ്റി അനുശോചിച്ചു.

സമൂഹത്തിനും മുസ്ലീം സമുദായത്തിനും ഹൈദലി തങ്ങൾ ചെയ്ത സേവനം വില മതിക്കുവാന്‍ കഴിയാത്തതാണ്. അബുദാബി ഇന്ത്യൻ ഇസ്ലാമിക് സെൻ്റർ നിരവധി തവണ സന്ദർശിക്കുകയും ഭാരവാഹി കളുമായും പ്രവർത്ത കരുമായും അടുത്ത ബന്ധം പുലർത്തുകയും ചെയ്ത വ്യക്തിയാണ് ഹൈദരലി ശിഹാബ് ങ്ങള്‍ എന്നും ഭാരവാഹികൾ അനുസ്മരിച്ചു.

അദ്ദേഹത്തിനു വേണ്ടിയുള്ള മയ്യിത്ത് നിസ്കാരവും പ്രത്യേക പ്രാര്‍ത്ഥനയും സെന്‍ററില്‍ നടന്നു. ഇസ്ലാമിക് സെന്‍റര്‍ പ്രസിഡണ്ട് പി. ബാവഹാജി, ജനറൽ സെക്രട്ടറി ടി. കെ. അബ്ദുസ്സലാം, ട്രഷറർ ബി. സി. അബൂബക്കർ എന്നിവര്‍ നേതൃത്വം നല്‍കി.

- pma

വായിക്കുക: , , , ,

Comments Off on ഹൈദരലി ശിഹാബ് തങ്ങൾ അനുസ്മരണം

കണ്ണൂര്‍ ഫെസ്റ്റ് 2022 : ക​ണ്ണൂ​ര്‍ പെ​രു​മ​യു​ടെ ത​ക്കാ​രം

March 5th, 2022

kmcc-kannur-fest-2022-ePathram
അബുദാബി : കെ. എം. സി. സി. കണ്ണൂർ ജില്ലാ കമ്മിറ്റി സംഘടിപ്പിക്കുന്ന ‘കണ്ണൂര്‍ ഫെസ്റ്റ്-2022’ മാര്‍ച്ച് 5, 6 (ശനി, ഞായർ) തിയ്യതികളില്‍ അബുദാബി ഇന്ത്യന്‍ ഇസ്ലാമിക് സെന്‍ററില്‍ നടക്കും. ‘കണ്ണൂർ പെരുമയുടെ തക്കാരം’ എന്ന പേരില്‍ ഒരുക്കുന്ന കണ്ണൂര്‍ ഫെസ്റ്റില്‍, ജില്ല യുടെ പെരുമ വിളിച്ചോതുന്ന തനതു ഭക്ഷണ പലഹാര പാനീയങ്ങൾ ലഭ്യമാകുന്ന സ്റ്റാളുകൾ, ആരോഗ്യ, വിദ്യാഭ്യാസ, സേവനങ്ങൾ ലഭ്യമാകുന്ന സ്റ്റാൾ, സന്ദർശകർക്കായി കൊവിഡ് പി. സി. ആർ. സൗജന്യ പരിശോധനയും ഒരുക്കിയിട്ടുണ്ട്. എട്ടോളം കെ. എം. സി. സി. മണ്ഡലം കമ്മിറ്റികൾ ഒരുക്കുന്ന കലാ- കായിക പ്രകടനങ്ങൾ, സ്ത്രീകൾക്കും കുട്ടികൾക്കും പ്രത്യേക മത്സരങ്ങൾ എന്നിവ കണ്ണൂര്‍ ഫെസ്റ്റില്‍ ഒരുക്കിയിട്ടുണ്ട് എന്നും സംഘാടകര്‍ അറിയിച്ചു.

