പള്ളികള്‍ക്ക് സമീപം പെയ്ഡ് പാർക്കിംഗ് നിലവിൽ വന്നു

August 1st, 2025

parkin-paid-parking-around-dubai-mosques-areas-jumeira-masjid-ePathram
ദുബായ് : നിസ്കാര സമയത്ത് മാത്രം ദുബായിലെ മസ്ജിദുകൾക്ക് ചുറ്റും ഉള്ള വാഹന പാർക്കിംഗ് സൗജന്യ സംവിധാനം നില നിർത്തി കൊണ്ട് പുതിയ നിയമം പ്രാബല്യത്തിൽ വന്നു. ഇത് പ്രാർത്ഥനക്കായി പള്ളി കളിൽ എത്തുന്നവർക്ക് പാർക്കിംഗിനുള്ള ലഭ്യത വർദ്ധിപ്പിക്കും.

പാര്‍ക്കിംഗ് സേവനങ്ങള്‍ നല്‍കുന്ന പാർക്കിൻ കമ്പനി ഇസ്‌ലാമിക് അഫയേഴ്‌സ് & ചാരിറ്റബിള്‍ ആക്ടിവിറ്റീസ് ഡിപ്പാര്‍ട്ട്‌ മെന്റുമായി ഇതു സംബന്ധിച്ച് കരാറില്‍ ഒപ്പു വച്ചു.

vehicle-parking-in-dubai-roads-with-parkin-ePathram

ദുബായിലെ പാർക്കിൻ കമ്പനിയുടെ അധീനതയിൽ ഉള്ള എല്ലാ ഇടങ്ങളിലും 24 മണിക്കൂര്‍ പെയ്ഡ് പാർക്കിംഗ് സംവിധാനം 2025 ആഗസ്റ്റ് ഒന്ന് മുതല്‍ പ്രവര്‍ത്തിച്ചു തുടങ്ങും.

പള്ളികൾക്ക് സമീപം നിസ്കാര സമയങ്ങളിൽ ഒരു മണിക്കൂർ സൗജന്യ പാർക്കിംഗ് അനുവദിക്കും എന്നും ബന്ധപ്പെട്ടവർ  അറിയിച്ചു.

ദുബായിലെ 59 പള്ളികളിലെ 2100 വാഹന പാര്‍ക്കിംഗ് സ്ഥലങ്ങള്‍ പാർക്കിൻ കമ്പനി കൈകാര്യം ചെയ്യും. ഈ പാര്‍ക്കിംഗ് സ്ഥലങ്ങള്‍ സോണ്‍ എം (സ്റ്റാന്‍ഡേര്‍ഡ്) അല്ലെങ്കില്‍ സോണ്‍ എം. പി. (പ്രീമിയം) ആയി അറിയപ്പെടും.

ആഴ്ചയില്‍ ഏഴ് ദിവസവും 24 മണിക്കൂറും ഫീസ് ഈടാക്കും. 59 പാർക്കിംഗ് ഏരിയകളില്‍ 41 എണ്ണം സോണ്‍ എമ്മിലും 18 എണ്ണം സോണ്‍ എം. പി. യിലും ആയിരിക്കും.

- pma

വായിക്കുക: , , ,

Comments Off on പള്ളികള്‍ക്ക് സമീപം പെയ്ഡ് പാർക്കിംഗ് നിലവിൽ വന്നു

ജൂൺ 27 വെള്ളിയാഴ്ച യു. എ. ഇ. യിൽ പൊതു അവധി

June 17th, 2025

crescent-moon-ePathram
അബുദാബി : ഹിജ്‌റ പുതു വർഷം പ്രമാണിച്ച് യു. എ. ഇ. സ്വകാര്യ മേഖലയിലെ ജീവനക്കാർക്ക് 2025 ജൂൺ 27 വെള്ളിയാഴ്ച ശമ്പളത്തോടു കൂടിയ അവധി നൽകി എന്ന് ഫെഡറൽ അതോറിറ്റി ഫോർ ഗവൺമെന്റ് ഹ്യുമൻ റിസോഴ്‌സസും മാനവ വിഭവ ശേഷി, സ്വദേശി വത്കരണ മന്ത്രാലയവും അറിയിച്ചു.

വെള്ളിയാഴ്ച അവധി ലഭിക്കുന്നതോടെ ശനിയാഴ്ചയും ഞായറാഴ്ചയും വാരാന്ത്യ അവധിയുള്ള ജീവനക്കാർക്ക് മൂന്നു ദിവസം അവധി ലഭിക്കും. ജൂൺ 30 തിങ്കളാഴ്ച മുതൽ പ്രവർത്തനം പുനരാരംഭിക്കും.

ഇസ്‌ലാമിക ചരിത്രത്തിലെ പ്രധാന സംഭവങ്ങളിൽ ഒന്നാണ് പ്രവാചകനായ മുഹമ്മദ് നബി (സ) മക്കയിൽ നിന്നും മദീനയിലേക്ക് പലായനം ചെയ്ത ഹിജ്‌റ. ചന്ദ്ര മാസ കലണ്ടറിലെ ആദ്യ മാസമായ മുഹർറം ആരംഭിക്കുന്നത് ഈ ദിനത്തിലാണ്. MoHRE_UAE

- pma

വായിക്കുക: , , , ,

Comments Off on ജൂൺ 27 വെള്ളിയാഴ്ച യു. എ. ഇ. യിൽ പൊതു അവധി

മനുഷ്യരെ ഒന്നായി കണ്ട മാര്‍പാപ്പ: അബുദാബി കെ. എം. സി. സി.

April 22nd, 2025

pope-francis-sign-human-fraternity-meet-abudhabi-ePathram
അബുദാബി : ലോകത്തെ എല്ലാ മനുഷ്യരെയും സ്‌നേഹത്തിന്റെ സവിശേഷ കണ്ണിലൂടെ നോക്കി ക്കണ്ടൊരു വിശുദ്ധ നേതാവ് ആയിരുന്നു ഫ്രാന്‍സിസ് മാര്‍പാപ്പ. അദ്ദേഹത്തിന്റെ വിയോഗത്തിലൂടെ ലോക ജനതക്ക് സമാധാന നായകനെയാണ് നഷ്ടമായത് എന്നും അബുദാബി കെ. എം. സി. സി. കമ്മിറ്റി.

വത്തിക്കാനിലെ തന്റെ ശ്രേഷ്ഠ പദവിയിലൂടെ കാരുണ്യവും കരുതലുമാണ് അദ്ദേഹം ലോകത്തിനു പകര്‍ന്നു നല്‍കിയത്.

അധികാരത്തിന്റെയും അധീശത്വത്തിന്റെയും പേരില്‍ രക്തച്ചൊരിച്ചിലുകള്‍ നടക്കുന്ന കാലത്ത് അരുത് എന്ന് സ്‌നേഹത്തോടെ പറയാന്‍ ലോകത്തിന് ഒരു മാര്‍പാപ്പ ഉണ്ടായിരുന്നു.

ഇന്നലെ ആ വിളക്കണഞ്ഞതോടെ ക്രൈസ്തവ സമൂഹം മാത്രമല്ല, സമാധാന ലോകവും ഒരു പകരക്കാരനു വേണ്ടി കാത്തിരിക്കുകയാണ് എന്നും അബുദാബി കെ. എം. സി. സി. പ്രസിഡണ്ട് ഷുക്കൂറലി കല്ലുങ്ങല്‍, ജനറല്‍ സെക്രട്ടറി സി. എച്ച്. യൂസുഫ് മാട്ടൂല്‍, ട്രഷറര്‍ പി. കെ. അഹമ്മദ് എന്നിവര്‍ അനുശോചന സന്ദേശ ത്തില്‍ പറഞ്ഞു. മാര്‍പാപ്പ കൊളുത്തിവച്ച സ്‌നേഹ വിളക്ക് എന്നും അണയാതെ ജ്വലിച്ചു നില്‍ക്കും എന്നും കെ. എം. സി. സി. നേതാക്കള്‍ അനുസ്മരിച്ചു.

- pma

വായിക്കുക: , , ,

Comments Off on മനുഷ്യരെ ഒന്നായി കണ്ട മാര്‍പാപ്പ: അബുദാബി കെ. എം. സി. സി.

മാർപാപ്പയുടെ വിയോഗത്തിൽ രാഷ്ട്ര നേതാക്കൾ അനുശോചിച്ചു

April 22nd, 2025

sheikh-muhammed-receive-pope-francis-ePathram
അബുദാബി : ആഗോള കത്തോലിക്കാ സഭയുടെ തലവന്‍ ഫ്രാൻസിസ് മാർപാപ്പയുടെ വിയോഗത്തിൽ യു. എ. ഇ. ഭരണാധികാരികൾ അനുശോചനം രേഖപ്പെടുത്തി.

സമാധാന പരമായ സഹവർത്തിത്വത്തിന്റെയും ധാരണയുടെയും തത്വങ്ങൾ പ്രോത്സാഹിപ്പിക്കുന്ന തിനായി തന്റെ ജീവിതം സമർപ്പിച്ച ഫ്രാൻസിസ് മാർപാപ്പയുടെ വിയോഗത്തിൽ ലോകം എമ്പാടുമുള്ള കത്തോലിക്കർക്ക് അനുശോചനം അറിയിക്കുന്നു. അദ്ദേഹത്തിന് നിത്യശാന്തി ലഭിക്കട്ടെ. എന്ന് യു. എ. ഇ. പ്രസിഡണ്ട് ശെെഖ് മുഹമ്മദ് ബിൻ സായിദ് അൽ നഹ്യാൻ എക്‌സിൽ കുറിച്ചു.

എണ്ണമറ്റ ജീവിതങ്ങളെ സ്പർശിച്ച മഹാനായ നേതാവ് ആയിരുന്ന ഫ്രാൻസിസ് മാർപാപ്പയുടെ വിയോഗ ത്തിൽ ഞങ്ങൾ അതീവ ദുഃഖിതരാണ്. എളിമയുടെയും മതാന്തര ഐക്യത്തിന്റെയും അദ്ദേഹത്തിന്റെ പാരമ്പര്യം ലോകം എമ്പാടുമുള്ള നിരവധി സമൂഹ ങ്ങൾക്ക് പ്രചോദനമായി തുടരും.

അനുശോചന സന്ദേശത്തിൽ യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധി കാരിയുമായ ശൈഖ് മുഹമ്മദ് ബിൻ റാഷിദ് അൽ മഖ്‌തൂം അറിയിച്ചു.

2016 സെപ്റ്റംബർ 15 ന് വത്തിക്കാൻ സന്ദർശിച്ചിരുന്ന ശൈഖ് മുഹമ്മദ് ബിൻ സായിദ് അൽ നഹ്യാൻ ഫ്രാൻസിസ് മാർപാപ്പയുമായി കൂടിക്കാഴ്ച നടത്തുകയും അദ്ദേഹത്തെ രാജ്യത്തേക്ക് ക്ഷണിക്കുകയും ചെയ്തു. 2019 ഫെബ്രുവരിയിലാണ് ഫ്രാൻസിസ് മാർപ്പാപ്പ യു. എ. ഇ. സന്ദർശിച്ചത്. മൂന്നു ദിവസത്തെ മാർപ്പാപ്പ യുടെ സന്ദർശനം യു. എ. ഇ. യുടെ ചരിത്രത്തിലെ വേറിട്ട ഒരു അദ്ധ്യായം ആയി മാറി.

Image Credit : FaceBook 

 

- pma

വായിക്കുക: , , , , ,

Comments Off on മാർപാപ്പയുടെ വിയോഗത്തിൽ രാഷ്ട്ര നേതാക്കൾ അനുശോചിച്ചു

ആഗോള കത്തോലിക്കാ സഭയുടെ തലവന്‍ ഫ്രാന്‍സിസ് മാര്‍പാപ്പ വിട വാങ്ങി

April 21st, 2025

vatican-pope-francis-ePathram
റോം : ദൈവ സ്‌നേഹം എല്ലാ മനുഷ്യര്‍ക്കും ഒരു പോലെ അവകാശപ്പെട്ടതാണ്‌ എന്നും ആര്‍ക്കും അതു തടയാന്‍ പാടില്ല എന്നും ലോകത്തോടു വിളിച്ചു പറഞ്ഞ ഫ്രാന്‍സിസ് മാര്‍പാപ്പ (88) ദിവംഗതനായി. ഏപ്രിൽ 21 തിങ്കളാഴ്ച  പ്രാദേശിക സമയം രാവിലെ 7 : 35 നു വത്തിക്കാനിലെ വസതിയില്‍ വെച്ചായിരുന്നു അന്ത്യം എന്നും വത്തിക്കാൻ അറിയിച്ചു.

അര്‍ജന്റീനയിലെ ബ്യൂണസ് ഐറിസില്‍ നിന്നുള്ള കർദ്ദിനാള്‍ ഹോര്‍ഹെ മാരിയോ ബെര്‍ഗോളിയോ, 2013 മാര്‍ച്ച് 13 ന് ആയിരുന്നു കത്തോലിക്കാ സഭയുടെ 266-ാമത്‌ മാര്‍പാപ്പ യായി തെരഞ്ഞെടുക്കപ്പെട്ടത്.

അന്നത്തെ പോപ്പ് ബെനഡിക്ട് പതിനാറാമന്‍ മാര്‍പാപ്പ 2013 ഫെബ്രുവരി 28 ന് രാജി വെച്ചതിനെ തുടര്‍ന്നാണ് സ്ഥാനാരോഹണം. ലാറ്റിന്‍ അമേരിക്കയില്‍ നിന്നുള്ള ആദ്യ മാർപാപ്പയായിരുന്നു പോപ്പ് ഫ്രാൻസിസ്.

1936 ഡിസംബര്‍ ഏഴിനായിരുന്നു ജനനം. 1958 ൽ ഈശോ സഭയില്‍ ചേര്‍ന്നു. 1969 ഡിസംബര്‍ 13 ന് പൗരോഹിത്യം സ്വീകരിച്ചു. 2001 ഫെബ്രുവരി ഒന്നിന് കര്‍ദ്ദിനാള്‍ ആയി. 731–741 കാല ഘട്ടത്തിലെ, സിറിയ യിൽ നിന്നുള്ള ഗ്രിഗറി മൂന്നാമനു ശേഷം യൂറോപ്പിനു പുറത്തു നിന്നുളള മാർപാപ്പയായിരുന്നു അദ്ദേഹം.

 

 

- pma

വായിക്കുക: , ,

Comments Off on ആഗോള കത്തോലിക്കാ സഭയുടെ തലവന്‍ ഫ്രാന്‍സിസ് മാര്‍പാപ്പ വിട വാങ്ങി

Page 2 of 7312345...102030...Last »

« Previous Page« Previous « എം. കെ. അബ്ദുൽ റഹ്‌മാൻ : കർമ്മ ഭൂമികയിൽ തന്നെ മടക്കയാത്ര
Next »Next Page » രണ്ടാമത് മാമുക്കോയ പുരസ്കാരം പ്രഖ്യാപിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha