 |
 |
 |
 |
 |
 |
 |
 |
 |
 |
 |
 |
 |
 |
കോഴിക്കോട് : 61-ാമത് സംസ്ഥാന സ്‌കൂള്‍ കലോത്സവം കോഴിക്കോട് വിക്രം മൈതാനിയിലെ അതിരാണിപ്പാടം എന്ന് പേരിട്ട മുഖ്യ വേദി യില്‍ തുടക്കം കുറിച്ചു.
മുഖ്യമന്ത്രി പിണറായി വിജയന്‍ കലാ മാമാങ്കത്തിന്‍റെ ഉദ്ഘാടനം നിര്‍വ്വഹിച്ചു. സ്പീക്കര്‍ എ. എന്‍. ഷംസീര്‍, മന്ത്രി മാരായ വി. ശിവന്‍ കുട്ടി, മുഹമ്മദ് റിയാസ് , അഹമ്മദ് ദേവര്‍ കോവില്‍ തുടങ്ങിയവര്‍ ചടങ്ങില്‍ പങ്കെടുത്തു.
അഞ്ച് ദിവസങ്ങളിലായി 24 വേദികളില്‍ 239 ഇന മത്സരങ്ങള്‍ നടക്കും.
- pma
വായിക്കുക: കലോൽസവം, കുട്ടികള്‍, നൃത്തം, വിദ്യാഭ്യാസം, സംഗീതം
അജ്മാൻ : മലയാളം മിഷൻ അജ്മാൻ ചാപ്റ്റർ സംഘടിപ്പിച്ച സ്നേഹ സംഗമം ശ്രദ്ധേയമായി. അജ്മാനിലെ ഇന്ത്യൻ സോഷ്യൽ സെന്‍റർ കമ്യൂണിറ്റി ഹാളിൽ വെച്ച്‌ നടന്ന പരിപാടിയില്‍ മലയാളം മിഷൻ ഡയറക്ടർ മുരുകൻ കാട്ടാക്കട മുഖ്യ അതിഥി ആയിരുന്നു. അദ്ധ്യാപകരും വിദ്യാർത്ഥികളും രക്ഷിതാക്കളും പങ്കെടുത്തു. പ്രസിഡണ്ട് ഫാമി ഷംസുദ്ധീന്‍ അദ്ധ്യക്ഷത വഹിച്ചു. സെക്രട്ടറി ജാസിം മുഹമ്മദ് സ്വാഗതവും ജോയിന്‍റ് സെക്രട്ടറി ഷെമിനി സനിൽ നന്ദിയും പറഞ്ഞു. മലയാളം മിഷൻ യു. എ. ഇ. കോഡിനേറ്റർ കെ. എൽ. ഗോപി സംബന്ധിച്ചു
അജ്മാൻ എമിറേറ്റിലെ മലയാളികളായ പ്രവാസി കുട്ടികൾക്ക്‌ ഭാഷാ പഠനം സാദ്ധ്യമാക്കുന്ന അജ്മാൻ ചാപ്റ്റർ പ്രവർത്ത കരെ മുരുകൻ കാട്ടാക്കട പ്രത്യേകം അഭിനന്ദിച്ചു. കേരളത്തിൽ നിന്നുള്ള മലയാളം മിഷൻ സുവനീർ ഷോപ്പിലെ ഉൽപ്പന്ന ങ്ങളുടെ പ്രദർശനവും വിൽപനയും നടന്നു.
അജ്മാൻ ചാപ്റ്റർ രൂപീകരണത്തിന്‍റെ ഭാഗമായി കഴിഞ്ഞ ഒക്ടോബർ മാസത്തിൽ സംഘടിപ്പിച്ച അമ്മ മലയാളം പരിപാടിയിൽ പങ്കെടുത്ത കുട്ടികൾക്കുള്ള സർട്ടിഫിക്കറ്റുകൾ വിതരണം ചെയ്തു. ചാപ്റ്റർ കൺവീനർ ദീപ്തി ബിനു, വൈസ്‌ പ്രസിഡണ്ട് പ്രജിത്ത്‌ വി. വി. എന്നിവർ നേതൃത്വം നൽകി. FB Page
- pma
വായിക്കുക: expat, malayalam-mission, അജ്മാന്‍, ആഘോഷം, കുട്ടികള്‍, യു.എ.ഇ., വിദ്യാഭ്യാസം
ദുബായ് : യു. ജി. സി. പരീക്ഷയിൽ ഉന്നത റാങ്ക് നേടിയ തിക്കോടി സ്വദേശിനി ഫഹീമയെ യു. എ. ഇ. പാലൂർ മഹല്ല് കമ്മിറ്റി ആദരിച്ചു. ദുബായിൽ നടന്ന ചടങ്ങിൽ യു. എ. ഇ. പാലൂർ മഹല്ല് കമ്മിറ്റി പ്രസിഡണ്ട് എ. കെ. അബ്ദുൽ റസാഖ് ഹാജി മെമെന്‍റോ സമ്മാനിച്ചു. ഗഫൂർ ടി. കെ. അദ്ധ്യക്ഷത വഹിച്ചു. ഷഹനാസ് തിക്കോടി, നിസാർ കുനിയിൽ, ഫാരിസ് തിക്കോടി, റമീസ്‌, ഫസൽ കാട്ടിൽ, പി. വി. നിസാർ, എൻ. കെ. ഇസ്മായിൽ, സമീർ എന്നിവർ സംസാരിച്ചു.
- pma
വായിക്കുക: കുട്ടികള്‍, പൂര്‍വ വിദ്യാര്‍ത്ഥി, പ്രവാസി, ബഹുമതി, വിദ്യാഭ്യാസം, സംഘടന
തിരുവനന്തപുരം : നോർക്ക റൂട്ട്‌സിന്‍റെ പ്രവാസി പുനരധി വാസ പദ്ധതിയുടെ ഭാഗമായി സെന്‍റർ ഫോർ മാനേജ്‌മെന്‍റ് & ഡെവലപ്പ്‌ മെന്‍റ് മുഖേന, തിരിച്ച് എത്തിയ പ്രവാസികൾക്ക് സ്വന്തം നാട്ടിൽ ആരംഭിക്കുവാൻ കഴിയുന്ന വിവിധ സ്വയം തൊഴിൽ സംരംഭങ്ങളുടെ സാദ്ധ്യതകൾ പരിചയ പ്പെടുത്തുവാൻ നോർക്ക റൂട്ട്‌സ് ശിൽപ ശാല സംഘടിപ്പിക്കുന്നു.
തിരുവനന്തപുരം, കൊല്ലം, തിരുവല്ല, ആലപ്പുഴ, മൂവാറ്റുപുഴ, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ എന്നിവിടങ്ങ ളിലാണ് ശിൽപ ശാലകൾ നടക്കുക. ഭക്ഷ്യാധിഷ്ഠിതം, സേവന മേഖല, മൃഗ പരിപാലനം, ടൂറിസം, എൻജിനീയറിംഗ്, കെമിക്കൽ തുടങ്ങിയ മേഖലകളിലെ സംരംഭക സാദ്ധ്യതകൾ പരിചയപ്പെടുത്തും.
സ്വയം തൊഴിൽ സംരംഭങ്ങൾ ആരംഭിക്കുവാൻ താൽപര്യമുള്ള മടങ്ങി വന്ന പ്രവാസികൾക്ക് 15 ശതമാനം മൂലധന സബ്‌സിഡി യും മൂന്നു ശതമാനം പലിശ സബ്‌സിഡിയോടു കൂടിയ വായ്പകൾ വിവിധ ധനകാര്യ സ്ഥാപനങ്ങൾ വഴി ലഭ്യമാണ്. രണ്ടു വർഷം എങ്കിലും വിദേശത്ത് ജോലി ചെയ്ത ശേഷം തിരികെ എത്തി നാട്ടില്‍ സ്ഥിരമാക്കിയവര്‍ക്ക് അപേക്ഷിക്കാം.
ശിൽപ ശാലകളിൽ പങ്കെടുക്കുവാൻ ആഗ്രഹിക്കുന്നവർ 80 78 24 95 05 എന്ന വാട്ട്‌സാപ്പ് നമ്പരിലോ 0471 232 97 38 എന്ന നമ്പരിലോ ബന്ധപ്പെട്ട് വിശദാംശങ്ങൾ സഹിതം ഡിസംബർ 12 ന് മുൻപ് രജിസ്റ്റർ ചെയ്യണം. PRD
- pma
വായിക്കുക: job-opportunity, norka-roots, പ്രവാസി, വിദ്യാഭ്യാസം, സാമൂഹികം
ന്യൂഡല്‍ഹി : സുപ്രീം കോടതിയുടെ നിലവിലെ മൊബൈല്‍ ആപ്പിന്‍റെ പരിഷ്‌കരിച്ച ആന്‍ഡ്രോയ്ഡ് പതിപ്പ് പുറത്തിറക്കി. സുപ്രീം കോടതി മൊബൈല്‍ ആപ്പ് 2.0′ യില്‍ പുതിയ സേവനങ്ങള്‍ ഉള്‍പ്പെടുത്തി യിട്ടുണ്ട്.
അഭിഭാഷകര്‍ക്ക് പുറമെ വിവിധ മന്ത്രാലയത്തിന് കീഴിലുള്ള നോഡല്‍ ഓഫീസര്‍മാര്‍ക്കും നിയമ ഉദ്യോഗസ്ഥര്‍ക്കും ആപ്പില്‍ ലോഗിന്‍ ചെയ്ത് കോടതി നടപടികള്‍ തത്സമയം കാണാന്‍ സാധിക്കും എന്ന് ആപ്പിന്‍റെ ഔദ്യോഗിക ഉല്‍ഘാടനം നിര്‍വ്വഹിച്ചു കൊണ്ട് ചീഫ് ജസ്റ്റിസ് ഡി. വൈ. ചന്ദ്ര ചൂഡ് പറഞ്ഞു.
പരിഷ്‌കരിച്ച ആപ്പിന്‍റെ ആന്‍ഡ്രോയ്ഡ് പതിപ്പ് ഗൂഗിള്‍ പ്ലേ സ്റ്റോറില്‍ ലഭ്യമാണ്. ഐ. ഒ. എസ്. വേര്‍ഷന്‍ ഒരാഴ്ചക്ക് ഉള്ളില്‍ തന്നെ ലഭ്യമാവും.
- pma
വായിക്കുക: information-technology, ഇന്റര്നെറ്റ്, കോടതി, വിദ്യാഭ്യാസം, സാങ്കേതികം, സുപ്രീംകോടതി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