- pma

വായിക്കുക: , , , ,

Comments Off on കണ്ണൂര്‍ ഫെസ്റ്റ് 2022 : ക​ണ്ണൂ​ര്‍ പെ​രു​മ​യു​ടെ ത​ക്കാ​രം

എൻസെംബിൾ തിയ്യേറ്റർ ഫെസ്റ്റ് സമാപിച്ചു

February 20th, 2022

isc-ensemble-theatre-fest-ajman-drama-ePathram
അജ്മാന്‍ : നെടുമുടി വേണുവിന്‍റെ സ്മരണാര്‍ത്ഥം ഇന്ത്യൻ സോഷ്യൽ സെന്‍റർ അജ്മാന്‍ സംഘടിപ്പിച്ച എൻസെംബിൾ തിയ്യേറ്റർ ഫെസ്റ്റ് സമാപിച്ചു. ചടങ്ങിൽ മുഖ്യ അതിഥിയായ നടൻ ശിവജി ഗുരുവായൂർ സമാപന സമ്മേളനം ഉദ്ഘാടനം ചെയ്തു.

ചമയം തീയ്യേറ്റർ ഷാർജ അവതരിപ്പിച്ച ‘കൂമൻ’ ഒന്നാം സ്ഥാനം കരസ്ഥമാക്കി. അൽ ഖൂസ് തീയ്യേറ്റർ ദുബായ് അവതരിപ്പിച്ച ‘വില്ലേജ് ന്യൂസ് എന്ന നാടകത്തിനാണ് രണ്ടാംസ്ഥാനം. മികച്ച സംവിധായകൻ പ്രകാശ് തച്ചങ്ങാട് (കൂമൻ), മികച്ച നടൻ നൗഷാദ് ഹസൻ, മികച്ച നടി ശീതൾ ചന്ദ്രൻ എന്നിവരാണ്.

മികച്ച നടിക്കുള്ള സ്‌പെഷ്യൽ ജൂറി അവാർഡിന് സോണിയ (വില്ലേജ് ന്യുസ്) അർഹയായി. സഹ നടനായി ‘പത്താം ഭവനം’ എന്ന നാടകത്തിലൂടെ സാജിദ്‌ കൊടിഞ്ഞി യും സഹ നടിയായി ‘ആരാണ് കള്ളൻ’ എന്ന നാടകത്തിലെ ദിവ്യ ബാബുരാജിനെയും ബാല താരമായി അതുല്യ രാജി നെയും തെരഞ്ഞെടുത്തു.

‘ദ് ബ്‌ളാക്ക് ഡേ’ എന്ന നാടകത്തിൽ പ്രകാശ വിതാനം ചെയ്ത അസ്‌കർ, രംഗ സജ്ജീകരണം ചെയ്ത ശ്രീജിത്ത്, ചമയം ഒരുക്കിയ ഗോകുൽ അയ്യന്തോൾ എന്നിവരും പുരസ്‌കാര ങ്ങൾക്ക് അർഹരായി. മികച്ച പശ്ഛാത്തല സംഗീത ത്തിനു ഷെഫി അഹമദും മനോരഞ്ജനും പുരസ്കാരം നേടി (കൂമൻ).

ഇന്ത്യൻ സോഷ്യൽ സെന്‍റര്‍ പ്രസിഡണ്ട് ജാസിം മുഹമ്മദ് പുരസ്കാര ജേതാക്കളെ പ്രഖ്യാപിച്ചു. വിജയികള്‍ക്ക് ക്യാഷ് അവാർഡ്, പ്രശസ്തി പത്രം, ആര്‍ട്ടിസ്റ്റ് നിസ്സാർ ഇബ്രാഹിം രൂപ കൽപന ചെയ്ത ശില്പം എന്നിവ സമ്മാനിച്ചു. കേരളത്തിൽ നിന്നുള്ള നാടക പ്രവർത്തകരായ വാസൻ പുത്തൂർ, രാജു പൊടിയാൻ, ഐ. എസ്. സി. ജനറൽ ജനറൽ സെക്രട്ടറി സുജി കുമാർ പിള്ള, ട്രഷറർ ഗിരീഷൻ എന്നിവർ പ്രസംഗിച്ചു.

- pma

വായിക്കുക: , , , ,

Comments Off on എൻസെംബിൾ തിയ്യേറ്റർ ഫെസ്റ്റ് സമാപിച്ചു

രക്ത ദാനം മഹാ ദാനം

February 20th, 2022

blood-donation-save-a-life-give-blood-ePathram
ദുബായ് : യു. എ. ഇ. യിലെ രക്തദാന മേഖലയിൽ സജീവ സാന്നിദ്ധ്യമായ ടീം BD4U വിന്‍റെ അഞ്ചാം വാർഷിക ആഘോഷങ്ങളുടെ ഭാഗമായി രക്ത ദാന ക്യാമ്പ് സംഘടിപ്പിക്കുന്നു.

2022 ഫെബ്രുവരി 20 ഞായറാഴ്ച രാവിലെ 10 മണി മുതൽ ദുബായ് ഖിസൈസിലെ റാല്‍സ് ക്ലിനിക്കില്‍ വെച്ച് നടക്കുന്ന രക്തദാന ക്യാമ്പില്‍ ഫ്രീ മെഡിക്കൽ ചെക്കപ്പും ഒരുക്കിയിട്ടുണ്ട് എന്നു സംഘാടകര്‍ അറിയിച്ചു.

കൂടുതൽ വിവരങ്ങൾക്ക്: 050 4647 525, 052 9459 277

- pma

വായിക്കുക: , , , ,

Comments Off on രക്ത ദാനം മഹാ ദാനം

അസംഘടിത ചെറുത്തു നിൽപ്പുകൾ സംഘടിതമാവണം.പി. സി. എഫ്.

February 13th, 2022

logo-peoples-cultural-forum-pcf-ePathram ദുബായ് : ഏറ്റവും വലിയ ജനാധിപത്യ രാജ്യമായ ഇന്ത്യയില്‍ ഭരണ ഘടനാ തത്വങ്ങൾ ലംഘിക്കപ്പെട്ടു കൊണ്ടിരിക്കുകയാണ് എന്നും കേരളത്തിന്റെ മുഖ്യധാര യിൽ ജനാധിപത്യ പ്രശ്നങ്ങൾ ഉയർത്തിക്കൊണ്ട്, അരികുവൽക്കരിക്കപ്പെട്ട ജന വിഭാഗ ങ്ങൾക്ക് വേണ്ടി അവരുടെ പ്രശ്നങ്ങൾക്ക് കൂടുതൽ ദൃശ്യത നൽകിക്കൊണ്ട് സംഘ പരിവാർ ശക്തികളോട് യാതൊരു വിട്ടു വീഴ്ചക്കും തയ്യാറാകാതെ കഴിഞ്ഞ 9 വർഷമായി പ്രവര്‍ത്തിക്കുന്ന മീഡിയ വൺ ചാനലിന്‍റെ ലൈസെൻസ് വരെ റദ്ദു ചെയ്ത നടപടി യിലൂടെ ഭരണ കൂടം രാജ്യത്ത് അഭിപ്രായ സ്വാതന്ത്ര്യം തടസ്സപ്പെടുത്തിക്കൊണ്ട് ഭരണ ഘടനാ ലംഘനം നടത്തുകയാണ് എന്നും പ്രമുഖ രാഷ്ട്രീയ നിരീക്ഷകൻ സി. കെ. അബ്ദുൽ അസീസ് ആരോപിച്ചു.

മീഡിയ വൺ, ഹിജാബ് വിഷയങ്ങളിൽ പി. സി. എഫ്. യു. എ. ഇ. നാഷണൽ കമ്മിറ്റി സംഘടിപ്പിച്ച ഓൺ ലൈൻ പ്രതിഷേധ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ഇന്ത്യൻ രാഷ്ട്രീയത്തിൽ ആഴത്തിൽ വേരോടി ക്കൊണ്ടിരിക്കുന്ന അന്യമത വിദ്വേഷത്തിന്‍റെ ബഹിര്‍ സ്ഫുരണ ങ്ങളാണ് അടുത്ത കാലത്തായി രാജ്യത്തു കണ്ടു വരുന്നത്‌.

ഭരണ ഘടന യുടെ അടിസ്ഥാന യൂണിറ്റ് എന്ന് പറയുന്നത് വ്യക്തിയാണ്. വ്യക്തിയുടെ സ്വാതന്ത്ര്യ ത്തിലാണ് ഭരണ ഘടന നിർമ്മിക്ക പ്പെട്ടിട്ടുള്ളത്. മതേതര ജനാധിപത്യ രാജ്യത്തിന്‍റെ ഭരണ ഘടനാ തത്വങ്ങൾ നിർഭയം ലംഘിക്കുന്ന നടപടികൾ കേന്ദ്ര സർക്കാരിന്‍റെ ഭാഗത്തു നിന്നും നിരന്തരം ഉണ്ടായി ക്കൊണ്ടിരിക്കു കയാണ്. സാധാരണക്കാരായ ജന മനസ്സുകളിൽ വെറുക്കപ്പെ ടേണ്ട പ്രതീകമായി ന്യൂന പക്ഷങ്ങളെ ഉയർത്തിക്കാട്ടുകയാണ് സംഘ പരിവാർ.

ഇതിന്‍റെ ഭാഗമാണ് കർണ്ണാടകയിലെ ഹിജാബ് വിവാദവും. ഇത്തരം നീക്കങ്ങൾക്ക് എതിരെ മതേതര ജനാധിപത്യ പ്രസ്ഥാനങ്ങൾ കൂടുതൽ ഉണർന്നു പ്രവർത്തി ക്കണം എന്നും അദ്ദേഹം ആവശ്യപ്പെട്ടു.

പി. സി. എഫ്. യു. എ. ഇ. നാഷണൽ കമ്മിറ്റി പ്രസിഡണ്ട് മൻസൂർ അലി പട്ടാമ്പി അദ്ധ്യക്ഷത വഹിച്ചു. ട്രഷറർ ഹാഷിം കുന്നേൽ സ്വാഗതവും ജനറൽ സെക്രട്ടറി കരീം കാഞ്ഞാർ വിഷയ അവതരണവും നടത്തി. പ്രവാസി ഇന്ത്യ പ്രസിഡണ്ട് അബ്ദുൽ സവാദ്, മാധ്യമ പ്രവർത്തകൻ അബ്ദു റഹ്മാൻ തിരുവോത്ത്, പി. ഡി. പി. സംസ്ഥാന നേതാക്കളായ വി. എം. അലിയാർ, സാബു കൊട്ടാരക്കര, എം. എസ്. നൗഷാദ്, കെ. ഇ. അബ്ദുള്ള എന്നിവരും പി. സി. എഫ്. നേതാ ക്കളായ ദിലീപ് താമരക്കുളം, ഷാജഹാൻ മാരാരിതോട്ടം, ഷാഫി കഞ്ഞിപ്പുര, അക്ബർ തളിക്കുളം, ഖാലിദ് ബംബ്രാണ, ഒഫാർ തവനൂർ, യു. കെ. സിദ്ധീഖ്, ഫൈസൽ കറുകമാട്, ഐ. എസ്. എഫ്. പ്രതിനിധി അലീമത്ത് അംന തുടങ്ങിയവർ സംസാരിച്ചു.

- pma

വായിക്കുക: , , , , , ,

Comments Off on അസംഘടിത ചെറുത്തു നിൽപ്പുകൾ സംഘടിതമാവണം.പി. സി. എഫ്.

Page 62 of 144« First...102030...6061626364...708090...Last »

« Previous Page« Previous « എക്സ്പോ-2020 ടിക്കറ്റ്​ നിരക്ക് : എല്ലാ ദിവസവും 45 ദിർഹം മാത്രം
Next »Next Page » യു. എ. ഇ. യിലെ തൊഴില്‍ നിയമങ്ങള്‍ മലയാളത്തില്‍ വായിക്കാം »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha