അബുദാബി : ആരോഗ്യ പരിചരണ രംഗത്ത് പുതിയ ചുവടു വെപ്പുമായി വി. പി. എസ്. ഹെല്‍ത്ത് കെയര്‍. ഈ മേഖലയിലെ പ്രവര്‍ത്തനങ്ങള്‍ ബുര്‍ജീല്‍ ഹോള്‍ഡിംസിനു കീഴില്‍ ഏകോപിപ്പിക്കും എന്ന് വി. പി. എസ്. ഹെല്‍ത്ത് കെയര്‍ ചെയര്‍മാന്‍ ഡോ. ഷംഷീര്‍ വയലില്‍.
യു. എ. ഇ., ഒമാന്‍, ഗള്‍ഫ് സഹകരണ കൗണ്‍സിലിലെ മറ്റു രാജ്യങ്ങളിലേയും സംരംഭങ്ങള്‍ എല്ലാം ബുര്‍ജീല്‍ ഹോള്‍ഡിംഗ്സ് എന്ന ലോകത്തെ വലിയ ആരോഗ്യ ശൃംഖലകളില്‍ ഒന്നിന്‍റെ ഭാഗമാകും.
ലോക സാമ്പത്തിക ഫോറത്തിന്‍റെ സമ്മേളനത്തിലാണ് ബുര്‍ജീല്‍ ഹോള്‍ഡിംഗ്സ് എന്ന പുതിയ പദ്ധതിയുടെ പ്രഖ്യാപനം നടന്നത്.
Today, we unveiled our new company Burjeel Holdings which will expand quality and inclusive medical care to people around the world by consolidating the largest diagnostic network in the UAE into an integrated healthcare ecosytem. #WEF22 pic.twitter.com/txH4IkCkEx
— VPS Healthcare (@VPS_Health) May 23, 2022
വി. പി. എസ്. ഹെല്‍ത്ത് കെയറിന്‍റെ കീഴില്‍ ഉള്ള സ്ഥാപനങ്ങളുടെ പ്രവര്‍ത്തനങ്ങള്‍ പുതിയ കമ്പനി ബുര്‍ജീല്‍ ഹോള്‍ഡിംഗ്സ് ആയിരിക്കും ഏകോപിപ്പിക്കുക. ബുര്‍ജീല്‍ ഹോസ്പിറ്റല്‍സ്, മെഡിയോര്‍ ഹോസ്പിറ്റല്‍സ്, എല്‍. എല്‍. എച്ച്. ഹോസ്പിറ്റല്‍സ്, ലൈഫ് കെയര്‍ ഹോസ്പിറ്റല്‍സ്, തജ്മീല്‍ എന്നിവയെല്ലാം ഈ സംരംഭത്തിനു കീഴിലാകും.
ഒറ്റ സംവിധാനത്തിനു കീഴില്‍ എല്ലാ മേഖലകളിലേയും പ്രവര്‍ത്തനം ഏകോപിപ്പിക്കുവാന്‍ ബുര്‍ജീല്‍ ഹോള്‍ഡിംഗ്സിലൂടെ സാധിക്കും എന്ന് ഡോ. ഷംഷീര്‍ വയലില്‍ പറഞ്ഞു.
