പ്രവാസി « e പത്രം

ആരോഗ്യ സേവനം വീട്ടു പടിക്കല്‍ : മൊബൈല്‍ ക്ലിനിക്കുമായി സേഹ

October 1st, 2022

അബുദാബി : സഞ്ചരിക്കുന്ന ആശുപത്രി സം വിധാനം ഒരുക്കി ആബുദാബി ആരോഗ്യ വകുപ്പ്. സേഹയുടെ ആംബു ലേറ്ററി ഹെൽത്ത് കെയർ സർവ്വീസസ് ഇനി മുതല്‍ ഡോക്ടറും മരുന്നും അനുബന്ധ ആരോഗ്യ സേവനങ്ങളുമായി വീട്ടു പടിക്കല്‍ എത്തും. ഫാമിലി മെഡിസിൻ, പീഡിയാട്രിക്, ഇന്‍റേ ണൽ മെഡിസിൻ, ഡയബറ്റിസ് ആൻഡ് എൻഡോ ക്രൈനോളജി, ഗ്യാസ്ട്രോ എൻട്രോളജി, ഡെർമറ്റോളജി തുടങ്ങി വിദഗ്ധ ഡോക്ടർ മാരുടെ സേവനം ഇതിലൂടെ ലഭിക്കും. സമയം: രാവിലെ 8 മണി മുതൽ രാത്രി 10 മണി വരെ.

Need to see the doctor but can’t visit the center? The clinic will come to you!

We are pleased to announce the launch of the new mobile clinic providing preventive and treatment services in Abu Dhabi. pic.twitter.com/npNxXSsJul

— SEHA – شركة صحة (@SEHAHealth) September 30, 2022

കുട്ടികൾക്കും മുതിർന്നവർക്കും ഉള്ള വാക്സിനേഷൻ, ലാബോറട്ടറി, ഫിസിയോ തെറാപ്പി, ഇ. സി. ജി., അൾട്രാ സൗണ്ട് സ്കാനിംഗ്, കേൾവി – കാഴ്ച പരിശോധനകൾ, ബോഡി മാസ് അനാലിസിസ്, മറ്റു വിവിധ മെഡിക്കൽ പരിശോധനകളും ലഭ്യമാണ്.

മുപ്പതില്‍ അധികം കമ്പനികളുടെ ഇൻഷ്വറൻസ് കാർഡുകള്‍ സ്വീകരിക്കും. ഇൻഷ്വറൻസ് പരിരക്ഷ ഇല്ലാത്തവർക്ക് കുറഞ്ഞ നിരക്കിലും ചികിത്സ ലഭ്യമാക്കും.

ബുക്കിംഗിന് : 02 7113737

- pma

വായിക്കുക: seha, ആരോഗ്യം, പ്രവാസി, യു.എ.ഇ., സാമൂഹ്യ-സേവനം

Comments Off

കൊവിഡ് മാന ദണ്ഡങ്ങളില്‍ മാറ്റം വരുത്തി യു. എ. ഇ.

September 27th, 2022

covid-19-strict-rules-in-uae-if-not-wearing-face-mask-3000-dhs-fine-ePathram
അബുദാബി : മാസ്ക് ധരിക്കുവാനുള്ള നിയമങ്ങളില്‍ മാറ്റം വരുത്തി യു. എ. ഇ. യിലെ കൊവിഡ് മാനദണ്ഡ ങ്ങളില്‍ ഇളവുകൾ പ്രഖ്യാപിച്ചു. സ്കൂളുകൾ ഉൾപ്പെടെ മിക്ക സ്ഥലങ്ങളിലും മാസ്ക് നിര്‍ബ്ബന്ധം ഇല്ല. എന്നാൽ ആശുപത്രികള്‍, ആരാധനാലയങ്ങള്‍, പൊതു ഗതാഗത സംവിധാനങ്ങള്‍ എന്നിവയില്‍ മാസ്ക് ധരിക്കണം എന്ന കര്‍ശ്ശന നിര്‍ദ്ദേശം നില നില്‍ക്കുന്നു. പള്ളികളിൽ പ്രാര്‍ത്ഥനാ വേളകളിലെ സാമൂഹിക അകലവും ഒഴിവാക്കി. 2022 സെപ്റ്റംബര്‍ 28 ബുധനാഴ്ച മുതല്‍ പുതിയ നിയമം പ്രാബല്യത്തില്‍ വരും.

സര്‍ക്കാര്‍ സ്ഥാപനങ്ങളിലും പൊതു സ്ഥലങ്ങ ളിലും പ്രവേശിക്കുന്നതിന് അൽ ഹൊസ്ൻ ആപ്പിലെ ഗ്രീൻ പാസ്സിന്‍റെ കാലാവധി 14 ദിവസത്തില്‍ നിന്നും 30 ദിവസം ആക്കി വര്‍ദ്ധിപ്പിച്ചു. ഗ്രീൻ സ്റ്റാറ്റസ് നില നിർത്താൻ മാസത്തില്‍ ഒരിക്കൽ പി. സി. ആർ. ടെസ്റ്റ് നടത്തണം. എന്നാല്‍ വാക്സിനേഷൻ ചെയ്യാത്ത വ്യക്തി കൾക്ക് 7 ദിവസത്തില്‍ ഒരിക്കൽ പി. സി. ആർ. എടുത്ത് ഗ്രീന്‍ പാസ്സ് നില നിര്‍ത്തണം.

കൊവിഡ് ബാധിതർക്ക് അഞ്ചു ദിവസം മാത്രം ഐസൊലേഷൻ മതി. നേരത്തെ ഇത് 10 ദിവസം ആയിരുന്നു. പോസിറ്റീവ് കേസുകളുമായി അടുത്ത് ഇട പഴകുന്നവർ ഐസൊലേഷനിൽ കഴിയണം എന്ന നിബന്ധനയും ഒഴിവാക്കിയിട്ടുണ്ട്. രോഗലക്ഷണങ്ങള്‍ ഉള്ളവര്‍ക്ക് മാസ്ക് നിര്‍ബ്ബന്ധമാണ്. വിമാന യാത്രകളിൽ മാസ്ക് നിബന്ധന ഒഴിവാക്കിയിട്ടുണ്ട്.

കൊവിഡ് ബാധിതരുടെ എണ്ണത്തിലും കൊവിഡ് മരണവും ഗണ്യമായി കുറവ് വന്ന സാഹചര്യ ത്തിലാണ് ദേശീയ ദുരന്ത നിവാരണ സമിതി പുതിയ ഇളവുകൾ പ്രഖ്യാപിച്ചത്.

W A M : MaLaYaLaM

- pma

വായിക്കുക: covid-19, അബുദാബി, ആരോഗ്യം, ദുബായ്‌, നിയമം, പ്രവാസി, യു.എ.ഇ.

Comments Off

എക്സ് പ്രസ്സ് ബസ്സ് സർവ്വീസ് യാസ് മാളിലേക്ക്

September 27th, 2022

abu-dhabi-express-bus-service-launched-ePathram
അബുദാബി : നഗരത്തില്‍ നിന്നുള്ള അതിവേഗ എക്സ് പ്രസ്സ് ബസ്സ് സർവ്വീസ് മൂന്നാം ഘട്ടം യാസ് മാളിലേക്ക് തുടക്കമായി. അബുദാബി ഹംദാന്‍ സ്ട്രീറ്റിലെ പഴയ അല്‍ സലാമ ആശുപത്രിക്കു സമീപത്തു നിന്നുമാണ് യാസ് മാളിലേക്ക് അബുദാബി എക്സ് പ്രസ്സ് സര്‍വ്വീസ് നടത്തുക. ഇപ്പോള്‍ ദിവസവും രാവിലെ 6:30 മുതൽ രാത്രി 11:30 വരെ ഓരോ 30 മിനുട്ടിലും സര്‍വ്വീസ് നടത്തും.

യാത്രക്കാരുടെ എണ്ണം വര്‍ദ്ധിക്കുന്നതിന് അനുസരിച്ച് സര്‍വ്വീസും വര്‍ദ്ധിപ്പിക്കും എന്ന് സംയോജിത ഗതാഗത കേന്ദ്രം അറിയിച്ചു. നിലവില്‍ അബുദാബി എക്സ് പ്രസ്സ് ബസ്സ് സര്‍വ്വീസുകളില്‍ യാത്രാ നിരക്ക് നല്‍കുവാന്‍ ഹാഫിലാത്ത് കാര്‍ഡു കള്‍ സ്വീകരിക്കുന്നില്ല. അതു കൊണ്ട് യാത്രക്കാര്‍ 12 ദിര്‍ഹം പണമായി നല്‍കണം.

വ്യവസായ മേഖലയായ മുസഫ ഇന്‍ഡസ്ട്രിയല്‍ ഏരിയ, മുഹമ്മദ് ബിൻ സായിദ് സിറ്റി, ബനിയാസ് ടാക്സിസ്റ്റേഷൻ, മഫ്റഖ് വർക്കേഴ്സ് സിറ്റി, ലൈഫ് ലൈൻ ഹോസ്പിറ്റൽ ബസ്സ് സ്റ്റോപ്പ്, അൽദഫ്രയിലെ മിർഫ സിറ്റി, സായിദ് സിറ്റി എന്നീ സ്ഥലങ്ങളിലേക്കാണ് രണ്ടു ഘട്ടങ്ങളിലായി സര്‍വ്വീസ് തുടങ്ങിയത്.

ഈ സ്ഥലങ്ങളിലേക്ക് ബസ്സുകളുടെ സമയക്രമം പ്രവൃത്തി ദിവസങ്ങളിലും വാരാന്ത്യങ്ങളിലും വ്യത്യസ്തമാണ്. പ്രവൃത്തി ദിവസങ്ങള്‍ രാവിലെ 5 മണി മുതല്‍ രാത്രി 10 മണി വരെയും വാരാന്ത്യങ്ങളിലും പൊതു അവധി ദിനങ്ങളിലും രാവിലെ 5 മണി മുതല്‍ പുലർച്ചെ ഒരു മണി വരെയുമാണ്. ITC Twitter

- pma

വായിക്കുക: abu-dhabi-bus, ഗതാഗതം, പ്രവാസി, യു.എ.ഇ.

Comments Off

എക്സ് പ്രസ്സ് ബസ്സ് സർവ്വീസ് യാസ് മാളിലേക്ക്

September 27th, 2022

യാത്രക്കാരുടെ എണ്ണം വര്‍ദ്ധിക്കുന്നതിന് അനുസരിച്ച് സര്‍വ്വീസും വര്‍ദ്ധിപ്പിക്കും എന്ന് സംയോജിത ഗതാഗത കേന്ദ്രം അറിയിച്ചു. നിലവില്‍ അബുദാബി എക്സ് പ്രസ്സ് ബസ്സ് സര്‍വ്വീസുകളില്‍ യാത്രാ നിരക്ക് നല്‍കുവാന്‍ ഹാഫിലാത്ത് കാര്‍ഡു കള്‍ സ്വീകരിക്കുന്നില്ല. അതു കൊണ്ട് യാത്രക്കാര്‍ 12 ദിര്‍ഹം പണമായി നല്‍കണം.

- pma

വായിക്കുക: abu-dhabi-bus, ഗതാഗതം, പ്രവാസി, യു.എ.ഇ.

Comments Off

പി. എസ്. വി. അച്ചീവ്‌ മെന്‍റ് അവാര്‍ഡ് സമ്മാനിച്ചു

September 21st, 2022

payyannur-sauhrudha-vedhi-achievement-award-ePathram
അബുദാബി : പയ്യന്നൂർ സൗഹൃദ വേദി അബുദാബി ചാപ്റ്ററിന്‍റെ ഈ വര്‍ഷത്തെ അച്ചീവ്‌ മെന്‍റ് അവാര്‍ഡ്, പത്താം തരം പരീക്ഷയില്‍ ഉന്നത വിജയം നേടിയ വിദ്യാര്‍ത്ഥി ധന്വന്ത് നന്ദന് സമ്മാനിച്ചു.

പയ്യന്നൂർ സൗഹൃദ വേദി ഓണം -2022 എന്ന പേരില്‍ അബുദാബി ഇന്ത്യാ സോഷ്യല്‍ സെന്‍ററില്‍ സംഘടിപ്പിച്ച ഓണാഘോഷ പരിപാടി യിലെ സാംസ്കാരിക സമ്മേളനത്തിലാണ് പുരസ്കാരം സമ്മാനിച്ചത്.

dr-haseena-beegum-psv-onam-2022-ePathram

ഉപന്യാസ രചന മത്സരവിജയി ഡോ. ഹസീന ബീഗം പുരസ്കാരം സ്വീകരിക്കുന്നു

കൂടാതെ ഇന്ത്യയുടെ സ്വാതന്ത്ര്യദിന ആഘോഷ ത്തിന്‍റെ ഭാഗമായി സംഘടിപ്പിച്ച ഉപന്യാസ രചന മത്സര വിജയി കളായ ഡോ. ഹസീന ബീഗം, അനു ജോൺ, അബ്ദുൽ കബീർ എന്നിവർക്കും സമ്മാനങ്ങൾ വിതരണം ചെയ്തു.

പയ്യന്നൂർ സൗഹൃദ വേദി മുൻ പ്രസിഡണ്ടും ഐ. എസ്. സി. ഓണ സദ്യയുടെ കോഡിനേറ്ററും ആയിരുന്ന യു. ദിനേശ് ബാബുവിനെ പൊന്നാട അണിയിച്ച് ആദരിച്ചു.

എക്സലന്‍സ് അവര്‍ഡ് : യു. ദിനേശ് ബാബുവിനെ പൊന്നാട നല്‍കി ആദരിച്ചു

ഐ. എസ്. സി. ജനറൽ സെക്രട്ടറി പി. സത്യ ബാബു ഉദ്‌ഘാടനം ചെയ്തു. പയ്യന്നൂർ സൗഹൃദവേദി പ്രസിഡണ്ട് കെ. കെ. ശ്രീവത്സൻ അദ്ധ്യക്ഷത വഹിച്ചു.ജനറല്‍ സെക്രട്ടറി രാജേഷ് കോടൂർ സ്വാഗതം ആശംസിച്ചു. ട്രഷറര്‍ വൈശാഖ് ദാമോദരൻ നന്ദി പ്രകാശിപ്പിച്ചു. അബുദാബി യിലെ വിവിധ അംഗീകൃത സംഘടന, അമേച്വര്‍ സംഘടനാ സാരഥി കളും വിവിധ കൂട്ടായ്മ കളുടെ പ്രവര്‍ത്തകരും ചടങ്ങില്‍ സംബന്ധിച്ചു.

തിരുവാതിരക്കളി, ഗ്രൂപ്പ് ഡാന്‍സ്, ഓണപ്പാട്ടുകള്‍ തുടങ്ങി അംഗങ്ങളുടേയും കുട്ടികളുടേയും വിവിധ കലാ പരിപാടികളും വിഭവ സമൃദ്ധമായ ഓണ സദ്യയും നടന്നു. അഹല്യ ആശുപത്രി യുമായി സഹകരിച്ചു കൊണ്ട് അംഗങ്ങൾക്ക് ഏർപ്പെടുത്തിയ പ്രവിലേജ് കാർഡിന്‍റെ വിതരണ ഉദ്ഘാടനവും നടന്നു.

സൗഹൃദവേദി എക്സിക്യൂട്ടീവ് അംഗങ്ങളായ എം. അബ്ബാസ്, പി. എസ്. മുത്തലീബ്, രഞ്ജിത്ത് പൊതുവാൾ, സി. കെ. രാജേഷ്, സന്ദീപ് വിശ്വനാഥൻ, ജ്യോതിഷ് പോത്തേര, യു. ദിനേശ് ബാബു, അജിൻ പോത്തേര, അബ്ദുൾ ഗഫൂർ, ബി. ജ്യോതി ലാൽ, രാജേഷ് പൊതുവാൾ, രമേഷ് മാധവൻ, സുരേഷ് പയ്യന്നൂർ എന്നിവർ പരിപാടികൾക്ക് നേതൃത്വം നൽകി. ചിത്രാ ശ്രീവത്സൻ അവതാരക ആയിരുന്നു.