ശാഫി സഖാഫി മുണ്ടമ്പ്രയുടെ റമദാൻ പ്രഭാഷണം തിങ്കളാഴ്ച

April 18th, 2022

sys-shafi-saqafi-mundambra-ePathram
അബുദാബി : പ്രമുഖ ഖുർആൻ പണ്ഡിതൻ ശാഫി സഖാഫി മുണ്ടമ്പ്രയുടെ റമദാൻ പ്രഭാഷണം ഏപ്രില്‍ 18 തിങ്കളാഴ്ച രാത്രി 9.30 ന് അബുദാബി ഇന്ത്യൻ ഇസ്ലാമിക് സെൻ്ററിൽ നടക്കും. ഇന്ത്യൻ ഗ്രാൻഡ് മുഫ്തി കാന്തപുരം എ. പി. അബൂബക്കർ മുസ്‌ലിയാർ ഉദ്ഘാടനം ചെയ്യും. കേരള മുസ്ലിം ജമാഅത്ത് സംസ്ഥാന ജനറൽ സെക്രട്ടറി സയ്യിദ് ഇബ്രാഹിം ഖലീൽ ബുഖാരി മുഖ്യാതിഥി ആയിരിക്കും. ഇന്ത്യൻ ഇസ്ലാമിക് സെൻ്റർ പ്രസിഡണ്ട് പി. ബാവ ഹാജി, ഡോ. അബ്ദുൽ ഹക്കീം അസ്‌ഹരി, കുറ്റൂർ അബ്ദുർറഹ്മാൻ ഹാജി, മുസ്തഫ ദാരിമി കടാങ്കോട് തുടങ്ങിയവര്‍ സംബന്ധിക്കും.

യു. എ. ഇ. ഭരണാധികാരി ശൈഖ് ഖലീഫ ബിൻ സായിദ് അല്‍ നഹ്യാൻ്റെ ഈ വര്‍ഷത്തെ റമദാൻ അതിഥിയാണ് ശാഫി സഖാഫി.

വിവരങ്ങൾക്ക് 050 303 4800.

- pma

വായിക്കുക: , ,

Comments Off on ശാഫി സഖാഫി മുണ്ടമ്പ്രയുടെ റമദാൻ പ്രഭാഷണം തിങ്കളാഴ്ച

വടകര എൻ. ആർ. ഐ. ഫോറം : പുതിയ ഭാരവാഹികൾ

April 3rd, 2022

vatakara-nri-committee-2022-basith-suresh-sakeer-ePathram
അബുദാബി : വടകര എൻ. ആർ. ഐ. ഫോറം അബുദാബി ചാപ്റ്റർ, 2022-23 വർഷത്തേക്കുള്ള ഭാര വാഹികളെ തെരഞ്ഞെടുത്തു. അബ്ദുൽ ബാസിത് കായക്കണ്ടി (പ്രസിഡണ്ട്), സുരേഷ് കുമാർ ടി. കെ. (ജനറൽ സെക്രട്ടറി), മുഹമ്മദ് സക്കീർ പി. കെ. വി. (ട്രഷറർ) എന്നിവരാണ് പ്രധാന ഭാരവാഹികള്‍.

മുകുന്ദൻ ടി, ജാഫർ തങ്ങൾ നാദാപുരം (വൈസ് പ്രസിഡണ്ടുമാർ), ഷാനവാസ്. എ. കെ, സന്ദീപ് ടി. കെ, സുനിൽ മാഹി, രാജേഷ് എൻ. ആർ. (സെക്രട്ടറിമാർ), നിഖിൽ കാർത്തികപ്പള്ളി (അസിസ്റ്റൻറ് ട്രഷറർ), ജയ കൃഷ്‌ണൻ (ഓഡിറ്റർ) എന്നിവരാണ് മറ്റു ഭാരവാഹികള്‍.

ഇബ്രാഹിം ബഷീർ, രാജേഷ് മഠത്തിൽ മീത്തൽ, പവിത്രൻ. പി, യാസർ അറഫാത് കല്ലേരി, ഹാരിസ് കെ. പി, മനോജ് പറമ്പത്ത്, രാജീവൻ. കെ. പി, ശറഫുദ്ധീൻ കടമേരി, രജീദ് പന്തിൽ പറമ്പത്ത്, മുഹമ്മദ് അലി എന്നിവരാണ് കമ്മിറ്റി അംഗങ്ങള്‍.

അബുദാബി കേരളാ സോഷ്യൽ സെന്‍ററിൽ ചേർന്ന ജനറൽ ബോഡി യോഗത്തിൽ പ്രസിഡണ്ട് ഇന്ദ്ര തയ്യിൽ അദ്ധ്യക്ഷത വഹിച്ചു. എൻ. കുഞ്ഞമ്മദ്, ബാബു വടകര, രവീന്ദ്രൻ മാസ്റ്റർ, സി. വി. അഹ്‌മദ്‌, അബ്ദുൽ ബാസിത് കായക്കണ്ടി, യാസർ കല്ലേരി, തുടങ്ങിയവർ സംസാരിച്ചു. ജയ കൃഷ്‌ണൻ സ്വാഗതവും, സുരേഷ് കുമാർ നന്ദിയും പറഞ്ഞു.

ദീർഘ കാലത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് മടങ്ങുന്ന മുതിർന്ന അംഗം ശശിധരൻ കല്ലൻ കണ്ടിക്ക് യാത്രയയപ്പ് നൽകി.

വടകര പാർലമെൻറ് പരിധിയിലും മാഹി പ്രദേശത്തും ഉള്ള പ്രവാസികളുടെ കൂട്ടായ്മ യായ വടകര എൻ. ആർ. ഐ. ഫോറം 2002 ല്‍ പ്രവർത്തനം ആരംഭിച്ചു. 2014 ൽ അബുദാബി ചാപ്റ്റർ രൂപീകരിച്ചു. ജനോപകാര പ്രദമായ പദ്ധതി കളും വേറിട്ട പരിപാടികളും കൊണ്ട് പ്രവാസ ലോകത്തും നാട്ടിലും ശ്രദ്ധേയമാണ് വടകര എൻ. ആർ. ഐ. ഫോറം.

മൂന്ന് തവണകളിലായി152 യുവതീ യുവാക്കളുടെ മംഗല്യ സാഫല്യം പദ്ധതി, പ്രവാസികൾക്ക് ഗൃഹാതുരത്വം പകർന്നു നൽകിയ വടകര മഹോത്സവം, കലാ കായിക മല്‍സരങ്ങള്‍ തുടങ്ങി നിരവധി പരിപാടികള്‍ക്ക് ഈ കൂട്ടായ്മ നേതൃത്വം നല്‍കി. മെമ്പർമാരുടെ ക്ഷേമ പ്രവർത്തന ങ്ങളിലും ഫോറം ശ്രദ്ധ ചെലുത്തി വരുന്നു.

വിവരങ്ങള്‍ക്ക് : 050 314 0534 (അബ്ദുല്‍ ബാസിത്).

- pma

വായിക്കുക: , , ,

Comments Off on വടകര എൻ. ആർ. ഐ. ഫോറം : പുതിയ ഭാരവാഹികൾ

ഫിലിം ഇവന്‍റ് മീറ്റ് 2022 അരങ്ങേറി

April 3rd, 2022

redex-media-film-event-meet-2022-ePathram
അബുദാബി : മലയാളി കലാകാരൻമാരുടെ കൂട്ടായ്മ ഫിലിം ഇവന്‍റ്- റെഡ് എക്സ് മീഡിയ യുടെ ബാനറിൽ ഒരുക്കിയ ‘ഫിലിം ഇവന്‍റ് മീറ്റ് 2022’ അബുദാബി ഐ. എസ്. സി. യില്‍ അരങ്ങേറി.

ഫിലിം ഇവന്‍റ് പ്രസിഡണ്ട് ഫിറോസ്. എം. കെ. അദ്ധ്യക്ഷത വഹിച്ചു. ഐ. എസ്. സി. ജനറൽ സെക്രട്ടറി ജോജോ അമ്പൂക്കൻ ഉത്‌ഘാടനം നിർവഹിച്ചു. ഫിലിം ഇവന്‍റ് രക്ഷാധികാരി ഹനീഫ് കുമരനെല്ലൂര്‍, മലയാളി സമാജം പ്രസിഡണ്ട് സലിം ചിറക്കല്‍, യേശു ശീലന്‍, ഫ്രാൻസിസ് ആന്‍റണി എന്നിവര്‍ ആശംസകള്‍ നേര്‍ന്നു. ഫിലിം ഇവന്‍റ് ട്രെഷറർ ഉമ്മർ നാലകത്ത് നന്ദി പ്രകാശിപ്പിച്ചു. മാധ്യമ പ്രവർത്തകൻ സമീർ കല്ലറ, ഷിജിൽ കുമാർ, ബാബുരാജ് എന്നിവരും സംബന്ധിച്ചു.

അബുദാബിയിൽ വിവിധ മേഖലകളിൽ കഴിവ് തെളിയിച്ച നയീമ അഹമ്മദ്, തമന്ന പ്രമോദ്, കബീർ അവറാൻ, അൻസർ വെഞ്ഞാറമൂട്, ഷാഫി മംഗലം, ഷാജി ഭജനമഠം, റസാഖ് തിരുവത്ര, സമദ് കണ്ണൂർ, സാഹിൽ ഹാരിസ് എന്നിവരെ ആദരിച്ചു.

സൗമ്യ, രമ്യ എന്നി വരുടെ നൃത്തത്തോടെയാണ് കലാ വിരുന്നുകൾക്കു തുടക്കമായത്.

ഫിലിം ഇവന്‍റ് കലാകാരന്മാർ അണിനിരന്ന നൃത്ത സംഗീത വിരുന്ന്, ശബ്ദാനുകരണം എന്നിവ ആസ്വാദകർക്ക് നവ്യാനുഭവമാണ് സമ്മാനിച്ചത്. നാടൻ പാട്ടുകളിലൂടെ വിസ്മയം സൃഷ്‌ടിച്ച ഉറവ് ടീം ഒരുക്കിയ നൃത്ത സംഗീത മേളം ഐ. എസ്. സി. യില്‍ ഉത്സവാന്തരീക്ഷം ഒരുക്കി.

Film Event FB Page

- pma

വായിക്കുക: , , , , , , ,

Comments Off on ഫിലിം ഇവന്‍റ് മീറ്റ് 2022 അരങ്ങേറി

വടകര എൻ. ആർ. ഐ. ഫോറം കുടുംബ സംഗമം

March 25th, 2022

vatakara-nri-forum-logo-ePathram
അബുദാബി : വടകര എൻ. ആർ. ഐ. ഫോറം അബുദാബി ചാപ്റ്റര്‍ കുടുംബ സംഗമവും പുതിയ പ്രവര്‍ത്തന വർഷത്തേക്കുള്ള ഭാര വാഹികളുടെ തെരഞ്ഞെടുപ്പും 2022 മാർച്ച് 26 ശനിയാഴ്ച രാത്രി 7.30 ന് അബുദാബി കേരളാ സോഷ്യൽ സെന്‍റില്‍ വെച്ച് നടക്കും.

വടകര പാർലമെൻറ് മണ്ഡല പരിധിയിലും മാഹി ഏരിയയിലും ഉള്ള അബുദാബിയിലെ പ്രവാസി സുഹൃത്തുക്കള്‍ കൊവിഡ് മാനദണ്ഡങ്ങൾ പാലിച്ചു കൊണ്ട്‌ കുടുംബ സംഗമത്തില്‍ പങ്കെടുക്കണം എന്ന് ഭാരവാഹികൾ അറിയിച്ചു. വിവരങ്ങള്‍ക്ക് : 050 314 0534 (അബ്ദുല്‍ ബാസിത്).

- pma

വായിക്കുക: , , , ,

Comments Off on വടകര എൻ. ആർ. ഐ. ഫോറം കുടുംബ സംഗമം

അലോഷി പാടുന്നു : കെ. എസ്. സി. യില്‍ ശക്തിയുടെ സംഗീത വിരുന്ന് ശനിയാഴ്ച

March 11th, 2022

gazal-singer-aloshi-in-abudhabi-shakthi-ePathram
അബുദാബി : അലോഷി പാടുന്നു എന്ന ശീര്‍ഷക ത്തില്‍ ശക്തി തിയ്യറ്റേഴ്സ് സംഘടിപ്പിക്കുന്ന സംഗീത വിരുന്ന് മാര്‍ച്ച് 12 ശനിയാഴ്ച രാത്രി 8 മണിക്ക് അബു ദാബി കേരളാ സോഷ്യല്‍ സെന്‍ററില്‍ നടക്കും എന്ന് ശക്തി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.

shakthi-press-meet-aloshi-padunnu-ePathram

അലോഷി പാടുന്നു : ശക്തിയുടെ വാര്‍ത്താ സമ്മേളനം

നൂറു പൂക്കളേ… നൂറു നൂറു പൂക്കളെ… എന്ന ഗാന ത്തിലൂടെ ശ്രദ്ധേയനായ ഗായകന്‍ അലോഷി ആദംസ് സംഗീത വിരുന്നിന് നേതൃത്വം നൽകും. ഇന്ത്യക്കു പുറത്തു നടക്കുന്ന അലോഷിയുടെ ആദ്യ ഗസല്‍ പരിപാടി കൂടിയാണിത്.

അനു പയ്യന്നൂര്‍ (ഹാര്‍മോണിയം), ഷിജിന്‍ തലശ്ശേരി (തബല), കിരണ്‍ മനോഹര്‍ (ഗിറ്റാര്‍), സക്കറിയ (ക്ലാസ് ബോക്സ്) എന്നിവര്‍ പിന്നണിയില്‍ അണി നിരക്കും.

ഇതു സംബന്ധിച്ച വാർത്താ സമ്മേളനത്തിൽ ഗായകന്‍ അലോഷി, ശക്തി പ്രസിഡണ്ട് ടി. കെ. മനോജ്, ജനറല്‍ സെക്രട്ടറി സഫറുല്ല പാലപ്പെട്ടി, കലാ വിഭാഗം സെക്രട്ടറി അന്‍വര്‍ ബാബു, ശക്തി മീഡിയാ ആന്‍ഡ് ഐ. ടി. സെക്രട്ടറി ഷിജിന കണ്ണൻ ദാസ്, ജോയിന്‍റ് സെക്രട്ടറി സി. എം. പി. ഹാരിസ് എന്നിവർ സംബന്ധിച്ചു.

- pma

വായിക്കുക: , ,

Comments Off on അലോഷി പാടുന്നു : കെ. എസ്. സി. യില്‍ ശക്തിയുടെ സംഗീത വിരുന്ന് ശനിയാഴ്ച

Page 61 of 144« First...102030...5960616263...708090...Last »

« Previous Page« Previous « സ്കൂള്‍ ബസ്സുകൾക്ക് പുതിയ നിബന്ധന
Next »Next Page » ശക്തി അവാര്‍ഡുകള്‍ പ്രഖ്യാപിച്ചു. »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha