കൊവിഡ് വാക്സിന്‍ : ജോണ്‍സൺ & ജോൺസൺ പരീക്ഷണം നിർത്തി വെച്ചു

October 13th, 2020

covid-19-vaccine-ePathram
കൊവിഡ് പ്രതിരോധത്തിനായി വികസിപ്പിച്ച ജോണ്‍സൺ ആൻഡ് ജോൺസൺ കമ്പനി യുടെ വാക്സിന്‍ പരീക്ഷണം നിർത്തി വെച്ചു. കുത്തി വെപ്പ് നടത്തിയ ഒരാളിൽ വിപരീത ഫലം കണ്ടതിനാല്‍ താൽകാലികമായി പരീക്ഷണം നിർത്തി വെക്കുന്നു എന്ന് കമ്പനി അറിയിച്ചതായി മാധ്യമങ്ങള്‍ റിപ്പോര്‍ട്ട് ചെയ്തു.

കൊവിഡ് വാക്സിന്‍ സ്വീകരിച്ചതിനു ശേഷം ആ വ്യക്തി യുടെ ആരോഗ്യ നിലയില്‍ മാറ്റം കാണുക യായിരുന്നു. ഇദ്ദേഹത്തിന് ബാധിച്ച രോഗം എന്താണ് എന്ന് വ്യക്ത മായിട്ടില്ല. ജോൺസൺ ആൻഡ് ജോൺസൺ കമ്പനി യുടെ Ad26. Cov2.S. എന്ന മരുന്നിന്റെ പരീക്ഷണം അവസാന ഘട്ടത്തിലേക്കു കടന്നത് സെപ്റ്റംബര്‍ അവസാന വാര ത്തില്‍ ആയിരുന്നു.

അമേരിക്ക, അർജൻറീന, ബ്രസീൽ, ചിലി, കൊളം ബിയ, മെക്സികോ, പെറു, സൗത്ത് ആഫ്രിക്ക തുടങ്ങിയ രാജ്യ ങ്ങളില്‍ നിന്നുമായി 60,0000 പേരിലാണ് അവസാന ഘട്ട പരീക്ഷണം നടക്കുന്നത്.

- pma

വായിക്കുക: , , , ,

Comments Off on കൊവിഡ് വാക്സിന്‍ : ജോണ്‍സൺ & ജോൺസൺ പരീക്ഷണം നിർത്തി വെച്ചു

ഉമിനീർ പരിശോധിച്ച് കൊവിഡ് ബാധ കണ്ടെത്തുവാൻ സംവിധാനം

October 7th, 2020

covid-19-saliva-based-home-testing-kit-developed-ePathram ന്യൂഡൽഹി : ഉമിനീരിൽ നിന്നും ഒരു മണിക്കൂർ സമയം കൊണ്ട് കൊവിഡ് ബാധ കണ്ടെ ത്തുവാൻ സംവിധാനം ഒരുക്കി ജാമിയ മിലിയ ഇസ്‌ലാമിയ യിലെ ഗവേഷകർ. ഇവിടെ വികസിപ്പിച്ച പരി ശോധനാ കിറ്റ് ഉപയോഗിച്ച് ആളു കൾക്ക് വീട്ടിൽ വെച്ചു തന്നെ കൊവിഡ് പരിശോധന നടത്തുവാൻ കഴിയും.

വൈറസ് ബാധിതർ വീടിനു പുറത്തിറങ്ങി മറ്റുള്ളവരു മായി സമ്പര്‍ക്ക ത്തില്‍ ഏര്‍പ്പെടു വാനുള്ള സാഹചര്യം ഒഴിവാക്കുവാൻ കഴിയും എന്നതും ജെ. എം. ഐ. വികസിപ്പിച്ച കൊവിഡ് ടെസ്റ്റ് കിറ്റിന്റെ സവിശേഷത യാണ്.

എം. ഐ.- സെഹാത് (മൊബൈൽ ഇന്റഗ്രേറ്റഡ് സെൻ സിറ്റീവ് എസ്റ്റിമേഷൻ ആൻഡ്‌ ഹൈ-സ്പെസി ഫിസിറ്റി ആപ്ലിക്കേഷൻ ഫോർ ടെസ്റ്റിംഗ്) സാങ്കേതിക വിദ്യ യിലാണ് കിറ്റി ന്റെ പ്രവർത്തനം. പരിശോധനക്ക് വിധേയര്‍ ആയവരെ മൊബൈൽ ആപ്ലിക്കേഷൻ വഴി പരിശോധന ഫലം അറിയി ക്കുവാനും സംവിധാനം ഒരുക്കിയിട്ടുണ്ട്.

ജെ. എം. ഐ. യിലെ മൾട്ടി ഡിസിപ്ലിനറി സെന്റർ ഫോർ അഡ്വാൻസ്ഡ് റിസർച്ച് & സ്റ്റഡീസിലെ (എം. സി. എ. ആർ.‌ എസ്.) ഗവേഷകരും മറ്റ് സ്ഥാപന ങ്ങളിലെ സാങ്കേതിക വിദഗ്ധരും കിറ്റ് വികസിപ്പിക്കുന്നതിൽ പങ്കാളികളായി.

- pma

വായിക്കുക: , , , , , ,

Comments Off on ഉമിനീർ പരിശോധിച്ച് കൊവിഡ് ബാധ കണ്ടെത്തുവാൻ സംവിധാനം

കൊവിഡ് ചികിത്സ : ആയുര്‍വേദവും യോഗ യും ഫലപ്രദം എന്ന് ആയുഷ് മന്ത്രാലയം

October 7th, 2020

ayurveda-and-yoga-treatment-for-covid-ePathram
ന്യൂഡൽഹി : ആയുര്‍വ്വേദ മരുന്നു കളും യോഗ യും അടിസ്ഥാനമാക്കി കൊവിഡ് ചികിത്സ ക്കു വേണ്ടി യുള്ള മാര്‍ഗ്ഗ രേഖ ആരോഗ്യ വകുപ്പു മന്ത്രി ഡോ. ഹര്‍ഷ വര്‍ദ്ധന്‍ പുറത്തിറക്കി.

കൊവിഡ് വൈറസ് ബാധ നേരിടാന്‍ ശരീരത്തിന്റെ പ്രതിരോധ സംവിധാനം കൂടുതൽ ശക്തിപ്പെടുത്തണം എന്നാണ്ആയുഷ് മന്ത്രാലയം പുറത്തിറക്കിയ മാര്‍ഗ്ഗ രേഖ അടിവരയിടുന്നത്.

പനി, ശ്വാസതടസ്സം, തൊണ്ട വേദന, തളർച്ച തുടങ്ങിയ കൊവിഡ് ലക്ഷണങ്ങൾ നേരിടുവാ നുള്ള നടപടി ക്രമ ങ്ങള്‍ ആയുഷ് മാർഗ്ഗ രേഖയിൽ പറയുന്നുണ്ട്. രോഗ പ്രതി രോധ ശേഷി വർദ്ധിപ്പിക്കുവാനും ശ്വസന പ്രക്രിയ കൂടുതല്‍ മെച്ചപ്പെടു ത്തുവാനും യോഗ ചെയ്യാൻ രോഗി കളോട് നിർദ്ദേശിക്കാം.

ചിറ്റമൃത് എന്ന പേരില്‍ നമ്മുടെ നാട്ടില്‍ ലഭിക്കുന്ന ഗുളീചി ഘനവടികയും തിപ്പലി അല്ലെങ്കിൽ ആയുഷ്-64 ഗുളിക, അശ്വഗന്ധ ഗുളിക /ചൂര്‍ണ്ണം, ച്യവന പ്രാശം തുടങ്ങിയവ കൊവിഡ് പ്രതിരോധ ത്തിനായി നിത്യവും ഉപയോഗിക്കാം.

മഞ്ഞളും ഉപ്പും ചൂടു വെള്ള ത്തിൽ ചേർത്ത് തൊണ്ട യിൽ എത്തും വിധം വായിൽ ക്കൊള്ളുക, ത്രിഫല, ഇരട്ടി മധുരം എന്നിവ ചേർത്ത് വെള്ളം തിളപ്പിച്ച് വായിൽ ക്കൊള്ളുക, ചൂടു വെള്ളം കുടിക്കുക തുടങ്ങിയവയും ആയുഷ് മന്ത്രാലയ ത്തിന്റെ നിര്‍ദ്ദേശങ്ങളില്‍ ഉള്‍ക്കൊള്ളിച്ചിട്ടുണ്ട്.

കൊവിഡ് ബാധിച്ചവരും എന്നാല്‍ രോഗ ലക്ഷണങ്ങള്‍ ഇല്ലാത്ത വര്‍ക്കും നേരിയ ലക്ഷണം ഉള്ളവര്‍ക്കും ഈ ചികില്‍സ ഫലപ്രദമാകും.

* Press Release : AYUSH MINISTRY , Twitter 

- pma

വായിക്കുക: , , , , ,

Comments Off on കൊവിഡ് ചികിത്സ : ആയുര്‍വേദവും യോഗ യും ഫലപ്രദം എന്ന് ആയുഷ് മന്ത്രാലയം

ഹെപ്പറ്റൈറ്റിസ്-സി വൈറസ് കണ്ടെത്തിയവർക്ക് നോബൽ സമ്മാനം

October 5th, 2020

logo-nobel-prize-ePathram
സ്‌റ്റോക്‌ഹോം : വൈദ്യ ശാസ്ത്രത്തിനുള്ള നോബല്‍ പുരസ്കാരം മൂന്നു പേർ പങ്കിട്ടു. ഹെപ്പറ്റൈറ്റിസ്-സി വൈറസിനെ കണ്ടെത്തി യതിനാണു പുരസ്കാരം. യു. എസ്. പൗരന്മാ രായ ഹാർവി ജെ. ആൾട്ടർ, ചാൾസ് എം. റൈസ്, ബ്രിട്ടിഷ് പൗരൻ മൈക്കിൾ ഹഫ്ടൻ എന്നിവ രാണ് നോബല്‍ സമ്മാന ജേതാക്കള്‍.

ഹെപ്പറ്റൈറ്റിസ് – എ, ബി വൈറസുകളെ കണ്ടെത്തി യിരുന്നു എങ്കിലും രക്ത വുമായി ബന്ധപ്പെട്ട രോഗ ബാധ യുടെ മൂല കാരണം തിരിച്ചറിഞ്ഞിരുന്നില്ല. ഈ ഗവേഷ കരുടെ പുതിയ കണ്ടെത്തലുകള്‍ ഹെപ്പറ്റൈറ്റിസ് – സി വൈറസിനെ കുറിച്ചുള്ള കൂടുതല്‍ വിവര ങ്ങളും പരി ശോധനാ മാര്‍ഗ്ഗ ങ്ങളും മരുന്നു കളും കണ്ടു പിടി ക്കുന്ന തിനും സാധിച്ചുഎന്ന് പുരസ്കാര സമിതി വിലയിരുത്തി.

* Image Credit : Twitter Page

- pma

വായിക്കുക: , , ,

Comments Off on ഹെപ്പറ്റൈറ്റിസ്-സി വൈറസ് കണ്ടെത്തിയവർക്ക് നോബൽ സമ്മാനം

അടുത്ത വര്‍ഷം പകുതിയോടെ 25 കോടി യോളം ആളുകള്‍ക്ക് കൊവിഡ് വാക്‌സിന്‍ ലഭ്യമാക്കും 

October 5th, 2020

covid-19-vaccine-available-india-on-july-2021-to-cover-25-crore-people-ePathram
ന്യൂഡല്‍ഹി : 2021 ജൂലായ് മാസത്തോടെ ഇന്ത്യയില്‍ 25 കോടിയോളം ആളുകള്‍ക്ക് കൊവിഡ് വാക്‌സിന്‍ ലഭ്യമാക്കും എന്ന് കേന്ദ്ര ആരോഗ്യ വകുപ്പു മന്ത്രി ഡോ. ഹര്‍ഷ വര്‍ദ്ധന്‍. 40 കോടി മുതല്‍ 50 കോടി യോളം വാക്‌സിനാണ് സര്‍ക്കാര്‍ വാങ്ങി വിതരണം ചെയ്യാന്‍ ഉദ്ദേശിക്കുന്നത് എന്നും സണ്‍ഡേ സംവാദ് എന്ന പ്രോഗ്രാ മില്‍ അദ്ദേഹം സൂചിപ്പിച്ചു.

വാക്സിന്‍ ലഭിക്കുന്നതിന്ന് വേണ്ടിയുള്ള നടപടികള്‍ക്ക് തുടക്കം കുറിച്ചു കഴിഞ്ഞു. കേന്ദ്ര സര്‍ക്കാര്‍ വാക്‌സിന്‍ സംഭരിക്കുയും വളരെ അത്യാവശ്യമുള്ള വരിലേക്ക് തന്നെ മരുന്ന് എത്തുന്നു എന്ന് ഉറപ്പു വരുത്തുകയും ചെയ്യും. മുന്‍കൂട്ടി തീരുമാനിച്ചതു പ്രകാരം തന്നെ മുന്‍ ഗണനാ അടിസ്ഥാന ത്തില്‍ വാക്‌സിന്‍ വിതരണം ചെയ്യും.

കൊവിഡ് വാക്സി ന്റെ ഓരോ ഡോസും അര്‍ഹതപ്പെട്ട വരിലേക്ക് കൃത്യമായി എത്തുന്നു എന്നും വഴി മാറി കരിഞ്ചന്ത യിലേക്ക് പോകുന്നില്ല എന്നും സര്‍ക്കാര്‍ ഉറപ്പു വരുത്തും. കൊവിഡ് ബാധിതരിലെ ഹൈ റിസ്‌ക് വിഭാഗം ആളുകളെ കണ്ടെത്തുവാന്‍ കേന്ദ്ര സര്‍ ക്കാര്‍ ശ്രമിക്കുന്നു. ഇതിന് സംസ്ഥാനങ്ങളുടെ സഹായം ആവശ്യമാണ്.

കൊവിഡ് പ്രതിരോധ പ്രവര്‍ത്തന രംഗത്തെ ആരോഗ്യ പ്രവര്‍ത്തകര്‍ ഉള്‍പ്പെടെ ഉള്ളവരുടെ പട്ടിക ഈ മാസം അവസാനത്തോടെ കേന്ദ്ര ത്തിനു നല്‍കാന്‍ ആവശ്യപ്പെട്ടി ട്ടുണ്ട് എന്നും അദ്ദേഹം പറഞ്ഞു.

- pma

വായിക്കുക: , , , ,

Comments Off on അടുത്ത വര്‍ഷം പകുതിയോടെ 25 കോടി യോളം ആളുകള്‍ക്ക് കൊവിഡ് വാക്‌സിന്‍ ലഭ്യമാക്കും 

Page 20 of 42« First...10...1819202122...3040...Last »

« Previous Page« Previous « ബാബരി മസ്ജിദ് തകര്‍ത്ത കേസില്‍ എല്ലാവരേയും വെറുതെ വിട്ടു
Next »Next Page » കുട്ടികളുടെ അശ്ലീല ദൃശ്യങ്ങള്‍ പ്രചരിപ്പിച്ചവര്‍ക്ക് എതിരെ നിയമ നടപടി »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha